Makombo siyawachii-sapoti

[Uloi nga Machi]

MAKOMBO


Ama kwa mlaji kweli,ambaye hapuuzii,
Asiye na mushkeli,kula afanya bidii,
Mle hujiweka mbali, kukera sidhamirii,
Nakula siyawachii,niyakutapo makombo.
Dk. Kassim Pazi Haumotile,
MWANANCHI, Septemba 27,2013


MAKOMBO(SAPOTI)


Makombo yana utamu,nikutapo sizembei,
Halani hutia timu,nafasi siichezei,
Siwezi kulaza damu, na yalipo sipotei!
Nakula siyaachii, niyakutapo makombo.


Niyakutapo makombo,mbali nayo sisogei,
Nakula nijaze tumbo,ni bure hayana bei,
Hujifunga kwa masombo,uvivu siyatendei!
Nakula siyaachii, niyakutapo makombo.


Ninapoamua kula,hapo mimi silegei,
Hujihifadhi mahala,nilengapo sikosei,
Maini au salala,kwangu yote ni "Okei!"
Nakula siyaachii, niyakutapo makombo.

Yanabana matumizi,pesa haziteketei,
Makombo siyabakizi,nipewapo simezei,
Walao "kilezilezi",kuliwa siwatetei!
Nakula siyaachii, niyakutapo makombo.

Makini wajiliao, naapa siwaendei,
Na wale kwa raha zao,macho siwakodolei,
Ila kwa wachezeao,huruma siwaonei!
Nakula siyaachii, niyakutapo makombo.


Kaditamati makombo,kuacha sitegemei,
Si kwamba nina msimbo, "kichwani hazienei",
Ndani yake kuna jambo,leo siwaelezei!
Nakula siyaachii, niyakutapo makombo.

Lambert F.Chialo( Mhadhiri wa malenga)
Magogoni, Dar es Salaam,
0713961860

 

[Munkari]

Ndo nini hiki???

 

[Heaven on Earth]

mie sili makombo bana.........

 

[Watu8]

Ndo nini hiki???

Hahah
Unakumbuka uchambuzi wa vitabu vya Kiswahili hususani fasihi andishi?
Wakumbuka mashairi ya kitabu cha Diwani ya Mloka kama 'Hutaniacha Morogoro', 'Ndege Tunduni', 'Kwa nini' na mengineyo?

 

[Heaven on Earth]

Hahah
Unakumbuka uchambuzi wa vitabu vya Kiswahili hususani fasihi andishi?
Wakumbuka mashairi ya kitabu cha Diwani ya Mloka kama 'Hutaniacha Morogoro', 'Ndege Tunduni', 'Kwa nini' na mengineyo?

hahaa hatakuwa hakumbuki huyu............

Diwani ya mloka lol sikunyingi saana

 

[Watu8]

hahaa hatakuwa hakumbuki huyu............

Diwani ya mloka lol sikunyingi saana

Heheh...ndio maana nimemkumbusha maana miye bado ninazo kumbukumbu hizo ingawaje nimesoma kitambo sana.

Wakati wa kujibu mtihani wa kiswahili 'NECTA', katika yale maswali ya fasihi, ilikuwa ni lazima ujumuishe na beti kadhaa.