Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Yule mlokole akaniletea kidamisi…………!

Discussion in 'Mahusiano, mapenzi, urafiki' started by Mtambuzi, Mar 19, 2012.

  1. Mtambuzi

    Mtambuzi Platinum Member

    #1
    Mar 19, 2012
    Joined: Oct 29, 2008
    Messages: 8,572
    Likes Received: 688
    Trophy Points: 280
    Mimi haya mambo ya ukware niliyaanza kitambo kidogo,na ndio maana siishi kusimulia masaibu niliyokutana nayo ujanani.

    Nakumbuka siku hiyo nilikuwa natokea zangu Kariakoo narudi nyumbani Tegeta jioni ya saa 11 hivi. Kama mjuavyo kwa hapa jijini Dar usafiri mida ya jioni unakuwa na kasheshe zake, na kama huna ubavu unaweza kujikuta unakosa siti na ikakulazimu usimame, kitu ambacho nilikuwa sikipendi.

    Baada ya kupimana msuli na abiria wenzangu nilibahatika kupata siti na kwa bahati nzuri nilibahatika kukaa na mtoto mmoja mbaye naweza kusema Mungu alimjaalia hasa kwa uzuri. Kwa sababu ndio zangu kuunganisha hesabu kwenye daladala nilishukuru sana. Niliomba foleni ianzie Faya ili safari ya Tegeta iwe ndefu, iwe ya saa 3 badala ya dakika 50 au saa nzima.

    Ile kukaa tu, nikatupa salaam ya kiungwana, ‘habari yako sista.' Yule dada alijibu kwamba hajambo. Nikasema nashukuru sana, ‘za kazi?' Alijibu kwamba, kwa uwezo wa Bwana ni nzuri. Hilo neno ‘Bwana' sikulizingatia. Najuta ni kwa nini sikulipigia mstari. Naomba niwaambie vijana wa Dar wajue kwamba, msichana akijibu salaam na kuingiza mambo ya ‘Bwana,' ni lazima mtu ajiulize maswali.Basi tulipofika Jangwani nilishukuru kuona kuna foleni ya aina yake.

    Nilisafisha koo na kuanza kufanya mazoezi ya namna ambavyo ningemwaga sera zangu za kumkaribisha ibilisi. Hatimaye nilipata njia. ‘Samahani, kama ninakufahamu, sijui tumewahi kuonana wapi, Tegeta, labda, au pale maeneo ya njia panda ya Wazo.'
    Yule binti alitulia kidogo na kujibu kwa kifupi, ‘bahati mbaya, ninaishi Makongo.' Niliona nimepungukiwa na vituo, hivyo kama ni kumwaga sera ingebidi nianze haraka. ‘Ahaa. Oke, naona tumekuwa tukikutana huku huku mjini, sijui unafanyia wapi mwenzangu?' Niliuliza. Yule binti akajibu, ‘sifanyi kazi, nasoma chuo cha biashara.' Niliona mitego yangu inapachuka kila nikitega.

    Nilitulia kidogo na kutafuta pointi nyingine. ‘Sijui mwenzangu unaitwa nani, mimi naitwa…..' Nilitaja jina langu na kabla sijaendelea, nilisikia: ‘Kwa jina la Yesu ushindwe, ni nguvu za giza zimekuzunguka. Huwezi kunitia majaribuni….' Alikuwa akipaza sauti, halafu alikuwa akiongea kwa sauti kama ile itumiwayo na wahubiri wa kilokole wakemeapo mapepo. Kama kwamba hiyo haitoshi, alisimama na kutoa kitabu chake kitakatifu. Halafu aliendelea kunishutumu kwamba mimi ni ibilisi ambaye namjaribu mtu wa Mungu. ‘Huwezi kupambana na mwamba, huwezi kabisa, kwa nguvu zake baba ushindwe na uuone mwanga.'Kama mjuavyo watu wa Dar wasivyo na dogo, Basi zima lilivunja shingo.

    Kuna waliokuwa wakishabikia kwamba, nimezoea kutongoza hovyo, kama vile walikuwa wananijua. Konda alikuwa akishabikia kweli, na alimtaka yule binti wa Kilokole anitoe katika Giza la upotevu, ili mradi kulikuwa na kila aina ya shutuma na kushangilia. Nililazimika kusimama na kusogea mbele kiaina, maana dhihaka na kejeli vilizidi.


    Basi lilipofika Magomeni, nilisogea mlangoni na kushuka fasta. Yule binti alicharuka zaidi wakati nashuka kwenye basi kwa kudai kwamba, nilikuwa nimeshindwa. ‘Ameshindwa Ibilisi, ameshindwa kwa nguvu za Bwana, anaona aibu.' Washabiki au wapambe walikuwa wakishangilia kwa nguvu ili kumchagiza yule binti wa kilokole aendelee kunikemea. Nilijilaumu kimoyomoyo kuhusu kosa lile.

    Mpaka leo nikiwaona mabinti waliokaa kilokolelokole, nawapitia mbali.
     
  2. Asprin

    Asprin JF-Expert Member

    #2
    Mar 19, 2012
    Joined: Mar 8, 2008
    Messages: 42,156
    Likes Received: 4,688
    Trophy Points: 280
    Hehehehee!

    Mzee mwenzangu leo umenichekesha kwa sauti mbele ya mkoloni wangu!

    Dah!
     
  3. FirstLady1

    FirstLady1 JF-Expert Member

    #3
    Mar 19, 2012
    Joined: Jul 29, 2009
    Messages: 16,200
    Likes Received: 104
    Trophy Points: 160
    Shikamoo babu..kweli ujana wao ilikuwa kasheshe tupu...

    Naona una mengi ya kutujuza
     
  4. Gurta

    Gurta JF-Expert Member

    #4
    Mar 19, 2012
    Joined: Sep 17, 2010
    Messages: 2,211
    Likes Received: 26
    Trophy Points: 145
    Hamkutamaniana tu, hakuna cha ulokole hapo.
     
  5. Michael Scofield

    Michael Scofield JF-Expert Member

    #5
    Mar 19, 2012
    Joined: Jul 30, 2011
    Messages: 1,213
    Likes Received: 3
    Trophy Points: 135
    Kwa jina la yesu ushindwe.........!
     
  6. Cantalisia

    Cantalisia JF-Expert Member

    #6
    Mar 19, 2012
    Joined: Sep 26, 2011
    Messages: 5,226
    Likes Received: 7
    Trophy Points: 135
    Hahahahaha!pole sn mdingi wangu a.k.a Gustavo!hakika ulipatikana,tatizo ulikua hujipangi baba,pale alivoanza kuleta habari za bwana na ww ungejidai ni shemas wa kanisa fulan na kuenda naye ki upako zaidi ungeambulia japo kukaribishwa kanisan mdogo mdogo ungepata no ya cm na mambo yangeendelea!hahaha shukuru hakukuwekea mikono kichwan na kuanza kunena kwa lugha!
     
  7. AshaDii

    AshaDii Platinum Member

    #7
    Mar 19, 2012
    Joined: Apr 16, 2011
    Messages: 16,200
    Likes Received: 155
    Trophy Points: 160
    hahahaha..... Mtambuzi Una mambo wewe!!! Hata hivo ulikata tamaa haraka saana.... Sijui maybe nakosea ila ninavoelewa kama binti wa kilokoke akianza kukemea na kukuombea na hali hujamaliza mistari ina maana "Kakufeel" na anaogopa ukiongeza tu nguvu hapo anaweza potelea kwa shetani.... :wink2:
     
  8. Negrodemus

    Negrodemus JF Gold Member

    #8
    Mar 19, 2012
    Joined: Dec 30, 2010
    Messages: 2,020
    Likes Received: 30
    Trophy Points: 145
    mweeh pole.
     
  9. KIKUNGU

    KIKUNGU JF-Expert Member

    #9
    Mar 19, 2012
    Joined: Nov 24, 2011
    Messages: 853
    Likes Received: 5
    Trophy Points: 35
    Pole sana mkuu,sasa waliokaa kilokole lokole tutawajuaje maana kuna wengine kutongoza ni kama sehemu ya maisha,yaani kusipite sketi au gauni hata bila kuangalia hata sura! te te te
    Ila nafikiri ulijifunza mengi sana siku hiyo,pole sana.Lakini na wewe ungebadilisha gea ya kuingilia,yaani na wewe ungepiga neno au ungemkemea shetani kwa sauti kama yake,angepoa na ugeanzia hapo.Kama ni kwenda kanisani kwake basi watu wanaenda umbali huo mkuu
     
  10. BADILI TABIA

    BADILI TABIA JF-Expert Member

    #10
    Mar 19, 2012
    Joined: Jun 13, 2011
    Messages: 28,303
    Likes Received: 3,082
    Trophy Points: 280
    hahahahahahaaaaaaaaaaaaaaaaaaaaa

    you hv made my day loh!!!!

    sasa acha nichakarike kutafuta riziki
     
  11. OTIS

    OTIS JF-Expert Member

    #11
    Mar 19, 2012
    Joined: Sep 7, 2011
    Messages: 2,150
    Likes Received: 4
    Trophy Points: 0
    'Kama mjuavyo watu wa Dar wasivyo na dogo, Basi zima lilivunja shingo.Kama naona muvi hii
    OTIS
     
  12. Michael Scofield

    Michael Scofield JF-Expert Member

    #12
    Mar 19, 2012
    Joined: Jul 30, 2011
    Messages: 1,213
    Likes Received: 3
    Trophy Points: 135
    Mkuu! hao wanamegana wenyewe kwa wenyewe! Siku nyingine ukikutana na inshu kama hiyo nena nayo kwa lugha, itaeleweka tu!
     
  13. Mtambuzi

    Mtambuzi Platinum Member

    #13
    Mar 19, 2012
    Joined: Oct 29, 2008
    Messages: 8,572
    Likes Received: 688
    Trophy Points: 280
    Unajua Da, AshaDii, uso umeumbwa na haya, we DCM zima linakukodolea macho na kukuzomea, hata kama ukijitia hamnazo, lakini ni lazima utajisikia fedheha......................
     
  14. Mtambuzi

    Mtambuzi Platinum Member

    #14
    Mar 19, 2012
    Joined: Oct 29, 2008
    Messages: 8,572
    Likes Received: 688
    Trophy Points: 280
    Hiyo mbinu ungenifundisha wakati ule damu inachemka ingenisaidia sana..........bahati mbaya ushauri wako umekuja too late, nishajitwalia jiko mie...............
     
  15. Mtambuzi

    Mtambuzi Platinum Member

    #15
    Mar 19, 2012
    Joined: Oct 29, 2008
    Messages: 8,572
    Likes Received: 688
    Trophy Points: 280
    mabinti wa Kilokole wana salaam zao, ukimsikia binti anasalimia kwa kusema "SHALOOM" Basi huyo mpitie mbali, jua anatembea na "Bwana"
     
  16. Mtambuzi

    Mtambuzi Platinum Member

    #16
    Mar 19, 2012
    Joined: Oct 29, 2008
    Messages: 8,572
    Likes Received: 688
    Trophy Points: 280
    Kumbeee...............hapa sina mtoto, yaani unajua mbinu zote hizo................!
     
  17. Michael Scofield

    Michael Scofield JF-Expert Member

    #17
    Mar 19, 2012
    Joined: Jul 30, 2011
    Messages: 1,213
    Likes Received: 3
    Trophy Points: 135
    Mkuu unaijaribu uone kama inafanya kazi.. Shake well before use" ukione iko mwake mbuzi kashaelekea kibla unajifanya ulikuwa unamtania.
     
  18. chitambikwa

    chitambikwa JF-Expert Member

    #18
    Mar 19, 2012
    Joined: Nov 8, 2010
    Messages: 3,932
    Likes Received: 3
    Trophy Points: 0
    Alikuwa anakutega
     
  19. Swts

    Swts JF-Expert Member

    #19
    Mar 19, 2012
    Joined: Feb 5, 2012
    Messages: 3,071
    Likes Received: 8
    Trophy Points: 135
    Umenivunja mbavu npo icu! Hahahahahahahahahahaaaaaa.a.a.a.a.
     
  20. F

    Fmewa JF-Expert Member

    #20
    Mar 19, 2012
    Joined: Nov 16, 2009
    Messages: 294
    Likes Received: 0
    Trophy Points: 0
    Haya ndugu yangu pole sana kwa hayo yaliyokukuta............
    Kuna watu wanaosema hakuna mabinti wa kilokole wenye msimamo nafikiri wewe unaweza kua shaidi mzuri sana
    Asante
     
Loading...