Afisa wa TRA mbaroni kwa kuomba rushwa ili asaidie ukwepaji wa kodi

[Miss Zomboko]

Ofisa Kodi wa Mamlaka ya Mapato Tanzania (TRA), Elias Yunus (38), anashikiliwa na Taasisi ya Kupambana na Kuzuia Rushwa (Takukuru), Mkoa wa Ilala kwa tuhuma za kuomba Rushwa ya Sh milioni 50 na kupokea Dola za Marekani 1,000 kwa ahadi ya kumsaidia mfanyabiashara aliyetaka kukwepa kodi na kujaza taarifa za uongo.

Akizungumza na waandishi wa habari leo Ijumaa Agosti 2, Kaimu Mkuu wa Takukuru Mkoa wa Ilala, Enock Ngailo amesema mtuhumiwa huyo alikamatwa baada ya kuomba ushwa kwa mfanyabiashara Raia wa Uturuki (jina limehifadhiwa), ambaye ni Mkurugenzi wa Kampuni ya HEM Heavy Equipments Company Ltd.

Ngailo amesema ofisa huyo alitengeneza mazingira ya rushwa baada ya mfanyabiashara huyo kutoa taarifa za uongo katika usajili wa mtambo aliouingiza kutoka nje ya nchi kwa lengo la kukwepa kodi.

“Kinyume na kifungu cha Sheria ya Kuzuia na Kupambana na Rushwa Na. 11 ya mwaka 2007, mtuhumiwa aliomba rushwa ya Sh milioni 50 na tayari amepokea Dola za Marekani 1,000 ili aweze kumsaidia mfanyabiashara huyo.

“Uchunguzi wa Takukuru umebaini mtuhumiwa aliomba rushwa hiyo na baada ya majadiliano alipunguza kiasi hicho na kufikia Sh milioni 35 kwa masharti ya kupewa fedha hizo zikiwa katika Dola za Marekani (Dola 17,000).

 

[Saint Ivuga]

Mbwa kala mbwa

 

[eddy]

Jamaa boya kweli, dola buku inamharibia maisha

 

[vipik2]

Jamaa boya kweli, dola buku inamharibia maisha

Huyo mwache aje kijiweni aone tunavyotaabika na hizo rushwa zao

 

[Victoire]

Jamaa boya kweli. Matangazo yote hayo kuhusu kushikwa,kutegeshwa bado anaomba rushwa? Usimuamini mtu kabisa. Kuharibu career yako kwa million 50 tu ? Haya aende anapostahili.

 

[Informer]

OFISA wa Mamlaka ya Mapato Tanzania(TRA), Elias Yunus(38), anashikiliwa na Taasisi ya Kuzuia na Kupambana na Rushwa(TAKUKURU) kwa tuhuma za kuomba rushwa ya Tsh. Milioni 50.

Elias inadaiwa aliomba rushwa hiyo kutoka kwa mfanyabishara raia wa Uturuki ambaye ni Mkurugenzi wa Kampuni ya Hem Heavy Equipments baada ya kumtuhumu kwamba ametoa taarifa za uongo.

Inadaiwa raia huyo alitoa taarifa za uongo kwa ofisa katika usajili wa mtambo aliouingiza kutoka nje ya nchi kwa lengo la kukwepa kodi.

Akizungumza na waandishi wa habari jana, Kaimu Mkuu wa TAKUKURU Mkoa wa Ilala, Enock Ngailo, alisema uchunguzi wa TAKUKURU ulibaini kwamba Ofisa huyo aliomba rushwa ya kiasi hicho na baada ya majadiliano alipunguza hadi kufikia Tsh. Milioni 35.

Ngailo alisema masharti ya fedha hizo zilitakiwa kupewa zikiwa katika dola za Marekani 17,000.

"Mtuhumiwa huyo alikamatwa baada ya kupokea kiasi cha dola za Marekani 1,000 kama sehemu ya rushwa pia alikutwa akiwa na nyaraka mbalimbali za TRA alizokuwa anampelekea mfanyabishara huyo," alisema.

Alisema uchunguzi dhidi ya tuhuma umekamilika na atafikishwa katika Mahakama ya Wilaya ya Ilala jijini Dar es Salaam kujibu tuhuma zinazomkabili.

Ngailo alitoa wito kwa watumishi wa umma pamoja na wafanyakazi kutojihusisha na vitendo vya rushwa kwani madhara yake ni hasara kwa jamii na Taifa kwa ujumla.

"TAKUKURU inatoa wito kwa wananchi wote kutoa taarifa za watu wanaojihusisha na vitendo vya rushwa wakati huu ambao tunakwenda kipindi cha uchaguzi wa Serikali za mitaa na uchaguzi mkuu," alisema.

 

[elution]

Walizoea

 

[Lyceum]

Jamaa boya kweli. Matangazo yote hayo kuhusu kushikwa,kutegeshwa bado anaomba rushwa? Usimuamini mtu kabisa. Kuharibu career yako kwa million 50 tu ? Haya aende anapostahili.

Ametuhumiwa bado hajahukumiwa Mpendwa katika Bwana

 

[ras jeff kapita]

Simcheki mshkaji hata mm niliwahi kula rushwa.... sikudakwa enzi hizo..
ninachoshangaa huyu jamaa ameshindwaje kusoma alama za nyakati.... !!
majira ya sasa sio ya kipupwe ni kiangazi usiku mchana January to December...
Watumishi wa umma badilikeni shauri zenu!!?

 

[BAFA]

Mekoo watu wataiba Sana tena kuliko awamu yeyote, sababu endelea Tu kuweka fedha Kwa elephant projects kuliko kuwekeza kwa watu

 

[Inside10]

Waje huku tunduma rushwa waziwazi

 

[omtiti]

OFISA wa Mamlaka ya Mapato Tanzania(TRA), Elias Yunus(38), anashikiliwa na Taasisi ya Kuzuia na Kupambana na Rushwa(TAKUKURU) kwa tuhuma za kuomba rushwa ya Tsh. Milioni 50.

Elias inadaiwa aliomba rushwa hiyo kutoka kwa mfanyabishara raia wa Uturuki ambaye ni Mkurugenzi wa Kampuni ya Hem Heavy Equipments baada ya kumtuhumu kwamba ametoa taarifa za uongo.

Inadaiwa raia huyo alitoa taarifa za uongo kwa ofisa katika usajili wa mtambo aliouingiza kutoka nje ya nchi kwa lengo la kukwepa kodi.

Akizungumza na waandishi wa habari jana, Kaimu Mkuu wa TAKUKURU Mkoa wa Ilala, Enock Ngailo, alisema uchunguzi wa TAKUKURU ulibaini kwamba Ofisa huyo aliomba rushwa ya kiasi hicho na baada ya majadiliano alipunguza hadi kufikia Tsh. Milioni 35.

Ngailo alisema masharti ya fedha hizo zilitakiwa kupewa zikiwa katika dola za Marekani 17,000.

"Mtuhumiwa huyo alikamatwa baada ya kupokea kiasi cha dola za Marekani 1,000 kama sehemu ya rushwa pia alikutwa akiwa na nyaraka mbalimbali za TRA alizokuwa anampelekea mfanyabishara huyo," alisema.

Alisema uchunguzi dhidi ya tuhuma umekamilika na atafikishwa katika Mahakama ya Wilaya ya Ilala jijini Dar es Salaam kujibu tuhuma zinazomkabili.

Ngailo alitoa wito kwa watumishi wa umma pamoja na wafanyakazi kutojihusisha na vitendo vya rushwa kwani madhara yake ni hasara kwa jamii na Taifa kwa ujumla.

"TAKUKURU inatoa wito kwa wananchi wote kutoa taarifa za watu wanaojihusisha na vitendo vya rushwa wakati huu ambao tunakwenda kipindi cha uchaguzi wa Serikali za mitaa na uchaguzi mkuu," alisema.

Kabila gani huyo jamaa?

 

[KARLO MWILAPWA]

Mekoo watu wataiba Sana tena kuliko awamu yeyote, sababu endelea Tu kuweka fedha Kwa elephant projects kuliko kuwekeza kwa watu

kamsaidie kumuwekea dhamana mwenzako

 

[Black Sniper]

Hapo utakuta ana nyumba kibao kwa ulaji haramu

Hawa wa hivi wangekuwa wanafilisiwa kabisa

 

[wakatanta]

Kabila gani huyo jamaa?

Atakua mangi wameiharibu sana hii nchi,acha tuwatege kwa pumba ,

"tuwaeleke ombazi"

 

[BAFA]

kamsaidie kumuwekea dhamana mwenzako

Hapana mfunge miaka Mia ndugu mataga au mnaweza kumuua Kama mlivofanya Kwa ndugu lwabaje

 

[R Mbuna]

Elias rafiki yangu ila ndio hivyo ajali kazini.

Nisiongee sana wakaja kutumia maandishi Yangu kama sehemu ya ushahidi.

Ila namkubali sana huyu mshikaji nitaenda kumtembelea gereza lolote atakalowekwa.

 

[Lyamber]

Katika kipindi hiki kama wewe ni mla rushwa hutakiwi kua mtu mwenye tamaa i.e kama anaetoa rushwa hajaridhika usilazimishe ukilazimisha lazima mambo kama haya hutokea

 

[R Mbuna]

Atakua mangi wameiharibu sana hii nchi,acha tuwatege kwa pumba ,

"tuwaeleke ombazi"

Huyu jamaa ni muhaya ila hajitambulishi hivyo sisi watu wake wa karibu ndio tunajua.

 

[R Mbuna]

Kabila gani huyo jamaa?

Mhaya huyo mkuu.