Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mangula auchambua uongozi wa Kikwete

Discussion in 'Jukwaa la Siasa' started by MaxShimba, Dec 7, 2009.

  1. MaxShimba

    MaxShimba JF-Expert Member

    #1
    Dec 7, 2009
    Joined: Apr 11, 2008
    Messages: 35,808
    Likes Received: 94
    Trophy Points: 145
    • Asema kupeana uongozi kwa urafiki kunawazalilisha viongozi

    Sadick Mtulya
    12/7/2009


    UTAWALA wa Rais Jakaya Kikwete umezidi kukosolewa baada ya katibu mkuu wa zamani wa CCM, Philip Mangula kuuchambua, akisema unasumbuliwa na mambo matatu makubwa, ikiwa ni pamoja na kupeana uongozi kwa urafiki.

    Mangula anaendeleza mjadala wa siku za karibuni ambao umekuwa shubiri kwa CCM, ambayo imelazimika kutoa kauli kadhaa kujibu mashambulizi dhidi ya mwenyekiti wake.

    Makada wa mwisho kuikosoa serikali ya Kikwete walikuwa mawaziri wa zamani, Matheo Qares na Juma Nkangaa ambao walieleza wasiwasi wao kama mkuu huyo wa nchi ana uwezo wa kufanya maamuzi magumu na kwamba CCM imepoteza mwelekeo kwa kuamua kukumbatia wafanyabiashara na kuachana na sera yake ya kuwa chama cha wakulima na wafanyakazi.

    Safari hii, Mangula ambaye alikuwa mtendaji Mkuu wa CCM kabla ya kuteuliwa kwa Makamba, ameibuka na kueleza udhaifu wa chama hicho tawala na kikongwe barani Afrika na ambacho hakuna shaka kwamba kinapitia kwenye wakati mgumu kwa sasa.

    Mangula ambaye alihudhuria kongamano la Mwalimu Nyerere jijini Dares Salaam ambalo liliibua hoja nyingi dhidi yab serikali ya Kikwete wiki iliyopita, hakuchangia maonin yake katikam mjadala huo, lakini baadaye alifanya mahojiano na Mwananchi na kutaka mambo matatu ambayo yanautafuna uongozi wa Rais Kikwete.

    Mangula alitaja mambo hayo kuwa ni ubinafsi, kufanya maamuzi kabla ya kuelimisha wananchi na kuwepo kwa wigo finyu wa majadiliano na wadau katika masuala mbalimbali.

    Mangula, ambaye alishika nafasi ya katibu mkuu wa CCM kwa kipindi cha miaka kumi ya uongozi wa serikali ya awamu ya tatu, alitahadharisha kuwa iwapo mambo hayo hayatarekebishwa kwa haraka na kwa kipaumbele kinachostahili, taifa litaelekea pabaya zaidi.

    "Utawala wa sasa umetofautiana na tawala nyingine kwa kupungukiwa na mambo matatu ya msingi ambayo ni ubinafsi, kufanyika maamuzi kabla ya kuelimisha wananchi pamoja na kutokuwepo kwa wigo mpana wa majadiliano kuhusu masuala mbalimbali ya mustakabali wa taifa," alisema| Mangula.

    Mangula alisema hali hiyo imesababishwa na watu wengi wanaopewa uongozi kutokuwa sifa za kuongoza na kwamba wamepata nafasi hizo kwa njia za urafiki.


    "Hata utaratibu mzima wa kuwapata viongozi wanaostahili kwa sifa haupo, badala yake mambo yanafanywa kwa urafiki," alisema Mangula ambaye amekuwa kimya kwa muda mrefu. Akifafanua hoja zake hizo, Mangula alisema katika utawala wa sasa ubinafsi ndio umeonekana kuchukua kipaumbele katika kutatua mambo muhimu ya kitaifa.

    Mangula aliweka bayana kwamba katika utawala uliopita ubinafsi haukupewa nafasi kwa kuwa kabla kiongozi hajazungumzia jambo lolote, alilazimika kupata mawazo ya chama tawala na wanachama kuhusu anachotaka kuzungumza.

    Aliongeza kwamba kutotumika kwa mfumo huo ndio sababu ya kupishana kwa kauli za viongozi kunakoendelea kutamba kwenye safu za mbele za vyombo vya habari kwa sasa.

    "Tabia ya kutaka kuonekana kuwa wewe ni bora kuliko mwingine ipo, ndio maana leo viongozi, tena wa kutoka chama kimoja, wanapishana kauli kuhusu jambo moja," alifafanua.

    Akizungumzia kufanyika kwa maamuzi kabla ya kuwaelimisha wananchi, Mangula alisema hilo ni tatizo linaloendelea kulalamikiwa na Watanzania.

    Mangula alisema katika utawala uliopita watu walielimishwa kwanza kabla ya kufikiwa kwa maamuzi.

    "Utaratibu wa kuelimisha kwanza kabla ya kufikiwa kwa maamuzi ndio uliokuwa ukitumika, lakini hali sasa inaonekana kuwa tofauti," aliongeza.

    Kuhusu kutokuwepo kwa wigo mpana wa majadiliano katika masuala ya kitaifa, Mangula alisema hiyo inatokana na viongozi wachache waliopewa dhamana na wananchi kuamini kuwa mawazo yao yanajitosheleza.

    Hoja za Mangula, ambaye kwa sasa anajishughulisha na masuala ya kilimo, zinashabihiana na zile zilizowahi kutolewa na mawaziri wakuu wawili wastaafu, Dk Salim Ahmed Salim na Jaji Joseph Warioba kuhusu mustakabali wa taifa.

    Jaji Warioba alinukuliwa na vyombo vya habari hivi karibuni akitahadharisha kuwa nchi inaelekea kubaya kutokana na mambo mbalimbali kuendeshwa kinyume.

    Warioba, ambaye alishika nafasi hiyo ya mtendaji mkuu wa serikali kwenye miaka ya themanini, alifafanua kuwa taifa linakabiliwa na matatizo mengi ikiwemo ukosefu wa maadili ya uongozi, rushwa na hata utaratibu mzima wa kuendesha mambo na kubainisha kuwa kuna pengo kubwa katika kuaminika kwa serikali.

    Naye Dk Salim Hamed Salim, ambaye aliwahi kuwa katibu mkuu wa Umoja wa Afrika (OAU), alisema mfumo wa serikali ya Tanzania kwa sasa umeoza kwa rushwa na hivyo hauwezi kumsaidia rais kuikabili, hivyo rushwa kutawala kuliko kitu kingine.

    Dk Salim alisema wakati wa utawala wa awamu ya kwanza wa Mwalimu Julius Nyerere, rushwa ilidhibitiwa kikamilifu, lakini wakati huu rushwa imeachiwa nafasi kubwa na kufanya hali ya Watanzania idorore.

    Alisema tofauti kubwa kati ya awamu hizo na ile ya Mwalimu Nyerere ni kuwa muasisi huyo wa taifa alionyesha kwa vitendo kuwa rushwa ni jambo aliloamua kulifungia mkanda na kupambana nalo, lakini baada ya hapo tatizo hilo limeachiwa liendelee kiasi cha rushwa kugeuka kuwa utaratibu.

    Mwanadiplomasia huyo aliongeza kwamba, licha ya nia njema ya Rais Kikwete ya kupambana na rushwa na ufisadi, bado mfumo mzima wa serikali umeoza kiasi ambacho haiwezekani kupambana na rushwa.

    Baadaye wakati wa kongamano lililoandaliwa na Taasisi ya Mwalimu Nyerere, Qares, ambaye alikuwa Waziri wa Menejimenti ya UItumishi wa Umma katika serikali ya awamu ya tatu, na Nkangaa ambaye alikuwa waziri katika serikali ya awamub ya pili, waliibuka.

    Qares alimtaka Rais Kikwete awe jasiri na kufanya maamuzi magumu na akashauri kuwa akishindwa kufanya hivyo hadi 2010, CCM isimpitishe kugombea urais 2010.

    Qares, ambaye pia aliwahi kuwa mkuu wa mkoa wakati wa uongozi wa Benjamin Mkapa, alisema Rais anapaswa kufumba macho na kuwashughulikia hata wale wanaosema hakukutana nao barabarani.

    Naye Nkangaa alisema CCM imepoteza heshima yake na kubaki kuwa chama cha matajiri wachache na kutupa mkono wakulima na wafanyakazi, ndiyo maana inasuasua kuwachukulia hatua watuhumiwa katika kashfa za Kagoda na Richmond.

    Tangu kutolewa kwa ripoti ya kashfa ya utoaji zabuni ya uzalishaji umeme wa dharura kwa kampuni ya Richmond, wabunge wa CCM wamekuwa wakitofautiana sana katika hoja, baadhi wakiunga mkono kujiuzulu kwa Edward Lowassa katika nafasi ya uwaziri mkuu na kutaka hatuia zaidi zichukuliwe, huku wengine wakipinga.

    Hali ilizidi kuwa mbaya katika mkutano uliopita wakati wabunge walipoicharukia serikali yao wakiituhumu kufanya mambo kwa ubinafsi na kubariki mikataba mibovu, na mjadala huo uliilazimisha CCM kuitisha mkutano wake wa Halmashauri Kuu.

    Lakini mkutano huo ukawa moto mbaya zaidi baada ya Spika Samuel Sitta kunusurika kuvuliwa uanachama kutokana na kundi linalotuhumiwa kwa ufisadi kujipanga vyema kushughulikia wanaowatuhumu.

    Mijadala mikali kwenye kikao cha Halmashauri Kuu iliisha kwa CCM kuunda kamati ya wazee wa busara, ikilongozwa na rais wa serikalinyab awamu ya tatu, Ali Hassan Mwinyi ambayo mwezi uliopita ilisababisha kizaazaa kingine wakati ilipoongea na wabunge kuhusu kudhoofika kwa mahusiano baina ya wanachama na viongozi wa chama hicho tawala.

    Lakini mkutano huo ukawa jukwaa zuri kwa watuhumiwa wa ufisadi kujibu mashambulizi yanayotolewa kila mara hadharani dhidi yao na hasa kwenye vikao vya Bunge.

    Katika mikutano hiyo ya Kamati ya Mwinyi, makamanda wa vita dhidi ya ufisadi walijikuta wakibebeshwa tuhuma nzito na kutolewa maneno machafu, kiasi kwamba hali ndani ya CCM ikaonekana kuwa si shwari na haikuwa ajabu wakati mawaziri hao wa zamani pamoja na Mangula kujitokeza na kuuchambua utawala wa Kikwete kuwa una matatizo.
     
  2. Jayfour_King

    Jayfour_King JF-Expert Member

    #2
    Dec 7, 2009
    Joined: Nov 15, 2009
    Messages: 1,142
    Likes Received: 5
    Trophy Points: 0
    Hapo sisiem kunani?

    Watu wazima na akili zao wanalalamika, si wachukue hatua?

    Upo kwenye syndicate ambayo inakuboa halafu bado upo tu, huo ni uendawazimu!

    Binafsi hakuna kitu ninacho ogopa kufanya kama kulalamika mbele ya watoto. Mtu mzima jamaa wamekuboa unaamua unachukua kilicho chako, unafuta ******, then unalala mbele!

    Hii mambo ya kulalamika halafu bado upo palepale ni matumaini kwamba nafasi za ufisadi bado zipo hivyo mtu anakuwa na matumaini ya kurushiwa ulaji tena.

    Vinginevyo ni wizi mtupu, hakuna kitu hapo kaeni kimya tumewachoka. OOOhhh wakati wa awamu ya tatu mambo yalikuwa hivi, yalikuwa vile, we ndio unajua? Sisi hatujawahi kufaidi mambo katika nchi hii tangu uhuru sasa kutuambia kwamba awamu ya tatu mambo yalikuwa sawa, hiyo kwetu sisi (wananchi) ni sawa na kusema tia mchuzi kwangu pakavu. Hakukuwa na nafuu yoyote kwa mwananchi wa kawaida hata kwenye hiyo awamu ambayo Mangula anaisema.
     
  3. A

    AM_07 Member

    #3
    Dec 7, 2009
    Joined: Nov 7, 2009
    Messages: 74
    Likes Received: 2
    Trophy Points: 0
    ok, tusubiri tena makamba aite waanadishi wa habari, naona safari hii ataenda na mama lion akamsaidie kufurumusha tungo,
     
  4. MNYISANZU

    MNYISANZU JF-Expert Member

    #4
    Jan 3, 2012
    Joined: Oct 21, 2011
    Messages: 7,049
    Likes Received: 17
    Trophy Points: 135
    Wadau, hili suala huwa linanitatiza sana. Anayelielewa anijuze.
     
  5. zumbemkuu

    zumbemkuu JF Bronze Member

    #5
    Jan 3, 2012
    Joined: Sep 11, 2010
    Messages: 8,788
    Likes Received: 255
    Trophy Points: 180
    mtandao
     
  6. MachoMakavu

    MachoMakavu JF-Expert Member

    #6
    Jan 3, 2012
    Joined: Feb 6, 2008
    Messages: 369
    Likes Received: 0
    Trophy Points: 33
    alishiriki kwenye kamati iliyoshadadia kuwasilishwa kwa faili la Paul Ssozigwa
     
  7. Ukwaju

    Ukwaju JF Bronze Member

    #7
    Jan 3, 2012
    Joined: Oct 19, 2010
    Messages: 7,738
    Likes Received: 345
    Trophy Points: 180
    Ni mfumo wa kawaida wa Utawala na Uongozi, hata wewe ukiwa Mwenyekiti huwezi mrudisha Makamba
     
  8. Bongolander

    Bongolander JF-Expert Member

    #8
    Jan 3, 2012
    Joined: Jul 10, 2007
    Messages: 4,880
    Likes Received: 23
    Trophy Points: 135
    Kwa sababu Mangula alijua kuwa mtandao walikuwa na ajenda ya kuvuruga nchi hakupendelea JK kuwa rais. In fact Mangula aliondolewa na ROstam, ambaye alihakikisha kuwa jamaa anaondolewa kabisa kwenye nafasi za uongozi ndani ya chama, kutoka level ya juu kabisa hadi ya chini kabisa, na kubaki mwanachama mwenye kadi tu. Na hofu ya Mangula has proven to be right.
     
  9. W

    WildCard JF-Expert Member

    #9
    Jan 3, 2012
    Joined: Apr 22, 2008
    Messages: 7,451
    Likes Received: 25
    Trophy Points: 145
    Mangula alikuwa na mgombea wake aliyemuunga mkono. JMK mtu visasi. Hajui kusahau wala kusamehe.
     
  10. WAHEED SUDAY

    WAHEED SUDAY JF-Expert Member

    #10
    Jan 3, 2012
    Joined: Jun 24, 2011
    Messages: 6,215
    Likes Received: 538
    Trophy Points: 280
    Watu wa mtandao wangekula wapi?
     
  11. Pasco_jr_ngumi

    Pasco_jr_ngumi JF-Expert Member

    #11
    Jan 3, 2012
    Joined: Nov 20, 2010
    Messages: 1,797
    Likes Received: 10
    Trophy Points: 135
    Paul Ssozigwa , ndio nini???
     
  12. Fredrick Sanga

    Fredrick Sanga JF-Expert Member

    #12
    Jan 3, 2012
    Joined: Jan 27, 2011
    Messages: 3,146
    Likes Received: 15
    Trophy Points: 135
    CCM imepoteza dira (Kolimba, 2012):yawn:
     
  13. M

    Malova JF-Expert Member

    #13
    Jan 3, 2012
    Joined: Apr 21, 2011
    Messages: 763
    Likes Received: 8
    Trophy Points: 35
    hata mbwa kama hawapati harufu ya mnyama wanapoteana wakati wa kumfukuza. ccm inazikwa na Jua Kali (JK)
     
  14. W

    We know next JF-Expert Member

    #14
    Jan 3, 2012
    Joined: Sep 9, 2010
    Messages: 664
    Likes Received: 1
    Trophy Points: 35
    Mangula kasema kitu kikubwa sana hapo lakini kipo ktk mabano, ni mpaka usome vizuri ndiyo utamuelewa. Kitu kimoja ambacho amekiongea na pia ni kama vile anatoa angalizo, ni hili tatizo la Ubinafsi na kufanya mambo bila kuwashirikisha Umma. Hili ndilo tatizo kubwa kabisa la agenda nzima ya mchakato wa katiba mpya ulivyoenda, na unavyotaka kuendelea. Na kwa maneno ya Mzee Mangula, hilo ni tatizo litakaloipelekea nchi hii ktk majanga makubwa sana. Wahusika fumbueni macho, mkiona mnyama Simba anaanza kuvamia mjini, mjue huko mbugani hakuna chakula tena, na hakuna atakayekuwa salama.
     
  15. I

    IPECACUANHA JF-Expert Member

    #15
    Jan 3, 2012
    Joined: Feb 19, 2011
    Messages: 1,609
    Likes Received: 11
    Trophy Points: 135
    " kosa" la Mangula ni kuunda tume ha Sozigwa iliyotathmini nyendo za wagombea Uraisi kupitia CCM wakati wa kusaka kuungwa mkono na wanachama mwaka 2005. Ripoti ya tume ilimuengua Kikwete kwasababu mbalimbali kubwa Ikiwa ni matumizi makubwa ya pesa katika mchakato. Tume hii ilifanya kazi "ikikumbuka" kwamba atumiaye pesa za WATU kuingia Ikulu aogopwe Kama ukoma. Nahisi Mzee Sozigwa na tume yake walitimiza wajibu wao kazi ikawa kwa mwenyekiti na katibu wake
     
Loading...