Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Fred Mpendazoe akamatwa

Discussion in 'Habari na Hoja mchanganyiko' started by Moseley, Nov 26, 2010.

  1. Moseley

    Moseley Senior Member

    #1
    Nov 26, 2010
    Joined: Jul 10, 2010
    Messages: 183
    Likes Received: 3
    Trophy Points: 35
    Sadick Mtulya

    ALIYEKUWA mgombea ubunge wa Jimbo la Segerea kwa tiketi ya Chadema, Fred Mpendazoe janaalipatwa na msukosuko wakati alipokamatwa na askari wa Jeshi la Polisi ambao walidai kuwa alikuwa anamiliki na kutumia gari la wizi, tukio ambalo amelielezea kuwa lilipangwa kwa lengo la kumchafua.

    Mpendazoe, ambaye alishindwa kwenye uchaguzi huo wa ubunge kwa njia ambayo ameielezea kuwa ilijaa ukiukwaji wa sheria, alihojiwa na polisi kwenye kituo cha Buguruni kwa takriban saa mbili kabla ya kuachiwa bila ya masharti.


    Mpendazoe, mmoja wa wabunge waliokuwa mstari wa mbele kwenye vita dhidi ya ufisadi, alikamatwa jana majira ya saa 3:30 asubuhi eneo la Uwanja Ndege wa Mwalimu Julius Nyerere akiwa na diwani wa Chadema wa Kata ya Segerea, Azuri Mwamboji pamoja na Buhari Mgonyezi ambaye aligombea udiwani wa Kata ya Kinyerezi.


    Hata hivyo, Mpendazoe, ambaye alihama CCM mapema mwaka huu wakati akiwa mbunge wa Jimbo la Kishapu na kujiunga katika Chama cha Jamii (CCJ) na baadaye Chadema, aliachiwa majira ya saa 5:44 asubuhi na maafisa upelelezi wakamueleza kuwa wataendelea na uchunguzi.

    "Kwa kuwa namba zako za simu umetuachia, wewe nenda. Sisi tutatimiza wajibu wetu wa kuendelea na uchunguzi. Hatua tutakayofikia tutakufahamisha,'' alisema afisa upelelezi mmoja.


    Mpendazoe amefungua kesi Mahakama Kuu kupinga matokeo ya ushindi wa Dk Makongoro Mahanga kwenye Jimbo la Segerea, baada ya zoezi la kuhesabu kura kuingiwa na dosari kubwa zilizocheleweshwa kutangazwa kwa matokeo.

    Hata hivyo, Dk Makongoro ameshateuliwa na Rais Jakaya Kikwete kuwa Naibu Waziri wa Kazi na Ajira.

    Mpendazoe anatuhumiwa kumiliki na kutumia gari la wizi aina ya Toyota Corona, lenye rangi nyeupe ambalo inadaiwa liliripotiwa kuibwa tangu Juni mosi, 2010.

    Lakini mbunge huyo wa zamani wa Kishapu aliiambia Mwananchi jana kuwa tuhuma hizo zimelenga kumchafua na kwamba ni hujuma.

    "Askari walinikamata kwa nguvu kubwa, hadi kufikia hatua ya kutishia kutumia silaha endapo ningeendelea na msimamo wangu wa kutaka kujieleza... sisi ni raia na katika mazingira haya inabidi tusaidiwe,'' alisema Mpendazoe ambaye aliruhusiwa kuondoka na gari hilo.


    Alifafanua kuwa tukio hilo lilipangwa kwa makusudi na kusisitiza kuwa gari hilo ni lake na amekuwa akilimiliki tangu mwaka 2007.

    "Hadi sasa polisi hawajaniambia ni mtu gani aliyefungua mashtaka haya (ya kudai kuibiwa gari hilo). Hii ni hujuma kutoka kwa watu ambao hawanitakii mema pamoja na dola kuendelea kunikandamiza. Gari nimelitumia katika kipindi chote cha kampeni zilizopita za uchaguzi mkuu,'' alisema.


    "Jana (juzi) tu, nilikuwa nalo kituo cha polisi cha Sitakishari, Ukonga nilipokuwa nimekwenda kuomba kibali cha kufanya mkutano wa harambee ili kuwaomba wananchi kunichangia fedha kwa ajili ya kuendeshea kesi niliyofungua kupinga matokeo yaliyompa ushindi Dk Makongoro.''


    Hata hivyo, Mpendazoe alisema kuwa polisi walimnyima kibali hicho na kulalama kuwa eneo alilokuwa amekusudia kufanya mkutano ndilo aliloruhisiwa Dk Mahanga wiki iliyopita kufanya mkutano wa kuwashukuru wakazi wa Segerea kwa kumchagua.

    Mpendazoe pia alidai kuwa wiki iliyopita alitumia gari hilo kwenda kituo kikuu cha kati cha polisi kuomba kibali cha kufanya mkutano wa hadhara.


    "Ajabu nyingine gari hili hili, wiki iliyopita nilikuwa nalo... mbona hawakunikamata,'' alihoji Mpendazoe.

    Alikwenda mbali na kusema: " Kulingana na mazingira haya, hisia zangu ni kwamba hizi ni hujuma na demokrasia inaaza kukandamizwa.''

    Kamanda wa Polisi Ilala, Faustine Shilogile hakutaka kuzungumzia suala hilo kwa maelezo kuwa hakuwa ofisini.


    "Nitafute baadaye; kwa sasa sina taarifa kamili na muda huu (saa 6:30 mchana) nipo njiani natoka uwanja wa ndege.... naenda hapo kituoni,'' alisema.

    Alipopigiwa simu baadaye, hakupokea.


    Source: Mwananchi
     
  2. manenge

    manenge JF-Expert Member

    #2
    Nov 26, 2010
    Joined: Apr 30, 2008
    Messages: 280
    Likes Received: 3
    Trophy Points: 0
    Hizo ni gharama za kuingia upinzani. Hata hivyo Mungu ni mkubwa kuna siku yatafikia tamati. lets keep on praying
     
  3. N-handsome

    N-handsome JF-Expert Member

    #3
    Nov 26, 2010
    Joined: Jan 23, 2008
    Messages: 2,288
    Likes Received: 90
    Trophy Points: 145
    Mhh this Country bwana
     
  4. Kigogo

    Kigogo JF-Expert Member

    #4
    Nov 26, 2010
    Joined: Dec 14, 2007
    Messages: 19,245
    Likes Received: 35
    Trophy Points: 145
    mbona hawalikamati JIZI namba moja lililoko pale MAGOGONI...jizi la kura tena mchana kweupe
     
  5. Chakaza

    Chakaza JF-Expert Member

    #5
    Nov 26, 2010
    Joined: Mar 10, 2007
    Messages: 18,709
    Likes Received: 9,400
    Trophy Points: 280
    Tatizo la Askari wetu wanakubali kutumiwa kukandamiza na kubambika kesi kwa baadhi ya watu. Kama jambo hili halina ukweli, basi badala ya kumchafua Mpendazoe,litamjenga kwa wapiga kura wake na wananchi wengine maana nao wanakumbana sana na tatizo hilo la kubambikiwa makesi kila siku.
    Tusubiri hatima ya kesi yake ya kumn'goa Ubunge yule naibu waziri.
     
  6. Nyambala

    Nyambala JF-Expert Member

    #6
    Nov 26, 2010
    Joined: Oct 10, 2007
    Messages: 4,468
    Likes Received: 10
    Trophy Points: 135
    Haya mawazo ya kikomunisti sijui yatakujatoka lini vichwani mwa watu wa serikali ya bongo!
     
  7. kaburunye

    kaburunye JF-Expert Member

    #7
    Nov 26, 2010
    Joined: May 12, 2010
    Messages: 675
    Likes Received: 4
    Trophy Points: 0
    Jeshi la polisi lisikubali kutumiwa na wanasiasa. Mtatuingiza kwenye matatizo mnapoanza uonevu na kunyanyasa raia wasio na hatia wakati wahalifu wakuu mafisadi wala hawaguswi.
     
  8. Saint Ivuga

    Saint Ivuga JF-Expert Member

    #8
    Nov 26, 2010
    Joined: Aug 21, 2008
    Messages: 31,253
    Likes Received: 5,816
    Trophy Points: 280
    Kikwete unforgetable tz prezda....
     
  9. S

    Somi JF-Expert Member

    #9
    Nov 26, 2010
    Joined: Feb 7, 2009
    Messages: 563
    Likes Received: 4
    Trophy Points: 0
    Hawa polisi badala ya kwenda kulinda doria kule maeneo wanapouwawa raia kama kibondo, malagarasi ,ngara n.k. Wanamkamata mpendazoe kwa kutumia vitisho vya silaha hii inadhihirisha hawa polisi wengi wao wapo ktk lile kundi tunalopiga vita la mafisadi
     
  10. sulphadoxine

    sulphadoxine JF-Expert Member

    #10
    Nov 26, 2010
    Joined: Nov 1, 2010
    Messages: 2,265
    Likes Received: 4
    Trophy Points: 135
    Polisi wa bongo wanamatatizo sanaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaaa
     
  11. Emanuel Makofia

    Emanuel Makofia JF-Expert Member

    #11
    Nov 26, 2010
    Joined: Jan 5, 2010
    Messages: 3,817
    Likes Received: 2
    Trophy Points: 135
    jamani njaaaaaaaa ni hatari sana hasa kwa hawa askari wetu ukiwa na hela wanakuabudu ka mungu sijui yataisha lini labda baada katiba mpya
     
  12. TUKUTUKU

    TUKUTUKU JF-Expert Member

    #12
    Nov 26, 2010
    Joined: Sep 14, 2010
    Messages: 11,849
    Likes Received: 34
    Trophy Points: 145
    Duh!wameshaanza fitina!
     
Loading...