Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Rais Kikwete aota kujenga safu ya vijana katika uongozi wa kitaifa

Discussion in 'Habari na Hoja mchanganyiko' started by Ng'wanza Madaso, Nov 16, 2009.

  1. Ng'wanza Madaso

    Ng'wanza Madaso JF-Expert Member

    #1
    Nov 16, 2009
    Joined: Oct 21, 2008
    Messages: 2,276
    Likes Received: 58
    Trophy Points: 145
    Na Mwandishi Wetu

    RAIS Jakaya Mrisho Kikwete ameahidi kuwa kama akijaliwa kupata kipindi cha pili cha kuliongoza taifa la Tanzania, atafanya jitihada kubwa kuubadilisha uongozi wa Tanzania kuwa uongozi wa vijana.

    Rais Kikwete akizungumza juzi, mjini Dar es Salaam na vijana kutoka nchi mbali mbali za Afrika wanaoshiriki katika Mpango wa Kulea Uongozi wa Afrika wa African Leadership Initiative, Rais Kikwete alisema kuwa anauthamini Mpango huo.

    Alisema kuwa vijana ndiyo Tanzania ya kesho, na kama Tanzania haikuwekeza vya kutosha katika vijana na maendeleo yao, basi itakuwa haiwekezi katika hali yake ya baadaye.

    Aliwaambia vijana hao ambao wanashiriki katika Mpango huo unaodhaminiwa na Askofu Mkuu (mstaafu) wa Kanisa la Anglikan Desmond Tutu wa Afrika Kusini kuwa kwa kadri miaka inavyokwenda ni lazima rika la wazee lipishe lile la vijana.

    Rais aliwaambia vijana hao kwenye mkutano wao katika Hoteli ya Southern Sun mjini Dar es Salaam: "Kwenye Uchaguzi Mkuu ujao, kama nitajaliwa na nikapata bahati ya kuchaguliwa tena, nitahakikisha kuwa naubadilisha uongozi wa Tanzania kwa kuufanya uongozi wa vijana zaidi."

    Aliongeza: "Wale viongozi wa rika langu lazima waanze kuwaachia nafasi vijana. Tunahitaji wakuu wa wilaya vijana zaidi, wakuu wa mikoa vijana zaidi, na hata mawaziri vijana zaidi. Ndivyo ilivyotokea kwetu sisi wakati tukiwa vijana.

    Amesisitiza: "Vijana ndiyo matumaini ya nchi hii katika miaka inayokuja, na kama hatukuwekeza katika vijana wetu, basi ni dhahiri kuwa hatuwekezi ipasavyo katika miaka ijayo ya taifa letu."

    Akijibu maswali ya vijana hao kutoka nchi mbali mbali za Afrika zikiwamo Tanzania, Nigeria, Kenya, Afrika Kusini na Uganda, Rais Kikwete amewaeleza vijana hao jinsi gani alivyojikuta anaingia katika siasa.

    Akijibu swali kuhusu maendeleo ya karibuni katika siasa za Zanzibar, Rais Kikwete amesema kuwa ni jambo la kufurahisha kwamba vyama vya siasa katika Zanzibar vimeamua kuachana na siasa na mazoezi ya zamani na kuanza ukurasa mpya.

    "Nawatakia heri sana katika mwelekeo mpya na sahihi kabisa katika uendeshaji wa siasa. Ni mwelekeo ambao sote tumekuwa tunautafuta kwa muda mrefu." Katika siku za karibuni, Chama cha CUF ambacho ni chama cha upinzani kimeamua kumtabua Rais Amani Abeid Karume kama Rais wa halali wa Zanzibar, hatua ambayo imefungua kila aina ya uwezekano wa kupatikana maelewano na mwafaka katika Tanzania Visiwani.

    Source: Mwananchi
     
  2. Bluray

    Bluray JF-Expert Member

    #2
    Nov 16, 2009
    Joined: Mar 25, 2008
    Messages: 3,445
    Likes Received: 26
    Trophy Points: 135
    Bado kalala kwenye 'vijana ndiyo taifa la kesho" wakati watu hawana kazi leo!
     
  3. Nyambala

    Nyambala JF-Expert Member

    #3
    Nov 17, 2009
    Joined: Oct 10, 2007
    Messages: 4,468
    Likes Received: 10
    Trophy Points: 135
    Du hivi huyu jamaa bado anataka kuendelea beyond 2010?????? Du kweli kazi tunayo na vijana wenyewe ni kina nani? Msauni? Jerry Slaa? Ridhwani? Maina? au Nchimbi?

    Kama vetting ya wazee ambao amekuwa nao siku zote serikalini imemshinda wht about the so called vijana??????
     
  4. J

    Jasusi JF-Expert Member

    #4
    Nov 17, 2009
    Joined: May 5, 2006
    Messages: 11,450
    Likes Received: 99
    Trophy Points: 145
    Halafu kwa mantiki hii ni vijana wa aina gani atakaotuandalia? Akina Masha,Ngeleja, na Ridhwani? Kama wewe mwenyewe uongozi wako ni mbovu si utatuachia vijana wabovu tu katika taifa hili? Tanzania deserves better!
     
  5. kilemi

    kilemi JF-Expert Member

    #5
    Nov 17, 2009
    Joined: Mar 13, 2009
    Messages: 514
    Likes Received: 2
    Trophy Points: 35
    Kuchagua vijana ni safi, kwa sababu wengi watahofia ajira zao, hasa ikiwa ni vijana waelewa!
    Cha muhimu ni kuachana na wapiga debe, kama akina Masha na Nchimbi!!
    Yaani sifa ya kupayukapayuka aiweke pembeni!!
     
  6. LazyDog

    LazyDog JF-Expert Member

    #6
    Nov 17, 2009
    Joined: Apr 10, 2008
    Messages: 2,479
    Likes Received: 8
    Trophy Points: 135
    Habari za kutapisha kama hii bora zibaki huko ziliko.
     
Loading...