Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Mahakama kuu yaitupa kesi ya kumvua ubunge dk. Limbu baada ya mlalamikaji kushindwa kulipa sh. Mil 6

Discussion in 'Jukwaa la Siasa' started by nngu007, May 19, 2011.

  1. nngu007

    nngu007 JF-Expert Member

    #1
    May 19, 2011
    Joined: Aug 2, 2010
    Messages: 15,874
    Likes Received: 28
    Trophy Points: 145
    * KWANINI WABUNGE WA CCM WALIOSHINDWA KULIPA FEDHA UDHAMINI WALIPUNGUZIWA? NA SIO UPINZANI WA UDP? MAHAKAMA INA DOUBLE STANDARDS?






    [​IMG]



    Mahakama Kuu Kanda ya Mwanza, imeitupilia mbali kesi ya kupinga matokeo ya Uchaguzi Mkuu mwaka 2010, iliyofunguliwa na aliyekuwa mgombea ubunge wa Jimbo la Magu mkoani Mwanza, Julius Lwinzi Ngongoseke (UDP), dhidi ya mbunge wa sasa wa jimbo hilo , Dk. Festus Limbu (pichani) aliyeshinda kwa tiketi ya CCM.

    Baada ya matokeo ya Uchaguzi Mkuu wa mwaka jana Ngongoseke alifungua kesi hiyo No. 71 ya mwaka 2010, Novemba 16, 2010, akimshitaki Dk. Limbu na Mwanasheria Mkuu wa Serikali, kuhusiana na matokeo ya Uchaguzi Mkuu wa 2010, yaliyompa ushindi mbunge huyo wa Magu.

    Kwa mujibu wa mahakama, mlalamikaji (Ngongoseke), alipaswa alipe sh. milioni tisa (9,000,000), kama dhamana ya kesi hiyo, ili iweze kuingizwa kwenye utaratibu wa mashitaka kwa mujibu wa sheria za nchi.

    Wakili wa mbunge Limbu, Methaw Nkanda aliwaambia waandishi wa habari jijini Mwanza kwamba, kesi hiyo iliyokuwa chini ya Jaji Nyangalika wa Mahakama Kuu, ilitupiliwa mbali na mahakama hiyo baada ya mlalamikaji kushindwa kulipa fedha hizo kwa muda aliotakiwa na mahakama.

    Wakili huyo alisema Mahakama imetupilia mbali kesi ya mteja wangu Dk. Limbu, baada ya mlalamikaji kushindwa kulipa sh. milioni tisa kama dhamana ya kesi na kwamba kesi hiyo haipo tena wala haiwezi kufunguliwa upya.

    Alifafanua kuwa Mahakama ilimpa muda Ngongoseke wa kulipa fedha hizo, lakini kila unapofika muda husika anaiomba mahakama imuongezee muda mwingine.

    ‘Kwa maana hiyo faili la kesi hiyo limetupiliwa mbali na mahakama mbele ya mlalamikaji Mei 17 mwaka huu 2011, siku ambayo alipaswa alipe fedha hizo milioni tisa ila akashindwa kulipa", alisema Wakili huyo wa Dk. Limbu, huku akimtaka mlalamikaji (Ngongoseke), asiupotoshe umma.

    Alisema, mahakama hiyo ilifikia maamuzi hayo baada ya kuona kuna ucheleweshwaji wa wananchi kupata mwakilishi wao waliyomchagua, hivyo kwa vile Mahakama hiyo Kuu Kanda ya Mwanza imetupilia mbali kesi hiyo, Dk. Limbu ni mbunge halali wa jimbo la Magu mkoani Mwanza, na anapaswa atimize wajibu wake kama mbunge aliyechaguliwa na wananchi wake na kushinda Uchaguzi Mkuu uliopita.

    "Tafsiri ya kutupwa kwa kesi hii, maana yake ni kwamba Dk. Limbu sasa ni mbunge halali wa jimbo la Magu. Kilichopo mbele yake ni kutekeleza majukumu yake kwa wananchi waliomchagua", alifafanua Wakili Nkanda, na kuongeza.
     
Loading...