Mbatia agomea uteuzi wa Pinda,atao sababu tatu,ufaulu wa shuka toka asilimia 89 mpaka 43

[mzurimie]

Ilisha rushwa humu

 

[matyhans]

Mwenyekiti wa chama cha NCCR Mageuzi James Mbatia amegoma kuingia katika Tume iliyoundwa na Waziri Mkuu Kuchunguza sababu za kufeli kwa wanafunzi wa Kidato cha nne kwa madai kwamba sababu hizo zinajulikana... -.nini maoni yako?

 

[malema 1989]

Mbatia kama kweli utagomea uteuzi huu nitakuona na wewe bonge la kilaza, hauna uchungu na nchi, kila siku unaimba uzalendo, uzalendo! Uzalendo ndio huu.
Umebahatika kuwa mmoja wa wanaounda tume, maanake viongozi wa chama cha mapinduzi wameona juhudi zako, au mnapenda kupiga kelele majukwaani na kuhitisha maandamano.

Unatakiwa uwe mmoja wa watu watakaotuambia tume imeona nini?
Mkiwaacha peke yao wakija na ripoti msiseme imechakachuliwa sio ambacho wajumbe wamekiona

go! Mbatia go! go! tunataka uweke history katika nchi hii, wewe ndio mzalendo wa kweli katika nji hii.

waalimu hawawezi kushirikishwa kakika kuandaa mitaala kwani serikali inaamini na kuaminisha watanzania kuwa waliojiunga na fani ya ualimu ni wale waliofeli na kukosa kusomea fani nyingine zenye masilahi na mishahara bora yaani fani muhimu katika jamii. Hii inathibitishwa na waalimu kukataliwa kupandishiwa mishahara!

 

[mjuaji]

naomba hiyo tume tuonane nayo

 

[MAKAWANI]

acha uzuzu usiwe kibaraka wa kukitetea chama chako cha mabwepande kwa upuuzi
Mbatia katoa sababu zake tatu, we umeona moja tu?
elimu imeshuka tangu JK aingie mdarakani kutoka 89% hadi 43.
hali ni mbaya sana uchungu huna kwa vile pesa unazo za lumumba.

Suala la yeye kukataa bado linanipa wasiwasi kwani kwa vile yeye ndio mpambanaji na hili suala kaliibua bungeni
angekubali kuwa kwenye hiyo kamati licha ya makosa yaliyofanywa na Pinda ya kutomtaaarifu mapema
aende ili akaibue hayo madudu apate ushahidi zaidi wa hoja yake bungeni alioianzisha.
Mbatia nakushauri nenda kachape kazi alokupa pinda utaweza kuivua nguo serikali zaidi na kawambwa utapata msumari wa kumpigilia.

Mbatia yupo sahihi kukataa uteuzi huo, haiwezekani utafiti wake wa miaka na miaka ukataliwe na serikali then leo wampe wiki sita kupata majawabu ambayo anayo tayari. Huu ni utumiaji mbaya wa fedha za umma, wacha wenye njaa wakachakachue majibu yao. Kama wako fair Waziri awajibike kwanza then tuendelee... EBO!!!

 

[Lorah]

Mbunge wetu wa Dodoma shule yake(CITY) ndo imeongoza kwa ZIRO... duh sasa ataungaje mkono hoja ya Mbatia..

 

[motherservant]

Jambo hili si la kuandika tu unavyojisikia. Ni jambo nyeti sana. Mbatia yupo sahihi ni mzalendo kweli. tuache ushabikiwa vyama maana matokeo hayakuchagua chama chochote. Tuungane watanzania katika mambo muhimu kama haya. Mungu ibariki Tanzania.

 

[winner forever]

james Mbatia amejitambua kuwa Tanzania huru ni ile yenye maslahi kwa wananchi wote,
maamuzi yake ya kugomea tume ni ya kupongezwa,

 

[obwato]

Wanaomshauri Mbatia akubari uteuzi wapo sahihi kwani ingempa fursa ya kutambua uozo zaidi kwenye sekta ya elimu, lakini binafsi naungana na uamuzi wa Mbatia sababu alipopeleka hoja ya kuipitia upya sera ya elimu kwa nia njema serikali ilitumia nguvu kubwa kuiondoa au kuiziba sasa yamewakuta wanaunda tume ya kuwasafisha huku wakitaka kuteka imani yetu kwa tume hiyo kupitia sabuni ya Mbatia.

 

[sawabho]

Mbatia kama kweli utagomea uteuzi huu nitakuona na wewe bonge la kilaza, hauna uchungu na nchi, kila siku unaimba uzalendo, uzalendo! Uzalendo ndio huu. Umebahatika kuwa mmoja wa wanaounda tume, maanake viongozi wa chama cha mapinduzi wameona juhudi zako, au mnapenda kupiga kelele majukwaani na kuhitisha maandamano. Unatakiwa uwe mmoja wa watu watakaotuambia tume imeona nini? Mkiwaacha peke yao wakija na ripoti msiseme imechakachuliwa sio ambacho wajumbe wamekiona go! Mbatia go! go! tunataka uweke history katika nchi hii, wewe ndio mzalendo wa kweli katika nji hii.

Taja ni Tume ngapi zimeishaundwa na ripoti zake zilizokwishawahi kufanyiwa kazi.

 

[Bob Fern]

Asubuhi nilikuwa nasikiliza Power Breakfast kina PJ walikuwa wanamsaga sana Mbatia.Ile radio kweli wapuuzi

 

[unknown animal]

hata mimi nisingekubali kuteuliwa,ni sawa na kuambiwa ukalie mkuki then useme how u feel.

 

[Waridi]

Leo katika gazeti la Nipashe:

Mbatia amgomea Pinda

Na Elizabeth Zaya

6th March 2013

Ni kwenye Tume ya matokeo ya kidato cha IV
Asema hataki kuwa sehemu ya kuua elimu

Mwenyekiti wa Chama cha NCCR-Mageuzi ambaye pia ni Mbunge wa Kuteuliwa, James Mbatia, amesema amekataa uteuzi wa Waziri Mkuu, Mizengo Pinda, kuwa mjumbe wa Tume ya kuchunguza chanzo cha kushuka kwa kiwango cha ufaulu wa mtihani wa kidato cha nne wa mwaka 2012.

Mbatia ambaye aliteuliwa katika tume hiyo yenye wajumbe 15 iliyotangazwa wiki iliyopita, amesema kwamba hayuko tayari kushiriki katika tume hiyo kwa kinachochunguzwa ni sehemu ndogo ya tatizo lililopo. Mbatia alitangaza uamuzi huo katika mkutano wa waandishi wa habari jana uliofanyika ofisi za makao makuu ya chama hicho, jijini Dar es Salaam.

Mbatia alitangaza uamuzi huo kwa kuonyesha barua aliyoiandika jana kwenda kwa Waziri Mkuu Pinda kuukataa uteuzi huo.

Alisema licha ya kwamba hajapata barua rasmi ya uteuzi huo, lakini ameona halitakuwa jambo jema kwake kushiriki katika tume hiyo kwa kuwa anaamini kwamba njia hiyo haitakuwa bora katika kupambana na tatizo lililopo katika mfumo wa elimu nchini.

Mbatia pia alisema kuwa anaamini kuwa hadidu rejea za tume hiyo zilizotajwa kupitia vyombo vya habari hazitashughulikia kwa upana udhaifu uliopo katika sekta ya elimu nchini.

"Kwa heshima na kwa unyenyekevu mkubwa, napenda kukuarifu kwamba nimesikia habari za kuundwa kwa Tume ya kuchunguza chanzo cha kushuka kwa kiwango cha kutisha cha ufaulu wa mtihani wa taifa wa kidato cha nne mwaka 2012 na kuteuliwa James Mbatia (Mb) kuwa miongoni mwa wajumbe wa tume ambao umewateuwa katika tume hiyo," ilieleza sehemu ya barua ya Mbatia kwenda kwa Waziri Mkuu na kuongeza:

"Hizi ni habari nilizozipata kupitia vyombo vya habari mbalimbali vya hapa nchini, hadi ninapoandika ujumbe huu sijapokea mawasiliano kwa njia barua kutoka ofisini kwako (Pinda) kunijulisha kwamba nimeteuliwa katika tume hiyo na majukumu yanayonikabili ni yapi kufuatia uteuzi huo."

Aliongeza katika barua hiyo aliyaandika jana kuwa: "Pamoja na kutopokea barua rasmi ya uteuzi, ninapata wasiwasi kwamba kushirikishwa kwangu katika Tume hiyo kumezingatia vigezo vipi na kunaweza kujenga sura gani katika matokeo ya utafiti yatakayotolewa na tume mara baada ya kumaliza kazi yake. Wasiwasi wangu huo unatokana na kwamba kushirikishwa kwangu katika tume tajwa kunaweza kuwa na mgongano wa kimaslahi (Conflict of interest)."

Aidha, Mbatia aliongeza kwamba kabla ya Pinda kuunda tume hiyo, chama chake kilimwandikia Rais Jakaya Kikwete barua ya kumtaka aunde tume ambayo itaangalia namna ya kushughulikia kwa undani mfumo mzima wa elimu kama ile iliyoundwa na aliyewahi kuwa Waziri wa Elimu, Marehemu Jackson Makwetta, siyo kuendelea kuchunguza kushuka kwa ufaulu jambo ambalo limekwishafanyiwa kazi na tume zilizopita.

Mbatia aliongeza kwamba hoja yake aliyoiwasilisha katika mkutano wa 10 wa bunge ilihusu udhaifu uliopo katika setka ya elimu nchini na kwamba maelezo aliyoyatoa juu ya chimbuko la udhaifu huo ni pamoja na Sera ya elimu iliyopo kutokuwa na andiko rasmi la mtaala wa elimu, kasoro nyingi katika mihtasari ya masomo, vitabu vya kiada na ziada visivyokuwa na ubora wa viwango vya kuridhisha na utaratibu wa kifisadi katika utayarishaji vifaa vya elimu hususani vitabu, hivyo kuunda tume ya kuchunguza tatizo la kufeli ni sehemu ndogo sana ambayo haitasaidia.

"Ikumbukwe kuwa Wizara ya Elimu na Mafunzo ya Ufundi na Baraza la Mitihani la Taifa (Necta) iliunda tume ya kuchunguza chanzo cha kushuka kwa kiwango cha ufaulu wa mtihani wa Taifa wa kidato cha nne mwaka 2010 na kutoa ripoti Juni 2011 ambayo Waziri Shukuru Kawambwa aliiwasilisha. Kwa mantiki hiyo, haitakuwa jambo jema kwangu kushiriki katika tume hiyo kwa sababu hailengi kushughulikia kwa upana udhaifu uliopo katika sekta ya elimu nchini," alisisitiza.

"Litakuwa ni jambo jema kama maafisa wa serikali hususani kutoka katika ofisi yako wataona haja ya kusoma taarifa mbalimbali za tafiti juu ya suala husika mathalani zilizoko katika Chuo Kikuu cha Dar es Salaam, Wizara ya elimu na Mafunzo ya ufundi, Hakielimu, Twaweza," ilieleza sehemu ya barua ya Mbatia kwenda kwa Pinda. Pia Mbatia aliishauri serikali kwamba endapo kuna umuhimu wa kuunda tume, jambo muhimu la kulifanyia kazi ni ulinganifu wa uzito wa sababu zote nzito za elimu kwa kufuata viwango vya kitaifa, kimataifa na uwezo wa kirasilimali uliopo.

Pinda aliteua wajumbe wa tume hiyo Machi 2, mwaka huu, ambao kwa mujibu wa hadidu za rejea, watatakiwa kuangalia ni sababu zipi zimechangia kuwapo kwa matokeo hayo mabaya, sababu zinazochangia kushuka kwa kiwango cha elimu, usimamizi wa elimu katika halmashauri, ukaguzi wa elimu na uhamishiwaji wa sekta ya elimu kwenye Wizara ya Tawala za Mikoa na serikali za Mitaa (Tamisemi) umechangiaje kushuka kwa kiwango cha ufaulu.

Vile vile Waziri Mkuu alisema wajumbe wa tume hiyo watatakiwa kuangalia mitaala na mihtasari ikoje, kuangalia uwiano uliopo kwenye mitihani inayotungwa ikiwa ni pamoja na uhakiki wa mitihani hiyo, kuangalia mazingira ya kufundishia, mfumo wa upimaji, usimamizi na uendeshaji, na kutokuwapo kwa chakula shuleni kunachangiaje kushuka kwa utendaji mbaya wa wanafunzi katika masomo yao. Tume hiyo ilipewa muda wa wiki sita kuanzia Machi Mosi iwe imekamilisha kazi hiyo na kuwasilisha taarifa yao kwa Waziri Mkuu.

Tume hiyo inaongozwa na Profesa Sifuni Mchome kutoka Tume ya Vyuo Vikuu Nchini (TCU) na Makamu wake ni Bernadetha Mushashu ambaye ni Mbunge wa Viti Maalum Mkoa wa Kagera.
Wengine ni James Mbatia; Abdul Marombwa (Mbunge wa Kibiti); Profesa Mwajabu Possi (Chuo Kikuu cha Dar es Salaam; Honoratha Chitanda kutoka Chama cha Walimu Tanzania (CWT); Daina Matemu kutoka Umoja wa Wakuu wa Shule za Sekondari Tanzania (Tahossa) na Mahmoud Mringo (TAMONGSCO).

Wajumbe wengine ni Rakhesh Rajani (Twaweza); Peter Maduki (CSSC), Nurdin Mohamed (Bakwata); Suleiman Hemed Khamis (Baraza la Wawakilishi); Abdalla Hemed Mohamed (Chuo Kikuu cha Suza); Mabrouk Jabu Makame (Baraza la Elimu Zanzibar na Kizito Lawa (Taasisi ya Kukuza Mitaala).

Mbatia aliwasilisha hoja binafsi katika mkutano wa 10 wa bunge kuhusu udhaifu uliopo katika mitaala huku akibainisha mambo makuu yanayochangia kudidimiza elimu nchini kuwa ni mitaala ya elimu, udhaifu katika vitabu vya ziada na kiada, sera iliyopitwa na wakati na kasoro zilizopo katika mihtasari ya masomo.

Hata hivyo, hoja hiyo iliibua mjadala mzito bungeni baada ya serikali na wabunge wa Chama Cha mapinduzi kuikataa.

Baada ya hoja hiyo ambayo Mbatia pamoja na mambo mengine alitaka kuundwa kwa kamati teule ya Bunge kuchunguza, wabunge wote wa upinzani walisusia kikao na kutoka nje kama njia ya kumuunga mkono Mbatia.

Baadaye serikali iliwasilisha vitabu vya mitaala na baadaye iliunda kamati ya wabunge akiwamo Mbatia kuchunguza kama mitaala hiyo ni halali. Kamati hiyo iliwahusisha Margareth Sitta (Viti Maalum CCM); Mbunge wa Kibiti (CCM), Abdul Malombwa; Mbunge wa Gando (CUF), Khalifa Suleiman Khalifa, Mbunge wa Karatu (Chadema), Mchungaji Israel Natse; Mbunge wa Chwaka (CCM), Yahya Kassim Issa na Mbunge wa Viti Malum (CCM), Bernadeta Mashashu.

Kamati hiyo baadaye iliwasilisha taarifa yake bungeni ikieleza kuwa mitaala hiyo ni halali, ingawa Mbatia aliendeleza msimamo wake wa kupinga. Serikali imeunda tume hiyo kufuatia matokeo hayo mabaya ambayo yalitangazwa Februari 18 na Waziri wa Elimu na Mafunzo ya Ufundi, Dk. Shukuru Kawambwa, yakionyesha kuwa asilimia 60 ya watahiniwa wamefeli.

Wanafunzi waliofeli kwa maana ya kupata sifuri ni 240,903. Waliopata daraja la nne ni 103,227, waliopata daraja la tatu na 15,426, waliopata daraja la pili ni 6,4,53 na waliopata daraja la kwanza ni 1,641.




CHANZO: NIPASHE

 

[ericmarimbo]

Kwanza nikiri kuwa nakubaliana na mchango mkubwa wa Mh Mbatia katika secta ya elimu, bunge lilopita lilifunika hoja yake ya msingi kwa maslahi ya serekali, matokeo ya kidato cha nne yalipotoka wengi tulimkumbuka.

Kutokana na matokeo mabaya ya kidato cha nne serekali ilitangaza kuunda tume, kwa macho na masikio yangu mwenyewe nilimsikia mbatia akiomba ateuliwe kwenye hiyo tume hata kama hatalipwa chochote, alisema yupo tayari kujitolea kwa ajili ya Watanzania, namshanga kwa unafiki wake baada ya kuteuliwa na Waziri Mkuu ndio anaanza kutoa visingizio.

Mbatia acha unafiki, ulipokuwa unaomba uteuliwe hukuona hizo sababu unazotoa sasa?

 

[Salary Slip]

Kwanza nikiri kuwa nakubaliana na mchango mkubwa wa Mh Mbatia katika secta ya elimu, bunge lilopita lilifunika hoja yake ya msingi kwa maslahi ya serekali, matokeo ya kidato cha nne yalipotoka wengi tulimkumbuka.

Kutokana na matokeo mabaya ya kidato cha nne serekali ilitangaza kuunda tume, kwa macho na masikio yangu mwenyewe nilimsikia mbatia akiomba ateuliwe kwenye hiyo tume hata kama hatalipwa chochote, alisema yupo tayari kujitolea kwa ajili ya Watanzania, namshanga kwa unafiki wake baada ya kuteuliwa na Waziri Mkuu ndio anaanza kutoa visingizio.

Mbatia acha unafiki, ulipokuwa unaomba uteuliwe hukuona hizo sababu unazotoa sasa?

Mkuu kama sikosei alikuwa anaongelea kushiriki kwenye tume ya bunge ambayo ingeundwa kuchunguza swala la mitaala na sio hii tume ya serikali.

 

[Geeky]

Mbatia kausoma mchezo ameeleza wazi kwamba yeye alieleza hapo mapema bungeni haikubali mitaala iliyopo. sasa akijiingiza kukagua mitaala ambayo hajaihafiki si ataonekana jinga. Ccm know they can not conceive the political damage caused by the earlier explicit denial that all is not well with the education system.
Kifupi kuanzia maji, elimu, maliasili na kwingine kote kunaitaji tume. Nashauri tuwe na waziri ofisi ya raisi anayeshughulikia tume.

 

[Taaluma Makini]

Uhauri wa bure. Kuwa makini zaidi

 

[Pdidy]

Haaaahaaaa hiii misukule ya CCM taabu kweli kweli ntamheshimu zaidi akiukataa ubunge wa kupewa huku kwetu hamna tofauti na viti maalum

 

[Smallfish]

Mbatia ni mnafiki, baada ya matokeo kutolewa alikaririwa na vyombo vya habari akitaka Rais aunde tume ya kuchunguza sababu za wanafunzi kufeli na alijitolea kusaidia tume HATA BILA POSHO.Leo anakataa uteuuzi alioutaka.Kwa nini uteuzi wa ubunge hakuukataa?Huyu ni vuvuzela mwingine kwenye siasa za TZ

 

[Kaa la Moto]

Peleka maoni yako kwenye tume hii ya kisiasa ya mizengo pinda kama wataka kufanya hivyo! link hoyo chini

Maoni Yako