Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Uchambuzi Wa Habari: Dr Mwakyembe Naye Amwaga Sumu!

Discussion in 'Jukwaa la Siasa' started by maggid, Feb 19, 2012.

  1. m

    maggid Verified User

    #1
    Feb 19, 2012
    Joined: Dec 3, 2006
    Messages: 970
    Likes Received: 103
    Trophy Points: 60
    Ndugu zangu,

    Kwenye vyombo vya habari kumekuwa na taarifa zinazochanganya juu ya kinachomsibu Dk. Mwakyembe.

    Na kama utangulizi ufuatao nitauzungumza kama hotuba fupi mbele ya watu wanaojiandaa kwa mlo wa kusheherekea harusi, basi, nina imani, zaidi ya nusu ya wageni waalikwa watainuka kwenye meza zao na kukiacha chakula.

    Maana nitaanza kwa kusema;

    Mabibi na Mabwana,

    Wakati tukijiandaa kwa mlo ulio mbele yenu ningependa kuwaeleza mafupi juu ya sumu na jinsi sumu inavyoweza kuingia kwenye mwili wako na hatimaye kukudhuru. Na bila shaka wote mnajua kuwa sumu inaua.

    Ni hivi; unaweza kuwekewa sumu. Usipoiona na ukaiacha, basi, utakuwa umepona. Ndio, kama kuna sumu imewekwa usiichukue. Kwa mantiki hiyo hiyo, jiadhari, unaweza ukashikishwa sumu. Kuwa makini na wanaokupa mikono ya heri, mingine ni mikono ya kifo. Yumkini anayekupa mkono amevaa glovu yenye sumu.

    Ndugu yangu, unaweza pia ukagusishwa sumu. Kuwa makini na unayecheza nae muziki baada ya mlo huu. Kumbatio la muziki tulivu laweza kugeuka kuwa ni kumbatio la kifo.

    Sumu inaweza pia kukuingia mwilini kwa kulishwa. Uwe makini na anayekulisha kipande cha keki ya harusi. Na kama waweza kulishwa sumu hivyo hivyo waweza ' kujilisha' mwenyewe sumu. Chunga sana na anayekupa kipande cha nyama choma. Ukakipokea na hatimaye kukitia mdomoni.

    Kama ilivyo kwa kulishwa na kujilisha sumu. Yawezekana pia sumu ikaingia mwilini mwako kwa kunyweshwa au kujinywisha. Chunga sana na unayekaa karibu naye. Jichunge mwenyewe pia. Ukinywa vodka nyingi ni sawa na ' kujinywisha' mwenyewe sumu.

    Sumu yaweza pia kukuingia mwilini kwa kumwagiwa. Kaa mbali sana na atakayefungua champeini isije kilichomo kikawa ni sumu. Na wengine hamfahamu, kuwa sumu yaweza pia kukuingia kwa kupuliziwa. Sahani yako ya chakula yaweza kuwa imepuliziwa sumu…


    Ndugu zangu,

    kuna njia nyingi sana za sumu kuingia mwilini mwako. Nisiwachoshe, tuendelee na mlo wetu wa harusi!

    Naam. Habari kubwa katika siku mbili hizi ni kadhia ya Dr. Mwakyembe na madai ya sumu kuingizwa mwilini mwake na wabaya wake. Na kama mlivyoona hapo juu, bado haijawa wazi kama Mwakyembe kalishwa, kawekewa, kanyweshwa au kagusishwa sumu.
    Jitihada za Jeshi la Polisi juzi kutaka kutuambia WaTanzania ukweli juu ya kadhia hii zinaonekana kugonga mwamba kwa kupingwa vikali na Mwakyembe mwenyewe. Tumesoma kwenye magazeti ya leo.


    Nani anaongopa?

    Bila shaka, habari hii imekuwa ikiwavutia wengi kwa vile kiu ya jamii ni kutaka kujua ukweli mzima. Jamii inataka kujua; nani anasema kweli na nani anaongopa. Vita inayopiganwa sasa imebaki kuwa ni vita ya maneno kwenye vyombo vya habari.

    Kila upande unadai una ushahidi na unachosema lakini ushahidi huo hauwekwi hadharani ukaonekana. Wanahabari nao wameonekana kusukumwa zaidi na upepo wa vita na kuandika yale ambayo wanadhani yatauza magazeti. Kimsingi media inaweza ikamaliza vita hii kwa kuwauliza wahusika maswali sahihi na magumu yatakayotokana na maelezo wanayotoa wahusika

    Mfano, DCI Manumba anasema; " Ukweli kuhusu kauli hiyo inayodai kuwekewa sumu , tumeupata baada ya kuwasiliana na Wizara ya Afya ambayo nayo imewasiliana na hospitali aliyokuwa amelazwa Dk Mwakyembe nchini India. Taarifa zinaonyesha kuwa hakuna sumu katika maradhi yanayomsibu Mwakyembe."- ( Mwananchi, Jumamosi, Februari 18, 2012)

    Naam, kama DCI Manumba anadai wamethibitishiwa na Wizara ya Afya iliyofanya mawasiliano na hospitali anayotibiwa Dr . Mwayembe nchini India kwamba Dr Mwakyembe hakukutwa na sumu mwilini ni kwanini wanahabari wasifike Wizara ya Afya kuthibitishiwa juu ya kile ambacho Manumba anadai kuthibitishiwa. Maana, haiyumkini kuthibitishiwa huku kukawa ni kwa mdomo tu.

    Na Dk. Mwakyembe anaposema; " Ripoti inatamka wazi kuwa kuna kitu kwenye bone marrow ( ndani ya ute wa mifupa) kinachochochea hali niliyonayo, kitu ambacho mabingwa wanahangaikia kukijua." ( Mwananchi, Februari 19, 2012.)

    Kwa wanahabari kazi hapa ingekuwa kumbana Mwakyembe awasaidie kupata maelezo ya ziada kutoka kwa mabingwa hao wa India ili iwasaidie ku-establish, bila mashaka, juu ya dhana ya sumu katika kinachomsibu Mwakyembe.

    Vinginevyo, taarifa ya jana ya Dr Mwakyembe inatoa tafsiri pia ya mtu aliyejeruhiwa na aliyeamua 'kumwaga sumu' hadharani. Taarifa ile ya Mwakyembe imeonyesha jinsi watendaji wetu wakuu Serikalini na hata kwenye chama tawala wasivyoaminiana.

    Tumeona jinsi Mwakyembe alivyorusha makombora makali dhidi ya jeshi la polisi na kutoa tuhuma nzito ya jinsi jeshi hilo linavyotenda hujuma . Kwa mtu wa kawaida atajiuliza; kama Mwakyembe Waziri na kada wa CCM analia kuchezewa faulo, je, hali itakuwaje kwa mtu wa kawaida na kama ni mwanachama wa chama cha upinzani?

    Swali lingine; kama baadhi ya mawaziri wa JK kwenye baraza moja wanaonyesha hadharani kuwa hawaaminiani wanamsaidiaje Rais wa nchi? Na je, Mwakyembe au Sitta wakihamishimiwa wizara ya Mambo ya Ndani watafanyaje kazi na akina Manumba na Said Mwema? Na kuna wengi wanaomtarajia JK kufanya mabadiliko makubwa ya Baraza la Mawaziri kwa vile hawaridhishwi na utendaji wa Baraza lililopo.

    Na haya yote tunayoyashuhudia ni ' maradhi ya taifa' ya tangu uhuru kwa vile tumekuwa na Katiba yenye mapungufu makubwa na kwa sasa isiyokidhi mahitaji ya wakati uliopo. Tunamshukuru Rais wa nchi kwa kuonyesha dhamira ya kutuanzishia mchakato utakaopelekea kupata Katiba Mpya kwa Taifa la Kisasa.

    Katiba ya sasa inaruhusu ' ubaguzi wa kisiasa'. Inawatenga Watanzania wengine katika ushiriki wa uongozi na ujenzi wa nchi. Na dhambi ya ubaguzi ndio inayotutafuna sasa hadi tukafikia hata viongozi watendaji wa juu ndani ya chama tawala kukosa kuaminiana.
    Ndio, Watanzania walio wengi ' hawajalishwa sumu', isipokuwa, kwa miaka mingi Watanzania wamekuwa ' wakibwigizwa ugoro' uliowafanya wasinzie kama watu waliopigwa sindano ya ganzi.

    Wengi sasa , na hususan vijana, wanakataa mchana wa jua kali kubwigizwa ugoro na walio kwenye mamlaka. Wamebumbuluka. Wameanza kusoma katikati ya mistari. Ndio, wameamka na wana kiu ya kuiona Tanzania mpya na inayostawi.


    Maggid Mjengwa,
    Dar es Salaam.
    Jumapili, Februari 19, 2012
     
  2. M

    Makamuzi JF-Expert Member

    #2
    Feb 19, 2012
    Joined: Oct 3, 2011
    Messages: 1,157
    Likes Received: 0
    Trophy Points: 133
    Uchambuzi mzuri,ntarudi baadae kuchangia hoja
     
  3. Anko Sam

    Anko Sam JF-Expert Member

    #3
    Feb 19, 2012
    Joined: Jun 30, 2010
    Messages: 3,209
    Likes Received: 1
    Trophy Points: 135
    JK alikwisha sema "uhasama uliomo CCM watu hawaachi kinywaji kwenye glass wanapokwenda kujisaidia..." Mwakwembe nadhani hakuwa makini zaidi, maana inawezekana hata glass aliyotumia ilipakwa sumu kabla, inaletwa ikiwa kavu kumbe kitu kilikwisha pakwa ndani ikimsubiri! Kwa vile imekwishatokea, atuambie watanzania alichoficha ili kulinda heshima ya walio mmaliza!
     
  4. Alfred Daud Pigangoma

    Alfred Daud Pigangoma Verified User

    #4
    Feb 19, 2012
    Joined: Mar 30, 2009
    Messages: 1,727
    Likes Received: 27
    Trophy Points: 145
    Kaka Mjengwa! Nimesoma kwa makini kwa kweli sina la kuongeza ila ukweli mtupu kuwa sasa sumu imemwagwa hadharani mwenye macho na aone! Mwenye masikio na asikie na mwenye akili na achambue!....... Tutasikia mengi mwaka huu!.....
     
  5. ndyoko

    ndyoko JF-Expert Member

    #5
    Feb 19, 2012
    Joined: Nov 2, 2010
    Messages: 4,704
    Likes Received: 36
    Trophy Points: 145
    naita huu ni mwaka dume!
     
  6. data

    data JF-Expert Member

    #6
    Feb 19, 2012
    Joined: Apr 9, 2011
    Messages: 11,588
    Likes Received: 1,500
    Trophy Points: 280
    Kwahiyo..!!??
     
  7. ha ha ha

    ha ha ha JF-Expert Member

    #7
    Feb 19, 2012
    Joined: Dec 20, 2011
    Messages: 640
    Likes Received: 0
    Trophy Points: 33
    Naunga mkono hoja.
     
  8. K

    Karata JF-Expert Member

    #8
    Feb 19, 2012
    Joined: May 1, 2011
    Messages: 309
    Likes Received: 17
    Trophy Points: 35
    Ahsante sana Mkuu Mjengwa kwa uchambuzi yakinifu usioegemea upande wowote. Lets wait and seen brother!
     
  9. Kimbunga

    Kimbunga Platinum Member

    #9
    Feb 19, 2012
    Joined: Oct 4, 2007
    Messages: 12,340
    Likes Received: 1,012
    Trophy Points: 280
    Mkuu umenikumbusha hiyo kauli ya uhasama na kutoachiana glass.
     
  10. Lole Gwakisa

    Lole Gwakisa JF-Expert Member

    #10
    Feb 19, 2012
    Joined: Nov 5, 2008
    Messages: 3,805
    Likes Received: 194
    Trophy Points: 160
    Tunataka umoja na mshikamano ndani ya CCM-M.R.Kawawa
    Hii kwa sasa ni ndoto
     
  11. PakaJimmy

    PakaJimmy JF-Expert Member

    #11
    Feb 19, 2012
    Joined: Apr 29, 2009
    Messages: 16,234
    Likes Received: 101
    Trophy Points: 145
    PHP:
    Kwa wanahabari kazi hapa ingekuwa  kumbana Mwakyembe  awasaidie  kupata maelezo ya ziada kutoka kwa  mabingwa hao wa India ili iwasaidie  ku-establishbila mashakajuu ya  dhana ya sumu katika kinachomsibu  Mwakyembe.
     
    Kuna ishu inatajwa juu ya kuchakachua ripoti ya uchunguzi ya madaktari wa Apollo juu ya ugonjwa wa Mwakyembe...Hii kitu mimi naona kuwa haiwezekani!
    Kwani kule India hakuna nakala ya kweli(orijino?)
     
  12. Radhia Sweety

    Radhia Sweety JF-Expert Member

    #12
    Feb 19, 2012
    Joined: Aug 10, 2011
    Messages: 4,457
    Likes Received: 327
    Trophy Points: 180
    JK should immediately dismiss either Mwakyembe or Manumba or both for the sake of preventing public trust in the bureaucracy from melting even further as it is already in a very bad shape. Meanwahile, the government should seek help from the Israel intelligence to investigate into Mwakembe's matter since our security system is too incompetent to handle it perfectly.
     
  13. Ngongo

    Ngongo JF-Expert Member

    #13
    Feb 19, 2012
    Joined: Sep 20, 2008
    Messages: 11,804
    Likes Received: 2,952
    Trophy Points: 280
    Duh tangu sakata la Dr Mwakyembe lianze nimekuwa mwoga kuliko kunguru jana nilikuwa Arusha City Park napata kinywaji ghafla nakajisikia haja ndogo nikaenda msalani niliporejea nikamuita mhudumu nikamwagiza aniletee kinywaji kingine na glass nyingine kinywaji cha zamani nikakimwaga na glass nikaitosa mazima alah wacha mchezo na maisha bwana Tanzania si salama tena nchi imeharibika.
     
  14. PakaJimmy

    PakaJimmy JF-Expert Member

    #14
    Feb 19, 2012
    Joined: Apr 29, 2009
    Messages: 16,234
    Likes Received: 101
    Trophy Points: 145
    Kazi na Dawa:
    Aisee saa ngapi ulikuwa pale?
    Kama mida saa 2 usiku mlikuwa jirani ya meza yetu!
    Shida yako NGONGO UCHOYO tu!
     
  15. sosoliso

    sosoliso JF-Expert Member

    #15
    Feb 19, 2012
    Joined: May 6, 2009
    Messages: 6,904
    Likes Received: 314
    Trophy Points: 180
    kwa kauli hiyo ambayo nimei-highlight hapo.. it shows kwamba bado wataalam hawajajua tatizo na wanaendelea kulifanyia kazi ili kujua.. na kama ni hivyo.. manumba hakuwa na sababu ya kuita waandishi wa habari na kutoa taarifa aliyotoa.. hili ni tatizo la kuwa na viongozi wanaofanya kazi kimazoea zaidi..
     
  16. democratic

    democratic JF-Expert Member

    #16
    Feb 19, 2012
    Joined: Nov 21, 2011
    Messages: 1,645
    Likes Received: 1
    Trophy Points: 0
    a job true true
     
  17. Ngongo

    Ngongo JF-Expert Member

    #17
    Feb 19, 2012
    Joined: Sep 20, 2008
    Messages: 11,804
    Likes Received: 2,952
    Trophy Points: 280
    Saa 2 usiku nilikuwa nawatazama watani zangu Arsenal wanavyosulubiwa ha ha ha.

     
  18. kakakuona40

    kakakuona40 JF-Expert Member

    #18
    Feb 19, 2012
    Joined: Oct 3, 2011
    Messages: 300
    Likes Received: 0
    Trophy Points: 0
    mwakyembe ipo very clear, wataalamu wanaendelea kutafiti sababu na hakuna confirmation kwamba kapewa sumu! Acheni chuki zisizo na maana,
     
  19. M

    Mtanzania JF-Expert Member

    #19
    Feb 19, 2012
    Joined: May 4, 2006
    Messages: 4,815
    Likes Received: 31
    Trophy Points: 145
    Mkuu Maggid,

    Tanzania tunajenga taifa la wapiga majungu; wananchi tunafurahia na kuishi kwenye majungum labda kwasababu hatuna kazi nyingi za kufanya.

    Ukitaka majungu yastawi basi toa taarifa nusu nusu. Kweli hili ukiangalia kila angle unaona jinsi vyombo vya dola kama polisi vinavyotoa habari nususu; jinsi mheshimiwa Mwakyembe anavyotoa habari nusu nusu kuhusu kuumwa kwake. Magazeti nayo yamelala na waandishi wa habari wametumbukia kwenye tope hilo hilo la majungu. Hawawezi kufikiri nje ya box na kuamua kutafuta ukweli kwa faida ya wananchi wote. Badala yake wanavumisha majungu hayo ili yawafikie wananchi wengi zaidi na mduara wa majungu uendelee kupanuka.

    Hapa ndipo nchi ilipofikia, no wonder hatusogei mbele. Dawa pekee ya majungu ni ukweli mtupu. Kuna kitabu kinaitwa TRUTH HEALS, huyo mwandishi mwanamama anasema katika jambo lolote baya, ukitaka kuliponya, hatua ya kwanza ni kukumbatia ukweli. Sio ukweli nusu au robo tatu, au asilimia 99. Ni ukweli kwa asilimia 100.

    Kuna misemo mingine mbalimbali ambayo inahusiana na umuhimu wa kusema ukweli unapokuwa kwenye matatizo. kwa mfano if you're in a hole stop digging; maana yake toa ukweli wote ili kujiokoa. Bahati mbaya viongozi wetu na vyombo vyetu vya dola vinazidi kuchimbia matatizo kwa kushindwa kukumbatia ukweli.

    Huu mduara wa majungu na ushabiki wetu sisi wananchi hautatufikisha popote. Imefika wakati serikali iunde tume huru ya madaktari na vyombo vya sheria wakiwemo wawakilishi wa mheshimiwa Mwakyembe na kuchunguza hili jambo na kuuweka ukweli wote wazi. Wananchi tunataka ukweli, tunataka kujua kama kuna watu wabaya wanalisha wenzao sumu, pia tunataka kujua kama kuna watu wanapiga kelele za sumu wakati hakuna sumu. Ni ukweli tu utaweza kupunguza mduara wa majungu ambao sasa unazidi kuwa mkubwa.

    Ikifika mahali wananchi wanaamini zaidi majungu ya mitaani kuliko statements za viongozi, jua taifa liko njia panda. Tunahitaji Mwarobaini ili uturudishe kwenye ukweli.
     
  20. cartura

    cartura JF-Expert Member

    #20
    Feb 19, 2012
    Joined: Aug 13, 2009
    Messages: 3,053
    Likes Received: 8
    Trophy Points: 0
    hili sakata sijui litaishia wapi ... lakini kwa nini mwakyembe mwenyewe asianike kila kitu wazi kikaeleweka? why this dangerous cat and mouse game?
     
Loading...