Waziri Kombani Ndani Ya Sakata La Jerry Muro

Superman

Superman

JF-Expert Member
Mar 31, 2007
5,695
1,696
Wanabaraza;

Leo nimesikia katika udondozi wa magazeti kupitia redio kuwa Waziri Celina Kombani yuko ndani ya Sakata la Jerry Muro.

Mwenye taarifa zaidi atujuze.

===============================


Kombani130508.JPG


Rais Jakaya Kikwete akimwapisha Waziri mpya wa Wizara ya Tawala za Mikoa na Serikali za Mitaa, Celina Kombani Ikulu Dar es Salaam. Katikati ni Katibu Mkuu Kiongozi Philemon Luhanjo. (Picha na Mroki Mroki).
​
 
The Boss said:
wewe ulisikia nini?
Click to expand...

Boss, kama nilivyoandika ilikuwa ni undondozi wa magazeti Radio One Stereo walisoma kichwa cha habari tu. Sikuwahi kusikia ni gazeti gani.

Kuna mahali nilisoma siku za nyuma kuwa katika laptop ya Jerry kulikuwa na kumbukumbu zilizokuwa zinamhusisha waziri moja mabaye inasemekana alinunuliwa gari na kusaidiwa mambo mengine ya kibiashara, lakini haikutajwa ni waziri gani.
 
Imeandikwa kwenye gazeti la MwanaHalisi. Ni yaleyale tunayoyapigia kelele humu ya mawaziri kutafuna taasisi zilizo chini ya wizara zao.
 
kwa hiyo Selina Kombani
ametafuna pesa za taasisi ipi?
kuweni specific kidogo.
 
Katika habari ya wali gazeti lilisema kuwa yule mhasibu aliyesimamishwa na Pinda kule bagamoyo alikuwa na mawasiliano ya karibu sana na Waziri mmoja na huyo waziri hakutajwa katika gazeti lile. hivyo leo ndiyo katajwa. Habari ya awali ilikuwa inaonyesha kuwa mhasibu amemfanyia mambo mengi sana waziri husika. ( Nimeeleza nilivyoelewa na sijanukuu)
 
Hiyo story iliandikwa na Raia Mwema

http://www.raiamwema.co.tz/news.php?d=2037

bila kumtaja jina na sasa MwanaHalisi wameambua kumtaja jina.


Waziri ndani ya sakata la Muro

Mwandishi Wetu​
Februari 10, 2010

bul2.gif
Achunguzwa kwa mahusiano na waliotimuliwa Bagamoyo

WAZIRI Mwandamizi katika serikali ya Rais Jakaya Kikwete, anahusishwa na sakata lililomsibu Mtangazaji wa Shirika la Utangazaji Tanzania (TBC), Jerry Muro, na sasa uchunguzi dhidi yake unaendelea, Raia Mwema limefahamishwa.

Habari za ndani ya Serikali zimeeleza kwamba vyombo vya dola vimeshitushwa na taarifa za kuhusika kwa waziri huyo ambaye taarifa zake zimekutwa kwa Muro na wenzake wawili Edmud Kapama na Deogratias Mgasa.

Kwa mujibu wa habari hizo, vyombo vya dola vilipowapekua na kuwahoji Muro na wenzake vilipata ushahidi wa waziri huyo kuwa na ‘mahusiano’ na watendaji wa Halmashauri ya Wilaya ya Bagamoyo, waliotimuliwa na Waziri Mkuu, Mizengo Pinda.

Waliotimuliwa madarakani na Pinda ni Mkurugenzi Mtendaji Rhoda Nsemwa; Mweka Hazina, Michael Karol Wage; Ofisa Kilimo, Mifugo na Ushirika, Naftal Rhemtullah; Ofisa Mipango, Aloyce Gabriel na Mkaguzi wa Ndani, Abdul Mwinyi.

“Jerry Muro na wenzake walikutwa na ushahidi unaoonyesha kwamba waziri (anamtaja jina) alikuwa akinufaika na fedha za ubadhirifu kutoka Halmashauri ya Wilaya ya Bagamoyo. Walikuwa na ushahidi wa gari ambalo Waziri huyo amenunuliwa na liko Morogoro katika sehemu ya biashara zake,” kinaeleza chanzo cha habari serikalini.

Raia Mwema limefahamishwa kwamba vyombo vya dola kwa pamoja sasa vinachunguza jinsi waziri huyo (jina tunalo) alivyonufaika na fedha kutoka halmashauri hiyo ya Bagamoyo na sababu za mmoja wa watumishi hao kutoa fedha kwa waziri huyo.

“Unajua wanaangalia mahusiano kati ya Waziri huyo na mmoja wa watumishi waliofukuzwa kazi na Waziri Mkuu, maana lazima Serikali ijiridhishe walitoa fedha kwake kwa maslahi gani na kama wana mahusiano ya binafsi, kibiashara ama ya kikazi kabla ya kuchukua maamuzi na pia kina Muro na wenzake walizipataje hizo taarifa na walikuwa wanazitumia kwa malengo gani,” anaeleza Ofisa Mwandamizi serikalini.

Mbele ya Hakimu Gabriel Mirumbe wa mahakama ya Hakimu Mkazi ya Kisutu, Jerry Muro na wenzake wawili walishtakiwa kwa pamoja, wiki iliyopita, kwa kuomba rushwa ya shilingi milioni 10 toka kwa Mweka Hazina wa Wilaya ya Bagamoyo, Wage, aliyefukuzwa kazi hivi karibuni na Waziri Mkuu kwa ubadhirifu.

Mwendesha Mashtaka wa Serikali, Boniface Stanslaus akiwa na Mwendesha Mashtaka wa Taasisi ya Kuzuia na Kupambana na Rushwa (TAKUKURU), Benny Lincoln wamedai mahakamani hapo kwamba mshitakiwa wa kwanza na wa pili pia wanakabiliwa na shitaka la kujipachika wadhifa ambao si wao.

Inasemekana January 29, 2010 katika hoteli ya Sea Cliff washtakiwa walijitambulisha mbele ya Wage kuwa wao ni maafisa wa TAKUKURU wakati si kweli.

Mapema mwaka huu, Waziri Mkuu, Pinda, aliwavua madaraka viongozi watendaji hao wakuu wa Halmashauri ya Wilaya ya Bagamoyo, kwa kutowajibika ipasavyo na kutozingatia kanuni za fedha na ameteua wapya.

Pinda alitangaza uamuzi huo mjini Bagamoyo mwanzoni mwa mwaka huu kwenye mkutano na viongozi na watendaji wa Halmashauri hiyo, akiwa Waziri mwenye dhamana ya Tawala za Mikoa na Serikali za Mitaa.

Aliwavua madaraka watendaji wakuu hao kwa kutumia kanuni ya 37 ya Kanuni za Utumishi wa Umma za Mwaka 2003 na kusema hatua nyingine za kinidhamu zitafuatia kadri itakavyoonekana inastahili.

Baada ya kuwavua madaraka watendaji hao, aliwateua Samuel Saiyanga kuwa Mkurugenzi Mtendaji mpya wa Halmashauri hiyo, akitokea Halmashauri ya Wilaya ya Kigoma na Fidelis Nenetwa kuwa Mweka Hazina, akitokea Halmashauri ya Manispaa ya Shinyanga.

Wengine walioteuliwa ni Fidelica Myovelo, kuwa Ofisa Kilimo, Mifugo na Ushirika akitokea Halmashauri ya Wilaya ya Iringa; Felista Masamba kuwa Mkaguzi wa Ndani akitokea Halmashauri ya Wilaya ya Lindi na Prudence Mtiganzi kuwa Mhandisi wa Maji akitokea Halmashauri ya Wilaya ya Kilombero.

Alisema uamuzi wa kuwapumzisha watendaji hao unatokana na mapendekezo ya ripoti ya uchunguzi ya Mdhibiti na Mkaguzi Mkuu wa Hesabu za Serikali, Septemba na Oktoba mwaka jana.

Uchunguzi wa Mdhibiti ulitokana na tuhuma za ukiukwaji wa kanuni za fedha, uzembe wa kufuatilia utekelezaji wa miradi na ubadhirifu katika Halmashauri hiyo.

Ripoti hiyo ilibainisha ukiukwaji mkubwa wa kanuni za fedha, uzembe na kushindwa kuwajibika na matokeo yake kuzorota kwa miradi ya maendeleo katika wilaya hiyo.

Waziri Mkuu alisema pamoja na kuwa hatua hizo zimechukuliwa kwa Bagamoyo, halmashauri zingine nchini zikae chonjo na zitashughulikiwa kwa kuwa nazo zina matatizo yanayofanana na ya Bagamoyo.
 
Kama ni kweli, ndani ya CCM hamna asiye msafi. hata Pinda amelidhihirisha hilo kwa aliyoyatamka Igunga.
 
"Jerry Muro na wenzake walikutwa na ushahidi unaoonyesha kwamba waziri (anamtaja jina) alikuwa akinufaika na fedha za ubadhirifu kutoka Halmashauri ya Wilaya ya Bagamoyo. Walikuwa na ushahidi wa gari ambalo Waziri huyo amenunuliwa na liko Morogoro katika sehemu ya biashara zake," kinaeleza chanzo cha habari serikalini.

Raia Mwema limefahamishwa kwamba vyombo vya dola kwa pamoja sasa vinachunguza jinsi waziri huyo (jina tunalo) alivyonufaika na fedha kutoka halmashauri hiyo ya Bagamoyo na sababu za mmoja wa watumishi hao kutoa fedha kwa waziri huyo.

"Unajua wanaangalia mahusiano kati ya Waziri huyo na mmoja wa watumishi waliofukuzwa kazi na Waziri Mkuu, maana lazima Serikali ijiridhishe walitoa fedha kwake kwa maslahi gani na kama wana mahusiano ya binafsi, kibiashara ama ya kikazi kabla ya kuchukua maamuzi na pia kina Muro na wenzake walizipataje hizo taarifa na walikuwa wanazitumia kwa malengo gani," anaeleza Ofisa Mwandamizi serikalini.

Source: Mwandishi Wetu; Raia Mwema; Februari 10, 2010
https://www.jamiiforums.com/celebri...t-jerry-muro-held-over-alleged-graft-115.html
 
Wachunguzeni Mawaziri wote. Mtakuta hali ni hiyohiyo. Uwaziri ni dili bwana. Asikudanganye mtu.
 
Duuu hhh
The lady (Celina) looks so innocent.
Lisemwalo .......na kama halipo.......
 
WildCard said:
Wachunguzeni Mawaziri wote. Mtakuta hali ni hiyohiyo. Uwaziri ni dili bwana. Asikudanganye mtu.
Click to expand...

Ohh..naona mnakumbuka shuka usubuhi..Ndo maana kila siku nasema humu, wadanganyika wengi mnategemea kuvuna madafu kwa kupanda chelewa.

Kaaz kwelikweli.
 
SMU said:
Huyu mama yaani huwezi kumdhania!
Click to expand...
SMU,
Umdhaniae ndiye mara nyingi anakuwa siye. Mawaziri wanazitafuna kwelikweli taasisi zilizo chini ya wizara zao. Hali ni hiyohiyo kwa mawaziri wengi tu. Ni ufisadi ambao umejificha kidogo. Tuliowahi kuwa watumishi wa umma tunaufahamu sana. Nashangaa TAKUKURU wanakomalia posho za wabunge wanauacha huu unaotafuna mamilioni.
 
Abdulhalim said:
Ohh..naona mnakumbuka shuka usubuhi..Ndo maana kila siku nasema humu, wadanganyika wengi mnategemea kuvuna madafu kwa kupanda chelewa.

Kaaz kwelikweli.
Click to expand...
Tumeyasema sana humu. Sema huu ni mfumo uliokomaa sana. Ulianzishwa na CCM kuchangiwa na taasisi za UMMA. Hamjawahi kushtukia utajiri mawaziri wetu unatokana na nini muda mfupi baada kushika nyadhifa hizi? Mchezo huu pia unazikumba PCCB, TISS ndio maana ni vigumu mno kuudhibiti.
 
You must log in or register to reply here.

Similar Discussions

Back
Top Bottom
Forums
New posts
Post thread
Back