Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mrema alazwa KCMC

Discussion in 'Habari na Hoja mchanganyiko' started by BAK, Jun 7, 2008.

  1. BAK

    BAK JF-Expert Member

    #1
    Jun 7, 2008
    Joined: Feb 11, 2007
    Messages: 50,119
    Likes Received: 9,824
    Trophy Points: 280
    Tunamuombea apone haraka ili aendelee na shughuli zake za kila siku.

    Mrema alazwa KCMC

    na Charles Ndagulla, Moshi
    Tanzania Daima~Sauti ya Watu

    MWENYEKITI wa Tanzania Labour Party (TLP), Augustino Mrema, amelazwa katika Hospitali ya Rufaa ya KCMC mjini Moshi akisumbuliwa na homa ya mapafu.

    Akizungumza na waandishi wa habari jana kwenye wodi namba 15 ya hospitali hiyo, Mrema alisema kuwa, amelazwa hapo tangu Jumanne wiki hii na kukanusha uvumi ulioenea mjini hapa kuwa yuko mahututi.

    “Ngoja niamke kitandani ili muelewe kwamba mimi siko mahututi, maana mnaweza mkaondoka hapa na kwenda kuandika ‘Mrema yuko taabani’, si kweli, hata watoto wangu nimewaeleza naendelea vizuri, naomba msiwatie hofu wanachama wangu,” alisema Mrema huku akiinuka kitandani kuthibitisha maneno yake.

    Alisema kuwa, hali yake imeimarika sana tangu alazwe, na iwapo itaendelea hivyo, ana uhakika kuwa, anaweza kuruhusiwa wakati wowote kuanzia sasa na kusisitiza lazima amalize dawa alizopewa na madaktari wanaomtibu.

    Kwa siku tatu mfululizo kumekuwepo na uvumi kuwa, Mrema ambaye yupo mkoani Kilimanjaro kwa takribani wiki tatu sasa, amelazwa katika hospitali hiyo akiwa hajitambui, madai ambayo amesisitiza kuwa si ya kweli.

    Katika hatua nyingine, Mrema ameiomba serikali kuisadia Hospitali hiyo ya Rufaa ya KCMC, inayoendeshwa na Shirika la Msamaria Mwema (GSF), ili kukabiliana na uhaba wa dawa pamoja na msongamano mkubwa wa wagonjwa wanaolazwa hapo.

    Alisema kuwa, katika kipindi alicholazwa hapo, amebaini kuwa, muuguzi mmoja anahudumia wagonjwa zaidi ya 35, huku msongamano wa wagonjwa ukiwa mkubwa kutokana na wingi wa wagonjwa.

    Aliiomba serikali kuzitumia fedha zinazorejeshwa na watu wanaodaiwa kufuja mabilioni ya fedha za wavuja jasho katika Akaunti ya Madeni ya Nje (EPA) ya Benki Kuu ya Tanzania (BoT), kusaidia wagonjwa walioko hospitalini, wakiwamo hao wa KCMC na kwingineko.

    Alishangazwa na wimbi la viongozi waandamizi wa serikali na wa chama tawala (CCM) kukimbilia nje ya nchi kwa ajili ya kuchunguzwa afya zao na kuacha kuzitupia macho hospitali zilizopo hapa nchini, ambazo alisema zina uhaba mkubwa wa dawa, vitendea kazi na watumishi.

    “Hii ndiyo India yetu, acha hao wanaokimbilia nje kwenda kuangalia afya zao na kuacha kuzisaidia hospitali kama hizi ambazo ni mkombozi wetu mkubwa, wangeweza kutumia fedha zilizorejeshwa na mafisadi wa EPA kusadia hospitali hizi, matatizo kama haya ya mrundikano wa wagonjwa yangepungua,” alisisitiza.

    Mrema yupo mkoani Kilimanjaro akifuatilia mwenendo wa kesi yake ya madai ya fidia ya sh milioni 500 aliyoifungua dhidi ya Mwanasheria Mkuu wa Serikali pamoja na Jeshi la Polisi nchini, ambayo ipo Mahakama Kuu Kanda ya Kilimanjaro.

    Kesi hiyo inatokana na kufutwa kwa kesi namba 1545/99 ya uchochezi aliyofunguliwa na Jeshi la Polisi mwaka 1999, baada ya Mrema kukamatwa kwa madai ya uchochezi pamoja na wenzake sita, akiwamo aliyekuwa Makamu Mwenyekiti TLP Zanzibar, Farahan Mzee Farahan.

    Wengine walioshitakiwa pamoja na Mrema ni Getrude Pwila, ambaye ni Mwenyekiti wa TLP Kitengo cha Wanawake, Kalisti Njau aliyekuwa dereva wa Mrema na Festo Vidonge, ambaye kwa sasa ni msadizi wa mbunge wa Jimbo la Vunjo Alocye Kimaro (CCM).

    Akiwa na wenzake, Mrema alikamatwa na polisi mwaka 1999 eneo la Marangu wilayani Moshi Vijijini, akituhumiwa kutoa maneno ya uchochezi kwamba, mke wa Rais wa awamu ya tatu, Benjamin Mkapa, mama Anna Mkapa, alichota sh milioni 497 kutoka Benki ya NBC.

    Pia walidaiwa kutoa maneno ya uchochezi kwamba, Mkapa wakati huo akiwa rais, naye alichota mamilioni ya fedha kutoka NBC na kuzificha kwenye moja ya benki nchini Uswisi.
     
  2. Kuhani

    Kuhani JF-Expert Member

    #2
    Jun 7, 2008
    Joined: Apr 2, 2008
    Messages: 2,944
    Likes Received: 6
    Trophy Points: 135
    Hii itawauma sana Viongozi. Bonge la statement...
     
  3. Mbu

    Mbu JF-Expert Member

    #3
    Jun 7, 2008
    Joined: Jan 11, 2007
    Messages: 12,703
    Likes Received: 92
    Trophy Points: 145
    ...thubutuuuu!!!

    Kuhani Mkuu ushasahau mwezi February George Bush alipokuja hospitali ya Amana pale Ilala ilivyokuwa?

    kila mgonjwa na kitanda chake, tena kuna vitanda vilikuwa vitupu! hospitali ilipakwa rangi, ilipigwa deki, na wagonjwa hao wachache waliolazwa hapo "bila msongamano" walibahatika kunywa chai na mayai... kama ulibahatika kuangalia luninga, chumba cha madawa kilikuwa kimejaa madawa ya aina mbali mbali!...

    yale yaleeee ya 'UJINGA WA MWAFRIKA!'...

    sasa angalia huyu mkuu wa TAMISEMI naye alivyoripotiwa miezi mitatu tu baadae...


    ...Kwani kulikuwa na ubaya gani "Joji Kichaka" akijionea mwenyewe 3rd world hospital ilivyo, yaani msongamano wa wagonjwa, hospitali chakavu, hamna madawa nk? si ndio misaada ingemwaga ya kutosha?

    Viongozi wetu hawana haya wala hawaoni vibaya!
     
  4. Mzozo wa Mizozo

    Mzozo wa Mizozo JF-Expert Member

    #4
    Jun 7, 2008
    Joined: May 26, 2008
    Messages: 427
    Likes Received: 0
    Trophy Points: 0
    hivi hUyu si ndio alikuwa kinara wa kuvuruga upinzani mwaka 1995 na alifanikiwa kwa kiasi kikubwa? natamani wanasiasa wetu wa Tanzania wangekuw
    na upeo wa ziada hasa kuhusiana na malengo na maamuzi yao.

    tunakuombea kwa Mwenyezi Mungu upone na kuwa na nguvu kama zamani ili tuendelee kuiweka serikali katika mkondo stahimilifu!

    mpaka Kieleweke.
     
  5. Msanii

    Msanii JF-Expert Member

    #5
    Jun 7, 2008
    Joined: Jul 4, 2007
    Messages: 6,223
    Likes Received: 62
    Trophy Points: 145
    Hivi tanzania kuna viongozi au WATAWALA?
     
  6. hollo

    hollo JF-Expert Member

    #6
    Jun 10, 2008
    Joined: Apr 21, 2008
    Messages: 744
    Likes Received: 1
    Trophy Points: 35
    pole Mrema MUNGU akupe wepesi katika kupona kwako!Get well soon!Naibu waziri mkuu mstaafu!
     
  7. H

    Haika JF-Expert Member

    #7
    Jun 10, 2008
    Joined: Mar 3, 2008
    Messages: 2,241
    Likes Received: 20
    Trophy Points: 135
    Tunakuombea heri na afya njema mapema iwezekanavyo.
    Uje tuendeleze vita kuikomboa tanzania
     
  8. Fidel80

    Fidel80 JF-Expert Member

    #8
    Jun 10, 2008
    Joined: May 3, 2008
    Messages: 21,983
    Likes Received: 49
    Trophy Points: 145
    Tunakuombea kwa MUngu upone haraka sana kwani bado unamchango mkubwa sana katika jamii wa kufichua wala nchi.Bila wewe vituo vidogo vya POLICE visingekuwepo leo hii uswazi licha ya vingine kuwa vimesha jifia na kuezuliwa kabisa.
    Utapona tu tupo nyuma yako tukikuombea.
     
  9. H

    Haika JF-Expert Member

    #9
    Jun 10, 2008
    Joined: Mar 3, 2008
    Messages: 2,241
    Likes Received: 20
    Trophy Points: 135
    Inasikitisha kuona kuwa vile vituo vilivyokufa ndio vinahusishwa na mrema, lakini vilivyo msaada hawamkumbuki, jamani Tanzania tuna ugonjwa mbaya!!!

    Of all the leaders, ninaowakumbuka, waliofanya vitu vya kuonekana.
    Ni mrema,
    na Mwaibula alivyochora mistari daladala na kuzipangia ruti. Japo wanamnyamazisha
     
  10. Fidel80

    Fidel80 JF-Expert Member

    #10
    Jun 10, 2008
    Joined: May 3, 2008
    Messages: 21,983
    Likes Received: 49
    Trophy Points: 145
    Tatizo la watawala wetu iwa wanaweka kila kitu kisiasa maana wamemchukia na wanaona kama havina msaada vingi siku hizi vimekuwa magofu.Unajua huyu jamaa alikuwa makini sana kwenye swala la usalama kila mtu analijua hilo kwani majambazi walijisalimisha walisalimisha bunduki.Ni kiongozi wa kuigwa sana leo.
     
  11. Mahesabu

    Mahesabu JF-Expert Member

    #11
    Jun 10, 2008
    Joined: Jan 27, 2008
    Messages: 4,605
    Likes Received: 279
    Trophy Points: 180
    Get Well Soon Mrema......!
    Get Well Soon.....!
     
  12. Mahesabu

    Mahesabu JF-Expert Member

    #12
    Jun 10, 2008
    Joined: Jan 27, 2008
    Messages: 4,605
    Likes Received: 279
    Trophy Points: 180

    hasa hili suala la sasa ambapo jambazi asema yeye ndo alokwiba na kuwakana akina Zombe nimemkumbuka sana Mrema...!
     
  13. BAK

    BAK JF-Expert Member

    #13
    Jun 10, 2008
    Joined: Feb 11, 2007
    Messages: 50,119
    Likes Received: 9,824
    Trophy Points: 280
    Posted Date::6/10/2008
    Mwanasiasa asifia madaktari KCMC baada ya kupata afueni
    Na Ally Sonda, Moshi
    Mwananchi

    AFYA ya Mwenyekiti wa Chama Cha Tanzania Labour (TLP) Augustine Mrema,ambaye amelazwa kwenye Hospitali ya Rufaa ya KCMC,mjini hapa inaendelea kuimarika zaidi.

    Mrema ambaye alilazwa tangu Juni 3 mwaka huu, jana alisema kuwa, homa kali na maumivu ya kifua alivyokuwa nayo wakati analazwa hivi sasa yametoweka na kumshukuru Mungu, madaktari na wauguzi wa KCMC.

    Mrema amerejea kauli yake aliyoitoa wiki iliyopita kuwa, kutokana na jinsi alivyohudumiwa vizuri KCMC, amejiona hana tofauti na kigogo wa serikali au wa chama fulani aliyelazwa kwenye Hospitali nchini India.

    "Sijui niwape zawadi gani madaktari wazuri wa KCMC na wauguzi wao, yaani wamenipa huduma nzuri sana ya matibabu, mimi na waliokwenda India kutibiwa ngoma droo(tuko sawa), " alisema Mrema.

    Kwa upande mwingine, aliwaonya baadhi ya viongozi wa Chama Cha Mapinduzi(CCM), wanaotumia mikutano ya hadhara kumkejeli kuacha mara moja.

    Alisema viongozi hao wa CCM wanapaswa kumfariji kwa kuwa yeye ndiye muasisi wa vita dhidi ya mafisadi nchini,vita ambavyo serikali ya Rais Jakaya Kikwete inapambana navyo.

    "CCM wanapaswa kunifariji mimi,siyo kunikejeli, mimi ndiye muasisi wa vita dhidi ya mafisadi, mimi ndiye kiongozi wa kwanza kusema hadharani vigogo wa nchi wamegawana Sh900 milioni, nikashitakiwa mahakamani na kisha nikashinda kesi,CCM wasione wivu kunisifu kwa hilo, "alitamba.

    Kuhusu madai yaliyotolewa na kiongozi mmoja wa CCM mkoani Kilimanjaro, kuwa Mrema hana mamlaka ya kutetea maslahi ya watumishi wa KCMC, alidai kiongozi huyo hana tofauti na mama wa kambo anayewanyanyasa watoto wa mke mwenza marehemu.

    Alisema ataendelea kuiomba serikali iwasaidie watumishi wa KCMC wakiwamo Madaktari bingwa kupata maslahi bora ili waweze kufaidika na kuboresha maisha yao kama wasomi wengine.

    " Mimi ndiye mgonjwa,nimetibiwa vizuri nimepona,sina zawadi ya kuwapa wauguzi na madaktari wangu isipokuwa kuwaombea maslahi mazuri serikalini...sasa huyo kigogo mmoja wa CCM wa mkoa anawashwa na nini? "Alihoji Mrema.
     
  14. Pundit

    Pundit JF-Expert Member

    #14
    Jun 10, 2008
    Joined: Feb 4, 2007
    Messages: 3,742
    Likes Received: 14
    Trophy Points: 0
    Shout outs to Mrema,

    Get well soon big man.
     
Loading...