Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Wasiovaa pete za ndoa kunyimwa komunio

Discussion in 'Mahusiano, mapenzi, urafiki' started by Fidel80, Mar 14, 2012.

  1. Fidel80

    Fidel80 JF-Expert Member

    #1
    Mar 14, 2012
    Joined: May 3, 2008
    Messages: 21,983
    Likes Received: 49
    Trophy Points: 145
    WAUMINI wa Kanisa Katoliki Jimbo la Mpanda waliofunga ndoa kanisani wametakiwa kuvaa pete zao za ndoa muda wote, ili kuendeleza kiapo cha Agano Takatifu la Ndoa, la sivyo hawataruhusiwa kupokea Komunio Takatifu kanisani humo.

    Uamuzi huo umetolewa na Paroko Msaidizi wa Kanisa hilo, Padri Cletus Bafumeko, wakati akitoa mahubiri yake katika Ibada ya Jumapili iliyopita.

    Huku akishangiliwa kwa vigelegele na waumini waliofurika kanisani humo, Padri Bafumeko alitoa karipio kuwa atahakikisha katika kila ibada, wanandoa wote wasio na pete zao za ndoa vidoleni, wanazuiwa kushiriki Sakramenti Takatifu.

    Alisema amelazimika kutoa karipio hilo, kutokana na tabia ya waumini wengi wenye ndoa, kuzoea kuacha pete zao za ndoa wanapokuwa mitaani. Kwa mujibu wa Padri Bafumeko, lengo la waumini hao ni kuonekana mbele za watu kuwa hawana wenzi waliofunga nao ndoa kwa lengo la kujitafutia ‘nyumba ndogo’.

    “Sasa tabia hiyo imeendelea kukomaa katika jamii ya waumini wengi wa Kanisa hili na hata wa makanisa mengine, kushindwa kushika kiapo cha Agano Takatifu la Ndoa, kwa kukwepa kuvaa pete za ndoa vidoleni na kusababisha maadili ya ndoa kuporomoka katika jamii.


    “Imekuwa sasa kama ni tabia ya waumini wa Kanisa hili, hususani wanandoa, kuvaa pete za ndoa wanapokuwa majumbani, lakini wanapotoka nje ya nyumba, pete huvuliwa na kuwekwa mifukoni au mikobani.

    “Nimechunguza sana vidole vyenu ninapokutana nanyi wanandoa mitaani, nikaamua kuangalia hata mnapokuja hapa kanisani, hamvai pete zenu za ndoa kabisa, licha ya kuwa zimebarikiwa kabla ya kukabidhiwa kanisani, ni ishara ya kukosa uaminifu,” alisema Padri Bafumeko.

    Alisema katika jamii nyingine, ishara ya kuvunjika ndoa ni kuvua pete na tendo la kuvua pete hiyo huwa ni mwisho wa uhusiano baina ya wanandoa hao.

    Hivi karibuni, Kanisa Katoliki limekuwa likibuni mbinu mbalimbali za kurejesha maadili ya waumini wake, ikiwamo ya kuwavisha kaniki wanaokwenda kanisani na vimini, mavazi ya kuacha matiti nje na milegezo.

    Parokia kadhaa za Kanisa Katoliki zilitangaza kuandaa mpango wa kuwavisha vazi la kaniki waumini hao ili kukomesha uvaaji mbovu unaokwenda kinyume cha maadili.

    Paroko wa Msewe, Dar es Salaam, Padri Piero Clavero na viongozi wa Baraza la Walei katika Parokia hiyo ndio waliotoa tangazo hilo siku chache zilizopita.

    Mwenyekiti Msaidizi wa Parokia, Benedict Fungo, alikiri kutolewa kwa tangazo hilo na kudai kuwa halina lengo la kumfukuza mtu kanisani, bali kurejesha nidhamu.

    “Ni kweli tulitangaza, lakini hatukulenga kufukuza watu kanisani, lengo ni kurejesha maadili kwa waumini hasa vijana, unajua kanisani ni nyumba ya ibada, mtu anakwenda kupokea Ekaristi, ameacha matiti nje, wamevaa nguo zinaitwa za kupiga jeki, tukumbuke na mapadri ni binadamu jamani,” alisema Fungo.

    Fungo, ambaye pia ni Mwenyekiti wa Kamati ya Liturjia ya Parokia yenye dhamana ya kusimamia maadili, alisema baada ya tangazo hilo, yametokea mabadiliko makubwa na hakuna aliyevishwa kaniki hadi sasa.

    Source:HabariLeo | Wasiovaa pete za ndoa kunyimwa komunio
     
  2. Kaizer

    Kaizer JF-Expert Member

    #2
    Mar 14, 2012
    Joined: Sep 16, 2008
    Messages: 23,950
    Likes Received: 524
    Trophy Points: 280
    Mpwa hapo nina mashaka kama wanaweza kulitekeleza hilo....sijaona uhusiano wa kuvaa pete na utayari wa kukomunika....hivi hapo anatumia sheria namba ngapi ya kanisa?
     
  3. King'asti

    King'asti JF-Expert Member

    #3
    Mar 14, 2012
    Joined: Nov 26, 2009
    Messages: 27,045
    Likes Received: 1,240
    Trophy Points: 280
    lol! wasiovaa pete utawajua tu!

    Well, kweli its possible Mpanda na Mfaranyaki tu, manake inabidi umjue muumini na mkewe. Si ajabu ni senior bachelor ( boss wangu alifariki at 59 yrs old single and still searching!).

     
  4. Fidel80

    Fidel80 JF-Expert Member

    #4
    Mar 14, 2012
    Joined: May 3, 2008
    Messages: 21,983
    Likes Received: 49
    Trophy Points: 145
    Haya mambo kanisa inabidi liyaangalie kwa mapana laweza kujipotezea mvuto watu wakatimukia kwenye ulokole.
    Hivi pete inauhusianno gani na upendo wa mtu moyoni?
     
  5. Mkirua

    Mkirua JF-Expert Member

    #5
    Mar 14, 2012
    Joined: Sep 9, 2010
    Messages: 5,658
    Likes Received: 5
    Trophy Points: 135
    du...hiii kali ya mwaka....
     
  6. afrodenzi

    afrodenzi Platinum Member

    #6
    Mar 14, 2012
    Joined: Nov 1, 2010
    Messages: 17,782
    Likes Received: 1,672
    Trophy Points: 280
    Dahhh kwa hiyo ukifika hapo mbele unapigwa maswali kwanza ..
    Ni udhalilishaji kwa kweli.
     
  7. Kongosho

    Kongosho JF-Expert Member

    #7
    Mar 14, 2012
    Joined: Mar 21, 2011
    Messages: 36,152
    Likes Received: 177
    Trophy Points: 145
    Watakuwa wanakomunika kwa atendensi?
    Not realistic!
     
  8. Fidel80

    Fidel80 JF-Expert Member

    #8
    Mar 14, 2012
    Joined: May 3, 2008
    Messages: 21,983
    Likes Received: 49
    Trophy Points: 145
    Hili linalishusha hadhi kanisa katoliki maaskofu waliangalie kwa mapana hakuna msafi duniani hapa
     
  9. Kongosho

    Kongosho JF-Expert Member

    #9
    Mar 14, 2012
    Joined: Mar 21, 2011
    Messages: 36,152
    Likes Received: 177
    Trophy Points: 145
    Hongera kwa kurudi AD
    Almanusura siku hiyo na mie nianze yale mambo yetu lol.

    Missed you!
     
  10. ossy

    ossy JF-Expert Member

    #10
    Mar 14, 2012
    Joined: Apr 7, 2011
    Messages: 866
    Likes Received: 14
    Trophy Points: 35
    mchungaji kachemka,angetafuta njia nyingine si hiyo,watu wanavaa pete na bado wananyumba ndogo za kumwaga,bahati mbaya sana nyumba ndogo nyingi zinapenda wavaa pete.....
     
  11. Kongosho

    Kongosho JF-Expert Member

    #11
    Mar 14, 2012
    Joined: Mar 21, 2011
    Messages: 36,152
    Likes Received: 177
    Trophy Points: 145
    Wewe, hili haliwezi shusha hadhi
    Akchwali linapandisha hadhi.

    Sasa unataka upokee sakrament na mawaa?
    Ni wajibu wa mapadri kujaribu kurudishwa wanakondoo wao kundini kadiri wawezavyo

    Na hii ni kuwasisitiza waumini wavae pete zao za ndoa
    Mbona kunyimwa kukomunika kwa kanisa katoliki ni kawaida kabisa?
    Mfano, kama ukiongeza mke wa pili au pamanent small hausi

     
  12. Fidel80

    Fidel80 JF-Expert Member

    #12
    Mar 14, 2012
    Joined: May 3, 2008
    Messages: 21,983
    Likes Received: 49
    Trophy Points: 145
    Nacho amini chini ya jua hakuna msafi hii ni ubaguzi wa kiroho kwani sote ni binadamu na ni wadhaifu
     
  13. Kaizer

    Kaizer JF-Expert Member

    #13
    Mar 14, 2012
    Joined: Sep 16, 2008
    Messages: 23,950
    Likes Received: 524
    Trophy Points: 280
    Halafu Mugglin, mbona sikujui/kufahamu hapa barazani? LOL

    Mi nimeisikia asubuhi kwen gazeti mojawapo, nikashangaa sana. Ati Paroko msaidizi 'anakutana nao mitaani' ..hizi enzi ya mapadri kukaa parokiani haipo tena....wanarenda mitaani kuangalia 'nani amevaa pete, nani hajavaa, nani mwanandoa, nani sio' kisha jumapili 'wanakagua' kanisani 'kama huna pete, usikomunike'......hili linawezekana huko mpanda ndo maana nikauliza kwa sheria gani?

    jambo jingine, wanawafilter vipi wenye pete lakini wanakomunika na huku wana nyumba ndogo...


    whatever
     
  14. Ms Judith

    Ms Judith JF-Expert Member

    #14
    Mar 14, 2012
    Joined: Dec 24, 2010
    Messages: 2,568
    Likes Received: 8
    Trophy Points: 135
    wapendwa,

    mi naona huyo paroko msaidizi hayuko mbali sana na ukweli.

    pete ni ishara tu ya upendo na uaminifu wa mmoja wa wanandoa kwa mwezake hadi kufa. wakati wa kufunga ndoa, mchungaji anapompa mwanandoa pete husema maneno kama:

    "pete hii iwe ukumbusho wa ahadi ya ndoa yako na pete hii iwe alama kwako ya kuwa mwaminifu kwa ndoa yako mpaka kufa"

    na bwana/bibi harusi anapoipokea humwambia mwenzake maneno kama:

    "pokea pete hii iwe ukumbusho wa alama ya ahadi ya ndoa hii na mimi na kuwa mwaminifu kwa ndoa hii mpaka kufa"

    najua zipo sababu mbalimbali za baadhi ya wanandoa kutozivaa pete zao. baadhi ya sababu zinazokubalika ni pamoja na:

    1.
    allergy ya madini yaliyotengeneza pete hiyo,

    2.
    kunenepa kunakosababisha pete kubana mno kidoleni,

    3.
    kukonda kunakosababisha pete kulegea na hata kudondoka na kupotea,

    4.
    jeraha au kidonda kidoleni,

    5.
    kazi mbalimbali kama kufua nguo kwa mikono, kutandika kitanda (hasa wakati wa kuchomekea mashuka kwenye mifumbati na vitakizo) n.k. zinaweza kusababisha pete ikakukata na kukusababishia jeraha au kidonda

    6. kupoteza ama kuibiwa

    7.
    sababu nyinginezo

    kwa maoni yangu, imani na uaminifu wa mtu uko moyoni mwake na si kwenye kidole chake wala kwenye ile pete. ile pete ni alama tu na ishara ya nje. pete inaweza kuleta hamasa na kuchochea mapenzi zaidi kwa wanandoa kwa kuwa inaonyesha mwezio karidhika na wewe na hahangaiki huko nje, lakini bado si hakikisho la hayo. kuna watu wamezivua hizo pete siku nyingi sana lakini wamebaki waaminifu kwa wenzao. bila kutetereka

    pia pete yaweza kuwa unafiki kwa wazinzi na watu wasio na heshima wala maadili kuivaa ili wapate kuheshimiwa na jamii kuwa wana familia ili watimize hila zao, huku ukweli ukiwa kinyume chake. mfano kuna wazazi wake kwa waume wana mapete makubwa ya gharama kubwa sana vidoleni huku hawana heshima kwa ndoa zaowala watoto wao, na wengine wamezitelekeza kabisa familia zao!

    suala la kuivua pete ya ndoa bila sababu za msingi, ni sawa na kuivua alama ya uaminifu wako na hivyo ni sawa na gari kutolewa plate number kisha likaingia barabarani. gari kama hilo hata wewe ukikutana nalo barabarani unaweza kulitilia shaka, hivyo naona paroko ana haki ya kusema aliyoyasema, ila kwa kuwanyima hiyo komunio kwa hilo pekee naona kama linaleta changamoto kubwa hata kwa huyo paroko mwenyewe.

    wapendwa, tujitahidi kuwa waaminifu kwa ndoa zetu hadi kifo kitutenganishe.

    mbarikiwe sana

    Glory to God!
     
  15. Kaizer

    Kaizer JF-Expert Member

    #15
    Mar 14, 2012
    Joined: Sep 16, 2008
    Messages: 23,950
    Likes Received: 524
    Trophy Points: 280
    Good Ms Judith, hapo ndipo na sisi tunasimamia kwamba pana mashiko kiasi gani? ndo maana naulizia namna ya utekelezaji wa hilo, na legitimacy yake kikanisa!
     
  16. afrodenzi

    afrodenzi Platinum Member

    #16
    Mar 14, 2012
    Joined: Nov 1, 2010
    Messages: 17,782
    Likes Received: 1,672
    Trophy Points: 280
    Hii imepitiliza sasa. Upate wale wenye imani finyu wanahama kanisa. Hata sikumoja Siamini kiongozi yeyote yule wa dini alazimishe watu kufanya Wao watakavyo ..
    Zingatia hapo ni watu wazima sasa si watoto wa Sunday school. Hii imekaa vibaya sana.
     
  17. afrodenzi

    afrodenzi Platinum Member

    #17
    Mar 14, 2012
    Joined: Nov 1, 2010
    Messages: 17,782
    Likes Received: 1,672
    Trophy Points: 280
    Asante mwahego.
    Nasubiri kwa hamu. :)
     
  18. E

    ESAM JF-Expert Member

    #18
    Mar 14, 2012
    Joined: Mar 15, 2011
    Messages: 959
    Likes Received: 20
    Trophy Points: 35
    Hakuna uhusiano kati ya pete na ndoa, mtu anaweza kuwa anavaa pete lakini ni mzinzi mkubw atu, ndiyo maana kanisani kwetu huwa hatuvalishani pete kabisa
     
  19. Baba_Enock

    Baba_Enock JF-Expert Member

    #19
    Mar 14, 2012
    Joined: Aug 21, 2008
    Messages: 6,724
    Likes Received: 61
    Trophy Points: 145
    Kuna waumini ambao wamekusudiwa katika azimio hili - vinginevyo ni "ubatili mtupu na kujilisha upepo.."
     
  20. E

    ESAM JF-Expert Member

    #20
    Mar 14, 2012
    Joined: Mar 15, 2011
    Messages: 959
    Likes Received: 20
    Trophy Points: 35
    Hapo watachemka tu. Kwanza hakuna uhusiano wowote kati ya pete na ndoa, mtu anaweza kuwa anavaa pete na akafanya uzinzi akiwa na pete yake kidoleni. Mimi enzi hizo kabla sijampokea Yesu kwa kumaanisha niliwahi kufanya uzinzi na mwanamke akiwa amevaa pete, na wala alikuwa hashutuki. Yaani mpaka sasa unaniuma sana. Lakini namshukuru Mungu alinitoa katika shimo hilo la maangamizi.

    Cha kufanya hilo kanisa liwafundishe vizuri watu kuhusu kuheshimu ndoa zao hata kama hawavai pete. Ila wokovu halisi ndani ya Yesu ndio suluhisho murua; hata mimi wakati huo nilikuwa Mkatiliki tena ex candidate for priesthood. Thank you my JESUS
     
Loading...