Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Askari Magereza aamriwa arejeshe kamera aliyompora mwandishi

Discussion in 'Habari na Hoja mchanganyiko' started by Pdidy, Jan 8, 2010.

  1. Pdidy

    Pdidy JF-Expert Member

    #1
    Jan 8, 2010
    Joined: Nov 22, 2007
    Messages: 25,513
    Likes Received: 1,598
    Trophy Points: 280
    Askari Magereza aamriwa arejeshe kamera aliyompora mwandishi
    Pauline Richard

    MAHAKAMA ya Wilaya ya Ilala imemwamuru mkuu wa askari wanaosindikiza mahabusu kutoka Gereza la Ukonga, kurejesha kamera kwa mwanandishi wa habari wa gazeti la Uhuru Keneth Bujiku, baada ya kuipora kwa lengo la kumzuia kufanya kazi.

    Mpigapicha huyo aliporwa kamera yake juzi baada ya kumpiga picha raia wa Afrika Kusini, Ntombekhaya Nkonk (42), aliyefikishwa mahakamani kwa tuhuma za kuingiza dawa za kulevya aina ya cocaine zenye thamani ya Sh87.5milioni.

    Hakimu Joyce Minde alitoa amri hiyo baada ya waandishi wanaoripoti habari za mahakamani hapo kumlalamikia dhidi ya tukio lililofanywa na askari huyo aliyejulikana kwa jina la Sajenti Pascal.

    Hakimu Minde alisema:"Kumpiga picha mtuhumiwa siyo kosa isipokuwa kama yupo katika chumba cha mahakama, lakini kabla na baada ya hapo mpigapicha yeyote anarusiwa kupiga picha," alisema Hakimu Minde na kuhoji kuwa “mbona akina babu seya walipigwa picha wakiwa gerezani?"

    Mpiga picha huyo aliporwa kamera hiyo juzi baada ya kumpiga picha mtuhumiwa huyo wakati akipanda gari la Magereza lililokuwa linaendeshwa na askari huyo kuelekea Segerea.

    Baada ya waandishi kutoa malalamiko hayo, hakimu huyo alimuita kiongozi wa askari hao Magereza na kumuuliza kama ana taarifa za malalamiko hayo, naye akajibu kuwa hana. Ndipo Hakimu Minde alipotoa gari la mahakama na kuwapa wandishi hao wakiwa na baadhi ya askari magereza kuelekea katika gereza la segerea kwa ajili ya kufuata kamera hiyo ambayo thamani yake haikuweza kufahamika
     
Loading...