Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

KATIBA: Wazee wa CCM wampongeza JK

Discussion in 'KATIBA Mpya' started by Nyambala, Jan 5, 2011.

  1. Nyambala

    Nyambala JF-Expert Member

    #1
    Jan 5, 2011
    Joined: Oct 10, 2007
    Messages: 4,468
    Likes Received: 10
    Trophy Points: 135
    Tanzania kweli kuna mambo, yaani hilo linchi sijui ni laana???????


    Wazee wa CCM wameza shubiri ya katiba!


    [​IMG]
    Source: Hapa

    Tuesday, 04 January 2011 21:15



    Katibu mtendaji wa baraza la wazee Mkoa wa Dar es Salaam, Mohamed Mtulia (kulia), akisoma tamko la baraza hilo jijini Dar es Salaam jana kuhusu kuunga mkono tamko la Rais Kikwete la kuanza kwa mchakato wa kuandikwa kwa katiba mpya. Kushoto ni Mwenyekiti wa Baraza hilo Athumani Mwinyimvua. Picha na Said Powa

    Raymond Kaminyoge
    BARAZA la Wazee Mkoa wa Dar es Salaam, limempongeza Rais Jakaya Kikwete kwa uamuzi wake wa kukubali kuandikwa upya kwa katiba ya Tanzania, huku wakilaani nguvu kubwa iliyotumika kumshinikiza akubaliane na suala hilo.
    Wazee hao, wengi wakiwa ni wanachama wa Chama Cha Mapinduzi (CCM), walieleza msimamo wao huo jana jijini Dar es Salaam walipokutana na waandishi wa habari.
    Tamko hilo lililojaa shutuma dhidi ya makundi ya watu yaliyomshinikiza Rais Kikwete hadi kufikia hatua hiyo, lilisomwa na Katibu Mtendaji wa Baraza hilo ambaye pia ni mwanachama wa CCM, Mohamed Mtulia.

    Kitendo cha baraza hilo kuwabeza kwa kuwalaani wale walioongoza mjadala wa kudai katiba mpya, kinatafsiriwa na wachambuzi wa masuala ya siasa kuwa ni wazee hao kwa upande mwingine kutofurahishwa na hatua Rais Kikwete kukubali suala hilo. Baadhi ya vyombo vya habari (siyo Mananchi) tayari vimeripoti kuwepo wahafidhina ndani ya CCM ambao hawakufurahishwa na hatua ya rais kuruhusu kuanza kwa mchakato wa kuandikwa kwa katiba mpya.

    Katika mkutano huo wa jana, Mtulia alianza kusoma tamko hilo kwa kumwagia sifa Rais Kikwete akisema kama baraza, wamefurahishwa na hatua aliyoichukua kuhusu mjadala wa katiba. “Baraza la wazee kwa niaba ya wazee wenzetu tumeamua kutamka hadharani kuwa tumefurahishwa na uamuzi wa Rais Kikwete kwa kukubali kuandikwa katiba mpya,”alisema Mtulia.

    Mbali na kumpongeza Rais Kikwete kwa hatua hiyo, Mtulia akaonya kuwa katika kufikia suala hilo, isitumike jazba, kejeli, wala viherehere. “Tunawasihi watanzania wenzetu kusukumwa na utaifa, utu na ustaarabu katika kuitafuta na kuipata katiba mpya , jazba, kejeli viherehere na vitisho haviwezi kutupatia Katiba mpya,” alisema. Baadhi ya watu waliohudhuria mkutano huo ambao ni makada wa CCM ni Meya wa Jiji la Dar es Salaam, Dk Didas Massaburi, Waziri wa zamani, Iddi Simba na Mwenyekiti zamani wa CCM Mkoa wa Dar es Salaam, Hemed Mkali.

    Alisema kuwa katika harakati za kushinikiza katiba mpya dalili zinazoonyesha kuwepo kwa baadhi ya makundi ya watu wanaodhani kwamba wao wanaihitaji zaidi kuliko wengine. "Pia wapo wengine wanaodhani mawazo na matakwa yao pekee ndiyo yanayostahili kuingia kwenye katiba bila hata kujua katiba iliyopo.

    "Zote ni dosari zinazoweza kupelekea kazi yetu ya katiba mpya isiwe na mafanikio. Sisi wazee tunaomba ieleweke kuwa katiba siyo pembejeo ya kilimo ambayo inamhusu mkulima pekee na kutomhusisha mvuvi bali katiba ni mwongozo wetu Watanzania wote. Mtulia aliwageukia viongozi wa dini na kusema: “Hakuna sababu ya kulifanya suala la Katiba mpya kuwa suala la kidini, kiasi cha kuligeuza kuwa ndiyo mahubiri au mawaidha ya msingi katika ibada kwa kuwa hata wenye imani tofauti au wasio na dini na wao inawahusu,” alisema.

    Hakuwaacha kando wanasiasa ambao walikuwa mstari wa mbele katika vuguvugu hilo akiwakemea kwa kusema: "Hakuna sababu ya kusukumwa na jazba wala kutafuta umaarufu wa kisiasa kwa kuwa hata wasio wanasiasa wanaguswa na katiba mpya." Kama lengo ni kupata katiba mpya, Mtulya ambaye wakati wote alikuwa akishangiliwa na wazee waliofika kuunga mkono azimio hilo, alisisitiza: "Njia bora ya kufikia lengo (la katiba mpya) ni kuwa pamoja, kuweka mbele utu, maslahi ya taifa na haki ya kila mmoja wetu.

    Kauli hiyo ya wazee imekuja wakati ambao viongozi wa dini na vyama vya siasa vikipongezana kwa mafanikio waliyoyapata baada ya kuongoza mjadala wa kudai katiba mpya hadi Rais Kikwete kutangaza kwamba mwaka 2011 mchakato wake utaanza. Desemba 31 mwaka jana Rais Kikwete alitangaza kukubali kuandikwa kwa katiba mpya na kuahidi kuunda tume itakayoongozwa na mwanasheria aliyebobea ili kuongoza mchakato wa katiba mpya.

    Hatua hiyo aliichukua baada ya vyama vya siasa vya upinzani, CUF, Chadema, TLP kutamka hadharani malengo yao ya kutaka katiba mpya. Mbunge wa Ubungo, John Mnyika (Chadema) alikuwa tayari ametangaza nia yake ya kupeleka Bungeni hoja binafsi ya kutaka katiba mpya.

    Hata hivyo, hivi karibuni aliliambia gazeti hili kwamba amesitisha nia hiyo ili kuona matokea ya mchakato uliotangazwa na Rais Kikwete. Katika kushinikiza katiba mpya, wanachama wa CUF waliandamana kwenda kwa Waziri wa Katiba na Sheria, Celina Komban licha ya polisi kukataa kuyaidhinisha na kusema ni batili. Wasomi na wanasheria nchi nao walijiingiza katika vuguvugu hilo na kuishauri serikali kukubali mkakati huo wa katiba mpya kwa sababu iliyopo imepitwa na wakati na haikidhi matakwa ya sasa.
     
  2. Mr. Zero

    Mr. Zero JF-Expert Member

    #2
    Jan 5, 2011
    Joined: Jun 5, 2007
    Messages: 7,829
    Likes Received: 1,089
    Trophy Points: 280
    Sasa wanamuunga mkono kwa kukubali then wanawashutuku walioshinikiza?? Haiingii akilini?? Hawa wazee wanyamaze maana wako kwenye pension watuachie nchi yetu. Siku zao ziko numbered wanasubiri zamu zao tu kwenye fail la Israel.
     
  3. Nyambala

    Nyambala JF-Expert Member

    #3
    Jan 5, 2011
    Joined: Oct 10, 2007
    Messages: 4,468
    Likes Received: 10
    Trophy Points: 135
    Yaani ni kichekesho mkuu na hao ndiyo haswaaa mtaji wa CCM, ukisikia akina Makamba, JK wanaongelea watanzania wanawazungumzia hawa.......Shame on them!
     
  4. Chakaza

    Chakaza JF-Expert Member

    #4
    Jan 5, 2011
    Joined: Mar 10, 2007
    Messages: 18,691
    Likes Received: 9,361
    Trophy Points: 280
    Zamani nikuwa naaminishwa nami nikaamini kuwa Uzee ni hekima. Ila sasa imani hiyo nimeizika kabisa kutokana na watu kama hawa.
     
  5. Masanilo

    Masanilo JF-Expert Member

    #5
    Jan 5, 2011
    Joined: Oct 2, 2007
    Messages: 22,323
    Likes Received: 110
    Trophy Points: 160
    Hao wazee sidhani hata kama wanajua nini maana ya katiba
     
  6. Nyambala

    Nyambala JF-Expert Member

    #6
    Jan 5, 2011
    Joined: Oct 10, 2007
    Messages: 4,468
    Likes Received: 10
    Trophy Points: 135
    Na hasa ukiwa mzee wa CCM!
     
  7. Chakaza

    Chakaza JF-Expert Member

    #7
    Jan 5, 2011
    Joined: Mar 10, 2007
    Messages: 18,691
    Likes Received: 9,361
    Trophy Points: 280
    Nyambala mkuu.nabadili mwelekeo. Kuanzia sasa itakuwa kama ni mzee wa CCM sitakuwa na Imani na hekima yake.
     
  8. Tulamanya

    Tulamanya Senior Member

    #8
    Jan 5, 2011
    Joined: Oct 18, 2007
    Messages: 128
    Likes Received: 0
    Trophy Points: 0
    ....they are not even sure of what they are saying......God help them, they can't help themselves to R.I.P!
     
  9. Bongolander

    Bongolander JF-Expert Member

    #9
    Jan 5, 2011
    Joined: Jul 10, 2007
    Messages: 4,880
    Likes Received: 23
    Trophy Points: 135
    Ni kweli kabisa mzee, nashangaa sana kusikia watu wanatumia jina la wazee wa Dar es salaam wakati si wote, ni kundi tu la wazee wa CCM. Suala la katiba Tanzania halijaanza na Kikwete wala hao walioshinikiza jana, it is over a decade uliza kina Shivji, uliza kina Chris Maina, uliza Sengondo Mvungi, uliza kina Marando, hii si issue ya Kikwete.

    Kumsifu au kumpongeza JK kwa mambo ambayo si yake ni sawa na kumdhalilisha.

    Let him be himself, apongezwe kwa anayoanzisha yeye na si ya wengine.
     
  10. tanga kwetu

    tanga kwetu JF-Expert Member

    #10
    Jan 5, 2011
    Joined: May 12, 2010
    Messages: 1,562
    Likes Received: 260
    Trophy Points: 180
    .......aliyesema 'adui muombee njaa' hakukosea,bana. Njaa mbaya....unauza utu wako hivi hivi!!! hapo washakula elfu kadhaa na kukodishiwa Hiace kwisha kazil.
     
  11. Nyambala

    Nyambala JF-Expert Member

    #11
    Jan 5, 2011
    Joined: Oct 10, 2007
    Messages: 4,468
    Likes Received: 10
    Trophy Points: 135
    Halafu kwa mawazo na matendo ya namna hii tunashangaa kwa nini nchi yetu inazidi kuwa masikini
     
  12. B

    Bobo Ashanti Member

    #12
    Jan 5, 2011
    Joined: Nov 4, 2010
    Messages: 49
    Likes Received: 0
    Trophy Points: 0
    Wanafiki wakubwa hao.Mbona hatukuwasikia kuzungumzia yaliyowafika wazee wenzao wastaafu wa iliyokuwa EAC??!
     
  13. K

    Kicheruka JF-Expert Member

    #13
    Jan 5, 2011
    Joined: Feb 2, 2009
    Messages: 792
    Likes Received: 1
    Trophy Points: 35
    Hao hamna kitu umri ulishawatupa wameibeba sana CCM na kutumika bila kujijua waache wamelize uzee wao kwa kujikomba ndio maana hata matibabu hawapewi na CCM, vijana kazi yetu ni kubadili kutoka muelekeo wa wazee hawa na kwenda muelekeo sasa wa kujenga nchi na kufaidi matunda yake
     
  14. comson

    comson JF-Expert Member

    #14
    Jan 5, 2011
    Joined: Dec 22, 2010
    Messages: 284
    Likes Received: 8
    Trophy Points: 35
    hawa wazee si ndo wa kwanza kulala bararani kudai pensheni zao....? Bac kama sio hawa..hawa wanaomsapoti jk ni wanafiki,wafitini wasiokuwa na utu na wazee wenzao. Pia hawana utu wala uzalendo na taifa..,
    halafu hakuna wazee dsm wazee wameishia chalinze hawa ni matapeli......
     
  15. Ntemi Kazwile

    Ntemi Kazwile JF-Expert Member

    #15
    Jan 5, 2011
    Joined: May 14, 2010
    Messages: 2,144
    Likes Received: 3
    Trophy Points: 135
    Hawa wazee nawaheshimu tu kwa sababu ni watu wazima lakini sipendi na sikubali jinsi wanavyotumia njaa zao kushadidia mambo wasiyojajua ipasavyo.
    Kuunda tume ya katiba ni kitu kimoja, lakini kuwa na katiba inayokidhi matakwa ya watanzania wote ndicho tunachokililia wote. Kikwete anataka zaidi kulinda masilahi yake na chama chake kuliko kutuletea katiba tunayoitaka, katiba ambayo itamnyima yeye na chama chake mamlaka ya kisheria kuvuruga chaguzi zetu, na kwa hiyo sidhani kwamba yuko tayari kuharakisha zoezi hili ili kuhakikisha kuwa tunaingia kwenye uchaguzi wa 2015 tukiwa na katiba mpya inayokubalika na wengi
     
  16. BAK

    BAK JF-Expert Member

    #16
    Jan 5, 2011
    Joined: Feb 11, 2007
    Messages: 50,074
    Likes Received: 9,781
    Trophy Points: 280
    Njaa tu inawasumbua Wazee hawa wa CCM, hekima zao wameweka pembeni kabisa na kutumiwa na mafisadi kila wanapoona umuhimu wa kuwatumia Wazee hawa.

     
  17. M

    Mesaka Member

    #17
    Jan 5, 2011
    Joined: Nov 5, 2010
    Messages: 31
    Likes Received: 1
    Trophy Points: 15
    inawezekana hata hilo tamko wameandaliwa wakapewa walitoe. Hivi kwenye hilo kundi kuna mstaafu yeyote wa iliyokuwa jumuiya ya afrika Mashariki? na ambaye bado anadai kiinua mgongo chake?
     
  18. Sinkala

    Sinkala JF-Expert Member

    #18
    Jan 5, 2011
    Joined: Dec 22, 2008
    Messages: 1,505
    Likes Received: 28
    Trophy Points: 145
    Post nyingine zinafurahisha sana!
     
  19. Mr. Zero

    Mr. Zero JF-Expert Member

    #19
    Jan 5, 2011
    Joined: Jun 5, 2007
    Messages: 7,829
    Likes Received: 1,089
    Trophy Points: 280


    Hii nchi itaendelea tu pale hawa wazee wa middle school na wadogo zao watakapoondoka!!!!
     
  20. Bernard Rwebangira

    Bernard Rwebangira R I P

    #20
    Jan 5, 2011
    Joined: Feb 15, 2009
    Messages: 99
    Likes Received: 0
    Trophy Points: 0
    Wananikumbusha siku ile alipokuwa akihutubia na kuchimbia mkwara TUCTA yaanai walikuwa wakishangilia hata kabla hawajasikia point, yaani ilikuwa kila JK akianza kuongea wasikia makofi tu.

    Sasa wampongeza alafu waponda papohapo duh.
     
Loading...