Waziri Mkuu awataka Wananchi kujilinda na Magonjwa kwa kunawa mikono na kuvaa Barakoa

[Miss Zomboko]

Waziri Mkuu Kassim Majaliwa amesema Watanzania wana jukumu kubwa la kumuenzi Balozi John Kijazi kwa kutenda yale yote mema aliyokuwa akitenda.

Aidha, amesema jukumu jingine ni kuendelea kuiombea familia yake, hasa katika kipindi hiki kigumu.

Akitoa salamu za serikali kwenye mazishi ya Balozi John Kijazi amewashukuru viongozi wa dini kwa kuendelea kuliombea Taifa kama ambavyo Rais Dkt. Magufuli alihimiza jana, na kwamba jana Waislamu walitimiza, leo Wasabato na kesho anaamini wengine wataendelea.

Amesema serikali inawapenda wananchi wake na inaendelea kufuatilia magonjwa yote, lakini wananchi waendelee kuchukua tahadhari ikiwemo kunawa mikono, kutumia vitakasa mikono na kuvaa barakoa.

Kuhusu ugonjwa wa Corona amesema inafahamika kwamba hii ni vita na imeanzia kwa wakubwa na bado inaendelea, hivyo ni vyema wananchi wakajiridhisha na vitu wanavyotumia ikiwemo barakoa, kama ambavyo Rais Magufuli amewahi kutahadharisha

 

[denooJ]

Mheshimiwa Waziri Mkuu wa Jamhuri ya Muungano wa Tanzania, Kassim Majaliwa, leo amewataka watanzania kuchukua hatua za kujikinga na magonjwa mbalimbali kwa kuvaa barakoa.

Amesema ni vyema watanzania wakavaa barakoa wanazotengeneza wao wenyewe ikiwa ni pamoja na kushona kwa vitambaa vyao, hasa wakiwa kwenye mikusanyiko, ili kujiepusha na zile zinazotoka nje zinazoweza kuwa sio nzuri kiafya.

My Take.
Naona sasa watanzania wote kwa umoja wetu tumeshajua Corona ipo, kilichobaki ni kuchukua hatua za kujilinda, asilaumiwe mtu tena.

 

[Culture Me]

Mungu Ibariki Tanzania,
Mungu Ibariki Africa,
Mungu Ibariki Dunia.

 

[Tate Mkuu]

Si anyooshe tu maelezo! Nongwa iko wapi kwani?

 

[Rebeca 83]

hatimae....

 

[Denis Baraka]

Katufikishia ujumbe Kwa njia ya Aina yake😄 Anyway tumemuelewa

 

[Tate Mkuu]

Wanyooshe tu maelezo! Na wakubali kama Viongozi, waliteleza hapo kabla.

 

[VAPS]

Viongozi wakuu waonyeshe mfano.

 

[Shift]

Huyu hatamaliza miaka nitano akiwa PM wallah nakuapia

 

[Bila bila]

Mheshimiwa Waziri Mkuu wa Jamhuri ya Muungano wa Tanzania Kassim Majaliwa leo anewataka watanzania kuchukua hatua za kujikinga na magonjwa mbalimbali kwa kuvaa barakoa.

Amesema ni vyema watanzania wakavaa barakoa wanazotengeneza wenyewe ikiwa ni pamoja na kushona vitambaa vyao ili kujiepusha na zile zinazotoka nje zinazoweza kuwa sio nzuri kiafya.

My Take.
Naona sasa watanzania wote kwa umoja wetu tumeshajua Corona ipo, na sasa kilichobaki ni kuchukua hatua za kujilinda.

Waziri mkuu mwoga mwoga kama huyu wa nini sasa? Tangu shangazi watishiwe viboko basi hata kusema ukweli imekuwa shida? Kuna tatizo gani hadi tuvae Barakoa? Yaani kutamka neno Corona sasa hivi ni Uhaini?

 

[Volatility]

Mnyamwezi kasukumizwa kazini kwa mara ingine.

 

[Ngorunde]

Watanzania wanasubiri sauti ya JIWE.

 

[Mshuza2]

Wewe kama unasubiri matamko y serikali ndio uchukue tahadhari basi utasubiri sana..kimsingi hali ni mbaya..! Watu tujiongeze!

 

[kidunula1]

Huyu hatamaliza miaka nitano akiwa PM wallah nakuapia

Uko mbali sana wewe,atakuwa kaagizwa!

 

[Volatility]

Huyu hatamaliza miaka nitano akiwa PM wallah nakuapia

atabaki endapo ataendelea kuwa mtiifu kwa kula matapishi every time Jiwe ana mess up

 

[Volatility]

hayo ni maandalizi ya kuzuia mikusanyiko.

 

[Prince Kunta]

Uwaziri mkuu bye bye

 

[Tindo]

Viongozi wakuu waonyeshe mfano.

Kabisa, kama alijua barakoa ni muhimu mbona hakuvaa jana? Na aseme watu wavae barakoa kwakuwa kuna Corona.

 

[Behaviourist]

Wavae barakoa wajikinge kwa magonjwa mbalimbali yapi hayo?🤔🤔🤔Wanataka kutatua tatizo la Corona kwa kujidanganya kuwa halipo?

 

[Tindo]

Watanzania wanasubiri sauti ya JIWE.

Kauli yake ni "tusitishane"