Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Viungo vya binadamu vyanadiwa Songea

Discussion in 'Habari na Hoja mchanganyiko' started by kilimasera, Dec 30, 2010.

  1. kilimasera

    kilimasera JF-Expert Member

    #1
    Dec 30, 2010
    Joined: Dec 2, 2009
    Messages: 3,072
    Likes Received: 9
    Trophy Points: 135
    JESHI la polisi mkoani Ruvuma linawashikilia watu wawili wanaotuhumiwa kujihusisha na uuzaji wa viungo vya binadamu kwa mfanyabiashara wa mafuta mjini Songea mkoani Ruvuma.
    Akizungumza na waandishi wa habari jana ofisini kwake, kamanda wa polisi mkoa wa Ruvuma, Michael Kamuhanda, alisema tukio la uuzaji wa viungo vya binadamu lilitokea majira ya saa sita usiku katika eneo la Msamala mjini Songea kwenye ofisi kuu ya kampuni ya Otawa inayojishughulisha na uuzaji wa mafuta na usafirishaji wa abiria.

    Aliwataja watuhumiwa hao kuwa ni Mohamed Mohamed (25) na Hashim Yasin (25), wote wakazi wa kijiji cha Hanga Monasteri wilayani Namtumbo.

    Alidai kuwa watuhumiwa hao walifika na kumueleza mkurugenzi wa ofisi hiyo, Abdalah Ally Seleman kwamba wana viungo vya binadamu ambavyo wanataka kumuuzia.

    Walimwambia mkurugenzi huyo kuwa viungo vya binadamu walivyonavyo ni sehemu za siri za baba yao ambazo zingeuzwa kwa sh milioni sita na za kaka yao ambazo zingeuzwa kwa sh milioni tatu.

    Mkurugenzi huyo baada ya kupewa maelezo hayo aliwasiliana na polisi ambao waliweka mtego na kufanikiwa kuwanasa watuhumiwa hao.

    Kamuhanda alisema watuhumiwa hao baada ya kuhojiwa na polisi walikiri madai na kueleza kwamba walikuwa na mpango wa kwenda Tunduru kuwaua baba na kaka yao ili wafanikiwe kuchukua viungo hivyo na kumuuzia mfanyabishara huyo.

    Watuhumiwa hao wanatarajia kufikishwa mahakamani mara tu baada ya uchunguzi kukamilika.
     
  2. Slave

    Slave JF-Expert Member

    #2
    Dec 30, 2010
    Joined: Dec 6, 2010
    Messages: 4,842
    Likes Received: 202
    Trophy Points: 160
    Du mambo ya soko huria hayo.ila ndg mwandishi hawajamaa kama ni watoto wa huyo mzee wanaetaka kumuua kwanini miaka yao inafanana?au hata huyo kaka yao nae anamiaka 25?
     
Loading...