Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Walimu wapya Dodoma walipwa posho za kujikimu

Discussion in 'Jukwaa la Siasa' started by sumasuma, Feb 10, 2012.

  1. sumasuma

    sumasuma JF-Expert Member

    #1
    Feb 10, 2012
    Joined: Jun 23, 2011
    Messages: 329
    Likes Received: 0
    Trophy Points: 0
    Hamisi Mwesi, Dodoma
    HALMASHAURI ya Manispaa ya Dodoma, imetumia Sh54 milioni kulipa posho za walimu 133 wa shule za sekondari waliopangiwa kufanya kazi katika halmashauri hiyo.

    Juzi walimu hao wapaya waliandamana kwenda katika viwanja vya bungeni kushinikiza kulipwa posho hizo.

    Jana mwandishi wa habari hizi, alishuhudia mkusanyiko wa idadi kubwa ya walimu hao katika ofisi za elimu ya sekondari za halmashauri ya manispaa hiyo, wakisubiri kulipwa fedha zao.

    Kulipwa kwa posho hizo ni utekelezaji wa ahadi iliyokuwa imetolewa na uongozi wa manispaa hiyo ya kulipwa walimu fedha hizo jana.

    Kaimu Ofisa Elimu wa Shule za Sekondari katika Manispaa ya Dodoma, Suma Mwampulo, alisema fedha hizo ni kwa ajili ya posho ya kujikimu kwa siku saba na nauli walizotumia kutoka makwao kwenda katika manispaa hiyo.

    “Tumetumia zaidi ya Sh54 milioni kuwalipa walimu hawa 133 posho zao za kujikimu kwa siku saba na nauli walizotumia kutoka makwao kuja Dodoma,” alisema Mwampulo.

    Alisema walimu hao wamepangwa katika shule mbalimbali za manispaa hiyo na kwamba wameajiri hivi karibuni, katika jitihada za Serikali za kupunguza tatizo la upungufu wa walimu katika shule za sekondari hasa za kata.

    “Tunaishukuru serikali kwa kusikiliza kilio chetu lakini bado kuna upungufu katika baadhi ya shule tunazidi kuiomba Serikali iajiri walimu zaidi ili kumaliza kabisa tatizo la walimu nchini, ”alisema Mwampulo
    Pia aliwataka walimu hao kuwa wavumilivu katika utendaji wao na kukubali kuwa na moyo wa kujitolea katika kuitumikia nchi yao.
     
  2. nimie

    nimie JF-Expert Member

    #2
    Feb 10, 2012
    Joined: Sep 9, 2011
    Messages: 523
    Likes Received: 5
    Trophy Points: 0
    Hongera Halmashauri kwa kutekeleza wajibu wenu, haya waalimu wapya shime muwasaidie wadogo zetu sasa. Najua mtakutana na changamoto nyingi, but naamini utendaji wetu na ubunifu utawaweka panapo nafasi.
     
  3. Mungi

    Mungi JF Gold Member

    #3
    Feb 10, 2012
    Joined: Sep 23, 2010
    Messages: 16,944
    Likes Received: 352
    Trophy Points: 180
    Kuna thread inayohusu ndugu zetu. seminary za kiislamu dodoma vipi matokeo yake?
     
  4. Dr.Chichi

    Dr.Chichi JF-Expert Member

    #4
    Feb 10, 2012
    Joined: Apr 30, 2008
    Messages: 2,305
    Likes Received: 12
    Trophy Points: 135
    safi lakini kuna halmashauri zingine zinzingua kuwalipa walimu wanatakiwa waadhibiwe
     
Loading...