Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Tanzania ni kinara wa misamaha ya kodi-utafiti

Discussion in 'Biashara, Uchumi na Ujasiriamali' started by MziziMkavu, Nov 10, 2010.

  1. MziziMkavu

    MziziMkavu JF-Expert Member

    #1
    Nov 10, 2010
    Joined: Feb 3, 2009
    Messages: 38,547
    Likes Received: 2,821
    Trophy Points: 280
    Tanzania inaongoza kwa kutoa misamaha mikubwa zaidi ya kodi ikilinganishwa na nchi nyingine za Afrika Mashariki pamoja na bajeti yake kuwa tegemezi kwa misaada ya nje kwa zaidi ya asilimia 30.
    Taarifa hiyo ilitolewa jana jijini Dar es Salaam na Rose Aiko, mchambuzi wa utafiti toka Uwazi (Pata

    picha kamili) alipokuwa akiwasilisha muhtasari wa utafiti uliofanywa na taasisi isiyo ya kiserikali ya Uwazi-Twaweza kuhusiana na misamaha ya kodi
    Tanzania.
    Aiko alisema kiwango cha misamaha ya kodi inayotolewa Tanzania ni kikubwa ukilinganisha na misamaha inayotolewa na nchi za Uganda na Kenya.

    “Hapa kwetu, kati ya miaka ya 2005/06 na 2007/08, misamaha ya kodi ilikadiriwa kuwa wastani wa asilimia 3.9 ya pato la taifa. Mwaka 2008/09, ilikuwa asilimia 2.8 na mwaka 2009/10 asilimia 2.3,” alisema.


    Aiko alieleza wakati hali iko hivyo nchini, misamaha ya kodi katika kipindi chote hicho kwa
    Kenya ilikuwa ni asilimia moja ya pato la Taifa na kwa Uganda ilikuwa ni asilimia 0.4.
    Alisema ukiachilia mbali Uganda ambayo inatoa misamaha kwa kiwango cha chini kabisa, kama

    Tanzania ingerekebisha viwango vya misamaha ya kodi ili kulingana na kiwango kilichofikiwa na Kenya, zaidi ya Sh. bilioni 600 zingeokolewa kwa mwaka 2007/08 peke yake.

    Aidha, Aiko alisema ukubwa wa kiwango cha misamaha inayotolewa unaweza kuelezwa kwa

    kulinganisha na malengo ya ukusanyaji wa mapato ya kodi ambayo
    Tanzania inashindwa kuyafikia.
    “Mwaka 2008/09 na 2009/10, Serikali haikutimiza lengo lake la kukusanya mapato kwa wastani wa Sh. bilioni 453 kila mwaka. Katika kipindi hicho hicho, misamaha ya kodi iliyotolewa ilifikia wastani wa Sh. bilioni 724 kwa mwaka,” alisema. Alisema kama misamaha ya kodi ingetolewa katika kiwango

    kinachofanana na kiwango cha misamaha ya kodi inayotolewa
    Kenya, Sh. bilioni 484 zingeokolewa mwaka 2008/9 na Sh. bilioni 302 mwaka 2009/10.
    Kwa maneno mengine, upungufu katika ukusanyaji wa mapato ungepunguzwa kwa kiasi kikubwa, alifafanua.

    Kadhalika, Aiko alieleza kuwa wawekezaji wakubwa wa kimataifa nchini wananufaika zaidi na misamaha ya kodi kuliko makundi mengine yanayopata misamaha hiyo.

    Alisema makampuni hayo ni yale yenye vyeti vya kupatiwa motisha vinavyotolewa chini ya sheria ya uwekezaji Tanzania na sheria ya kuendeleza na kulinda uwekezaji Zanzibar, ambayo yanapata misamaha inayofikia asilimia 45.12.

    “Kundi linalofuata ni la walipaji kodi ya Ongezeko la Thamani (VAT) chini ya vifungu namba 220,223 na 224 ambalo linapata misamaha ya asilimia 24.22 na kundi la tatu ni la makampuni ya madini, chini ya Sheria ya Madini,” alisema Aiko.


    Akijibu swali la NIPASHE lililohusu sababu za kufanya utafiti kama huu na kuutoa siku chache kabla ya uchaguzi, Mkurugenzi Mkuu wa Twaweza, Rakesh Rajani, alisema wao
    kama taasisi hawafungwi na muda wa kueleza walichonacho.

    “Sisi kama taasisi tunafanya tafiti nyingi. Tuliona umuhimu wa kufanya tafiti za misamaha ya kodi ili wananchi waone
    kama kutolewa kwa misamaha hiyo kuna ulazima kwa nchi inayokabiliwa na changamoto ya kukusanya fedha za kutosha kugharimia bajeti yake,” alisema.
    Alisema utafiti wao umetumia takwimu za ripoti ya mapato kutoka Mamlaka ya Mapato Tanzania (TRA) na wameyatoa matokeo ya utafiti huo sasa ili Watanzania waelewe kuhusiana na rasilimali zao na wakapige kura wakiwa na ufahamu huo.



    CHANZO: NIPASHE
     
  2. m

    mageuzi1992 JF-Expert Member

    #2
    Nov 10, 2010
    Joined: Apr 9, 2010
    Messages: 2,513
    Likes Received: 2
    Trophy Points: 0
    Si inaongoza tu bali ni Maarufu kwa msemo rahisi
     
  3. MziziMkavu

    MziziMkavu JF-Expert Member

    #3
    Nov 10, 2010
    Joined: Feb 3, 2009
    Messages: 38,547
    Likes Received: 2,821
    Trophy Points: 280
    wakati huku nje Ughaibuni Serikali inategemea kodi toka kwa wananchi na wageni ukinunuwa kitu chochote Dukani basi ujuwe utalipa kodi ya Serikali ndio maana Nchi za wenzetu

    zinaendelea kwa kila kitu zina mabarabara kwa juu na chini,zina Town Train bus zinazotombea katikati ya mji hakuna huku shida ya Usafiri kwa mfano mimi ninapoishi mji

    ninaoishi takriban una watu karibu wanapata 20 millioni na kila siku watu wanakwenda makazini na hakun ahata siku moja kuna shida ya usafiri itakuwa kaji mji chetu cha Dares-salaam hakizidi zaidi ya watu 4 millioni shida ya usafiri ipo kwetu hapo Dar. Kasheshe kweli

    Nchi yetu imeoza hatuna viongozi wazuri wanaoipenda nchi yao kila unayemuona Kiongozi kazi yake kubwa ni ufisadi tutakwenda kweli kule tunakotaka kwenda? Safari yetu naona inaishia shimoni tu. Huku ni kuchakachuwa
     
  4. m

    mageuzi1992 JF-Expert Member

    #4
    Nov 10, 2010
    Joined: Apr 9, 2010
    Messages: 2,513
    Likes Received: 2
    Trophy Points: 0
    Uzalendo Tanzania Kwishny. Hatuna wazalendo tena ni Mafisadi tu. Na wateule wachache ambao kutokana na uchache wao wanadhulumiwa.
    Nchi yetu imeoza hatuna viongozi wazuri wanaoipenda nchi yao kila unayemuona Kiongozi kazi yake kubwa ni ufisadi tutakwenda kweli kule tunakotaka kwenda? Safari yetu naona inaishia shimoni tu. Huku ni kuchakachuwa
     
Loading...