Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mbunge aliyemtwanga msaidizi wake atajwa

Discussion in 'Jukwaa la Siasa' started by BAK, Jul 28, 2008.

  1. BAK

    BAK JF-Expert Member

    #1
    Jul 28, 2008
    Joined: Feb 11, 2007
    Messages: 49,859
    Likes Received: 9,414
    Trophy Points: 280
    Mbunge aliyemtwanga msaidizi wake atajwa

    [​IMG]
    Mhe. Idd Azzan

    na Mwandishi Wetu
    Tanzania Daima

    MBUNGE mmoja wa Wilaya ya Kinondoni, anayedaiwa kumpiga msaidizi wake wa zamani na kumjeruhi, sasa amejulikana.

    Mbunge huyo ni Idd Azzan, wa Jimbo la Kinondoni, anadaiwa kumpiga msaidizi wake wa zamani, Shawej Mkumbuli, ambaye kwa sasa ni Mwenyekiti wa Kata ya Magomeni.

    Sababu kubwa ya ugomvi huo, imeelezwa kuwa ni hofu ya uchaguzi, ambapo mbunge huyo anadai Shawej amekuwa akijenga mtandao na kuandaa mkakati maalumu wa kumng’oa katika jimbo lake, kwenye uchaguzi mkuu ujao.

    Akizungumza katika ofisi za Tanzania Daima juzi, Shaweji alisema ugomvi kati yake na mbunge huyo, ulitokea Jumatano iliyopita, katika eneo la wazi linalotumika kuegeshea magari, katika ofisi ya Halmashauri ya Wilaya ya Kinondoni.

    Akiwa ameongozana na Katibu Mwenezi wa kata hiyo, Juma Matandika na viongozi wengine waliodai kushuhudia ugomvi huo, Shawej alisema siku hiyo kulikuwa na uchaguzi wa naibu meya, ambapo mbunge huyo na naibu meya aliyemaliza muda wake, Tulian Bujugo, walikuwapo kwenye ukumbi wa Manispaa ya Kinondoni.

    Alisema katika uchaguzi huo, yeye (Shewej) pamoja na viongozi wengine wa kata hiyo, walikuwa wakimpigia debe Diwani wa kata yao, Bujugo, ili atetee kiti chake lakini alishindwa na badala yake, Diwani wa Kata ya Goba, Ibrahim Kisoki, ndiye aliyeibuka mshindi.

    “Sisi tulikuwa tumekaa kwenye sehemu ya wageni ukumbini. Wakati kura zinaendelea kuhesabiwa, ghafla nilimwona mgombea wetu ambaye muda wote alikuwa amekaa jirani na Idd Azzan, akitoka nje kwa haraka, nikaamua pia kutoka na kumfuata, lakini sikumwona.

    “Badala yake nikakutana na viongozi wetu wengine wako nje, tukawa tunabadilishana mawazo, hasa baada ya kubaini kuwa mgombea wetu alikuwa anaelekea kushindwa.

    “Tukiwa katikati ya mazungumzo, Idd Azzan, alikuja kuungana nasi na baada ya kusalimiana naye, akaanza kusema Shawej nimepata habari zako siku nyingi kuwa unanichimba, unanifitini eti una mgombea wako wa ubunge na unajenga mtandao wa kuniangusha,” alisema Shewej.

    “Nilitaka kujibu, lakini alinibeza kwa kunitaka nisijibu chochote, lakini nami nikawa mbishi kutaka nijibu, ndipo ghafla alinirukia na kunipiga ngumi ya kichwa, kofi na kurusha teke ambalo lilinikosa.

    “Kanipiga vibaya ndugu yangu, lakini sikutaka kurudishia, ingawa ninaweza kupigana naye, bahati nzuri viongozi niliokuja nao hapa ofisini kwako, walikuwapo, wakaamua kuingilia kati kuamlia ugomvi huo,” alisema Shaweji, huku akionyesha sehemu ya jicho na mkono, alivyodai kuumizwa.

    Alisema malalamiko ya Azzan dhidi yake, amekuwa akiyasikia muda mrefu, lakini aliyapuuza kwa madai kuwa mbunge huyo ni mtu wake wa karibu, hivyo kama ana malalamiko angeweza kumwita na kuzungumza naye kindugu.

    Shawej alimtaja mtu anayedaiwa kuanza kumpigia debe kuwa ni Tarimba Abbas, jambo ambalo alisema si la ukweli, bali inatokana na hofu ya mbunge huyo.

    Akizungumzia uhusiano wake na Azzan, tangu mbunge huyo alipoingia madarakani, alisema amekuwa msaidizi wake, lakini ilipofika Mei mwaka jana, aliacha kazi hiyo kutokana na majukumu mengine aliyokuwa nayo kichama.

    “Yeye mwenyewe Azzan, ndiye aliyeniambia kuwa sasa niache kuwa msaidizi wake kutokana na kazi nyingi nilizokuwa nazo kichama na tulikubaliana nimchagulie msaidizi mwingine na tangu wakati huo, nimekuwa na maelewano na mbunge wangu vizuri,” anasema.

    Shawej alisema yeye ndiye aliyechangia Azzan kuwa diwani wa kata yao na hata baadaye kuwa mbunge, hivyo alielezea kushangazwa kwake na hatua ya mbunge huyo kutoa kipigo kwake kwa tuhuma zisizo za ukweli.

    Hata hivyo, alisema kama mwenyekiti wa kata, ameamua kulipeleka suala hilo kwenye kamati ya siasa ya kata, inayotarajia kukutana wiki hii na kupeleka taarifa ya tukio hilo la aibu kwenye ngazi za juu za chama.

    Mbali na kulipeleka kwenye chama, suala hilo limeripotiwa katika Kituo cha Polisi cha Magomeni, ambapo Idd Azzan, ndiye aliyefungua jalada la kudai kuwa ametukanwa na Shawej.

    Habari kutoka ndani ya kituo hicho cha polisi, zilikiri kuwapo kwa tukio hilo, lakini mlalamikaji akiwa Idd Azzan, ambaye amedai kutukanwa na Shawej.

    Tanzania Daima ilipowasiliana na Tarimba juu ya kuwapo kwa malalamiko dhidi yake ya kutaka kuwania jimbo hilo, alikataa katakata huku akizitaka pande hizo mbili zinazotofautiana, zisimhusishe kwenye ugomvi wao.

    “Mimi ndugu yangu haya mambo sijui yanatokea wapi. Ila wasinihusishe kwenye ugomvi wao,” alisema kwa kifupi Tarimba.

    Juhudi za kumtafuta Azzan kwa simu yake ya mkononi, hazikufanikiwa, kwani muda wote ilikuwa imezimwa.

    Azzan amekuwa mbunge wa jimbo hilo mwaka 2005, baada ya kumshinda aliyekuwa mbunge wa Kinondoni, Peter Kabisa.
     
  2. K

    Kipanga JF-Expert Member

    #2
    Jul 28, 2008
    Joined: Apr 24, 2008
    Messages: 680
    Likes Received: 4
    Trophy Points: 0
    ..Kama huyo mhanga wa kipigo ana ushahidi wa kutosha aende kwenye kwenye vyombo vya sheria haki itendeke...Nchi inamalizwa na mafisadi wao wanakandamizana mangumi mtaani??
     
  3. dubu

    dubu JF-Expert Member

    #3
    Apr 28, 2013
    Joined: Oct 18, 2011
    Messages: 3,022
    Likes Received: 299
    Trophy Points: 180
    kwa sasa idd azan kashaacha ubabe!
     
  4. 1

    1army JF-Expert Member

    #4
    Apr 28, 2013
    Joined: Nov 26, 2012
    Messages: 513
    Likes Received: 0
    Trophy Points: 33
    ccm unatakiwa huwe na nguvu kama Tyson bila hivo utakuwa mtu wakupigwa ngumi kila siku!!!!
     
  5. Kimbunga

    Kimbunga Platinum Member

    #5
    Apr 29, 2013
    Joined: Oct 4, 2007
    Messages: 12,335
    Likes Received: 1,012
    Trophy Points: 280
    Hawa watu wa Kiboko Msheli! Hivi hata kama huyo jamaa anampigia mtu debe ndio Azzan ampe kipondo? Kwa hiyo Azzan amejimilikisha jimbo la Kinondoni kama mfalme? Miaka 10 bado haimtoshi? Kwanza sioni kurudi kwake bungeni 2015 ni vyema angetafuta mtithi ili amuandae na yeye kutoka kwa heshima kuliko anguko la kushindwa linalomngojea.
     
  6. Tusker Bariiiidi

    Tusker Bariiiidi JF-Expert Member

    #6
    Apr 29, 2013
    Joined: Jul 3, 2007
    Messages: 4,585
    Likes Received: 37
    Trophy Points: 145
    Diwani wa Goba Ibrahim Kisoki ndiye aliyejenga Ghorofa lilianguka juzi.
     
  7. Eng. Y. Bihagaze

    Eng. Y. Bihagaze Verified User

    #7
    Apr 29, 2013
    Joined: Sep 8, 2011
    Messages: 1,474
    Likes Received: 31
    Trophy Points: 145
    Jimbo lenyewe la CHADEMA-2015.. Wanagombana bure maskini ya mungu hawa.. Ah.. Upofu mbaya!!
     
  8. S

    Sumu JF-Expert Member

    #8
    Apr 29, 2013
    Joined: Nov 5, 2010
    Messages: 5,131
    Likes Received: 1,280
    Trophy Points: 280
    Source ni Tanzania Daima.

    Tuseme NO kwa magazeti ya "kikanjanja" kama hili la Tanzania Daima.
     
  9. dubu

    dubu JF-Expert Member

    #9
    Apr 29, 2013
    Joined: Oct 18, 2011
    Messages: 3,022
    Likes Received: 299
    Trophy Points: 180
    huyu jamaa jimbo limemshinda, anatumia fimbo ya fedha kila agombeapo. nakumbuka aliwahi kufulumushwa na takukuru katika uchaguzi ndani ya ccm.
     
  10. Hakikwanza

    Hakikwanza JF-Expert Member

    #10
    Apr 29, 2013
    Joined: Dec 11, 2010
    Messages: 3,716
    Likes Received: 192
    Trophy Points: 160
    Tuwaache wafu wazikane wenyewe
     
  11. Bujibuji

    Bujibuji JF-Expert Member

    #11
    Apr 29, 2013
    Joined: Feb 4, 2009
    Messages: 26,986
    Likes Received: 5,113
    Trophy Points: 280
    ldd Azan amefikia kikomo cha fikra, kaamua kuwa kama Mike Iron Tyson wa CCM ndugu Wasira
     
  12. Lambardi

    Lambardi JF-Expert Member

    #12
    Apr 29, 2013
    Joined: Feb 7, 2008
    Messages: 7,540
    Likes Received: 2,050
    Trophy Points: 280
    Shaweji hawezi kumshitaki sababu hawa wanajuana sana na ni ndugu wa karibu!na ni watoto wa mjini hawa wanajuana kwa vilemba!
     
  13. y

    yetabula Member

    #13
    Apr 29, 2013
    Joined: Jan 20, 2012
    Messages: 82
    Likes Received: 2
    Trophy Points: 15
    Ondoa matapishi yako hapa
     
  14. Kimbunga

    Kimbunga Platinum Member

    #14
    Apr 29, 2013
    Joined: Oct 4, 2007
    Messages: 12,335
    Likes Received: 1,012
    Trophy Points: 280
    Mkuu unajua tafasiri ya haraka haraka ya neno watoto wa mjini ni kwamba ni wahuni?!
     
  15. CCM original

    CCM original JF-Expert Member

    #15
    Apr 29, 2013
    Joined: Apr 28, 2013
    Messages: 373
    Likes Received: 27
    Trophy Points: 35
    haa! Nabii nakuona uko kazini kazi njema kwa wakuaminiao
     
  16. Baba V

    Baba V JF-Expert Member

    #16
    Apr 29, 2013
    Joined: Dec 29, 2010
    Messages: 19,493
    Likes Received: 103
    Trophy Points: 160
    Ndo hapo pro ccm mnapojivua nguo, jambo hata alifanye mtu binafsi kwa utashi na udhaifu wake mwenyewe mnaibuka na kulitetea kichama. Shame on you..
     
  17. M

    MT KILIMANJARO JF-Expert Member

    #17
    Apr 29, 2013
    Joined: Apr 19, 2013
    Messages: 4,199
    Likes Received: 28
    Trophy Points: 145
    Sumu umeshaamka naona u2mbo wako hapa.Nilijua asubuhi akili inafanya kazi kidogo kumbe hola.
     
Loading...