Uloi nga Machi
Member
- Jan 4, 2012
- 61
- 23
Kwa wale wapenzi wa Nyumba Ndogo angalia Shairi hili:
Nyumba ndogo si fahari,si pendo ulimbukaji,
Pendo lisilo nadhari, daima unyatiaji,
Mara nyingi ni kaburi, la kufukia mitaji,
Sisaliti Ndoa yangu, sababu ya nyumba ndogo.
Sababu ya nyumba ndogo, sisaliti Ndoa yangu,
Mke simpi kisogo, nikenda jivisha pingu,
Katu siwanii kago, kwa mwendo wa vanguvangu,
Sisaliti Ndoa yangu, sababu ya nyumba ndogo.
Ina pendo la mizungu, na mzo mzo hadaa,
Kusudi ugawe fungu, wana washinde na njaa,
Ndipo hapo Mcha Mungu, sishiriki nakataa!
Sisaliti Ndoa yangu, sababu ya nyumba ndogo.
Asonazo hupumbaa, kwa zile stihizai,
Akawa kama kichaa, kwa penzi la ulaghai,
Kwake huona kinyaa, japo sekunde hakai!
Sisaliti Ndoa yangu, sababu ya nyumba ndogo.
Tatizo jitumbukize, kumuoa kwa papara,
Mkeo umfukuze, yeye atwae kitara,
Atakuja akulize, ukabaki na izara!
Sisaliti Ndoa yangu, sababu ya nyumba ndogo
Zamani alikubeba, kama mwana mbelekoni,
Kukuganda kama ruba,ukadhani umewini,
Uchao sasa adhaba, na ya kale huyaoni!
Sisaliti Ndoa yangu, sababu ya nyumba ndogo.
Kaditama kina baba, tangu leo jifunzeni,
Ya nje sio mahaba, na hilo jiepusheni,
Tuyakidhi matilaba, ya familia nyumbani,
Sisaliti Ndoa yangu, sababu ya nyumba ndogo.
Lambert F. Chialo (Mhadhiri wa Malenga)
Magogoni, Dar es Salaam
0713961860
Nyumba ndogo si fahari,si pendo ulimbukaji,
Pendo lisilo nadhari, daima unyatiaji,
Mara nyingi ni kaburi, la kufukia mitaji,
Sisaliti Ndoa yangu, sababu ya nyumba ndogo.
Sababu ya nyumba ndogo, sisaliti Ndoa yangu,
Mke simpi kisogo, nikenda jivisha pingu,
Katu siwanii kago, kwa mwendo wa vanguvangu,
Sisaliti Ndoa yangu, sababu ya nyumba ndogo.
Ina pendo la mizungu, na mzo mzo hadaa,
Kusudi ugawe fungu, wana washinde na njaa,
Ndipo hapo Mcha Mungu, sishiriki nakataa!
Sisaliti Ndoa yangu, sababu ya nyumba ndogo.
Asonazo hupumbaa, kwa zile stihizai,
Akawa kama kichaa, kwa penzi la ulaghai,
Kwake huona kinyaa, japo sekunde hakai!
Sisaliti Ndoa yangu, sababu ya nyumba ndogo.
Tatizo jitumbukize, kumuoa kwa papara,
Mkeo umfukuze, yeye atwae kitara,
Atakuja akulize, ukabaki na izara!
Sisaliti Ndoa yangu, sababu ya nyumba ndogo
Zamani alikubeba, kama mwana mbelekoni,
Kukuganda kama ruba,ukadhani umewini,
Uchao sasa adhaba, na ya kale huyaoni!
Sisaliti Ndoa yangu, sababu ya nyumba ndogo.
Kaditama kina baba, tangu leo jifunzeni,
Ya nje sio mahaba, na hilo jiepusheni,
Tuyakidhi matilaba, ya familia nyumbani,
Sisaliti Ndoa yangu, sababu ya nyumba ndogo.
Lambert F. Chialo (Mhadhiri wa Malenga)
Magogoni, Dar es Salaam
0713961860
