Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Chadema yatikitisa Arusha

Discussion in 'Habari na Hoja mchanganyiko' started by kilimasera, Aug 11, 2011.

  1. kilimasera

    kilimasera JF-Expert Member

    #1
    Aug 11, 2011
    Joined: Dec 2, 2009
    Messages: 3,072
    Likes Received: 9
    Trophy Points: 135
    SHUGHULI mbalimbali zikiwamo za kiuchumi na kijamii katika baadhi ya mitaa ya jiji la Arusha, jana zilisimama kwa muda wakati misafara mirefu iliyojaa mbwembwe za kila aina ya magari, pikipiki, baiskeli na mikokoteni iliyofungwa bendera za Chadema, ilipopita kwenye kata nne ambazo zilikuwa zikiongozwa na madiwani kiliowatimua uanachama hivi karibuni.

    Ziara hiyo ya kwanza ya viongozi wa juu wa Chadema imekuja siku chache baada ya Kamati Kuu (CC) ya chama iliyokutana Mjini Dodoma kati ya Agosti 5 na 6, kuamua kuwafukuza uanachama madiwani wake watano kutokana na madai ya kuingia muafaka na CCM na TLP katika nafasi ya umeya wa jiji hilo Juni 20, mwaka huu bila ridhaa ya uongozi wa taifa.

    Katika kile kilichoonekana kuwa ni kupunguza joto hilo na kuweka mambo sawa katika jiji hilo ambalo ni moja ya ngome muhimu za kisiasa za Chadema, viongozi hao wa kitaifa wakiongozwa Mwenyekiti wao, Freeman Mbowe na baadhi ya wabunge, waliingia jijini hapa wakiwa wamegawanyika katika makundi manne.

    Misafara ya makundi hayo manne tofauti, ilianzia katika Viwanja vya Soweto, eneo la Kaloleni mjini hapa kuelekea katika Kata za Kimandolu, Themi, Elerai na Kaloleni kwenyewe.

    Kutokana na msururu wa magari ya misafara hiyo, jiji la Arusha lilikuwa na msongamano mkubwa wa magari. Baadhi ya madereva walilazimika kujifanya kuwa ni sehemu ya msafara huo kwa kupiga honi kushangilia alimradi wapate mwanya wa kujipenyeza pembezoni mwa barabara kuendelea na safari zao.

    Katibu wa Chadema Mkoa wa Arusha, Amani Gulugwa alisema pamoja na kufanya maandalizi ya mkutano mkubwa wa hadhara unaotarajiwa kufanyika leo katika Viwanja vya NMC, Unga Ltd, ambao tayari umeruhusiwa na polisi, hatua ya jana ililenga kuimarisha uhai wa chama hicho kwa kufungua matawi na kuzungumza na wananchi.

    Gulugwa alisema Mwenyekiti wa Baraza la Vijana Taifa wa Chadema, John Heche aliongoza kundi la viongozi katika Kata ya Elerai, Mbunge wa Iringa Mjini, Mchungaji Peter Msigwa aliongoza kundi la Sokon wakati Mbunge wa Arusha Mjini, Godbless Lema alikuwa Kata ya Kimandolu.

    Mbunge wa Nyamagana, Ezekia Wenje pamoja na Meya wa Manispaa ya Musoma, Alex Kasurura walikuwa Kata ya Kati.“Kwa upande wa Kata ya Themi, viongozi wote wataungana pamoja kutembelea eneo hilo kulingana na muda utakavyoruhusu. Kilele cha kampeni yetu ni kesho (leo) pale NMC,” alisema Gulugwa.

    Aidha, viongozi hao wanatarajiwa kurejea tena katika kata hizo leo kuendelea na uhamasishaji wao kabla ya kwenda Unga Ltd katika mkutano wa hadhara.

    Msimamo wa Polisi kuhusu mkutano leo
    Kamanda wa Polisi Mkoa wa, Thobias Andengenye alithibitisha ofisi yake kuruhusu shughuli za kutembelea kata, mitaa na vitongoji kwa viongozi wa Chadema pamoja na mkutano wa hadhara leo katika Viwanja vya NMC.

    “Tumeruhusu shughuli zao za kisiasa kama walivyoomba kwa kutoa taarifa kulingana na sheria. Leo wanatembelea kata kufungua matawi na kuzungumza na wanachama na wananchi na kesho watafanya mkutano wa hadhara pale NMC, Unga Ltd,” alisema Andengenye kwa simu jana.

    Katika mkutano huo viongozi hao, wakiongozwa na Mbowe na Katibu Mkuu wake, Dk Willibrod Slaa pamoja na mambo mengine, watafafanua uamuzi wa kuwatimua madiwani hao.

    Madiwani hao waliofukuzwa baada ya mvutano wa muda mrefu na uongozi wa makao makuu ni Estomih Mallah (Kimandolu), John Bayo (Elerai), Charles Mpanda (Kaloleni), Reuben Ngowi (Themi) na Rehema Mohamed (Viti Maalumu).

    Mgogoro huo ulianza Juni 20, mwaka huu wakati madiwani wa Chadema Manispaa ya Arusha walipoingia muafaka wa kumtambua, Diwani wa Kata ya Olorien, Gaudance Lyimo kuwa Meya.

    Awali, madiwani hao pamoja na chama chao walipinga kuchaguliwa kwake kwa madai ya kukiukwa kwa kanuni za uchaguzi za halmashauri. Kupinga huko kulifuatiwa na maandamano yaliyofanywa kwa nguvu na chama hicho licha ya kupigwa marufuku na polisi na kusababisha vifo vya watu watatu Januari 5, mwaka huu.
     
  2. Daudi Mchambuzi

    Daudi Mchambuzi JF-Expert Member

    #2
    Aug 11, 2011
    Joined: Nov 25, 2010
    Messages: 21,087
    Likes Received: 11,331
    Trophy Points: 280
    Hii ndo diffucult troop a.k.a wazee wa maamuzi magumu. Hongera CHADEMA
     
  3. Mupirocin

    Mupirocin JF-Expert Member

    #3
    Aug 11, 2011
    Joined: Jan 28, 2011
    Messages: 1,597
    Likes Received: 17
    Trophy Points: 135
    Hongera cdm
     
  4. Mkuu wa chuo

    Mkuu wa chuo JF-Expert Member

    #4
    Aug 11, 2011
    Joined: Feb 3, 2011
    Messages: 7,156
    Likes Received: 150
    Trophy Points: 160
    safi sana!
     
  5. k

    kaeso JF-Expert Member

    #5
    Aug 11, 2011
    Joined: Mar 22, 2011
    Messages: 551
    Likes Received: 0
    Trophy Points: 33
    Hapa wazee wa kujivua magamba wana cha kujifunza.
     
  6. ndetichia

    ndetichia JF-Expert Member

    #6
    Aug 11, 2011
    Joined: Mar 18, 2011
    Messages: 27,534
    Likes Received: 120
    Trophy Points: 160
    hapa ishu nikuwapiga chini madiwani wasaliti na sio kutuonesha tu dvd ya wao kuomba na kupokea rushwa sawa mkuu wa chuo..:roll:
     
  7. mama D

    mama D JF-Expert Member

    #7
    Aug 11, 2011
    Joined: Nov 22, 2010
    Messages: 1,755
    Likes Received: 21
    Trophy Points: 135
    Tunakaribia kufika!
     
  8. Imany John

    Imany John Verified User

    #8
    Aug 11, 2011
    Joined: Jul 30, 2011
    Messages: 2,593
    Likes Received: 52
    Trophy Points: 145
    hahahha chadema my party.
    M proud of you.

    Pipoooooooooooooozzzzzzzzzzzz?????????
     
  9. Mikael P Aweda

    Mikael P Aweda JF Gold Member

    #9
    Aug 11, 2011
    Joined: Dec 17, 2010
    Messages: 2,934
    Likes Received: 27
    Trophy Points: 0
    For sure we deserved to be in Magogoni by now
     
  10. mgen

    mgen JF Bronze Member

    #10
    Aug 11, 2011
    Joined: Nov 18, 2010
    Messages: 12,756
    Likes Received: 966
    Trophy Points: 280
    Bado chibuda moto wa nguvu ya umma umuwakie! all commenders, please adivance to contact no nosence.
     
  11. samora10

    samora10 JF-Expert Member

    #11
    Aug 11, 2011
    Joined: Jul 21, 2010
    Messages: 5,878
    Likes Received: 397
    Trophy Points: 180
    hivi shibuda alikuwepo? sijajua kwa nini chadema bado hawajamvua uanachama mpaka sasa
     
  12. Michael Scofield

    Michael Scofield JF-Expert Member

    #12
    Aug 11, 2011
    Joined: Jul 30, 2011
    Messages: 1,213
    Likes Received: 3
    Trophy Points: 135
    Asante chama kubwa.
     
  13. bushman

    bushman JF-Expert Member

    #13
    Aug 11, 2011
    Joined: Nov 1, 2010
    Messages: 2,292
    Likes Received: 52
    Trophy Points: 145
    Igweeeeeeeeeeeeeeeeeeeeeeee cdm
     
Loading...