Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Ghasia: Msibweteke kikombe cha babu

Discussion in 'Habari na Hoja mchanganyiko' started by Rutashubanyuma, May 30, 2011.

  1. Rutashubanyuma

    Rutashubanyuma JF-Expert Member

    #1
    May 30, 2011
    Joined: Sep 24, 2010
    Messages: 61,428
    Likes Received: 492
    Trophy Points: 180
    Ghasia: Msibweteke kikombe cha babu Send to a friend Sunday, 29 May 2011 22:15

    Elizabeth Ernest
    WAZIRI wa Nchi, Ofisi ya Rais Menejimenti ya Utumishi wa Umma Hawa Ghasia, amewataka wahitimu wa Chuo cha Utumishi wa Umma kutobweteka na tiba ya magonjwa sugu inayotolewa na Mchungaji mstaafu Ambilikile Mwaisapila wa Kanisa la Kiinjili la Kilutheri Tanzania (KKKT) na badala yake wajikinge na mambukizi ya Virusi Vya Ukimwi (VVU).

    Ghasia alitoa kauli hiyo juzi jijini Dar es Salaam wakati akizungumza na wahitimu hao na kuwataka kuepukana na majanga ya maradhi ili walitumikie taifa kwa kutumia taaluma waliyoipata. “Najua kuna kikombe cha babu, lakini kikombe hicho siyo kinga ya janga la ukimwi. Nimalizie kwa kuwaasa kuwa waangalifu na afya zenu ili kuepukana na majanga ya maradhi yanayowakumba Watanzania,” alisema.

    Alisema masharti ya babu ni magumu kwani kikombe hicho kinatolewa mara moja tu na kufafanua kwamba wahitimu hao wanapaswa kuwa waangalifu wa afya zao ili kulinda ujuzi walioupata.

    “Kikombe cha babu kinatolewa mara moja tu, na siyo kinga kwa hiyo kama hautakuwa mwangalifu kwa kulinda afya yako ukitegemea kikombe, basi tutaendelea kupoteza rasilimali watu ambayo imepatikana kwa gharama kubwa, wazazi wenu wamewekeza katika elimu,” alisema. Pia Ghasia aliutaka uongozi wa chuo hicho kujikita kwenye tafiti za kuboresha huduma katika jamii.

    “Nawashauri waajiri wote wa umma Tanzania wakitumie chuo hiki kwa ufanisi wa kazi zenu, wenyewe mmekuwa mashahidi kwamba chuo hiki kinakua siku hadi siku,’’alisema. Akisoma risala yake kwa Waziri Ghasia mkuu wa chuo hicho, Said Nassor alisema mwaka jana chuo hicho kilianza kukarabati kituo cha mafunzo ya watumishi wa umma.

    Alisema chuo hicho kinaendelea kupanua wigo wa kutoa mafunzo kutoka ngazi ya cheti mpaka Stashahada.“Chuo kiko mbioni kutafuta uwezo kwa kujenga tawi lake katika Wilaya ya Rufiji, mkoani Pwani kwani tayari tuna hekari 200 ambazo kwa sasa tuko katika mchakato wa kutafuta hati mikili,’’alisema.


     
  2. Masanilo

    Masanilo JF-Expert Member

    #2
    May 30, 2011
    Joined: Oct 2, 2007
    Messages: 22,323
    Likes Received: 110
    Trophy Points: 160
    Bravo Mh Ghasia!
     
Loading...