Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Tuliza Moyo Habiba - (Ombi)

Discussion in 'Jukwaa la Lugha' started by Mzee Mwanakijiji, Apr 18, 2008.

  1. Mzee Mwanakijiji

    Mzee Mwanakijiji Platinum Member

    #1
    Apr 18, 2008
    Joined: Mar 10, 2006
    Messages: 30,401
    Likes Received: 2,468
    Trophy Points: 280
    Tuliza moyo habiba, moyo wako na upoe,
    Upunguzie shuruba, hofu yote iondoe,
    Penzi letu sio haba, huzuni yako itoe,
    Tuliza moyo habiba, Penzi letu limeshiba!

    Tuliza moyo habiba, ni mbali tumetokea,
    Tumeyaona ya huba, ya penzi lilokolea,
    Na mengine yenye miba, maumivu kuletea,
    Tuliza moyo habiba, Penzi letu limeshiba!

    Tuliza moyo habiba, ya zamani yamepita,
    Uchungu tusije beba, mbeleni tukaja juta,
    Tusikijaze kibaba, kwa yale yanayopita,
    Tuliza moyo habiba, Penzi letu limeshiba!

    Tuliza moyo habiba, wenye kusema waseme,
    Wanajifanya swahiba, sumu yao waiteme,
    Yarabi twalia toba, hawa ni mapaka shume,
    Tuliza moyo habiba, Penzi letu limeshiba!

    Tuliza moyo habiba, penzi letu likolee,
    Wa mbinguni yeye Baba, dua zetu apokee,
    Atujaze mara saba, penzi letu lendelee,
    Tuliza moyo habiba, Penzi letu limeshiba!

    Tuliza moyo habiba, la moyoni nimesema,
    Busu langu liwe tiba, likutakialo mema,
    Moyoni ninakubeba, u mawazoni daima,
    Tuliza moyo habiba, Penzi letu limeshiba!

    Na. M. M. Mwanakijiji (Sauti ya Shamba)
     
  2. M

    Mama JF-Expert Member

    #2
    Apr 18, 2008
    Joined: Mar 24, 2008
    Messages: 2,858
    Likes Received: 15
    Trophy Points: 0


    MwaKjj hongera kwa tungo hii, kuna mdada hapa JF, nijui status yake wala yako katika mahusiano ya kimapenzi, ila naona kama mngefaana sana na ingependeza kama huu utungo ungeudedicate wake.
     
  3. Quemu

    Quemu JF-Expert Member

    #3
    Apr 18, 2008
    Joined: Jun 27, 2007
    Messages: 985
    Likes Received: 56
    Trophy Points: 145
    Nina wazo. Kutokana na baadhi ya wana jf kuonyesha kipaji cha kuandika mashairi, kwa nini tusianzishe kamtindo ka kuchagua mada halafu kila mpenda kuandika shairi anaandika shairi lake kuhusu hiyo mada? Nafikiri hii style itachangamsha zaidi utundu wa mashairi, zaidi ya kumsubiri mkjj atoke halafu ndio ajibiwe.

    Pengine tunaweza kutengeneza kitabu cha jf mashairi na kupeleka huko mashuleni kitumike. Who knows?

    Ni wazo tu!
     
  4. Mzee Mwanakijiji

    Mzee Mwanakijiji Platinum Member

    #4
    Apr 18, 2008
    Joined: Mar 10, 2006
    Messages: 30,401
    Likes Received: 2,468
    Trophy Points: 280
    Yeah.. I dedicate this one to her..! (I really don't know which one..)
     
  5. M

    Mama JF-Expert Member

    #5
    Apr 18, 2008
    Joined: Mar 24, 2008
    Messages: 2,858
    Likes Received: 15
    Trophy Points: 0

    nakunong'oneza na usimwambie mtu, dedicated kwa mwanadada jasiri 'Mwafrika wa Kike'.
     
  6. Steve Dii

    Steve Dii JF-Expert Member

    #6
    Apr 18, 2008
    Joined: Jun 25, 2007
    Messages: 6,414
    Likes Received: 40
    Trophy Points: 145
    ya hands are full, stop pushin ya way in like a bull,
    just like me you do, silently i act cool,
    no more school to you, in court the ball is with you,
    mkjj you rule, but careful as you eat ya gruel.

    SteveD. (Echo from the trench)
     
  7. Quemu

    Quemu JF-Expert Member

    #7
    Apr 18, 2008
    Joined: Jun 27, 2007
    Messages: 985
    Likes Received: 56
    Trophy Points: 145
    habiba wangu jamani, mbona wanitesa wangu moyo
    wajua ninavyo kutamani, mbona waumiza yangu roho
    kipenzi changu cha thamani, mbona wanyanyasa pangu koo
    habiba wangu wa amani, nini nimekutenda wangu polo?

    habiba rudi kwangu jamani, haki napatwa na masimanzi
    chonde chonde tafadhali, lako tamu penzi bado nalihitaji
    usiku wapita mwenzio silali, nakuwaza wangu manzi
    habiba wangu asali, nini nifanye tafadhali?

    kumbuka mengi twafanya, tuwapo pamoja mahala
    nguruko pale tulichofanya, miili yetu tulitoa kafara
    utamu wetu ulichanganya, chini ulitaka galagala
    habiba wangu wa chanya, nini chakutia hasara?

    usiku wa harusi ya dadayo, kawe rumba tulicheza
    kisha tukafuatilia yafuatayo, pata chumba hatukuweza
    tukaishia kwenye uzio, ngoma yetu tamu tukacheza
    habiba wangu wa enzio, nini nifanye wangu pweza?

    kuendelea siwezi tena, naomba nifikirie kwa undani
    mwenzio nashindwa hema, naomba nijie kitandani
    hakika vizuri nitakutenda, naomba ikuingie kichwani
    habiba wangu nakupenda, nini wataka wangu wa ubani?
     
  8. Sanda Matuta

    Sanda Matuta JF-Expert Member

    #8
    Apr 21, 2008
    Joined: May 9, 2007
    Messages: 953
    Likes Received: 9
    Trophy Points: 0


    Mkuu,


    Umetulia mwanakwetu.
     
  9. C

    Choveki JF-Expert Member

    #9
    Jul 2, 2008
    Joined: Apr 16, 2006
    Messages: 448
    Likes Received: 8
    Trophy Points: 35
    Tuliza moyo habiba, mwenziyo amekuomba
    Siye twajua ka kwiba, na sasa anajikomba
    Pia amuomba Toba, ahisi ume m-bamba!
    Bi Habiba mi nasema, uliza kwani kunani?

    Anaanza kwa upole, ahisi ushagundua
    Uhuni wake wa kale, adhani umejulia
    Mabusu hayo chelele, ni nini anafichia?
    Bi Habiba mi nasema, uliza kwani kunani?

    Anajihisi mwenziyo, ila ashindwa tamka
    Achunguza wako moyo, na yepi uta tamka
    Anayahepa machoyo, ya kwake yeshamtoka!
    Bi Habiba mi nasema, uliza kwani kunani?

    Habiba mwana fulani, fungua macho wa kwetu
    Uliza yule ni nani, nimsemaye Sikitu
    muangalie machoni, asije kuficha kitu
    Bi Habiba mi nasema, uliza kwani kunani?
     
  10. BiMkubwa

    BiMkubwa JF-Expert Member

    #10
    Jul 3, 2008
    Joined: Jan 9, 2007
    Messages: 530
    Likes Received: 5
    Trophy Points: 35

    Mahabuba nimeshindwa, moyo wangu kutuliza
    mazito nalemewa, iweje leo waniuliza
    uchungu nahemewa, na yako miujiza
    moyo hauwezi tulia, na penzi lisiloshibisha

    Mbali tumetokea, iweje leo ukumbuke
    kwa yale yaliyotokea, lazima ugutuke
    hofu imenienea, natafuta mahala niruke
    moyo hauwezi tulia, na penzi lisiloshibisha

    penzi lazima lishibishe, iwe kwako iwe kwangu
    nani akueleweshe, matendo yako uchungu kwangu
    kidonda usinitoneshe, ubichi bado kwangu
    moyo hauwezi tulia, na penzi lisiloshibisha

    kurudi kwako asilani, hata kwa maneno matamu
    nisijeonekana hayawani, penzi limepoteza hatamu
    penzi limepata miwani, penzi pofu sina hamu
    moyo hauwezi tulia, na penzi lisiloshibisha


     
  11. B

    Boma Senior Member

    #11
    Jul 3, 2008
    Joined: Apr 5, 2008
    Messages: 189
    Likes Received: 1
    Trophy Points: 0
    Du kumbe Mwanakijiji ni hatari kwa mashairi ya mapenzi, siku hizi wanasema umebobea
     
  12. A

    AmaniGK JF-Expert Member

    #12
    Jul 3, 2008
    Joined: Jan 10, 2008
    Messages: 1,100
    Likes Received: 17
    Trophy Points: 135
    Wakijiji umelonga,acha nami ninene
    Shairilo limekonga,limelizidi sebene
    Kidogo nataka chonga,Naomba dakika nne
    Kwa Habiba umegonga,Ninaye mwaka wa nne

    Wajificha huko shamba,Habiba wamwacha town
    wakijiji nakuomba,Mwache apate amani
    Huku alipo atamba,Ananipenda Amani
    Kwa Habiba umegonga,ninaye mwaka wa nne

    Habiba alikupenda,na wewe ukamtenda
    Ukamwacha njia panda,ukaamua kuhanda
    Ameamua kuenda,sasa watoka udenda
    Kwa Habiba umegonga,ninaye mwaka wa nne

    Pendo lake Habiba,ni tamu siwezi sema
    Kama chakula nishashiba,mpaka nashindwa kuhema
    Pendo lake kwangu tiba,Mola atupe |Uzima
    Kwa Habiba umegonga,Ninaye mwaka wa nne

    Uchungu ninaupata,Kwa mateso uliompa
    Chalinze mpaka Msata,Shambani ukamtupa
    Ulimfanya Kuruta,kwa kazi ulizompa
    Sasa kwangu amefika,Na kamwe sitamtupa

    Kadi tamati wa tama,Mimi mwisho nimefika
    Habiba ni wangu mama,Moyo wangu kaushika
    wakiji kachunge ndama,Niache mimi na 'mama'
    Kwa Habiba umegonga,ninaye mwaka wa nne
     
  13. B

    BeNoir Member

    #13
    Jul 3, 2008
    Joined: May 6, 2008
    Messages: 97
    Likes Received: 0
    Trophy Points: 0
    Mh!
    Hongera wote mlioonyesha umahiri wenu.
     
  14. b

    bonnie2_s Member

    #14
    Jul 24, 2008
    Joined: Jul 17, 2008
    Messages: 11
    Likes Received: 0
    Trophy Points: 0
    habiba habebi,haibi hububu,
    wala hatubu kwa uongo kukuhubu,
    hana haiba na mpenda misiba,
    heri yako wewe ushapata mahaba.


    mimi sijawahi kupendwa baba,
    kupata habiba mwenye kwangu huba,
    nimekulia upweke na huzuni nimeshiba,
    tuache hadithi zake mahabuba.

    miaka 18, nitafute tuonane,
    kisha tuelewane kisha tuoane,
    tukaishi saanane tukifa tuzikane,

    nakukumbusha popote ulipo,
    chambi chambicho kificho,
    chambi ukipata chambilecho,
    chambilecho ni kifo ukiwa nacho
    ,
     
  15. Sipo

    Sipo JF-Expert Member

    #15
    Aug 1, 2008
    Joined: Jul 25, 2008
    Messages: 2,155
    Likes Received: 2
    Trophy Points: 0
    MHE shairi lako zuri sema tunarudi kulekule you will develop what you practise, ebu soma michango yetu utagundua wabongo tunapenda mapenzi kuliko jambo lolote. ndio maana nchi inauzwa tukiwa tunawaza mapenzi... tutungie shairi la kuponda mafisadi bwana.. hizi za mapenzi waachie akina mr blue na banana zoro
     
  16. Kyakya

    Kyakya JF-Expert Member

    #16
    Jul 14, 2009
    Joined: Apr 24, 2009
    Messages: 396
    Likes Received: 1
    Trophy Points: 35

    Mimi nimesikia lakini usihofu simwambii mtu
     
  17. Kyakya

    Kyakya JF-Expert Member

    #17
    Jul 14, 2009
    Joined: Apr 24, 2009
    Messages: 396
    Likes Received: 1
    Trophy Points: 35

    Naunga Mikono na miguu yote
     
  18. C

    Choveki JF-Expert Member

    #18
    Jul 14, 2009
    Joined: Apr 16, 2006
    Messages: 448
    Likes Received: 8
    Trophy Points: 35
    SSSSSSHHHHHHHHHHH!!!!, Msiipaze sauti wakuu, wengine watasikiya.
     
  19. Teamo

    Teamo JF-Expert Member

    #19
    Jul 14, 2009
    Joined: Jan 9, 2009
    Messages: 12,278
    Likes Received: 25
    Trophy Points: 145
    hahahahahahah!tangaza zabuni tu mkuu
    We will go for the highest bidder!
     
Loading...