Waziri wa Umwagiliaji Isack Kamwelwe, atakiwa kuomba radhi kwa kudanganya

[figganigga]

KutokaBungeni Mbunge wa Monduli, Julius Kalanga (Chadema), amemtaka Waziri wa Maji na Umwagiliaji, Isack Kamwelwe kuwaomba radhi Watanzania na Bunge kwa kudanganya kuwa fedha za maendeleo zilizotolewa katika bajeti ya mwaka 2017/18 ni asilimia 56 wakati kamati imebaini ni asilimia 22 pekee.

=====

Mbunge wa Monduli (Chadema), Julius Kalanga amemtaka Waziri wa Maji na Umwagiliaji, Mhandisi Isack Kamwelwe kuwaomba radhi Watanzania na Bunge kwa kudanganya kuwa fedha za maendeleo zilizotolewa katika bajeti ya mwaka 2017/18 ni asilimia 56 ilhali kamati ya bunge imebaini ni asilimia 22 tu.

Akichangia hotuba ya bajeti ya wizara hiyo iliyowasilishwa leo bungeni jijini Dodoma, Kalanga amesema takwimu nyingi za taarifa za hotuba hiyo zinapingana na za Kamati ya Bunge ya Kilimo, Mifugo na Maji.

Amesema waziri huyo ameonesha fedha za miradi ya maendeleo ya maji zimetolewa kwa asilimia 56 ili kulishawishi Bunge lipitishe bajeti hiyo ilihali wilaya nyingi ikiwamo Monduli hazijatengewa bajeti za mradi wowote mwaka huu.

“Waziri anasema ni asilimia 56 wakati kamati inasema 22, tunataka kujua nani ni mkweli? Amehoji Kalanga.

Akiwasilisha bajeti ya Mhandisi Kamwele katika bajeti ya mwaka 2017/18 hadi kufikia Machi mwaka huu wizara ilipokea fedha za maendeleo Sh bilioni 347.5 sawa na asilimia 56.

Chanzo: Mtanzania

 

[kabanga]

Inasikitisha.....

 

[Slim5]

Mi sitii neno

 

[Ileje]

Huyu Waziri kwa kujikomba kwa mkulu ni hatari! Alisababisha aliyekuwa Waziri wa Maji bw. Lwenge kutumbuliwa!

 

[mitigator]

Ndio mfumo wa serkal hii kuanzia kwa mkulu.Eti tunalipa madeni kila mwezi billion 950

 

[Kidzude]

Kwa hiyo cag hakuona

 

[S.Liondo]

Hakuna kazi ngumu kama kujaribu kudanganya watu waerevu.

 

[Mkumbwa Jr]

Ndio maana hawataki tuwaone

 

[herzegovina]

Wote wanaiga

Kumbuka

"Nilipoingia madarakani sukari ilikuwa inauzwa SH. 5000/="

 

[kichomiz]

Ni kawaida yao hiyo