Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Hatima ya CCJ kesho

Discussion in 'Jukwaa la Siasa' started by Luteni, Feb 24, 2010.

Thread Status:
Not open for further replies.
  1. Luteni

    Luteni JF-Expert Member

    #1
    Feb 24, 2010
    Joined: Jan 9, 2010
    Messages: 2,275
    Likes Received: 7
    Trophy Points: 0
    Kutoka Tanzania Daima

    HATIMA ya usajili wa muda wa Chama Cha Jamii (CCJ), ambacho Msajili wa Vyama vya Siasa, John Tendwa, amekuwa akikipiga chenga, inatarajiwa kujulikana kesho katika mkutano kati yake na viongozi wa chama hicho.

    CCJ, chama ambacho kimesababisha mtikisiko ndani ya Chama Cha Mapinduzi (CCM), kimekuwa kikipigwa kalenda na Ofisi ya Msajili wa Vyama vya Siasa kwa karibu miezi miwili sasa tangu kuwasilisha maombi yao ya usajili wa muda Januari 20, mwaka huu.

    Kwa mujibu wa taarifa kutoka ofisi ya msajili, Tendwa ambaye amekuwa safarini Arusha na kuingia ofisini jana, amepanga kukutana na viongozi wa CCJ kesho ofisini kwake.

    Wakati Tendwa akiwa kwenye mtihani mzito wa kukipa usajili wa muda chama hicho, viongozi wa CCJ; Katibu Mkuu Renatus Muabhi na Mwenyekiti wake, Richard Kayabo, kwa nyakati tofauti, waliliambia Tanzania Daima Jumatano jana kwamba wamekamilisha taratibu zote za usajili.

    "Sisi tunamsubiri msajili, sijui atatupa visingizio gani tena, hatuna kitu kingine tunachodaiwa maana kila kitu anajua yeye... tutamsikiliza, lakini tunachohitaji sasa ni usajili wa chama chetu, tumeshakaa vya kutosha," alisema Kayabo.

    Hata hivyo habari zaidi ambazo Tanzania Daima Jumatano imezipata, zinadai kuwa CCJ kimekamilisha mambo mengi ya msingi ikiwa ni pamoja na kuweka sahihi za wanasheria katika baadhi ya nyaraka pamoja na kukabidhi bendera ya chama hicho katika ofisi ya msajili.

    Habari zaidi zinasema kuwa hatua iliyofikiwa sasa na CCJ inamuweka katika wakati mgumu Tendwa kukisajili chama hicho kutokana na kile kinachodaiwa kuwa ni vitisho kutoka kwa baadhi ya viongozi wa CCM wanaotaka kisipewe usajili.

    Kwa mujibu wa vyanzo hivyo, kadi za CCJ zimekaa muundo sawa na kadi ndogo ya kuchukulia fedha kwenye mashine maalumu za benki maarufu kama ATM huku kwa nyuma zikiwa na picha ya Mwalimu Nyerere, tofauti na nyingine ambazo ni kubwa kama za CCM.

    Duru za kisiasa zinauangalia ujio wa CCJ kama tishio kwa CCM na Rais Jakaya Kikwete, kutokana na kutajwa kuhusisha vigogo wa chama hicho tawala ambao wanataka kujitenga na kugombea urais Oktoba mwaka huu.

    Tayari Spika wa Bunge Samuel Sitta, aliwahi kusema kwamba haoni tatizo la kusajiliwa CCJ, huku pia akisema hawezi kuzuia watu kumuhusisha na chama hicho kama mgombea hapo Oktoba. CCJ imekuwa ikitikisa nchi tangu taarifa zake kuchapishwa kwenye vyombo vya habari, kwani kuna majina makubwa yanatajwa kuwemo akiwemo Spika Sitta, Mkurugenzi Mtendaji wa Taasisi ya Mwalimu Nyerere, Joseph Butiku, Waziri Mkuu mstaafu Jaji Joseph Warioba, John Malecela. Lakini wote wamekanusha.
     
  2. kimatire

    kimatire JF-Expert Member

    #2
    Feb 24, 2010
    Joined: Nov 27, 2008
    Messages: 365
    Likes Received: 2
    Trophy Points: 35
    W:confused:
     
  3. PJ

    PJ JF-Expert Member

    #3
    Feb 24, 2010
    Joined: Oct 10, 2007
    Messages: 297
    Likes Received: 1
    Trophy Points: 33
    Tendwa alishaagizwa asikisajili mwaka hivyo lazima afuate masharti ya waajiri wake.
     
  4. K

    Kituko JF-Expert Member

    #4
    Feb 24, 2010
    Joined: Jan 12, 2009
    Messages: 5,979
    Likes Received: 1,121
    Trophy Points: 280
    kinaweza kuwa chama kizuri, lakini wajaribu zaidi kuangalia matatizo yaliyopo ndani ya nchi kuliko kurudi sana nyuma na kufuata kila kitu cha Nyerere, anyway baadhi ya mambo ya Nyerere yalikuwa madhuri lakini wasikiweke hicho chama kama ni TANU au CCM nyingine
    najua mtu kama SALIMU, WARIOBA, BUTIKU, MAKWETA na wengineo wao ni Nyererelism lakini inawapasa kukijenga hicho chama kufuatana na upepo wa sasa wa kisiasa
     
  5. Pape

    Pape JF-Expert Member

    #5
    Feb 24, 2010
    Joined: Dec 11, 2008
    Messages: 5,536
    Likes Received: 13
    Trophy Points: 0
    Nani alimwagiza?
     
  6. Jayfour_King

    Jayfour_King JF-Expert Member

    #6
    Feb 24, 2010
    Joined: Nov 15, 2009
    Messages: 1,142
    Likes Received: 5
    Trophy Points: 0
    Yetu macho na masikio kwani kesho sio mbali.
     
  7. Lambardi

    Lambardi JF-Expert Member

    #7
    Feb 24, 2010
    Joined: Feb 7, 2008
    Messages: 7,563
    Likes Received: 2,072
    Trophy Points: 280
    Kama mzalendooo....halisi akisajili aachane na siasa za uoga
     
Thread Status:
Not open for further replies.
Loading...