Watu 7 wa familia moja wamelazwa hospitali ya mkoa wa Mara kwa kula mboga zenye sumu

[Kurzweil]

​

Watu saba wa familia moja katika kijiji cha Kibuhi wilaya ya Rorya mkoani Mara,wamefikishwa katika hospitali ya rufaa ya mkoa wa Mara mjini Musoma, kwa ajili ya matibabu,baada ya kula mbona za majani aina ya Mgagani zinazodaiwa kuwa na sumu na kusababisha kupatwa na magonjwa mbalimbali yakiwemo ya kupoteza fahamu huku baadhi yao warukwa na akili na hivyo kuwafanya kukimbia ovyo.

Baadhi ya ndugu wa wagonjwa hao,wameiambia ITV katika hospitali hiyo ya rufaa mkoa wa Mara mjini Musoma kuwa,jioni ya aprili nane mwaka huu,mama mmoja wa familia hiyo,anadaiwa kuchuma mboga hizo katika moja ya shamba kijijini hapo,kisha kuzipika na kula yeye na familia yake kama chakula cha jioni,na kwamba baada ya muda mfupi walianza kujisikia kizunguzungu kabla ya kupatwa na magonjwa hayo.

Muuguzi wa zamu katika hospitali hiyo ya rufaa mkoa wa Mara Bi. Edinnes Makoba,amethibitisha kupokea wagonjwa hao ambao wanadaiwa kula mboga hiyo ya majani aina ya Mgagani.

Chanzo: ITV

 

[Ghazwat]

Poleni sana waathiriwa wote wa mkasa huo... Hayo majani ya Mgagani ni kawaida yake kuliwa na binadamu au walibuni tu wao..!?

 

[Mwanahabari Huru]

Watu 7 wa familia moja wamelazwa hospitali ya mkoa wa Mara kwa kula mboga za majani zinazodaiwa kuwa na sumu.Mboga hizo aina ya mgagani zinadaiwa kuwafanya watu hao kupatwa na hali mbalimbali ikiwemo kutapika, kurukwa na akili na kukimbia hovyo.Ndugu wa wagonjwa hao wamesema kuwa walikula mboga hizo Aprili 8 mwaka huu usiku na baada ya kula walianza kupatwa na hali hizo.Muuguzi wa zamu katika Hospitali hiyo Edines Makoba ameiambia Habari24live kuwa walitaja mboga hizo kuwa ni mgagani, na kwamba wanaendelea na matibabu hospitalini hapo.

 

[FakeGirl Naomi]

Hakuna Njaa Nchini

Acha Uchochezi!

Halafu hiyo mboga mbona kama sio sumu

Au sumu ni lazima iwe kwenye mboga mtu akiwa amekula sumu?


Polisi wetu wawe makini

Watu wamekuwa creative nowdays

 

[Econometrician]

Mgagani mboga tamu sana hiyo

 

[5525]

Ni matokeo ya maisha magumu., sijawai kuskia mboga za majani ziitwazo mgagani

 

[Joto Balaa]

Ni matokeo ya maisha magumu., sijawai kuskia mboga za majani ziitwazo mgagani

Wewe hujawahi kuijua nchi hii, mgagani jina geni kwako?

 

[Wazo Langu]

Ni matokeo ya maisha magumu., sijawai kuskia mboga za majani ziitwazo mgagani

Labda kikwenu ina jina lingine.

 

[Wazo Langu]

Kuna mmoja niliona kasema hiyo mboga ilikua ina sumu. Shamba lilipigwa dawa ya mahindi. Ila hakusema hiyo dawa ni ya kwa ajili ya nini kwenye hayo mahindi.

 

[Mzalendo39]

Huku kwetu tunaziita ghesagha

 

[darcity]

Hayo majani yanafanana sana na bangi possibly walichuma bangi.

 

[Duterte]

Poleni sana waathiriwa wote wa mkasa huo... Hayo majani ya Mgagani ni kawaida yake kuliwa na binadamu au walibuni tu wao..!?

Mgagani ni mboga inayotumika na binadamu mkuu,haswa mkoa wa mara.