Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Unapoulizwa swali...

Discussion in 'Jukwaa la Lugha' started by Mzee Mwanakijiji, Feb 26, 2009.

  1. Mzee Mwanakijiji

    Mzee Mwanakijiji Platinum Member

    #1
    Feb 26, 2009
    Joined: Mar 10, 2006
    Messages: 30,402
    Likes Received: 2,478
    Trophy Points: 280
    Unapoulizwa swali, Kinachotakiwa ni jibu,
    Usingoje mara mbili, na kutafuta sababu,
    Wewe useme ukweli, au bora uwe bubu,
    Swali halijibu swali, kinachotakiwa ni jibu!!!

    Wewe toa hilo jibu, usiulize maswali,
    Usipekue vitabu, jibu huna ukubali,
    Ujibu kwa taratibu, bila kufanya ukali,
    Swali halijibu swali, kinachotakiwa ni jibu!!

    Ee ndugu habari gani, hilo ni swali rahisi,
    Jibu lake siyo geni, akilini hulikosi,
    Usiulize “ kwa nini?”, wewe si Abunuwasi,
    Swali halijibu swali, kinachotakiwa ni jibu!!

    Kaka unakwenda wapi, akuuliza jirani,
    Unajibu “kwani vipi”, siyo jibu ni uhuni,
    Ukafanya chapichapi, mguu uko njiani,
    Swali halijibu swali, kinachotakiwa ni jibu!!

    Dada unaitwa nani, swali linataka jina,
    Unauliza “kwa nini?”, hilo si jibu bayana,
    Ni ujanja wa mjini, kwepa swali kiaina,
    Swali halijibu swali, kinachotakiwa ni jibu!!

    Hoja yangu nimeweka, swali halijibu swali,
    Ujumbe uje kufika, zikue zenu kauli,
    Na uhuni kuwatoka, mnapoulizwa swali,
    Swali halijibu swali, kinachotakiwa ni jibu!!

    Na. M. M. Mwanakijiji (Sauti ya Kijiji)
     
  2. Steve Dii

    Steve Dii JF-Expert Member

    #2
    Feb 26, 2009
    Joined: Jun 25, 2007
    Messages: 6,414
    Likes Received: 40
    Trophy Points: 145
    Wapewape vidonge vyao, mahayawani hawa wasio makwao,
    kucha kunyoosha midole yao, kutahayari wasio misimamo yao,
    michosho miswali yao, ufukara wa fadhila mioyoni mwao,
    kujituma mwiko kwao, kunyemelea ni ufisi wao.

    Nitaifyeka mivichwa yao, nikipalilia shambani kwangu,
    thubutu waje na lao, mbililimbi mbivu kitaloni kwangu,
    onyo natuma kwao, kwa babu i hirizi yangu,
    kujituma mwiko kwao, kimbelembele ni usifi wao.


    Mwangwi wa handaki.
     
  3. a

    allymu New Member

    #3
    Feb 28, 2009
    Joined: Feb 28, 2009
    Messages: 2
    Likes Received: 0
    Trophy Points: 0
    Hallo
     
  4. Kana-Ka-Nsungu

    Kana-Ka-Nsungu JF-Expert Member

    #4
    Feb 28, 2009
    Joined: Oct 4, 2007
    Messages: 2,260
    Likes Received: 12
    Trophy Points: 135
    Steve D kumbe u mzima kwenye mipasho? Hii Melody wakiiona wanaweza kuicopy hakyanani!
     
  5. N

    Neemah Member

    #5
    Feb 28, 2009
    Joined: Oct 18, 2008
    Messages: 72
    Likes Received: 0
    Trophy Points: 0
    Hee, kumbe humu kuna malenga! Ngoja nami nijaribu.
    Nikimjibu "Neemah", huo utakuwa wimbo,
    Nitakosa pa kuhema, jibu limekuwa fimbo,
    "Neemah" mtaa mzima, jambo limezua jambo!!
    Ni upi huo ujanja, pliiz, nielimishe.

    Na kusema la uongo, nayaogopa madhambi,
    Naihami yangu shingo, kesho hakuna maombi,
    Mzee nipe mpango, jina lisiwe filimbi,
    Ni upi huo ujanja, pliiz, nielimishe.

    Kidogo nimejaribu, makosa msiyacheke,
    Nasubiri hilo jibu, wa kijiji aliweke,
    Kusubiri sio taabu, wala sina makeke,
    Ni upi huo ujanja, Mzee nielimishe.
     
  6. Nyani Ngabu

    Nyani Ngabu Platinum Member

    #6
    Feb 28, 2009
    Joined: May 15, 2006
    Messages: 65,192
    Likes Received: 16,188
    Trophy Points: 280
    Heheheheheee.......
     
  7. N

    Neemah Member

    #7
    Feb 28, 2009
    Joined: Oct 18, 2008
    Messages: 72
    Likes Received: 0
    Trophy Points: 0
    Enhee, unacheka nini?

    Mfanyie mpango Cupcake wako awe na access akiwa nyumbani; asitegemee computer za kazini tu.
     
  8. Nyani Ngabu

    Nyani Ngabu Platinum Member

    #8
    Feb 28, 2009
    Joined: May 15, 2006
    Messages: 65,192
    Likes Received: 16,188
    Trophy Points: 280
    Cupcake ana access na internet 24/7...iwe kazini..nyumbani..everywhere.

    Salama lakini?
     
  9. N

    Neemah Member

    #9
    Feb 28, 2009
    Joined: Oct 18, 2008
    Messages: 72
    Likes Received: 0
    Trophy Points: 0
    Mwambie tunam'miss.

    Salama tu, brother!
     
  10. Mzee Mwanakijiji

    Mzee Mwanakijiji Platinum Member

    #10
    Feb 28, 2009
    Joined: Mar 10, 2006
    Messages: 30,402
    Likes Received: 2,478
    Trophy Points: 280
    Ujanja kukwepa swali
    Kwa kupindisha kauli
    Ni kama yule kuwili
    Mwenye vichwa pande mbili!

    Linapoulizwa swali,
    Kinachotakwa ukweli
    Siyo jibu la kejeli
    Bali jibu la dhahiri.

    Neemah habari gani
    Jibu wewe hali gani
    Uking'aka ati "nini"?
    Basi hapo magirini!

    Watokea mji gani
    Wajibu kwani wewe nani?
    Jibu hilo ni uhuni
    Swali liweke pembeni
     
  11. Companero

    Companero Platinum Member

    #11
    Feb 28, 2009
    Joined: Jul 12, 2008
    Messages: 5,392
    Likes Received: 56
    Trophy Points: 145
    hilo swali kujibu kamwe silazimishe
    kama huna jawabu siseme usikike
    hata masihi yesu hakuyajibu yote
    kwa werevu alijibu wasema weye
     
  12. N

    Neemah Member

    #12
    Feb 28, 2009
    Joined: Oct 18, 2008
    Messages: 72
    Likes Received: 0
    Trophy Points: 0
    Tatizo huo ukweli, nyuma angalia tena,
    Sio muuliza hali, bali muuliza jina,
    Ukweli nikiujali, raha nitakuwa sina,
    Hata nikiwa kwa mbali, "Neemah ningoje, bwana!"

    Huoni ni usumbufu, jina kuwa tangazo?
    Wala si umaarafu, bali sinema ya dezo,
    Tena ile ya uchafu, isiyo na hata funzo,
    Yatia kichefuchefu, ukweli kuwa apizo.


    Huyu ataka kujua, hali niliyo nayo,
    Jina alitambua, si yule mfuata nyayo,
    Hakuna la kusumbua, wala kuleta kilio,
    Mzee kichwa sugua, uuridhishe wangu moyo.
     
Loading...