Waziri Lukuvi atoa onyo kwa wanaojenga bila kufuata utaratibu

[beth]

Waziri wa Ardhi, Nyumba na Maendeleo ya Makazi Mhe. William Lukuvi aonya wananchi wanaojenga mijini bila kufuata utaratibu.

Mhe. Lukuvi ametoa kauli hiyo Jijini Dodoma alipokuwa akizungumza na Wananchi katika mkutano wa hadhara uliofanyika Mtaa wa Ndachi Kata ya Mnadani jijini Dodoma wakati akikagua nyumba ambazo zimejengwa bila kufata utaratibu na kukosa vibali vya ujenzi.

Waziri Lukuvi alifikia hatua ya kusimamisha ujenzi kwa kuziwekea alama nyumba ambazo ujenzi wake umekiukwa na kuwaamuru wamiliki kusitisha shughuri zote hadi wafuate utaratibu.

Hata hivyo Mhe. Lukuvi amesema Serikali haina mpango wa kubomoa nyumba za wananchi isipokuwa wananchi wanatakiwa kujenga kwa kufuata utaratibu ikiwa ni pamoja na kupata kibali cha ujenzi.

 

[Michewen]

Hongera sana Mhe.

 

[Glenn]

Huyu mzee apewe muda wa kutosha, mipango miji itakaa sawa na migogoro ya ardhi itapungua, ninamkubali sana

Sent using Jamii Forums mobile app

 

[Big Dy]

Lakini wajumbe wake wanamuangusha sana, mimi tangu mwaka jana mwezi wa sita nimeomba kibali cha ujenzi wilaya ya temeke ila napigwa dana mpka hii leo. Wanatengeneza mazingira ya rushwa na mimi nimeamua kutowapa