Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Taarifa ya Serikali - Kuzama kwa Meli Zanzibar

Discussion in 'Jukwaa la Siasa' started by Kakke, Jul 18, 2012.

  1. Kakke

    Kakke JF-Expert Member

    #1
    Jul 18, 2012
    Joined: Dec 4, 2010
    Messages: 1,713
    Likes Received: 71
    Trophy Points: 145
    MAAFA YA KUZAMA KWA MELI ZANZIBAR


    Meli ya Mv. Star Gate imezama karibu na Kisiwa cha Chumbe ambapo watu 12 wamefariki hadi muda huu na wengine kadhaa wamejeruhiwa.


    Akitoa taarifa fupi kwa waandishi wa habari,Waziri wa Nchi Ofisi ya Rais na Mwenyekiti wa Baraza la Mapinduzi,Dk. Mwinyihaji Makame Mwadini alisema taarifa za kuzama kwa meli hiyo ilitolewa na Boti iendayo kasi ya Kilimanjaro III iliyokuwa ikitokea Dar es Salaam kwenda Zanzibar ndipo ilipoiona meli hiyo ikizama.


    “Tulipata taarifa kutoka Boti ya abiria ya Kilimanjaro III saa 7:50 mchana waliporipoti kuona meli ikizama karibu na Kisiwa cha Chumbe” Alisema Waziri Mwinyihaji.


    Waziri huyo alisema Meli hiyo imezama maili sita kuelekea Kisiwa cha Yasin Kusini mwa Kisiwa cha Chumbe kilichopo Unguja maili kadhaa kutoka Bandari ya Malindi.



    Waziri Mwinyihaji alisema idadi ya abiria walikuwa 250 ambao ni watu wazima, watoto 31 na mabaharia 6. “Tumepeleka waokoaji, kuna boti tano zipo eneo la tukio kushirikiana na waokoaji wengine” Alisema Waziri Mwinyihaji.


    Alisema maiti zote zitapelekwa viwanja vya Maisara Zanzibar kwa ajili ya ndugu na jamaa kuzitambua maiti za ndugu zao ambapo majeruhiwa wote watatibiwa Hospitali Kuu ya Mnazi Mmoja.


    Katika Bandari ya Malindi mwandishi wetu ameshuhudia maiti kadhaa zikiwemo za watoto zikishushwa, Miongoni mwa abiria waliookolewa ni raia 13 wa Mataifa mbalimbali ya nje huku raia mmoja ambaye hakuweza kutambuliwa utaifa wake amepoteza maisha.


    Makamu wa Pili wa Rais Zanzibar, Balozi Seif Ali Idd alifika eneo la Bandari ya Malindi Zanzibar pamoja viongozi wengine akiwemo Spika wa Baraza la Wawakilishi, Pandu Ameir Kificho, Mawaziri na baadhi ya Wajumbe a Baraza la Wawakilishi walikuwepo kutoa msaada unaohitajika.


    Katika eneo la pembezoni mwa bandari ya Malindi, makundi ya wananchi yalikuwa yamekusanyika wakisubiri taarifa za tukio hilo tangu saa 8:30 mchana.


    Vikosi vya ulinzi na usalama, msalaba mwekundu na watoaji wengine wa misaada ya dharura walifika kwa haraka eneo la tukio.


    Hadi sasa kazi ya uokoaji inaendelea karibu na Kisiwa cha Yasin ilikozama meli hiyo.


    Meli ya Mv. Star Gate inamilikiwa na kampuni ya kizalendo ya Sea Gull Sea Transport Ltd ambayo mwaka 2009 Meli yake nyengine ya Mv. Fatih ilipinduka na kuzama katika Bandari ya Malindi Zanzibar na kua watu sita.


    Mwaka jana Zanzibar ilikumbwa na maafa baada ya Meli ya Mv. Spice Islanders kuzama katika bahari ya Hindi eneo la Nungwi katika Kisiwa cha Unguja ikielekea Kisiwani Pemba ambapo taarifa rasmi ya Serikali ilisema watu 197 walipoteza maisha na wengine wengi kujeruhiwa.


    Taarifa zaidi zitatolewa hapo baadea.


    Imetolewa na:
    Idara ya Habari(MAELEZO) Zanzíbar
    Julia 18,2012

    Picha ziadi maafa ya meli



    [​IMG]
    Watalii na raia wa kigeni pia walikuwemo katika meli iliyozama hawa ni baadhi ya waliosalimika

    [​IMG]

    Abiria waliookolewa kutoka katika meli iliozama ya Star Gate katika bahari ya Chumbe Zanzibar
    [​IMG]
    Abiria aliyeokoka kutoka katika meli iliyozama
    [​IMG]
    Abiria aliyookoka katika Meli iliozama ya Star Gate akifarijiwa na Jamaa zake Baada ya kuteremka katika Meli iliowaokoa hapo Bandarini


    [​IMG]


    Waziri wa Miundombinu na Mawasiliano Hamad Masoud Hamad akiwa katika hali ya huzuni Baada ya kushiriki katika uokoaji na kuwaona Majeruhiwaliookolewa katika Meli iliozama ya Star Gate wakiteremka hapo Bandarini Zanzibar.
    [​IMG]
    Askari wa Vikosi mbalimbali wakiwa katika kazi ya Uokozi kwa Abiria waliokuwa katika Meli ya Star Gate ambayo iliozama katika ikiwa imebeba abiria 250 huko katika bahari ya Chumbe Zanzibar


    Picha zoe na Yussuf Simai Maelezo​
     
  2. Head teacher

    Head teacher JF-Expert Member

    #2
    Jul 18, 2012
    Joined: Mar 10, 2012
    Messages: 1,814
    Likes Received: 2
    Trophy Points: 0
    Ni majonzi makubwa
     
  3. S

    Same ORG JF-Expert Member

    #3
    Jul 18, 2012
    Joined: Jun 10, 2012
    Messages: 323
    Likes Received: 0
    Trophy Points: 0
    jee said salim bahresa anazihujumu hizi meli nyingine??? jamani watz tuliangalie kwa undani kabisa haya masuala.
     
  4. meningitis

    meningitis JF-Expert Member

    #4
    Jul 18, 2012
    Joined: Nov 17, 2010
    Messages: 7,326
    Likes Received: 142
    Trophy Points: 160
    hakuna hujuma yoyote bali ni uzembe wa utendaji!iweje boti hii chakavu iendelee kutoa huduma wakati marekani waliiona ni chuma chakavu?
     
  5. mcubic

    mcubic JF-Expert Member

    #5
    Jul 18, 2012
    Joined: Mar 3, 2011
    Messages: 8,916
    Likes Received: 2,571
    Trophy Points: 280
    Huyu Nchimbi taarifa za watu saba tu waliofariki kaitoa wapi?? maana kwenye TBC1 amehojiwa amesema ni saba tu..wakati wenyewe wanasema 12..which is which?
     
  6. Chimunguru

    Chimunguru JF-Expert Member

    #6
    Jul 18, 2012
    Joined: May 3, 2009
    Messages: 9,816
    Likes Received: 177
    Trophy Points: 160
    HAKUNA ATAKAYEWAJIBIKA KWA VIFO VYA WATANZANIA WENZETU, SHAME ON YOU ccm
     
  7. BONGOLALA

    BONGOLALA JF-Expert Member

    #7
    Jul 18, 2012
    Joined: Sep 14, 2009
    Messages: 13,021
    Likes Received: 1,321
    Trophy Points: 280
    waziri amesahau kusema SERIKALI IMEJIPANGA AJALI KAMA HII ISITOKEE TENA!maana ndio msemo wao siku hizi.Innalillah
     
  8. Globu

    Globu JF-Expert Member

    #8
    Jul 18, 2012
    Joined: Jan 12, 2011
    Messages: 7,957
    Likes Received: 126
    Trophy Points: 160
    Inasemekana zaidi ya watu mia mbili wamefariki. INAALILAHI WAINA ILAIHI RAJIUUN.
     
  9. G

    GUDIGUDI Member

    #9
    Jul 18, 2012
    Joined: Apr 2, 2012
    Messages: 19
    Likes Received: 0
    Trophy Points: 0
    Jamani Sio sahii kuhusisha maafa yanayotokea na siasa. Hakuna uhusiano kati ya kuzama kwa meli na ccm haya ni maafa tu kama ajali zinazotokea mara kwa mara. Inaonekana huyu jamaa amekariri na ana chuki binafsi na chama hki kwani upepo mkali ndo umesababisha meli izame na si vinginevyo.
     
  10. Khakha

    Khakha JF-Expert Member

    #10
    Jul 18, 2012
    Joined: Jul 15, 2009
    Messages: 2,830
    Likes Received: 228
    Trophy Points: 160
    mkuu menginitis, ile sheria ya manunuzi ya vitu chakavu iliyopitishwa kwa mbwembwe inaapply hadi ng"ambo ya chumbe au mwisho wakke bara tu. maana wenzetu vyombo chakavu wameanzanavyo looong time. nimeshashauri kwenye uzi mwingine kuwa vyombo vyote vya udhibiti viwe chini ya jamhuri ya muungano.
     
  11. m

    mkataba Senior Member

    #11
    Jul 18, 2012
    Joined: Jul 6, 2012
    Messages: 147
    Likes Received: 0
    Trophy Points: 0
    Mh. Hamad Masoud usihuzunike hio ndio kalamu ya Allah, haiepukiki. Ni muhimu kuwaombea dua waliotangulia inshaaallah.

    Innalillahi wainnailayhi rajjighuuuun.

    "Hakika sisi ni wa Alla na kwake yeye ndio tutarejea"
     
  12. Biohazard

    Biohazard JF-Expert Member

    #12
    Jul 18, 2012
    Joined: Aug 21, 2011
    Messages: 1,944
    Likes Received: 140
    Trophy Points: 160
    Duuu maskini wa Mungu R.I.P marehemu wote
     
  13. Marire

    Marire JF-Expert Member

    #13
    Jul 18, 2012
    Joined: May 1, 2012
    Messages: 11,342
    Likes Received: 167
    Trophy Points: 160
    Kuna ndugu zetu wengi sana wamezama na wanaendelea kufa ila sijaona tv hata moja inayo toa up dates, nimejiuliza kama bunge limeweza kuahiriswa inakuweje hamna habari mpya yeyote inayoendelea kutolewa?
     
  14. Kibanga Ampiga Mkoloni

    Kibanga Ampiga Mkoloni JF-Expert Member

    #14
    Jul 18, 2012
    Joined: Aug 9, 2007
    Messages: 12,399
    Likes Received: 225
    Trophy Points: 160
    Naona jmaa wanhistoria ya kuua!
     
  15. Mag3

    Mag3 JF Gold Member

    #15
    Jul 18, 2012
    Joined: May 31, 2008
    Messages: 7,550
    Likes Received: 2,478
    Trophy Points: 280
    Kero za muungano zinaongezeka!
     
  16. meningitis

    meningitis JF-Expert Member

    #16
    Jul 18, 2012
    Joined: Nov 17, 2010
    Messages: 7,326
    Likes Received: 142
    Trophy Points: 160
    lazima kuna mkono wa kigogo kwenye hii kampuni
     
  17. Globu

    Globu JF-Expert Member

    #17
    Jul 18, 2012
    Joined: Jan 12, 2011
    Messages: 7,957
    Likes Received: 126
    Trophy Points: 160
    Inasemekana zaidi ya watu mia mbili wamefariki.
     
  18. T

    Twigwe Member

    #18
    Jul 18, 2012
    Joined: Apr 11, 2012
    Messages: 76
    Likes Received: 0
    Trophy Points: 0
    bomu zote.zinacopy tu kwa tv zingine
     
  19. BABU CHONDO

    BABU CHONDO JF-Expert Member

    #19
    Jul 18, 2012
    Joined: Jun 6, 2011
    Messages: 857
    Likes Received: 2
    Trophy Points: 35
    Iliyozama ni meli au ni boti?

    Sent from my Nokia 3310 using JamiiForums
     
  20. james chapacha

    james chapacha JF-Expert Member

    #20
    Jul 18, 2012
    Joined: Apr 3, 2012
    Messages: 927
    Likes Received: 16
    Trophy Points: 35
    ivi inawezekana kuhujumu meli ambayo haina hata OFISI? hii inachangiwa na UDHAIFU wa serikali ya CCM na CUF rushwa inalitafuna Taifa letu.
     
Loading...