Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mbunge wa Arusha mjini Godbless Lema apelekwa mahabusu

Discussion in 'Jukwaa la Siasa' started by Henry Kilewo, Oct 31, 2011.

  1. Henry Kilewo

    Henry Kilewo Verified User

    #1
    Oct 31, 2011
    Joined: Feb 9, 2010
    Messages: 886
    Likes Received: 59
    Trophy Points: 45
    Mbunge wa Arusha mjini Godbless Lema , amepelekwa gerezani leo baada ya kukataa dhamana mahakamani Arusha. iIa ameacha waraka kwa wananchi wake wa Arusha mjini pamoja na watanzania wapigania haki.

    Nitauwekea waraka huwo muda simrefu.

    WARAKA WA GODBLESS LEMA KWA WANA WAARUSHA NA WATANZANIA WAPENDA MABADILIKO KOKOTE KULE WALIPO ULIMWENGUNI

    JELA NI MAHALI PA KUISHI KAMA SABABU YA KWENDA HUKO NI VITA DHIDI YA UONEVU, UKANDAMIZAJI WA HAKI NA UTU WA BINADAMU.

    Wapendwa wapiga kura wangu na Watanzania wenzangu.

    Sina wakati mgumu kuchukua maamuzi haya yanayotokea leo. Upendo huu nilio nao kwa watu wa Arusha na nchi yangu ni sababu ya msingi ya maamuzi haya. Nimetishwa mara nyingi, rafiki zangu wametishwa, jamii ya watu duni imeendelea kuishi kwa mashaka na matisho kwa muda mrefu.

    Katika mazingira haya, nikawaza sana kuwa anatakiwa kutokea mtu mmoja jasiri atakayeweza kuona thamani ya watu wengine. Huyo mtu anaweza kuwa wewe lakini kwa wakati huu siwezi kumsubiri tena na nimechagua kuwa mimi nikiamini kuwa utanikuta nikiendelea na safari ya ukombozi.

    Tupo wengi sana tunaotaka mabadiliko, haki na ukweli. Hata hivyo hofu, woga na mashaka yamepoteza thamani yetu yote ya maana ya kuishi.

    Waliofungwa kwa kuonewa na kuteswa, waliokosa chakula na kulala nje, waliokwenda hospitali na kukosa madawa, waliokosa ajira na kipato mpaka kujikuta wametoroka familia zao, waliopoteza matumaini ya maisha, waliopora utajiri wa nchi yetu kwa manufaa yao binafsi, walionunua haki na sheria dhidi ya wajane na wanyonge na kuwapora vipato vyao vidogo na mashamba yao, USIULIZE SABABU NINI!

    Nimetafakari sana na nikatambua kuwa sababu ni mimi pale nilipokuwa kimya wakati wajane na wanyonge wanaonewa.

    NIliposikia wengine wanaandamana kupinga uovu, uonevu, wizi, ufisadi na ukandamizaji wa haki nikasema ni hao na wala sio mimi, kumbe nilipaswa kuwa mbele katika harakati hizi.

    Nilipoona wenzangu hawawezi kupata matibabu nikasema mimi sio mgonjwa, nilipopata taarifa za rafiki zangu kufungwa kwa makosa yasiyo yao, nilipoona watoto wa mitaani wanaomba chakula, nilipoona wazee wamepoteza matumaini ya kuishi katika uzee wao, nilipoona vijana hawana ajira, nilipoona mabinti wasichana wadogo wameamua kufanya biashara ya ukahaba, NIKATAFAKARI,TENA NIKATAFAKARI, dhahabu zetu, almasi yetu, Milima na mabonde yetu, Tanzaninte yetu, samaki wetu, Uranium yetu, makaa ya mawe yetu, utalii wetu, ardhi na kilimo chetu na zaidi utu na mahusiano yetu.

    Na sasa siwezi kukaa kimya tena. NI afadhali vita inayotafuta haki na usawa kuliko amani inayopumbaza na kudhalilisha utu wa mwanadamu. Na katika msingi huu hofu na mashaka vimekosa thamani kwangu, sitamwogopa mtu yoyote, mwenye silaha yoyote, mwenye cheo chochote na wala sitaogopa jela yoyote katika kupigania haki, utu wa kweli katika jamii yangu.

    Wanafikiri wataendelea kutuogopesha kwa sababu wana jela na silaha, wanafikiri tutaendelea kuabudu uoga, wanafikiri wataendela kutunyanyasabila sababu ya msingi LAKINI SISI TUNAJUA TUTASHINDA KWA SABABU HAKI TUNAYOIPIGANIA NI MAKUSUDI YA MWENYEZI MUNGU.

    Leo nitakwenda jela kwa hiari yangu binafsi kwa siku kadhaa na si kwa NIA YA KUJITAFUTIA UTUKUFU WANGU bali ," JELA NI MAHALI PA KUISHI KAMA SABABU YA KWENDA HUKO NI VITA DHIDI YA UONEVU, UKANDAMIZAJI WA HAKI NA UTU WA BINADAMU.

    Kila mara nilipotishiwa nikagundua wanaonitishia, wananitishia kwa jela na mauti. Na mimi nikagundua na nikatambua ni afadhali kuishi miaka hamsini jela huku sababu ikiwa ni kupinga uonevu na ukandamizaji kuliko maisha ya woga na anasa yasiyo na kusudi katika kutetea utu na heshima ya mwanadamu mwenzangu.

    Wale mlionitishia kunipeleka jela sasa nimetangulia kwa hiari yangu na wale mliobaki msiogope jela endeleeni kupigania ukombozi utakaoleta usawa katika nchi yenu.

    Watakaotubeza na kututukana wasameheni kwani wanahitaji ukombozi wa fikra, watakaotupongeza na kutuonea huruma wafundisheni ujasiri na waambieni mapambano bado yanaendelea tunahitaji umoja wao. Nitarudi mapema. MSIOGOPE, MSIOGOPE, MSIOGOPE , MUNGU YUPO UPANDE WETU.

    Mhe Godbless Lema (MB) – Arusha Mjini 31 Oktoba 2011.


    wengine mnaweza kudownload View attachment lema.pdf
     
  2. Omutwale

    Omutwale JF-Expert Member

    #2
    Oct 31, 2011
    Joined: Feb 4, 2008
    Messages: 1,423
    Likes Received: 9
    Trophy Points: 135
    Hizi mbwembe zingine bwana... Siasa za utoto.
     
  3. Nyunyu

    Nyunyu JF-Expert Member

    #3
    Oct 31, 2011
    Joined: Mar 9, 2009
    Messages: 4,292
    Likes Received: 50
    Trophy Points: 145
    Asante mkuu, tunasubiri waraka mkuu...
     
  4. zumbemkuu

    zumbemkuu JF Bronze Member

    #4
    Oct 31, 2011
    Joined: Sep 11, 2010
    Messages: 8,790
    Likes Received: 255
    Trophy Points: 180
    Heee! Hivi hawa polisi wa arusha mjini akili zinawatosha kweli?
     
  5. zumbemkuu

    zumbemkuu JF Bronze Member

    #5
    Oct 31, 2011
    Joined: Sep 11, 2010
    Messages: 8,790
    Likes Received: 255
    Trophy Points: 180
    mkuu bora siasa za utoto zinaeleweka, kuliko siasa hizi za CCM.
     
  6. Mbushuu

    Mbushuu JF-Expert Member

    #6
    Oct 31, 2011
    Joined: Aug 3, 2011
    Messages: 701
    Likes Received: 289
    Trophy Points: 80
    Hebu mwaga data mkuu kwa kesi ipi?
     
  7. Limbani

    Limbani JF-Expert Member

    #7
    Oct 31, 2011
    Joined: Apr 24, 2008
    Messages: 1,395
    Likes Received: 33
    Trophy Points: 145
    Kesi ipi iliyomuweka ndani?
     
  8. Jile79

    Jile79 JF-Expert Member

    #8
    Oct 31, 2011
    Joined: May 28, 2009
    Messages: 8,765
    Likes Received: 116
    Trophy Points: 160
    hii ndo ccm bana chama chenye dola..

    Demokrasia inaminywa kwa ujasiri wa kifisadi Tz
     
  9. M

    MzeePunch JF-Expert Member

    #9
    Oct 31, 2011
    Joined: Jun 8, 2009
    Messages: 1,412
    Likes Received: 12
    Trophy Points: 135
    Hilo kosa ni la kupelekwam gerezani kweli? Lazima tuwe serious. Mnaacha kuwapeleka gerezani wezi wanaoendelea kuifilisi nchi yetu kila siku mnamsumbua mwakilishi wa wananchi. U-jinga huu utaisha lini nchi hii?
     
  10. PakaJimmy

    PakaJimmy JF-Expert Member

    #10
    Oct 31, 2011
    Joined: Apr 29, 2009
    Messages: 16,234
    Likes Received: 105
    Trophy Points: 160
    Basi mji wa Arusha utakuwa na hali tete sana!

    Lakini bado siamini kuwa Lema anaweza kukosa MDHAMANA kwa Arusha hii!....Hata ingekuwa ni Milioni 50, wengi tu watazichanga fasta!

    Unless kuna sababu zinginezo zinazosababisha wampeleke huko.
     
  11. Mathias Byabato

    Mathias Byabato Verified User

    #11
    Oct 31, 2011
    Joined: Nov 24, 2010
    Messages: 861
    Likes Received: 5
    Trophy Points: 35
    cku hizi siasa ni DILI tena kubwa.
    ukifanikiwa kutaka jamii through hii kitu umeukata,sema watu hawajatambua
     
  12. samora10

    samora10 JF-Expert Member

    #12
    Oct 31, 2011
    Joined: Jul 21, 2010
    Messages: 5,905
    Likes Received: 446
    Trophy Points: 180
    mleta habari bado hajatuwekea wazi hii habari..kakosa mdhamini kwamba hakukua na watu mahakamani au hadhaminiki?
     
  13. kichomiz

    kichomiz JF-Expert Member

    #13
    Oct 31, 2011
    Joined: Feb 28, 2011
    Messages: 9,434
    Likes Received: 929
    Trophy Points: 280
    Kazi ndio inaanza sasa ukiona shida,matatizo,manyanyaso,uonevu vimekuandama ujue mwisho wake umekaribia,tuwekee waraka wake mkuu ili tujue.
     
  14. Daffi

    Daffi JF-Expert Member

    #14
    Oct 31, 2011
    Joined: Jun 25, 2011
    Messages: 3,729
    Likes Received: 119
    Trophy Points: 160
    Cdhani kama kuna ukweli hapa!ngoja ntajaribu kupata ukweli!najiuliza iweje Lema akose wadhamini hapa?sijui
     
  15. Mzee Wa Rubisi

    Mzee Wa Rubisi JF-Expert Member

    #15
    Oct 31, 2011
    Joined: Nov 6, 2010
    Messages: 1,748
    Likes Received: 64
    Trophy Points: 145
    Mkuuu,sijakuelewa.mwisho hupi wa kufa au siasa
     
  16. Kimbojo

    Kimbojo JF-Expert Member

    #16
    Oct 31, 2011
    Joined: Apr 12, 2009
    Messages: 387
    Likes Received: 0
    Trophy Points: 33
    Toa chanzo cha habari, hata akienda gerezani atatoka kwa remove order kesho. huko ataona kero nyingi za wananchi wasio na hatia waliowekwa ndani.
     
  17. Mwanajamii

    Mwanajamii JF-Expert Member

    #17
    Oct 31, 2011
    Joined: Mar 5, 2008
    Messages: 7,082
    Likes Received: 6
    Trophy Points: 0
    Ile ni Mahakama inafuata sheria na siyo siasa.
     
  18. Michael Scofield

    Michael Scofield JF-Expert Member

    #18
    Oct 31, 2011
    Joined: Jul 30, 2011
    Messages: 1,213
    Likes Received: 3
    Trophy Points: 135
    Poa tu! ukombozi wa nchi unakaribia, kwani hata wakoloni waliwaweka ndani wazee wetu waliokuwa wanaipigania nchi hii ili kuwatia hofu wengine. Kazi ni mmoja tu kupambana na ukoloni wa ccm.
    Kamanda Lema atakuwa huru muda si mrefu.
     
  19. Ngongo

    Ngongo JF-Expert Member

    #19
    Oct 31, 2011
    Joined: Sep 20, 2008
    Messages: 11,859
    Likes Received: 3,089
    Trophy Points: 280
    Duh Omutwale angalia wasije sema wewe ni Ngongo.

     
  20. Mwanajamii

    Mwanajamii JF-Expert Member

    #20
    Oct 31, 2011
    Joined: Mar 5, 2008
    Messages: 7,082
    Likes Received: 6
    Trophy Points: 0
    Nasikia mtaani walikuwa wanaogopa kuanika madhambi yake kwa sababu ni mheshimiwa sasa nasikia kila kitu kinaanikwa ile mbaya, Aisee jamaa kumbe alikuwa noma.
     
Loading...