Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Dada zetu mna mambo II- Mnaposifia waume/wapenzi wenu kwa mashosti!

Discussion in 'Mahusiano, mapenzi, urafiki' started by Mzee Mwanakijiji, Feb 16, 2012.

  1. Mzee Mwanakijiji

    Mzee Mwanakijiji Platinum Member

    #1
    Feb 16, 2012
    Joined: Mar 10, 2006
    Messages: 30,402
    Likes Received: 2,478
    Trophy Points: 280
    Ilianza kama utani. Mashosti wawili waliokuwa marafiki wa karibu tena walioshibana na kushibana. Walikuwa na urafiki wa kushinda pamoja, kwenda kununua nguo pamoja, na kwa kweli ulikuwa ni kama mtu na dadake hivi. Ukiambiwa alikuwa shosti wake, kweli alikuwa shosti. Huyo mwingine alikuwa hakeshi kumtaja "shosti" anapopiga soga na wengine. "Nilimuambia shosti bwana, alichekaa" ndio yalikuwa masimulizi yake.

    Hilo halikuwa tatizo. Tatizo ni wale mashosti wengine ambao hawakuwa na ukaribu wanamna hiyo lakini walikuwa wanashirikishwa umbea na habari za kila siku wanapokuwa pamoja. Iwe wakati wa chakula cha mchana au wanapotoka Ijumaa Wikienda kwenda kujirusha. Mmoja wao akajikuta anachumbiwa na kuolewa na marafiki zake walionekana kweli wamemfurahia sana kumpata shemeji. Na kweli walitoa ushirikiano wote kuhakikisha kuwa harusi ya shosti wao inatikisa na kutingisha jiji!

    Aliyeolewa katika kuendelea ule urafiki na ukaribu alijikuta haachi kuwaambia visa vya "Mume wangu"; kila sentensi yake ilikuwa inaanza na "mume wangu". Sijui ni kitu gani lakini mara kwa mara alikuwa anawagaia marafiki zake habari za yeye na mumewe na kwa ukaribu waliokuwa nao hata kabla ya ndoa alikuwa anawapa habari hata za "chumba cha maajabu" ambapo "maajabu hufanyika".


    Hakujua kuna mmoja wa marafiki zake anamtia donge. Donge ambalo lilikuwa linakaa na kutulia kwenye koo ya huyo
    shosti kwa kadiri siku zinavyokwenda. Maskini shosti wa watu akaanza kuingiwa na wivu. Mbona mwanamme kama mume wa shosti hayupo? Mbona wapenzi wote aliowahi kuwa nao hawaonekani kutenda kama yule mume wa shosti. Na inakuwaje yule mwanamme anaoneakna mwaminifu hivyo kwa shosti. Maswali ya mahusiano yake yalivyozidi ndivyo na macho yake yalivyozidi kumuangalia shemeji yake kwa macho yale yaliyokatazwa. Ilianza kama utani.

    Utani utani hivi hivi mara ukawa si utani. Ilikuwa kwenye tafrija moja ambapo karibu genge zima lilienda huko na wale waliokuwa na wao nao walienda huko. Sijui ilikuwakuwaje lakini kama utani, akiwa amelewa (au alionekana amelewa) shemeji yetu akaanza vimbwanga, mara amtanie shemeji yake mbele ya mkewe na mbele ya marafiki na huku wote wakicheka. Na kama aliyezidiwa na kileo akasema neno moja ambalo macho ya kundi zima yalimgeukia "shemeji miye nakumudu wewe!" alisema hivyo! Wenzie wakamzoda na wakalaumu "pombe". Wakacheka na wakajikuta wanamlazimisha kuondoka pale.

    Kesho yake anampigia simu shemeji yake kumuomba radhi.

    "Jamani shemeji samahani sana kama nilikukwaza jana" huku akilegeza sauti.
    "Ah hamna neno shemeji, we pombe haikufai"
    "Kweli shemeji sijui dadangu hapa amefikiliaje"
    "Ah zungumza naye"
    "Hapana shem najua atakuwa amechukia ndio maana nilitaka nikuombe msamaha wewe"
    "Hamna neno"

    Walidhani vimekwisha. Kumbe shosti anapiga mahesabu. Siku moja akiwa anajua kuwa mama mwenye nyumba kasafiri shemeji akajipitisha nyumbani na kujifanya amesahau kuwa shosti hayupo. Akafika pale na mavazi ya mtego kidogo lakini hakukataa; ilikuwa ni "operesheni tamanisha". Kijana wa watu akatoa taarifa kwa mkewe kuwa shosti wake alifika kutembea. Hawakujali sana.

    Ikaanza kama utani hivi.

    Kwa ufupi, katika siku na mahali pasipotajwa mume wa mtu akatoka na rafiki ya mkewe; hapana haikuwa kama mara moja bali visafari vikaanza na mara mahusiano na mkewe yakavurugika. Maneno yakaanz akusikika, maskini mama mwenye nyumba hakujua hadi alipochelewa sana...


    Ilianza kama utani; mke alimsifia mumewe kwa mambo ya chumbani kwa marafiki zake; kama sehemu ya utani tu.

    Hakuwa anacheka tena. Ooh, haikuwa utani!


    Maswali:
    Hivi mdada unapojikuta unawashirikisha marafiki zako mambo ya ndani ya mwenzi au mpenzi wako jinsi anavyokuridhisha n.k unategemea marafiki zao waitikiaje? Waone ni burudani tu au wivu?
    Hivi, ikitokea kuwa kule unakosifia ndiko unakoliwa utajilaumu hasa kama jinsi unavyosifia mapishi unafanya hata aliyeko mtaa wa tatu anuse harufu aje?
    Kuna mipaka gani ambayo mwanamke anatakiwa kuwa nayo katika kulinda mazungumzo yake ya mambo ya chumbani kwa marafiki zake au akibania ataonekana kuwa si mshiriki mzuri?

    Na. M. M. Mwanakijiji
     
  2. arabianfalcon

    arabianfalcon JF-Expert Member

    #2
    Feb 16, 2012
    Joined: Oct 19, 2010
    Messages: 2,293
    Likes Received: 5
    Trophy Points: 0
    Sjui kwanini wanawake wengine wanapenda kuongelea mambo yao ya ndani kwa mashoga,ivi huoni kama unamuuza mumeo?
    nawaonea huruma sana sijui hawajafundwaa,au hulka tu yamtu na kujihashua....
     
  3. FirstLady1

    FirstLady1 JF-Expert Member

    #3
    Feb 16, 2012
    Joined: Jul 29, 2009
    Messages: 16,200
    Likes Received: 104
    Trophy Points: 160
    Hapo ndipo tunapokosea kwanini mambo ya chumbani kuyatoa nje?
    Kuna watu huwa wamekaa attention kukwapua mali za wenzao kama kipanga vile
    Story za ushost zikomee huko huko
    Na mambo ya Chumbani yabaki kuwa chumbani
    Siku hizi hatuaminiani kabisa yakhe ,Ukisema cha nini mwenzio asema atakipata lini?
    Unapoanza ooh mme wangu haniridhirishi ..mwenzio kimoyo moyo anasema mshenzi huyu ngoja nimtafutie nafasi mmewe nimfunze mahaba habati ndo akome
    Unapoanza ooh mme wangu mjeuri mwenzio anasema moyoni saafi ushenzi wake ndo nauhitaji mie ..
    Unaposema mme wangu anakibamia mwenzio anasema lah hiki kibamia nitakipataje nikitafutie dawa ya kikohozi nisijekohoa wakati wa majamboz kikachomoka..
    Kwa kifupi ktk ndoa/mahusiano mambo ya chumbani yabaki kuwa chumbani
    Na story za mtaani zibaki huko mtaani
    Asante MM.
     
  4. HorsePower

    HorsePower JF-Expert Member

    #4
    Feb 16, 2012
    Joined: Aug 22, 2008
    Messages: 3,617
    Likes Received: 28
    Trophy Points: 145
    Mara nyingi inashauriwa kuwa, si jambo jema hata kidogo, kuzungumzia mambo ya ndani ya familia, hususan ya chumbani kwa watu baki. Hili limekuwa tatizo sana na wengi, wamezibomoa na wengine kuzifedhehesha familia zao kwa tabia kama hizi. Wapo baadhi ya wadada ambao wamekuwa wakitoa mpaka taarifa za "perfomance" za wenzi wao, either nzuri au mbaya bila kujali kuwa kwa kufanya hivyo ni kujidhalilisha yeye na mwenzie kwa hao watu anaowasimulia.

    Nakushukuru Mzee Mwanakijiji, yumkini mada hii itawabadilisha wadada (na wakaka kama wapo) wenye tabia kama hizi.
     
  5. sister

    sister JF-Expert Member

    #5
    Feb 16, 2012
    Joined: Nov 23, 2011
    Messages: 7,960
    Likes Received: 2,190
    Trophy Points: 280
    dah hii case inawatokeaga wengi sana, wanawake wanatakiwa kuwa makini sana haswa katika swala la chumbani kumsimulia shosti hajui kama anamtamanisha mwenzake ajaribu hafu mwisho wa siku wanafanya kweli.
     
  6. King Kong III

    King Kong III JF-Expert Member

    #6
    Feb 16, 2012
    Joined: Oct 15, 2010
    Messages: 24,118
    Likes Received: 606
    Trophy Points: 280
    Nilizani aliyepost ni Mimi Mwanakijiji,nikataka kumuuliza maada za cck na ccj zimeisha? Kumbe ni wewe Mzee Mwanakijiji haaaa waaambie hao madada ujumbe mzuri!
     
  7. Tausi Mzalendo

    Tausi Mzalendo JF-Expert Member

    #7
    Feb 16, 2012
    Joined: May 23, 2010
    Messages: 1,475
    Likes Received: 6
    Trophy Points: 0
    Wapo wanawake wanaopenda sana kujionyesha kwa wenzao kwamba wamejaaliwa waume wazuri hata kama ukweli ni kinyume.Utasikia mtu anasema kwa kujiamini
    "...mi mume wangu hawezi kabisa kutoka nje, ni mwamimifu mno! Mume wangu hawezi"!
    ..."Unasema fulani anajipitishapitisha kwa mume wangu? Kwanza mume wangu hapendi wanawake dizaini hiyo!"

    Bi dada kama wewe ni mmoja wa hao, ujue umeliwa maana hakuna anayeweza kumkania mtu! Ukizoea kujisifia ujue kuna watakaokulia timing kukuumbua.Kuna wanawake wao ni hobby kuteka "makoloni" ya watu.Jihadharini sana.Tena wanasema kabisa... sina haja naye huyo bwana, lakini nitamkomesha tu..namchukua kisha nambwaga!

    Ndio maana wanaume wao hawanaga tabia za kujisifu kwa wenzao kuhusu wake zao maana wanajua lolote lawezekana.
     
  8. Mzee Mwanakijiji

    Mzee Mwanakijiji Platinum Member

    #8
    Feb 16, 2012
    Joined: Mar 10, 2006
    Messages: 30,402
    Likes Received: 2,478
    Trophy Points: 280
    duh kumbe haya yanatokea kweli jamani! dada zetu taratibu
     
  9. Smile

    Smile JF-Expert Member

    #9
    Feb 16, 2012
    Joined: Jul 18, 2011
    Messages: 15,404
    Likes Received: 91
    Trophy Points: 145
    mmmmh sasa watajuaje unafaidi mautamu?
     
  10. Mtafiti1

    Mtafiti1 JF-Expert Member

    #10
    Feb 16, 2012
    Joined: Mar 5, 2011
    Messages: 264
    Likes Received: 0
    Trophy Points: 0
    hehehehhehheh..... mringishie mbwa nyama uone!
     
  11. ndyoko

    ndyoko JF-Expert Member

    #11
    Feb 16, 2012
    Joined: Nov 2, 2010
    Messages: 4,711
    Likes Received: 41
    Trophy Points: 145
    Na hiii maneno huanza kwanza kwa kuongea umbeaaaaaaaaaa, wakiishiwa ndo wanaingia kwene mambo yao wenyewe. Na wanaume hatuna hiana bwana, akijilengesha, kitu na boksi!
     
  12. N

    Ntuya Senior Member

    #12
    Feb 16, 2012
    Joined: Jan 18, 2011
    Messages: 112
    Likes Received: 1
    Trophy Points: 0
    Very true, umegonga ikulu mwanakwetu
     
  13. obsesd

    obsesd JF-Expert Member

    #13
    Feb 16, 2012
    Joined: Nov 23, 2011
    Messages: 1,226
    Likes Received: 3
    Trophy Points: 0
    kweli kabisa mkuu unayoyasema,
    inaboa haswaa mtu tangu mkae kitako anamzungumzia tuu mume wake... ooh jana kanifanya iv, ooh juzi kanipeleka uku!
    hakuna cha ushosti wala ushoga ki ukweli huwa hawafurahii hayo mastory ,kibaya ndos yake yy iwe inayumba mmh huyo lazima ajitahidi ayumbishe na ya kwako ili muende sawa lolz!
    na ww uonje joto ya jiwe, wengi kweli yamewakuta afu wanaishia kulalamika wakisahau kuwa source ni wao wao.
    limitation ni muhimu, ya chumban yaishie chumban na ya barazani yaishie barazan!
     
  14. fazaa

    fazaa JF-Expert Member

    #14
    Feb 16, 2012
    Joined: May 20, 2009
    Messages: 2,986
    Likes Received: 8
    Trophy Points: 0
    Yani we wacha tu nakumbuka zamani kabla sijaowa, nilikuwa na gf wangu lazima akanisifie navyo mfurahisha kwenye 6 x wale marafiki zake wakike nawao inabidi waje kujaribu pia :biggrin:
     
  15. HP1

    HP1 JF-Expert Member

    #15
    Feb 16, 2012
    Joined: Feb 4, 2012
    Messages: 3,340
    Likes Received: 39
    Trophy Points: 145
    Wapo ambao wakisikia hayo maneno yao wanafanya kila wawezavyo ili wakajionee wenyewe, mwisho wa siku utasema shoga yako amekugeuka
     
  16. Cantalisia

    Cantalisia JF-Expert Member

    #16
    Feb 16, 2012
    Joined: Sep 26, 2011
    Messages: 5,226
    Likes Received: 7
    Trophy Points: 135
    Siku zote simwamini mwanamke yoyote mbele ya nimpendaye hata ndugu yangu,so ni marufuku kumpa nafasi ya kumzoea au ukaribu wa aina yoyote salam tu inatosha na hata wakishikana mkono lzm niwakazie macho ebo!!

    Na hakuna cha ushosti wala urafiki linapokuja swala la wa ukweli wangu,
    Tutaongea yote ya dunia hii kamwe hawatasikia kutaja jina na mpnz wangu kwenye story,
    Na hata km ninalolinalonitatiza na nimekwama kudeal nalo mwenyewe mama yangu pekee ndio rafiki wa kweli ninayemshirikisha,

    Namshukuru mama kwa elimu hii aliyonipatia kwan aliniambia moyo wa mwanamke unaweza kuficha mengi tofauti na akuonyeshayo uson mwake,
    Asante Mzee Mwanakijiji kwa kunikumbusha tena hili.
     
Loading...