Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Walimu watoboa siri mahusiano mwenzao, RPC Barlow

Discussion in 'Jukwaa la Siasa' started by Candid Scope, Oct 16, 2012.

  1. Candid Scope

    Candid Scope JF-Expert Member

    #1
    Oct 16, 2012
    Joined: Nov 8, 2010
    Messages: 11,892
    Likes Received: 50
    Trophy Points: 145
    [​IMG]

    Baadhi ya walimu wa Shule ya Msingi Nyamagana wamevunja ukimya na kueleza kile kinachodaiwa ni mahusiano kati ya aliyekuwa Kamanda wa Polisi wa Mkoa wa Mwanza, Leberatus Barlow, na mwalimu mwenzao, Dororth Moses.

    Wakizungumza na NIPASHE shuleni hapo jana, pia walielezea kusikitishwa kwao na jinsi tukio hilo la mauaji ya RPC lilivyotokea mbele ya mwalimu mwenzao, Doroth Moses aliyeuawa kwa kupigwa risasi usiku wa kuamkia Jumamosi eneo la Kitangiri, jijini Mwanza.

    Mwalimu Doroth ndiye aliyekuwa na RPC Barlow ndani ya gari wakati watu wanaosadikiwa kuwa majambazi walipowavamia na kumuua kwa kumpiga risasi Kamanda huyo.

    Katika mahojiano hayo Mwalimu Mkuu msaidizi wa shule hiyo, Mary Ngalula, alisema wanamuonea huruma mwalimu mwenzao kutokana na kushuhudia tukio hilo la kutisha.

    Alisema wanamsikitikia kwa sababu jamii imeanza kumfikiria vibaya kwa kudhani anahusika kwa namna moja ama nyingine katika mauaji hayo.

    “Tunamuonea huruma mwalimu mwenzetu kutokana na maneno tunayoyasikia, lakini sisi tuko pamoja naye kwa sababu tunamfahamu ni mtu safi, na hivi tunajiandaa kwenda kumuona na kumtia moyo ili amudu kuilea familia yake kwani ni mjane,” alisema.

    Mwalimu Baraka Magafu alisema tofauti na hisia za baadhi ya watu kuhusu uhusiano wa Mwalimu Doroth na Kamanda Barlow, wao (walimu) wanafahamu kuwa ni watu wa kabila moja wanaotoka kijiji kimoja huko Vunjo mkoani Kilimanjaro.

    Alibainisha kuwa Mwalimu Doroth amekuwa ni mtu anayejihusisha sana na shughuli mbalimbali za watu wa kabila lake (Wachaga), hivyo hakuna sababu ya kumfikiria vibaya kwa sababu tu mtu aliyekuwa amemsindikiza nyumbani wakitokea kwenye kikao cha maandalizi ya harusi aliuawa kwa kupigwa risasi.

    “Ukifuatilia mwenendo wa tukio lote, utaona kwamba kilichotokea ni bahati mbaya na kingeweza kumtokea yeyote, kwani Barlow alikuwa akimsindikiza Mwalimu Doroth nyumbani kwake, na hata baada ya tukio, alipowapigia simu wenzao waliokuwa nao kwenye kikao walikuwa ndipo na wao wanafika majumbani mwao,” alisema.

    Aliongeza kwamba katika mazingira kama hayo ni makosa kuwa na mtazamo hasi dhidi ya Mwalimu Doroth kama ambavyo baadhi ya watu wameanza kuvumisha kuwa walikuwa na uhusiano wa kimapenzi.

    Wakati huo huo, majonzi, simanzi na kauli za kulipa kisasi ni miongoni mwa mambo yaliyogubika shughuli ya kuuaga mwili wa Barlow.

    Mwili wa Barlow uliagwa na wakazi wa Jiji la Mwanza wakiongozwa na Waziri wa Nchi, Ofisi ya Waziri Mkuu (Sera, Uratibu na Bunge), William Lukuvi, katika shughuli iliyofanyika kwenye uwanja wa Nyamagana jana.

    Baada ya shughuli ya kuagwa mwili wa Barlow, ulisafirishwa baadaye jana jioni kwa ndege kuelekea jijini Dar es Salaam kabla ya leo kusafirishwa kwenda kijijini kwake Vunjo, mkoani Kilimanjaro kwa mazishi.
     
  2. bornagain

    bornagain JF-Expert Member

    #2
    Oct 16, 2012
    Joined: Jan 25, 2012
    Messages: 3,391
    Likes Received: 4
    Trophy Points: 135
    Unataka sasa kusema nini katika hii sired yako, ina maana marehemu RPC Barlow katika jiji zima la Mwanza walietoka nae kijiji kimoja ni mwalimu Doroth peke yake ama wote waliokuwa kwenye hicho kikao walikua na magari ispokuwa mwalimu Doroth ndo maana marehemu RPC alimuonea huruma akampa lift. Sijasomea intelijensia lakini naona kuna jambo la zaidi ya kutoka kijiji kimoja hapo.Cha msingi wahusika wa mauaji wasakwe na wawekwe ndani kujibu mashtaka lakini chokochoko mchokonoe pweza binadamu hautamuweza hata kidogo
     
  3. Edson

    Edson JF-Expert Member

    #3
    Oct 16, 2012
    Joined: Mar 7, 2009
    Messages: 9,053
    Likes Received: 480
    Trophy Points: 180
    candid hii biashara iishakwisha na faida yake tayari imeshatusaidia kufanya mambo mengine makubwa
     
  4. LINCOLINMTZA

    LINCOLINMTZA JF-Expert Member

    #4
    Oct 16, 2012
    Joined: Mar 15, 2011
    Messages: 1,640
    Likes Received: 2
    Trophy Points: 0
    No comments lakini nakuheshimu sana na Avatar yako.
     
  5. Takalani Sesame

    Takalani Sesame JF-Expert Member

    #5
    Oct 16, 2012
    Joined: Jun 24, 2008
    Messages: 588
    Likes Received: 0
    Trophy Points: 33
    Ni siri gani hapa wametoboa? Am I missing something here?
     
  6. Chum Chang

    Chum Chang JF-Expert Member

    #6
    Oct 16, 2012
    Joined: Apr 2, 2012
    Messages: 1,001
    Likes Received: 3
    Trophy Points: 0
    Kila nafsi itaonja mauti
    Ikiwa kwa jambo lolote
     
  7. Watu8

    Watu8 JF-Expert Member

    #7
    Oct 16, 2012
    Joined: Feb 19, 2010
    Messages: 45,886
    Likes Received: 466
    Trophy Points: 180
    mwisho wa siku ukweli utabainika tu...
    so far hakuna mtu atajifanya kiherere kuropoka na kuthibitisha kuwa Dorothy na Barlow walikuwa na mahusiano...
    mwalimu mkuu na wengineo wametumia busara ili kuepukana na mkono wa sheria au kadhia nyinginezo...
    mimi bado nina hili swali, kama kweli watu hao walikuwa ni majambazi, kwa nini hawakumdhuru huyo mama?(aliachwa hai ili awe shuhuda?) kumbuka inasemekana Barlow alipigwa risasi tokea upande wa bega la kushoto ambapo huenda mama Dorothy alikuwa amekaa...
     
  8. bysange

    bysange JF-Expert Member

    #8
    Oct 16, 2012
    Joined: Jan 11, 2011
    Messages: 4,323
    Likes Received: 44
    Trophy Points: 145
    nosense,hatuwezi kuelezwa dhamani ya uhai wa mtu na ukabila,na hao walimu wahojiwe kuna kitu wanakificha.
     
  9. K

    Kifarutz JF-Expert Member

    #9
    Oct 16, 2012
    Joined: Aug 7, 2012
    Messages: 1,681
    Likes Received: 2
    Trophy Points: 135
    Ya kutoka kijiji kimoja, vichwa vingine hamnazo kabisa
     
  10. sembuli

    sembuli JF-Expert Member

    #10
    Oct 16, 2012
    Joined: Feb 3, 2012
    Messages: 762
    Likes Received: 27
    Trophy Points: 45
    ni ushujaa askari kufa kwa risasi kuliko kufa kwa Ugonjwa unaotibika!
     
  11. Ringo Edmund

    Ringo Edmund JF-Expert Member

    #11
    Oct 16, 2012
    Joined: May 10, 2010
    Messages: 4,899
    Likes Received: 15
    Trophy Points: 0
    ngoja na mimi nitafute mademu tuliotoka wote manyovu nijipigie kwani nikifumaniwa nasema tumetoka kijiji kimoja na huyu dada anijitolea sana kwa waliotoka kijiji kimoja.
    nitajinomaje kwa fix kama hizi.
     
  12. Jackbauer

    Jackbauer JF-Expert Member

    #12
    Oct 16, 2012
    Joined: Oct 28, 2010
    Messages: 5,878
    Likes Received: 30
    Trophy Points: 135
    walimu au mwalimu?
     
  13. A

    ADK JF-Expert Member

    #13
    Oct 16, 2012
    Joined: Jan 13, 2012
    Messages: 879
    Likes Received: 8
    Trophy Points: 35
    HEKAYA ZA ABUNUAS ZISHAANZA WANATENGENEZA MAZINGIRA YA KUMSAFISHA rpc UKWELI UTABAKI KAMA TUNAVYOUJUA MSITUZUGEE
     
  14. M

    Mwera JF-Expert Member

    #14
    Oct 16, 2012
    Joined: Oct 26, 2010
    Messages: 968
    Likes Received: 0
    Trophy Points: 0
     
  15. SG8

    SG8 JF-Expert Member

    #15
    Oct 16, 2012
    Joined: Dec 12, 2009
    Messages: 2,945
    Likes Received: 40
    Trophy Points: 145
    Nilitaka kunua gazeti la Nipashe kwa kudanganywa na kichwa cha habari, nikajua kuna siri kubwa.Nashukuru sijapoteza 800 yangu
     
  16. Mlaleo

    Mlaleo JF-Expert Member

    #16
    Oct 16, 2012
    Joined: Oct 11, 2011
    Messages: 7,555
    Likes Received: 1,705
    Trophy Points: 280
    Vipi hao walimu hawajazungumzia chochote kuhusu Fumo Felician?
     
  17. WAHEED SUDAY

    WAHEED SUDAY JF-Expert Member

    #17
    Oct 16, 2012
    Joined: Jun 24, 2011
    Messages: 6,215
    Likes Received: 539
    Trophy Points: 280
    Kichwa cha habari kizito, habari yenyewe nyepesi, sijaona siri waliyotoboa zaidi ya kusaidia kutupa maswali zaidi. Haya mauaji ya kamanda wetu yana kisa chake haiwezekani ukaniambia eti kamanda aliuawa na majambazi mbele ya huyo mwalimu, kwa jinsi ninavyowafahamu majamba wasingemuacha huyo mama kwa kuhofia kuwatambua ni lazima wangemuulia mbali na yeye
     
  18. kookolikoo

    kookolikoo JF-Expert Member

    #18
    Oct 16, 2012
    Joined: Mar 9, 2012
    Messages: 2,511
    Likes Received: 6
    Trophy Points: 135
    mods: kuna thread mbili kuhusu hii topic!
     
  19. Infopaedia

    Infopaedia JF-Expert Member

    #19
    Oct 16, 2012
    Joined: Oct 28, 2011
    Messages: 671
    Likes Received: 143
    Trophy Points: 60
    Tuko wengi mkuu. Nadhani title imekaa ''kiudaku'' zaidi.
     
  20. Donnie Charlie

    Donnie Charlie JF-Expert Member

    #20
    Oct 16, 2012
    Joined: Sep 16, 2009
    Messages: 5,934
    Likes Received: 130
    Trophy Points: 160
    Hii tittle imemekaa ki-shigongo zaidi
     
Loading...