Waziri aagiza maafisa habari kujibu mapigo serikali ikipigwa madongo

Status
Not open for further replies.

BAK

JF-Expert Member
Feb 11, 2007
100,327
2,000
Waziri aagiza maafisa habari kujibu mapigo serikali ikipigwa madongo
Na Joseph Ishengoma, Morogoro
Mwananchi

SERIKALI imewaagiza maafisa habari elimu na mawasiliano wa wizara na idara za serikali kujibu tuhuma zinazotolewa na wananchi dhidi ya serikali na viongozi wake bila sababu wala ushahidi.

Agizo hilo lilitolewa jana mjini Morogoro na Waziri wa Habari, Utamaduni na Michezo, Seif Khatibu wakati akifungua mkutano wa maofisa habari na mawasiliano wa wizara na idara za serikali.

"Baadhi yenu nyinyi badala ya kujibu haraka mapigo mnafunga midomo na mikono na kuiacha serikali inapigwa makombora kushoto na kulia. Tabia hii lazima ikome, afisa ambaye anaona wizara ama kiongozi wake anatupiwa madongo bila kutafuta majibu haraka hajui wajibu wake. Lazima serikali ijibu mapigo kwa kasi, usahihi na ufanisi," alisema Waziri huyo.

Khatibu alisisitiza kuwa, ni jukumu la maafisa hao kuhakikisha majibu yanapatikana na kuwa, kama kuna kiongozi asiyependa kutoa majibu afikishwe ngazi za juu zaidi.

Alisema ofisi yake itapenda kupata taarifa za viongozi wasiotaka kutoa majibu, na kama majibu yatakuwa yamekwama kwa waziri nipewe taarifa kwa kuwa ni mwanasiasa mwenzao ili niwasiliane nao," aliongeza kusema.

Vilevile amewaagiza makatibu wakuu wa wizara kuhakikisha wanatenga bajeti ya kutosha ili kuimarisha vitengo vya habari, elimu na mawasiliano ili kusaidia kutangaza sera na shughuli zinazofanywa na wizara zao.

Kwa mujhibu wa Waziri huyo, kushindwa kutenga bajeti ya kutosha kunadumaza haki ya wananchi ya kupata habari ambayo ni haki yao ya msingi ya raia.

"Kila mtu anayo haki ya kutoa na kupata habari. Kutokana na umuhimu huu, Umoja wa Mataifa, Umoja wa Ulaya, Umoja wa Afrika na Jamhuri iya Muungano wa Tanzania zimeweka katika katiba zao vifungu vyenye kuhakikisha wananchi wanapata haki ya kupata na kutoa habari, "alisema.

Katika hatua nyngine; Khatibu amevipongeza vyombo vya habari kwa kufuata maadili ya uadishi wa habari na kuimarisha umoja na uzalendo kwa taifa na kusaidia serikali kutatua kero za wananchi.

Agenda kubwa ya mkutano huo ni kuangalia jinsi sauti ya serikali na taasisi zake zinavyosikika katika vyombo vya habari kwa lengo la kuwasaidia wananchi kujua kazi inayofanywa na serikali yao.

Mkutano huo wa siku tano unajumnuisha maafisa habari, elimu na mawasiliano wa wizara na idara zote za serikali.
 

Idimi

JF-Expert Member
Mar 18, 2007
12,815
2,000
Huyu Khatibu anafikiri kila anayeipiga madongo sirikali ni mbumbumbu kama yeye? Watu wanaipiga madongo sirikali kwa takwimu halisi, kwa hali halisi ya vitu vinavyoonekana.
Tuatendelea kupiga madongo hadi wajirekebishe. Kama mbolea ya ruzuku haitufikii tutasema tu, kama pesa za MMEM hazijatufikia lazima tuseme, tushachoka kufichwa fichwa.
 

Idimi

JF-Expert Member
Mar 18, 2007
12,815
2,000
Mambo mengine yanafurahisha.. sasa wajibu nini kama hawana cha kujibu..?

Sure! Kuna wakati inafikia unatakiwa kukaa kimya ili kulinda busara zako, kuliko kuropoka. Kama hawana cha kujibu hao viongozi ni vyema kama watakaa kimya.
 

Dotori

JF-Expert Member
Nov 3, 2007
547
0
Majibu ya madongo yaje na takwimu na kwa muda muafaka. Porojo bila takwimu hatasaidii.
 

Dua

JF-Expert Member
Nov 14, 2006
3,187
2,000
Anaota mchana huyu, kwani maafisa habari kazi yao ni kutetea serikali?
 

Mzee Mwanakijiji

Platinum Member
Mar 10, 2006
32,961
2,000
ndiyo hao aliokuwa anazungumza nao wenyewe tunawaata Afisa Mahusiano. Wasemaji ni wakuu wa idara... Ndio maana hata Ikulu hatuna wasemaji wa Ikulu tunao waandishi wa Ikulu... ndio maana badala ya kuwa availabe kwa waandishi wenzao wajibu maswali yao wao kazi yao ni kutoa "press releases"...
 

Nyani Ngabu

Platinum Member
May 15, 2006
86,085
2,000
Loh! Kaazi kweli kweli....Nawakumbuka sana Mike McCurry na Joe Lockhart...hawa jamaa waliimudu vyema sana kazi yao tena ktk mazingira magumu....
 

Mlaleo

JF-Expert Member
Oct 11, 2011
11,239
2,000
Salva naye huwa hana cha kujibu na akijibu basi ni afadhari asingejibu kwani huwa mbaya sana
 

Mlaleo

JF-Expert Member
Oct 11, 2011
11,239
2,000
kina Ribosome a.k.a zomba na Rejao ndio walipotokea baada ya uamuzi wa waziri na kazi wameimudu vyema hawa ni mashujaa wa serikali wanastahili heshima zote
 
Status
Not open for further replies.

Toa taarifa ya maudhui yasiyofaa!

Kuna taarifa umeiona humu JamiiForums na haifai kubaki mtandaoni?
Fanya hivi...

Umesahau Password au akaunti yako?

Unapata ugumu kuikumbuka akaunti yako? Unakwama kuanzisha akaunti?
Contact us

Top Bottom