Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Neno La Leo: Tunaangamia Kwa Kukosa Hekima!

Discussion in 'Habari na Hoja mchanganyiko' started by maggid, Mar 13, 2011.

  1. m

    maggid Verified User

    #1
    Mar 13, 2011
    Joined: Dec 3, 2006
    Messages: 990
    Likes Received: 132
    Trophy Points: 60
    Ndugu Zangu,

    MFALME Suleiman aliambiwa ndotoni aombe kitu chochote kwa Mola wake, naye akajibu; " Ewe Mola wangu, nipe mimi mtumwa wako moyo wa adili ili niwahukumu watu wako, na kupambanua mema na mabaya, maana ni nani awezaye kuwahukumu hawa watu wako walio wengi?"

    Hivyo basi, Mfalme Suleiman alichagua hekima. Maana, ni Mfalme Suleiman huyo anayekaririwa na vitabu vya dini akitamka, kuwa; " Watu wangu wanaangamia kwa kukosa hekima".

    Naam, hekima ndilo jambo lililo bora kabisa kwa mwanadamu kuwa nalo. Mwanadamu aliyepungukiwa hekima ana hasara kubwa maishani. Hekima ni tunu na kipaji ambacho Mwenyezi Mungu amewajalia waja wake, ili nao waweze kupambanua na kuamua kati ya yaliyo mema na maovu. Duniani hakuna shule ya hekima.

    Nakumbuka nilipokuwa kijana mdogo nilitamani sana kilimo. Marehemu babu yangu alimiliki ardhi kubwa kijijini kwetu Nyeregete, Mbarali. Nilimwomba anipe ardhi ya kulima, naye alinipa kipande kidogo cha ardhi, chapata robo eka.

    Akaniambia huku akinionyesha kwa mikono; " Hapa utachagua mwenyewe, ama ulime mpunga au mahindi". Kisha akanikabidhi jembe kubwa jipya mfano wa kopa. Hakunipa mpini, na jembe halikunolewa. Nikamwomba anisaidie na vyote viwili, mpini na kunolewa jembe. Naye akanijibu; " Mpini utautafuta mwenyewe, na jembe hunolewa ardhini". Kwangu mimi, ile inabaki kuwa shule kubwa ya juu ya nini maana ya maisha na namna ya kupambana ili kuishi.

    Naam. Duniani hakuna shule ya hekima. Kuwa na hekima ni kuwa na tunu, kuwa na kipaji ambacho binadamu hujaliwa nacho. Na mwingine atajiuliza; hekima ni nini? Ni ule uwezo wa mwanadamu kuwa na maarifa ya kufahamu kipi cha kufanya, kwanini afanye, wapi na kwa wakati gani. Hivyo basi, hekima ni maarifa, tunaangamia kwa kukosa maarifa, kukosa hekima. Na tuitafute hekima. Na hilo ni Neno La Leo.

    Maggid,

    Dar es Salaam
    Machi 13, 2011
    mjengwa
     
  2. Magogwajr

    Magogwajr JF-Expert Member

    #2
    Mar 13, 2011
    Joined: Nov 16, 2010
    Messages: 223
    Likes Received: 1
    Trophy Points: 35
    Watu wangu wanaangamia kwa kukosa maarifa. Usichakachue bible na kuweka hekima japo umeionyesha kuwa na same meaning bt ni maarifa nt hekima
     
  3. kilimasera

    kilimasera JF-Expert Member

    #3
    Mar 13, 2011
    Joined: Dec 2, 2009
    Messages: 3,072
    Likes Received: 9
    Trophy Points: 135
    ni kweli hata ufisadi umeongezeka sana kwa kua kila mtu amekosa hekima!si mwananchi wala si kiongozi cha muhimu kila mmoja ashike hatam kwa nafasi yake kutokomeza hali hii
     
  4. Jilanga

    Jilanga JF-Expert Member

    #4
    Mar 13, 2011
    Joined: Feb 13, 2011
    Messages: 253
    Likes Received: 1
    Trophy Points: 0
    Mtumishi yuko nyote mpo sawa ilg tu kina kusumbua wewe yawezekana unatumia version moja tu! Ambayo iliandikwa kwa kiswahili cha kisasa! Yawezekana walichakachua ktk kufasiri! Ukisoma Bible Ya Kingereza hawasemi maarifa bali wameandika (wisdom) busara/hekima katika matumizi ya jina na kitenzi!
    Yote ktk yote kinachomata hakuna aliyepotoza kati yenu ila tu ni umaskini wa maneno/misamiati ktk lugha ya Kiswahili na tofauti ktk fasiri/tafsiri!

    MUNGU AWABARIKI NYOTE, AWAINUE KTK MAPITO YENU! AWAONGEZEE HEKIMA ILI MWENENDE SAWA SAWA NA MPENZI YAKE! Amen!
     
  5. Mlachake

    Mlachake JF-Expert Member

    #5
    Mar 13, 2011
    Joined: Oct 13, 2009
    Messages: 2,587
    Likes Received: 163
    Trophy Points: 160
    Asante majid, Tatizo umeacha walio na hekima wakuelewe!
    hakuna mpumbavu atakaye elewa hapa.
     
Loading...