Vipande 706 vya Pembe za Ndovu vyakamatwa Jijini Dar nyumbani kwa Wachina

Lunyungu

JF-Expert Member
Aug 7, 2006
8,873
1,894
Tanzania kumekucha!

Wale wawekezaji wa CCM ambao inawapigia debe mbali na maovu mengi wanaua na Tembo wetu. Kinana katokea China majuzi sijui mkutano ulikuwaje lakini sasa vipande vya meno ya ndovu 700 vimekamatwa.

Ngojea uangalie news saa mbili usiku huu. Mtajuta kuwajua wachna na ndiyo maana kumbe wambunge wanasema maharamia wako mtaani. Now I get their point.

VIDEO:

Siku moja baada ya wabunge kuwataka Waziri Mkuu Mizengo Pinda na Waziri wa Maliasili na Utalii, Khamis Kagasheki kujiuzulu kwa kushindwa kusimamia Operesheni Tokomeza Ujangili, pembe 706 za ndovu zimekamatwa jijini Dar es Salaam.

Pembe hizo 706 ni sawa na tembo 353 waliouawa katika hifadhi za wanyama pori mbalimbali hapa nchini. Tukio hilo lililotokea jana jioni katika Mtaa wa Kifaru, Mikocheni, wilayani Kinondoni, liliongozwa na Waziri Kagasheki ambaye aliambatana na Katibu Mkuu wa Wizara ya Maliasili na Utalii, Tarish Maimuna.

Waliokamatwa na shehena hiyo ya pembe za ndovu ni raia watatu wa China ambao ni Xu Fujie, Chen Jinzha na Huang Qin wote kutoka mji wa Guandung.

Raia hao wa China wamekuwa wakiishi katika nyumba hiyo kwa miaka mingi wakifanya biashara ya kuingiza nchini vitunguu swaumu kutoka China na kusafirisha nje ya nchi makombe yanayopatikana baharini.

Alipoingia ndani ya nyumba hiyo, Kagasheki ambaye aliambatana na askari polisi na baadhi ya maofisa usalama alishuhudia shehena kubwa ya pembe za ndovu ikiwa imehifadhiwa kwenye viroba vyenye uzito wa kilo 50.

Mbali ya kushuhudia shehena ya pembe hizo, alionyeshwa gari maalumu aina ya Toyota Noah ambalo watuhumiwa hao hulitumia kutoa pembe porini na kuyaingiza jijini Dar es Salaam.

Akizungumza katika eneo la tukio mara baada ya kuwakamata alisema kukamatwa kwa watu hao kunatokana na matokeo ya Operesheni Tokomeza Ujangili ambayo imesitishwa na Serikali juzi baada ya wabunge kuilalamikia.

Waziri Kagasheki alisema kwamba katika harakati za kutaka kuwakamata watuhumiwa hao walitoa Sh30 milioni kwa ajili ya kujaribu kuwahonga askari.

"Walitaka kuwahonga askari ili wasikamatwe," alisema huku akionyesha noti za fedha hizo.

Alisema wabunge wanaomtaka ajiuzulu kwa madai kwamba Operesheni Tokomeza Ujangili imesababisha mauaji ya watu na mifugo wanapoteza muda kwa kuwa mwenye mamlaka ya kumtoa ni Rais Jakaya Kikwete pekee.

"Sasa mimi nasema kunitoa haitakuwa rahisi anayeweza kunitoa ni yule aliyeniweka," alisema.

Alisema ipo mikakati inayofanywa na baadhi ya wabunge kutaka kuwang'oa baadhi ya mawaziri kwa masilahi binafsi ya kisiasa.

"Itakuwa ni jambo la ajabu kwamba kila mtu akiingia madarakani wanataka atoke, watatolewa wangapi?" alihoji na kuongeza kuwa operesheni hiyo ni muhimu kwa ajili ya kunusuru tembo wasiishe.

Alisema kwamba ni kweli kuna baadhi ya dosari zimejitokeza kwenye operesheni ikiwamo kuuawa kwa baadhi ya mifugo, lakini siyo kwamba zoezi zima halina manufaa.

Kagasheki alisema kama kasi hii ya kuuawa kwa tembo itaachiwa iendelee baada ya miaka 10 tembo wote watakuwa wameisha nchini.

Alisema hataki kuona utawala wa Rais Kikwete ukiondoka madarakani ukiwa na lawama ya kuachia majangili wawamalize tembo.

Mmoja wa watuhumiwa hao, Huang Qin alisema shehena yote ya pembe za ndovu iliyokamatwa nyumbani kwake ilikuwa ikiletwa kidogo kidogo na rafiki yake ambaye hakumtaja jina.

Akiongea kwa Kiswahili Qin alisema: "Mimi hii si yangu, kichwa yangu mbovu. Rafiki yangu alileta hii (pembe) kidogo kidogo."

Januari mwaka huu, Gazeti La Daily Mail la Uingereza liliripoti kwamba Serikali ya Kenya imekamata shehena ya vipande 638 vya pembe za ndovu ambavyo ni sawa tembo 320 waliouawa.

Mzigo huo wa tani mbili ulikuwa kwenye kontena la mawe ya urembo (marumaru) kutoka Tanzania.

Taarifa zaidi zinaonyesha kuwa tani nne za pembe za ndovu zenye thamani ya Dola za Marekani 3.4 milioni sawa na takriban Sh5.4 bilioni zilikamatwa Hong Kong Oktoba 20, mwaka jana, huku ikielezwa kuwa meno hayo yalikamatwa yakisafirishwa kutoka Kenya na Tanzania.

Agosti 16 mwaka huu polisi wa Uwanja wa Ndege wa Mwalimu Julius Nyerere jijini Dar es Salaam, walimkamata raia wa Vietnam akiwa na pembe za ndovu yenye thamani ya Sh18.4 milioni yaliyotengenezwa kama bangili tayari kusafirisha kwenda nje ya nchi.

Mwananchi
 
Last edited by a moderator:
Tanzania kumekucha .
Wale wawekezaji wa CCM ambao inawapigia debe mbali na maovu mengi wanaua na Tembo wetu .Kinana katokea China majuzi sijui mkutano ulikuwaje lakini sasa vipande vya meno ya ndovu 700 vimekamatwa .Ngojea uangalie news saa mbili usiku huu .Mtajuta kuwajua wachna na ndiyo maana kumbe wambunge wanasema maharamia wako mtaani .Now I get their point .
kinana ni jembe kweli kweli
 
Nimeona kwenye habari kwa ufupi ya ITV. Hii nchi hakika imelogwa na aliyetuloga amekufa. Unadhani kama kuna mkubwa anahusika litafanyika lolote? Let us wait and see.
 
bado tutashuhudia mengi kuelekea 2015!!

Hizo ni hela za kampeni CCM wanachanga!!
 
Majabu sekta elimu
maajabu uwekezaji
maajabu wizara ya mambo ya nje

Kweli Tanzania ni kivutio cha maajabu tutegemee watalii weng kwa artifical attraction za chama na serka
 
tukiwaachia brere
kwao wanasuburia kifungo au kunyongwa

Hivi yataisha kama yale ya mwenzetu kukamatwa na unga wa ngano sembe je watatupa nini tuwapotezee
 
Nangojea Nape na genge lake la wanafiki na mtu mnene uelewa mdogo anaacha majina yake mri huu anaijiita Lemutuz .
 
Mkulu anaingia leo tokea UK! Hivi kweli inakuja? hapa itabidi waachiwe kwa deal ya wafungwa wa madawa ya kulevya kutokea china!!
 
Ccm na wachina ni janga la taifa kila siku nawaambia msipoitoa ccm madarakani watz wenza 2015 safari ya jehanam imetimia.
 
Tanzania kumekucha .
Wale wawekezaji wa CCM ambao inawapigia debe mbali na maovu mengi wanaua na Tembo wetu .Kinana katokea China majuzi sijui mkutano ulikuwaje lakini sasa vipande vya meno ya ndovu 700 vimekamatwa .Ngojea uangalie news saa mbili usiku huu .Mtajuta kuwajua wachna na ndiyo maana kumbe wambunge wanasema maharamia wako mtaani .Now I get their point .
Sasa ndiyo tunapata tafsiri ya yule balozi wa China kuvaa kofia ya CCM,kwenye mkutano wa chama tawala uliokuwa unahutubiwa na Kinana!!

Sasa inabidi wale vijana wa operesheni tokomeza ujangili,wamhoji kwa makini huyo mchina aliyekamatwa na hizo pembe,ili aeleze kinaga ugaba huo mzigo,mwrnyewe hasa ni nani?
 
Inasikitisha. Bungeni kelele tu ccm hakuna wa kumwajibisha mwenzake. Wananchi wahamue nini cha kufanya.
 
image.jpg image.jpg image.jpg mwenye kampuni ni yupi kati yao?
 
Nilivyoona jana Wabunge mishipa imewabana wakimsema sana Kagasheki nikajua Wazee wa kazi tayari wameingilia kati . Wenzio wanatafute fedha za kuwanunulia watu tisheti na kofia mwaka 2015 halafu watu wanataka kuweka gozigozi !!!??!! Cheza na mzee wa ndovu wewe !!!
 
Hawa Tembo watamalizwa katika miaka michache tu ijayo, maana vinana wa ndani ya MACCM na vinana wa kichina wanawapukutisha kwa kasi ya kutisha sana. Na hawa Wachina wengi si ajabu wanaishi nchini kiharamu.

Tanzania kumekucha .
Wale wawekezaji wa CCM ambao inawapigia debe mbali na maovu mengi wanaua na Tembo wetu .Kinana katokea China majuzi sijui mkutano ulikuwaje lakini sasa vipande vya meno ya ndovu 700 vimekamatwa .Ngojea uangalie news saa mbili usiku huu .Mtajuta kuwajua wachna na ndiyo maana kumbe wambunge wanasema maharamia wako mtaani .Now I get their point .
 
tumebaki kuuwa maskini vijijini na mifugo yao kwa operations za hovyo kabisa wakati wanaopalilia biashara ya meno ya tembo wako mijini na hawaguswi.
 
Back
Top Bottom