Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Simba sc yaomboleza kifo cha robert mwaimu

Discussion in 'Sports' started by nngu007, Oct 25, 2012.

  1. nngu007

    nngu007 JF-Expert Member

    #1
    Oct 25, 2012
    Joined: Aug 2, 2010
    Messages: 15,874
    Likes Received: 28
    Trophy Points: 145
    [​IMG]
    KLABU ya soka ya Simba imepokea kwa masikitiko makubwa taarifa za kifo cha Katibu Mwenezi wake wa zamani, Robert Charles Sechawawa Mwaimu, kilichotokea juzi Jumanne nyumbani kwake Oysterbay jijini Dar es Salaam.

    Makamu Mwenyekiti wa SIMBA, Geofrey Nyange Kaburu, kwa niaba ya uongozi wa Simba amesema msiba huo umeleta pengo kubwa kwa klabu kwani mchango wa Mwaimu ulikuwa bado unahitajika kutokana na uzoefu wake mkubwa katika medani ya soka na michezo kwa ujumla.

    "Kwa kweli Simba imepata pengo kubwa sana kutokana na msiba huu wa Mwaimu. Pamoja na kwamba hakuwa kiongozi wa Simba kwa muda mrefu sasa, lakini bado alikuwa akijitahidi kutoa mchango wake wa hali na mali kila ambapo ilihitajika. Msiba huu umemgusa kila ambaye anaitakia mema Simba," alisema.

    Mwaimu alikuwa Katibu Mwenezi wa Simba mwishoni mwa miaka ya 1990 wakati Simba ikiwa chini ya uenyekiti wa Yusuf Hazali na Katibu Mkuu akiwa Halfani Mazi Matumla.

    Zaidi ya Simba SC, Mwaimu alipata kuwa mfanyakazi katika Mamlaka ya Bandari Tanzania, Mamlaka ya Mkonge Tanzania kabla ya kwenda Kampuni ya Bia Tanzania (TBL) alikokuwa akifanya kazi hadi wakati anaanza kuwa Katibu Mwenezi wa Simba.

    Kwa mujibu wa taarifa kutoka katika familia ya Mwaimu, marehemu atazikwa kesho Ijumaa katika makaburi ya Kinondoni jijini Dar es Salaam majira ya saa 9:30 alasiri.

    Shughuli zote za ibada ya mazishi zitafanyika nyumbani kwa marehemu, Kenyatta Drive Namba 22, Oysterbay kuanzia saa tano asubuhi.

    Kaburu amewaomba wana Simba kushiriki kwa nguvu katika mazishi ya marehemu ikizingatiwa kwamba kesho itakuwa siku ya mapumziko kwa sababu ya Sikukuu ya Iddi.

    Mola na ailaze roho ya marehemu mahali pema. Amina

    Imetolewa na
    Ezekiel Kamwaga
    Ofisa Habari
    Simba SC

    [​IMG]


     
  2. Mphamvu

    Mphamvu JF-Expert Member

    #2
    Oct 26, 2012
    Joined: Jan 28, 2011
    Messages: 10,393
    Likes Received: 577
    Trophy Points: 280
    Diwani wangu wa zamani huyo, POLENI WAFIWA!
     
Loading...