Nakubaliana na wewe, sayansi (i.e analytical sciences) ni elimu ya utafiti kuhusu asili ya vitu vinavyotuzunguka.
Tunazungukwa na vitu vingi sana na sayansi haina uwezo wa kupata majibu ya kila kitu, ingawa tunaishi navyo katika maisha yetu ya kila siku.
Hoja yangu ni kwamba, sayansi isikurupuke kutoa hitimisho la imani ya kiroho (i.e Spiritual sciense). Wasikurupuke, hawana elimu ya kiroho.
Mambo ya kiroho yanahitaji pia elimu na akili ili kuyaelewa. Wanasayansi waendelee kufanya utafiti huku wakiwa na tumaini la kuwa Mungu yupo.
Hatuwezi kuachana na sayansi kwa kuwa ni sehemu ya maisha yetu. Vilevile hatuwezi kuachana na imani ya kiroho kwa kuwa pia ni sehemu ya maisha yetu.
Imani, ya kuwa Mungu yupo haitokani na vitabu kama unavyoamini. Inatokana na nguvu za kiroho ambazo ni za Mungu mwenyewe. Mambo ya kiroho ni ya Mungu mwenyewe, hayatokani na vitabu. Mungu alikuwapo hata kabla ya vitabu. Uwepo wa Mungu ulijulikana hata kabla ya hivyo vitabu vitakatifu. Hivyo vitabu vililetwa kwetu na watu wa Ulaya na Uarabuni. Je, kabla ya hivyo vitabu hatukumjua Mungu? Sio kweli.
Tujadili juu ya Mungu, sio vitabu.