Ballerina
JF-Expert Member
- Jun 2, 2011
- 386
- 187
Jukwaani naingia,mimi naja ulizia,
Moyoni kaniingia,kijana nisomjua,
Mara nyingi nawazia,mtimani kaingia,
Jamani yawezekana,Kumpenda somjua?
Si sauti wala sura,machoni sijamtia,
Nimekuja kwa hadhira,msada kunipatia,
Msidhani nadhurura,ovyo kujiokotea,
Jamani yawezekana,Kumpenda somjua?
Mtandaoni tulianzana,tena kwa kuliwazana,
Tumaini kupeana,matatizoni kutoana,
Kisha namba kapeana,meseji twatumiana,
Jamani yawezekana,Kumpenda somjua?
Sifichi nawaambia,moyo wangu umezama,
Naogopa kumwambia,maadili natazama,
Mwenzenu naugulia,mapenzini nimezama,
Jamani yawezekana,Kumpenda somjua?
Ni mitatu imepita,miaka nilosubiri,
Alonitenda kapita,alonilisha shubiri,
Nami sikupitapita,mwema nikimsubiri,
Jamani yawezekana,Kumpenda somjua?
Kwa sifa pia vigezo,katimia nawaambia,
Msidhani ni mchezo,sitanii nakazia,
Nataka yenu mawazo,nipate pa kuanzia,
Jamani yawezekana,Kumpenda somjua?
Hakutendwa siku nyingi,bado anaugulia,
Yalomkuta si mengi,mpenziwe kachukuliwa,
Alimfanyia mengi,kidhani mtarajiwa,
Jamani yawezekana,Kumpenda somjua?
Nitampenda alivyo,hisia zaniambia,
Akiniona nilivyo,sijui tanikimbia?
Wajua nini tatizo,kunipenda hajanitamkia!
Jamani yawezekana,Kumpenda somjua?
Tamati naishilia,ukingoni nimefika,
Mwenzenu navumilia,moyoni amenifika,
Hawezi hata zania,hali hii mi kufika,
Jamani yawezekana,Kumpenda somjua?
Moyoni kaniingia,kijana nisomjua,
Mara nyingi nawazia,mtimani kaingia,
Jamani yawezekana,Kumpenda somjua?
Si sauti wala sura,machoni sijamtia,
Nimekuja kwa hadhira,msada kunipatia,
Msidhani nadhurura,ovyo kujiokotea,
Jamani yawezekana,Kumpenda somjua?
Mtandaoni tulianzana,tena kwa kuliwazana,
Tumaini kupeana,matatizoni kutoana,
Kisha namba kapeana,meseji twatumiana,
Jamani yawezekana,Kumpenda somjua?
Sifichi nawaambia,moyo wangu umezama,
Naogopa kumwambia,maadili natazama,
Mwenzenu naugulia,mapenzini nimezama,
Jamani yawezekana,Kumpenda somjua?
Ni mitatu imepita,miaka nilosubiri,
Alonitenda kapita,alonilisha shubiri,
Nami sikupitapita,mwema nikimsubiri,
Jamani yawezekana,Kumpenda somjua?
Kwa sifa pia vigezo,katimia nawaambia,
Msidhani ni mchezo,sitanii nakazia,
Nataka yenu mawazo,nipate pa kuanzia,
Jamani yawezekana,Kumpenda somjua?
Hakutendwa siku nyingi,bado anaugulia,
Yalomkuta si mengi,mpenziwe kachukuliwa,
Alimfanyia mengi,kidhani mtarajiwa,
Jamani yawezekana,Kumpenda somjua?
Nitampenda alivyo,hisia zaniambia,
Akiniona nilivyo,sijui tanikimbia?
Wajua nini tatizo,kunipenda hajanitamkia!
Jamani yawezekana,Kumpenda somjua?
Tamati naishilia,ukingoni nimefika,
Mwenzenu navumilia,moyoni amenifika,
Hawezi hata zania,hali hii mi kufika,
Jamani yawezekana,Kumpenda somjua?