Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

LINITATIZALO TANGU ZAMA....yupo mwenye jibu mwanana?????

Discussion in 'Jukwaa la Lugha' started by Anyisile Obheli, Aug 5, 2011.

  1. Anyisile Obheli

    Anyisile Obheli JF-Expert Member

    #1
    Aug 5, 2011
    Joined: Dec 13, 2009
    Messages: 3,294
    Likes Received: 8
    Trophy Points: 135
    Wayebusi hodi naja, Waperizi sichukie,
    Mkaananii kwako naja, Nawe Kushi unisikie,
    Mwamori andaa hoja, Nzuri na nizisikie,
    Ramadhani ni mfungo ama mwabadiri kula.

    Nauliza tangu zama, majibu sijayapata,
    Nisijeleta dhahama, na jibu kutopata,
    Angalizo la mapema, kwa wale wenye utata,
    Ramadhani ni mfungo ama mwabadiri kula.

    Chonde chonde waungwana, jazba tuweke mbali,
    Tukwepe kusuguana, elimu ikawa mbali,
    Midomo tukaishona, na likawa chungu swali,
    Ramadhani ni mfungo ama mwabadili kula.

    Nimehoji tangu zama, majibu hayaridhishi,
    Milo yote kutokwama, kutafuna hamuishi,
    Chapatti mwazisukuma, na uji mkijinakshi,
    Ramadhani ni mfungo am mwabadili kula.

    Milo mitatu ya mchana, mwaipeleka usiku,
    Tena mwasutama mchana, mwaomba fika usiku,
    Ili kuulipiza mchana, kwa masaa ya usiku,
    Ramadhani ni mfungo ama mwabadili kula.

    Tena mwaanza futari, pale saa za jioni,
    Tena mkiwa munkari, kujikunjua usoni,
    Na mmejaa tafakari, zile za daku sahani,
    Ramadhani ni mfungo ama mwabadiri kula.

    Mwakandamiza majimbi, tena vyakula vizito,
    Bila kusahau tambi, ili tumbo liwe zito,
    Mwajilaza kwanye kumbi, na mkitoa hewa nzito,
    Ramadhani ni mfungo ama mwabadili kula.

    Mwisrael namaliza, Masadukayo kwaheri,
    Jazba kuzipunguza, mwanakureshi tafadhari,
    Mfilisti we chomoza, sitaki zako kejeri,
    Hivi kweli mnafunga, au mwabadiri ratiba.
     
  2. S

    Senior Bachelor Member

    #2
    Aug 5, 2011
    Joined: Mar 23, 2011
    Messages: 86
    Likes Received: 1
    Trophy Points: 0

    Mimi pia litatizwa, dhimaye lishindwa jua
    Ramadhani ikabezwa, kila ilipowadia
    Utadhani wakimbizwa, jioni ikiwadia
    Ramadhani megundua, ni zaidi ya mfungo.

    Jioni kikaribia, wanawaza kufuturu
    Uji ni wa kuanzia, tumbo kuliweka huru
    Zafuata na bagia, na viazi vya Luguru
    Kumbe Ramadhani bwana, ni zaidi ya mfungo.

    Usiku wote tafuna, tumbo likae sawia
    Jua zikichomozana, mbavu zote zi sawia
    Hapo mchana kichuna, hakuna sababu kulia
    Ulaji wa Ramadhani, ratiba tu badili

    Lakini mimejifunza, dhimaye sio chakula
    Msingi matendo kwanza, na sio hiyo ratiba
    Basi! Swaumu ikiwa kali, kwa nini wanalalama?
    Ramadhani ni ibada, si adhabu asilani

    Gulioni ukienda, tajua ni Ramadhani
    Bei zote zimepanda, badala ya kushukani
    Kuelewa lanishinda, walaji meongezeka?
    Tutazame Ramadhani, kwa kiimani zaidi.

    Najua nimekanganya, unaweza sielewe
    Nakubali funga hiyo, na ninaiamini pia
    Lakini waifanyao, wasiifaanye adhabu
    Raamadhani Kareem, waungwana natakia.
     
Loading...