Wasomi wa Tanzania wametoa mchango gani kwenye taifa letu mpaka sasa? | JamiiForums | The Home of Great Thinkers

Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Wasomi wa Tanzania wametoa mchango gani kwenye taifa letu mpaka sasa?

Discussion in 'Jukwaa la Siasa' started by Ritz, Mar 25, 2008.

  1. Ritz

    Ritz JF-Expert Member

    #1
    Mar 25, 2008
    Joined: Jan 1, 2011
    Messages: 42,189
    Likes Received: 4,543
    Trophy Points: 280
    Wanabodi.

    Kila siku najiuliza sipati jibu sahihi kuhusu wasomi wetu wa Tanzania..

    Kwa mujibu wa data za World Bank na IMF Tanzania ipo kwenye kundi la nchi 20 maskini wa kutupwa duniani.

    Baadhi ya nchi zimekuwa masikini kutokana kuwa na vita vya muda mrefu vya wenyewe kwa wenyewe kama vile Rwanda, DRC, Burundi, Somalia..

    Hawa wasomi wetu kila kukicha wanajitapa na kijisifia na wengine wapo humu JF kuwa ni wasomi..

    Ni kipi cha maana hawa wasomi wetu wa Tanzania wamelisadia taifa letu kutoka kwenye dimbwi la umasikini?

    Kama kuna wasomi tunaomba mnijibu ni kipi mlichoifanyia taifa letu la Tanzania..

    Nawakilisha..


    Michango kutoka kwa Wadau


     
  2. Nemesis

    Nemesis JF-Expert Member

    #2
    Mar 25, 2008
    Joined: Feb 13, 2008
    Messages: 3,676
    Likes Received: 733
    Trophy Points: 280
    Poor inference (generalization)UFISADI hauna ELIMU. Unataka kusema nini sasa? Kama tatizo la ufisadi ni elimu basi suluhisho liwe ni wote kuwa wajinga! Think twice, tatizo haliwezi kuwa elimu/usomi.
     
  3. Kapinga

    Kapinga JF-Expert Member

    #3
    Mar 25, 2008
    Joined: Nov 20, 2007
    Messages: 728
    Likes Received: 3
    Trophy Points: 0
    Too general in my view..kuna wengi wamerudi na kutumikia Tanzania mpaka kufa (Ubalozini, UDSM na secta mbalimbali)..na wananchi tukawashukuru kwa kusema "mwone kasoma mpaka phd kafa hana kitu"..

    I rest my case....
     
  4. Mahesabu

    Mahesabu JF-Expert Member

    #4
    Mar 25, 2008
    Joined: Jan 27, 2008
    Messages: 4,947
    Likes Received: 515
    Trophy Points: 280
    Jamani mwandishi ametoa upande mmoja wa shilingi,upande ambao unaonesha wasomi wa Tanzania wamegeuka mafisadi.Ingilia idara zilizosheheni rushwa mfano polisi,mahakama,TRA NK. Ni wasomi waliobobea ndio wanasababisha hii outrcry.

    Mind You, sio wasomi wote wamegeuka mafisadi. Angalia EPA,RICHMOND,Vogue la Mbowe,BUZWAGI,BULYANHULU NK. Ni wasomi 99% ndio waliohusika.

    Therefore wasomi wa Tanzania wamegeuka mafisadi.
     
  5. Richard

    Richard JF-Expert Member

    #5
    Mar 25, 2008
    Joined: Oct 23, 2006
    Messages: 7,772
    Likes Received: 3,538
    Trophy Points: 280
    Ni maoni mazuri lakini umejumuisha sana.

    Jaribu kuelezea kidogo ukiweka vielelezo va hoja yako.

    Ukiambia labda msomi mmoja hivi ananufaika na mfumo mzima wa Virsual Cirle, ambapo ni watu wachache katika nchi ndio wana nafasi ya kufaidika na mfumo wa kuhujumu uchumi wa nchi,mimi ntakuunga mkono.

    Lakini unanikumbusha wakati nikiwa shule ya bweni ambapo wakati wa kuchukua barua assembly watu tulikuwa tukitaniana kwamba kijiji kilichokutuma kusoma kinataka maelezo ya maendeleo ya shuleni.

    Sasa labda wananchi wanajukumu la kuwahoji wabunge kwamba wamewafanzia nini tangu wawape ridhaa ya kuwawakilisha bungeni.
     
  6. BAK

    BAK JF-Expert Member

    #6
    Mar 26, 2008
    Joined: Feb 11, 2007
    Messages: 60,508
    Likes Received: 40,248
    Trophy Points: 280
    Kwenye kundi la mafisadi kuna wasomi na wngine ni ngumbaru tu na vyeti vyao vya bandia. Kuwaweka wasomi wote kwenye kundi la mafisadi si sawa.
     
  7. Nemesis

    Nemesis JF-Expert Member

    #7
    Mar 26, 2008
    Joined: Feb 13, 2008
    Messages: 3,676
    Likes Received: 733
    Trophy Points: 280
    Heshma mbele, nakubaliana na wewe, tatizo siyo elimu. MAFISADI ni watu WABINAFSI wanaopata FURSA ya kufanya uisadi. Hiyo FURSA ndiyo inaweza kuwa ni elimu/nafasi aliyonayo (cheo)/Madaraka, ukaribu na wenye madaraka, nguvu ya pesa nk.
     
  8. m

    mtambo Senior Member

    #8
    Mar 26, 2008
    Joined: Jan 14, 2008
    Messages: 112
    Likes Received: 0
    Trophy Points: 0
    Mzindakaya kasoma?
     
  9. Mahesabu

    Mahesabu JF-Expert Member

    #9
    Mar 26, 2008
    Joined: Jan 27, 2008
    Messages: 4,947
    Likes Received: 515
    Trophy Points: 280
    KWANI NAYE YUMO .....! BASI KAMA KAWA TUMUANGUKIE....!
    AU TUNAMUOGOPA KWA........ (kaulozi?)NASIKIA NA HUYU NI KATI YA WALE WATU WALIOWAPITISHA WATOTO WAO KWENYE VIJINAFASI....(sijui ubunge,sijui nec?)
    HAPA HAPENDWI MTU NI TANZANIA TU.....NA UTAIFA......!
    UKILETA UKUWADI WA KUWATETEA MAFISADI UNAANGAMIZA NCHI YAKO ILA UNAJENGA CHAMA CHAKO......! JF BADILIKA....! BE FLEXIBLE....!
     
  10. M

    Mwakilishi JF-Expert Member

    #10
    Mar 26, 2008
    Joined: Jan 31, 2007
    Messages: 484
    Likes Received: 3
    Trophy Points: 0
    Bwana Gervas Zombe eeh, labda nikukumbushe tu kuwa Mwalimu Nyerere alikuwa na shahada ya uzamili, hivyo naye alikuwa msomi hata kabla ya kutunukiwa shahada za heshima za udaktari. Huo mfano mmoja tu unaodhihirisha kuwa madai yako kuwa wasomi wetu wote wamegeuka kuwa mafisadi siyo kweli.

    Kama walivyotangulia kusema wengine, kusoma au kutokusoma siyo chanzo cha ufisadi. Ufisadi mizizi yake ni kwenye hulka au tabia ya mtu, watu hawasomei ufisadi!
     
  11. Mushobozi

    Mushobozi JF-Expert Member

    #11
    Mar 26, 2008
    Joined: Aug 20, 2007
    Messages: 540
    Likes Received: 9
    Trophy Points: 35
    Mitomingi

    Labda mimi nina makengeza, ila hii kazi nimeipenda.

    na ninadhani JF imejaa wasomi na ndio maana tunajaribu kuficha ukweli.

    hata mimi ninarudia maneno ya mwandishi anonymous

    wasomi waoga wa inchi yangu
    siku moja watawekwa kizimbani
    tena na wananchi wa kawaida
    hawataulizwa kuhusu mavazi yao
    hawataulizwa kuhusu fedha zao
    hawataulizwa kuhusu falsafa zao za kigiriki
    wataulizwa
    mlifanya nini wakati maskini wanaumia,
    siku ambayo furaha na huruma ya maisha ilikuwa mbali nao.

    msomi anategemea kufanya kisomi ndio maana yule M/kiti wa Kenya wa tume ya uchaguzi alitakiwa kunyanganywa shahada ya sheria na UDSM yenyewe wakiongozwa na prof. Othman.

    iweje leo tuwaongelee akina Dr. Hosea na Hon. Myika kuwa elimu yao wameihaibisha, watu waanze kupiga miruzi ya kejeli? kwa sababu sio wakenya. uo ninaona ni uzandiki na ulimbukeni.

    na hayo ndiyo yanayotuponza hapa Tanzania.

    what i know is that Education is to liberate a person and the society. sasa kama hawa watu na elimu yao hawajawa liberated au wameshindwa kuliberate society what next name do they reserve?

    au tulisoma hii elementary education tofauti.
     
    Last edited by a moderator: Jan 4, 2016
  12. S

    SpK Member

    #12
    Oct 21, 2010
    Joined: Jun 14, 2008
    Messages: 40
    Likes Received: 2
    Trophy Points: 15
    SERIKALI KUBEZA MCHANGO WA WASOMI, ISHARA YA KIFO

    Kama ambavyo sasa imezoeleka, kwa mara nyingine mwaka huu, Kumbukizi ya miaka kumi na moja ya kifo cha Baba wa Taifa, Mwalimu Julius Kambarage Nyerere, Oktoba 11, imepita kimya kimya bila Serikali kuinua macho wala kuipa uzito unaostahili.

    Si Kiongozi wa Serikali wala wa Chama tawala kitaifa, aliyetoa hotuba kuwakumbusha Watanzania nafasi ya Mwalimu katika kuleta uhuru wa nchi hii, mshikamano wa kitaifa na huduma za kijamii kwa usawa wa watu wote, ambayo ni misingi mikuu aliyotuachia, lakini imeachwa kwa uzembe na kutojali kuanza kubomoka.


    Hilo ni jambo lililo dhahiri, kwa sababu, kwa nchi iliyokosa maadili ya kitaifa, sera na dira ya uchumi, mshikamano na umoja wa kitaifa; kwa wadhalimu, kupigia debe fikra za Mwalimu ni kaa la moto lenye kuunguza. Kwa baadhi ya Viongozi wa leo, wanafiki, wenye kuhubiri wasichokiamini na kuamini wasichokihubiri, hawawezi kuuhadaa umma kwa kuzungumzia kwa maneno pekee, "neema" ya fikra za Mwalimu bila umma kuwatemea mate usoni.

    Na katika kuuhadaa umma kwamba Mwalimu anakumbukwa; na ili kuficha lengo na kusudio lao la kufifisha fikra hizo, Kumbukizi la kifo cha Baba wa Taifa limeunganishwa na Sherehe ya kuzima mwenge, ambazo zinapewa umaarufu zaidi badala ya Kumbukizi hilo.

    Ni kwa sababu hii kwamba, mwaka huu ni Wanataaluma wa Chuo Kikuu cha Dar Es Salaam [UDASA] pekee ndio waliojitosa kuitisha na kushiriki kwenye mhadhara/mdahalo wa kujadili fikra za Mwalimu katika mazingira magumu, ikiwa ni pamoja na wanachuo vijana kuongezewa siku za likizo wasiweze kushiriki mdahalo huo na uchaguzi mkuu wa mwaka huu.

    Yaliyosemwa na Wasomi hao ndiyo lile kaa la moto ninalosema, ambalo wanasiasa wanafiki hawawezi kuuambia umma kiasi kwamba wangependa hiki kinachoitwa "Nyerere Day" ifutiliwe mbali.

    Ukweli uliotawala mdahalo ni ule kwamba, Serikali ya sasa madarakani [na hata zilizotangulia] si sikivu, Chama na Viongozi wamekiuka misingi iliyowekwa na mwasisi huyo, kama vile utaifa, uzalendo na miiko ya uongozi.

    Mmoja wa Washiriki, Dakta Azaveli Lwaitama alisema, ni vigumu kuwa na taifa lenye uzalendo mahali ambapo kuna tofauti kubwa ya kipato miongoni mwa wanajamii kama inavyotokea sasa nchini. Na katika hali iliyoonyesha kupandwa jazba, msomi huyo alisema: "Naomba kukipa pumziko la milele Chama hiki [CCM] ingawa mimi mwenyewe ni mwanachama wa chama hiki".

    Dakta Lwaitama aliweza kubaini kero inayokera wanachama wengi [wa CCM] sasa na kuahidi alisema: "Matajiri waliopata fedha kwa rushwa wakihama, ndiyo [nami] naweza kurudi CCM".

    Ni kiapo cha usomi kwamba: "Nitafuatilia ukweli popote utakaponipeleka"; na ndivyo Wasomi hao walivyothibitisha kwenye mawasilisho yao kwenye Kumbukizi hiyo.

    Lakini Profesa Mathew Luhanga [aliyewahi kuwa Makamu wa Mkuu wa Chuo hicho kwa miaka 16] alikuwa mwepesi kubaini kuwa, "Wasomi wengi sasa wamekuwa waoga kukemea Viongozi wanapokosa, wameshindwa kuwajibika kwa jamii kama vile kutetea haki na maslahi ya wengi nchini; wamekuwa watu wa kujikomba kwa wanasiasa".

    KunaHiyo ni tuhuma nzito lakini iliyosheheni ukweli. Isingekuwa hivyo, Bunge lisingepitisha Muswada wa Sheria kupiga marufuku siasa za wanafunzi Vyuo Vikuu mwaka 2005 na hali ikakalika, eti kwa sababu tu Wanafunzi walijitambua na vyama vya siasa wakati wa Uchaguzi Mkuu wa 2005.

    Isingekuwa hivyo, Wanafunzi wasingenyimwa haki yao ya Kikatiba ya kushiriki katika Uchaguzi Mkuu mwaka huu, kwa tarehe ya kufungua Vyuo kusogezwa mbele kwa siku nne zaidi kwa mbinu. Kinacholengwa wanakijua wanafunzi hao, lakini wanaogopa kusema ukweli [wasije kunyimwa mikopo?]; kwa hofu hiyo wameasi viapo vya usomi.

    Kitendo cha Bunge kupitisha Muswada kuzuia harakati za kimapinduzi Vyuoni, kinatukumbusha enzi za ukoloni ambapo Serikali na mfumo wa elimu haukuruhusu siasa za Wanafunzi [Student Politics] vyuoni, kama tu ambavyo Serikali haikuruhusu demokrasia kufanya kazi kwa watawaliwa.

    Elimu ilitolewa katika mfumo na mazingira ya kudumaza akili na fikra za Mwafrika ili aendelee kubakia kikaragosi tegemezi katika gurudumu la unyonyaji, akitenda na kutekeleza "maagizo" ya wenye mfumo kama roboti.

    Serikali tafsiri yake ni taasisi ya kijamii inayotokana na migongano ya matabaka yasiyoshabihiana ambapo tabaka lenye nguvu [watawala] ndilo lenye maamuzi kwa kutumia nguvu kulitawala tabaka nyonge, na kulinyonya kwa kutumia Sheria linazotunga.

    Madhumuni yote haya ni kuliwezesha tabaka hilo lenye nguvu kujijengea, kulinda na kuimarisha matakwa na nguvu zake za kiuchumi kisiasa na kiutamaduni, dhidi ya na kwa hasara ya watawaliwa [Frederick Engels: Origin of Family, Private Property and the State].

    Kwa Serikali kupiga marufuku siasa katika Vyuo Vikuu, maana yake ni kuinyima jamii ya kisomi haki ya kushiriki katika kuhoji au kutoa mwelekeo kwa jamii ilimo na kufanya mgongano ndani yake isipate ufumbuzi kwa manufaa ya kitabaka.

    Jumuiya ya Wanafunzi wa Vyuo Vikuu na Wasomi ni sehemu ya jamii ya Kitanzania inayoguswa na yale yanayotendwa na Serikali. Isitoshe, jumuiya ya Wasomi ni sehemu ya jamii yenye upeo wa kuona mbali kwa nyenzo ya elimu, na hivyo ina wajibu kuimulikia njia jamii na kuielekeza njia sahihi ili iweze kufikia malengo na matarajio yake. Unapowazuia wasomi kuhoji kwa uhuru mwelekeo wa jamii yao unaua jamii.

    Vijana wasomi sio watu wanaoishi katika ulimwengu wa kufikirika; wala hawatawaliwi, kutekwa au kufungwa na minyororo ya kibiashara, ubeberu, ubaguzi wa kiuchumi na kijamii, kama walivyo baadhi ya baba au babu zao.

    Hawatawaliwi na mawazo ya Ubwana na Utwana; au majivuno kwamba "baba yangu alikuwa Mfalme, Waziri au Mtemi, kwa hiyo na mimi lazima niwe". Hawatawaliwi na fikra za uhuru wa bendera, njozi za ukuu wa kufikirika, wala dhana ya kuwagandamiza na kuwanyanyasa wengine chini ya uficho wa "demokrasia" batili au sera huria za bandia na utandawazi, unaopewa jina la "Ushirikiano [mwema] wa dunia" badala ya jina halisi la "ukoloni mamboleo" na "utandawizi".

    Wajibu wa vijana Wasomi ni kuchambua na kuhoji mhimili wa kilimwengu na sera ambazo zimeshikilia hatima ya maisha ya wengi. Wanahoji pia kama kweli mhimili huo na sera za uchumi za wakati wao ni sahihi kuweza kutumika katika ulimwengu wa leo na kesho kwa manufaa ya walio wengi, wakiwamo wao wenyewe.

    Ule ukweli kwamba wao hawana vyeo kuweza kufungwa nira na mfumo wa sasa, ni nguvu tosha kwao kuweza kuitazama jamii na kutenda kwa mawazo na akili iliyo wazi zaidi, ikizingatiwa pia kwamba wengi wao wanatoka katika familia na jamii masikini. Kwa hiyo hawana cha salia Mtume kwa anayechezea haki ya jamii.

    Ni kwa sababu hii kwamba, kwa miaka mingi Wanafunzi wa Vyuo Vikuu wameshikilia nafasi ya kuwa upande wa Wakulima na Wafanyakazi katika harakati za kuikomboa jamii ya Kitanzania kisiasa, kiuchumi na kijamii.

    Kwa mfano, ni makosa kudhani kwamba maandamano ya Wanafunzi wa Vyuo vya elimu ya juu "kupinga" kujiunga na Jeshi la Kujenga taifa, Oktoba, 22, 1966, yalikuwa potofu au jeuri ya kisomi. Ukweli ni kwamba Wanavyuo hao hawakuwa wakipinga JKT; walichokuwa wakilalamikia ni wao kukatwa mishahara [baada ya masomo] kwa njia ya kujifunga mkanda kwa jina la Ujenzi wa taifa, wakati watawala waliendelea kujiongezea mishahara na marupurupu katikati ya jamii masikini. Na pale Mwalimu alipoyaelewa madai yao, kwa kubaini kwamba alikuwa amepotoshwa na vyombo vyake, alipunguza sawia mishahara ya watawala, akianzia na wake mwenyewe; na wengine wakalazimika kuonyesha mfano kwa kujiunga na Jeshi hilo angalau kwa muda mfupi. Katika sakata hilo, wanavyuo walishinda. Na ili kuutafsiri ushindi huo kwa usahihi, Mwalimu aliandika na kutangaza Azimio la Arusha.

    Miparanganyiko ya kiutawala na ambayo Wasomi wameikabili kiume ni mingi, inaanzia enzi za Chama kushika hatamu [1965], Ubepari wa Serikali kwa mfumo wa Azimio la Arusha [1967], Mgogoro wa Kikatiba [1977] na ulegezaji Masharti ya Siasa na Biashara ulioashiria kifo cha suluhisho la miparanganyiko iliyotangulia [1992].

    Umakini wa Wanavyuo Vijana katika kuainisha matatizo ya jamii na huruma yao kwa wanyonge unajionyesha dhahiri katika kazi za wasomi hao enzi za nyuma, vikiwamo vitabu viwili vya Mwanafunzi wa mwaka wa pili, Issa Shivji: "The Silent Class Struggle in Tanzania", na "Class Struggle Continues", vinavyoweka wazi migongano ya kitabaka inayoikabili jamii yetu.

    Si hivyo tu, baadhi ya wanafunzi walitumia muda wao wa likizo kwenda kushiriki katika harakati za ukombozi wa nchi za Kusini mwa Afrika, kuonyesha uanamapinduzi wao kwa bara letu. Kwa nini Serikali inaua uanaharakati huo?.

    Nchi yetu inakabiliwa na mtihani mgumu, kati ya kubakia kama taifa huru au kugeuka taifa lililofungwa minyororo chini ya Ufalme wa demokrasia ya Ki-Magharibi na sera za utandawazi. Uchumi wetu unaendelea kuwa tegemezi kila kukicha, huku taifa likipoteza kwa kasi ya kutisha, utamaduni na maadili ya kitaifa yaliyotuunganisha kuwa jamii moja.

    Demokrasia inazidi kusinyaa na kuwa mikononi mwa walio nacho pekee; huku ufa kati ya matajiri na masikini ukipanuka haraka. Tunazidi kubiasharisha kila kitu, toka ubinadamu, utu na hata imani za dini, chini ya altare ya sera huria.

    Kwa walio nacho, wanajifanya kutoona hatari iliyo mbele yetu, kana kwamba wanajiandaa kustaafu na kukimbilia kuishi nchi za nje. Pengine hii ndiyo sababu ya kusudio la kuunda Muswada juu ya Uraia wa Nchi mbili.

    Tumetekwa na "vinono" vya Wawekezaji katikati ya umma masikini na kushindwa kuhoji aina ya jamii tunayojenga kwa manufaa ya wengi; na ili kujihakikishia utafunaji mwanana wa kile tunachopora tunawatungia Sheria Wasomi vijana kuwafunga midomo, na hata kuwanyima haki yao ya kupiga kura!.

    Vyama vyetu vya Wafanyakazi tumevigawa katika makundi dhaifu – TUGHE, TPAWU, TUICO n.k., ili kuvipunguza nguvu kwa sera za akina Frederick Lugard za "wagawe uwatawale" tawala" [devide and Rule].

    Tumerekebisha Sheria za Kazi kuwapa nguvu nyingi Waajiri badala ya kuwalinda Wafanyakazi kwa wimbo ule ule wa "Kujenga mazingira safi kwa Wawekezaji", wasibughudhiwe na "siasa" za Wafanyakazi, kama tulivyopiga marufuku "siasa" Vyuoni.

    Wakati huo huo, tumejionea jinsi demokrasia ya uwakilishi [Bungeni] ilivyogeuka mradi wa kitabaka ambapo Wabunge wanatetea vyama vyao badala ya wananchi waliowapa kura. Na ni Wabunge hao hao wanaowatungia Sheria wasomi wa nchi hii, kuwanyima uhuru wa kuhoji. Kama huu si usaliti kwa umma, ni nini?.

    Sheria hii ya kuziba midomo wasomi si ya wananchi, bali ni ya Wawekezaji na mawakala wao nchini, ambao wamegeuka wala nyama ya wasomi [intellectual cannibals]. Hii haiashirii uhai kwa Taifa, bali ni harufu ya kifo kwa Taifa ambalo hatima yake sasa imo mikononi mwa wapiga ramli kama kina Sheikh Yahya Hussein!

    Kuna sababu nyingi zinazofanya watawala wapate hofu na kugeuka nyamaume "intellectual cannibals". Kwanza, ni kule Serikali kuendelea kujiweka mbali na wananchi kwa njia ya rushwa iliyokithiri, ulaji wa makeke [Conspicuous consumption] na mfumo wa maisha ya mbwembwe kutosha umma kufungua masikio.

    Wameiga maisha ya raha na starehe mithili yale ya "Wabenzi" wa enzi za ukoloni, wakishindana kuoa na kutaliki mabibi na aina ya magari ya sifa, lakini yasiyofaa kwa kazi za vijijini waliko watu wanaodai kuwatumikia.

    Tumepoteza dira na kuendesha nchi na Serikali bila itikadi madhubuti. Tunaimba "Ujamaa" huku tukicheza ngoma ya kibepari.

    Hali hii haiishii hapo pekee; hata mfumo wa elimu na mitaala tumebadili ili kutoa wasomi hohe hahe wasioweza kuisemea na kuitumikia vyema jamii yao; lengo ni kupata "wasomi" dhaifu, wabeba vipeperushi wakati wa Kampeni za uchaguzi.

    Inapokuwa hivyo, kama anavyotabiri Professa Alvin Toffler, katika kitabu chake "The Third Wave: The Revolution That Will Change Our Lives", "tusitegemee kwamba Viongozi wetu wa leo – Marais na Wanasiasa, Wabunge na Wajumbe wa Kamati Kuu, wataichukia mifumo hii [na kutaka iondoke] hata kama inawaumiza wanyonge, ilimradi inawapa shibe yao, madaraka na nguvu ya kutawala".

    Tujifunze kutoka kwa Serikali ya Ufaransa baada ya Mapinduzi maarufu ya 1789, ambayo ilishindwa kujifunza kutokana na makosa ya Serikali ya awali [The ancien regime] na kujutia kurudia makosa hayo kwa gharama kubwa.
     
  13. p

    pierre JF-Expert Member

    #13
    Oct 21, 2010
    Joined: Sep 3, 2010
    Messages: 211
    Likes Received: 1
    Trophy Points: 0
    Mmh,hii story ni ndefu ila nimeipenda unapomalizia kwa kututaka tujifunze kutopuuza wasomi ila kwa serikali iliyopo hilo hawalioni.Tubadilike
     
  14. Prophet

    Prophet JF-Expert Member

    #14
    Jan 3, 2011
    Joined: Aug 31, 2010
    Messages: 261
    Likes Received: 65
    Trophy Points: 45
    Umeshawahi kujiuliza "Ulipata faida gani kwa kuikariri ramani za nchi mbalimbali kama ujerumani wakati unasoma masomo mbalimbali?" Kama unafaham faida yoyote ya kukariri ramani hizo au hata kujua nchi hizo zinalima mazao gani na viongozi wao ni kina nani naomba mnijuze.

    Nachotaka kusema hapa ni jinsi syllabus yetu inavyong'ang'ana na mambo yasiyo na msingi kwa kumjenga mtoto wa kitanzania anayemaliza elimu hiyo kwa kufaulu "ETI VIZURI SANA" huku akienda mtaani kuhangaika asijue ashike wapi kwa kukosa maarifa ya msingi kabisa kupambana na mandhali ya ukosefu wa ajira.

    Kwanini tusibadili mtaala wetu ili umuandae mtu kupambana na ukweli mtaani (ukosefu wa ajira) ili akitoka shule (hapa namaanisha darasa la saba na kidato cha nne) ajue ataendesha vipi maishayake? Kama hata hao wazungu hawajui kuchora hata ramani za nchi zao, kwanini sisi tuzijue? (au tunawaandaa vijanawetu waje kuwa-"koloni" wazungu kama wao walivyotufanya sisi hapo kitambo)

    Mtaala ukibadilika ukamfundisha mtu stadi mbalimbali za maisha akiwa shuleni (udeleva, ufundi na ujasiliamali kwa ujumlawake). Umefika wakati sasa wa kutumia shule zetu kufundisha hata alama za barabarani na alama (indicators) zioneshwazo na vyombo vya usafiri angalau kupunguza ajali.

    Kama Ninyi wasomi wetu mkikaa kimya kuhusu uboreshaji wa elemu, nitaendelea kuamini kuwa Nchi hii ina wasomi wa madesa yasiyo msaada kwa jamii inayowazunguka ambayo ni kubwa kwa idadi mara dufu yenu.
     
  15. Rungu

    Rungu JF-Expert Member

    #15
    Jan 3, 2011
    Joined: Feb 23, 2007
    Messages: 3,874
    Likes Received: 985
    Trophy Points: 280
    Naona wasomi wanakacha kujibu!
     
  16. BRUCE LEE

    BRUCE LEE JF-Expert Member

    #16
    Jan 4, 2011
    Joined: Dec 11, 2010
    Messages: 1,907
    Likes Received: 933
    Trophy Points: 280
    prophet una maana gani unaposema nyinyi wasomi? Define education from greece word educo means get from within' then define education from their get the meaning of educated hapo utapata majibu yako, ustoe mada kimajungu kama umebanwa na haja kubwa. Think before you write.
     
  17. MVUMBUZI

    MVUMBUZI JF-Expert Member

    #17
    Jun 1, 2011
    Joined: Jan 8, 2011
    Messages: 4,773
    Likes Received: 491
    Trophy Points: 180
    Wimbi la wasomi waliobobea katika fani mbalimbali Tanzania kukimbilia siasa limenifanya nijiulize maswali yasiyokuwa na majibu.

    Katika nchi zilizoendelea mtu akihitimu katika ngazi ya Phd na hata Professor mchango wa wa fani au taaluma yake katika jamii anamoishi siyo wa kutafuta kwani uko dhahiri.

    Kama ni engineer, daktari, astronomers,botanists,psychologist, meteorologist n.k basi lazima atafanya kitu kipya tangible kitakacho acha legacy na atakita ktk fani yake hadi mwisho wa maisha yake. Wenzetu wana tabia ya kudhamini taaluma zao na sio rahisi wazitupe kando na kukimbilia cheap politics.

    Tofauti hii ya attitude kati ya wasomi wa TZ na wale wa nchi za ughaibuni inachangia kwa kiasi kikubwa katika maendeleo ya nchi hizo.

    Kama ni entomologist au botanist atafanya tafiti zake kuhakikisha anachangia kuleta mapinduzi ktlk kilimo na kama ni engineer atahakikisha kabla hajafa anabuni na kutengeneza kitu kitakachochangia katika maendeleo ya nchi yake na ulimwengu kwa ujumla. Hii ndiyo sababu wenzetu wanatupita kwa maendeleo na kutuacha pale pale miaka nenda rudi.

    Ukija hapa TZ wasomi kktk ngazi ya Dokta na maprofesa wengi wanaishia kuwa Lecturers ktk vyuo vyetu vikuu na umri ukisongo au akikaribia kustaafu anaanza kujiingiza katika masuala ya siasa.

    wengi wakishajiingiza katika siasa katika ngazi ya udiwani au ubunge huwa wanahisi wametimiza malengo yao bila kuionea huruma elimu yao pamoja na muda waliotumia shule. Fikiria profesa anaona ni sawa tu kufa bila hata kuacha mchango wowote katika nchi yake tofauti na wenzetu.

    Inapofikia mahali profesa anagombea nafasi y a udiwani ili awe meya ni jambo linalotia doa na aibu kwa wasomi wa WaTZ.

    Professor au Phd holder anapotafuta favour ya kuchaguliwa katika political post yoyote, iwe mkuu wa wilaya, mbunge, mkuu wa mkoa n.k ni ishara kwamba hawa wataalam wameshatupa kando fani zao na wanawaza tu kupata fedha kirahisi kupitia cheap politics.

    Hii ni aibu na hasara ambayo Tanzania imekuwa ikipata kwa wasomi wake kujiingiza ktk siasa ambazo mchango wake kwa maendeleo ya taifa ni mdogo kuliko angejikita katika kufanya utafiti unaohusiana na fani yake. Siasa tuwaachie wanasiasa na sisi tumepewa kipawa cha kutumia akili za kiutafiti ktk kutatua matatizo na kuleta maendeleo ya WaTZ.

    Ukweli ni kwamba kama wameshindwa kuonyesha mchango wao kwa maendeleo ya TZ kupitia fani zao ni vigumu sana kuleta maendeleo kupitia politics .Badala ya kujipendekeza kupata favour za kupewa nafasi za bure au kuomba kupigiwa kura kwa nini usitumie skill hiyo ya lobbying kuomba fund ya kufanya utafiti utakaowanufaisha watanzania.

    Tumekuwa tuki-import teknolojia nyingi kutoka nje wakati tunawasomi wetu walioamua kuwa vilaza na kutafuta kazi rahisi za kisiasa.

    Huwa mara nyingi nina question kama hawa jamaa walikariri au walielewa walichokisoma au ni ile tabia ya kusomea mitihani badala ya kuelewa ndo inatuponza.

    Imefika mahali ambapo wasomi wa TZ inabidi tujitahmini kuangalia kama kweli kiwango cha elimu tulichopata kinalingana na mchango wetu katika maendeleo ya Taifa letu.

    Ninapata uchungu wakati bado tunaendelea ku-import wataalamu wengi kutoka nje ili hali tunao watu wenye fani hizo hapa hapa TZ ila tu wameamua kuzitundika juu ya miti au kwa makusudi au kutojua na kujiingiza kwenye siasa ambazo hauhitaji kutumia akili sana lakini bado siku yako inaingia.
     
  18. Jackbauer

    Jackbauer JF-Expert Member

    #18
    Jun 1, 2011
    Joined: Oct 28, 2010
    Messages: 5,909
    Likes Received: 77
    Trophy Points: 145
    Watanzania mnathamini mchango wa wanasiasa na sio wasomi.

    Mfano:dawa ya babu loliondo haijatafitiwa lakini kwa shinikizo la wanasiasa hamsikii la kuambiwa ni kugida kikombe kama togwa,shame on you acha wote tuwe politicians!
     
  19. MVUMBUZI

    MVUMBUZI JF-Expert Member

    #19
    Jun 1, 2011
    Joined: Jan 8, 2011
    Messages: 4,773
    Likes Received: 491
    Trophy Points: 180
    Kama ndivyo hali ilivyo always tutakuwa wasindikizaji lakini wanyarwanda wanakuja kwa spidi nyuma yetu na tusipo change mindset watatupita tukiwa hatujasogea hata hatua moja.
     
  20. Lyceum

    Lyceum JF-Expert Member

    #20
    Jun 1, 2011
    Joined: Oct 1, 2009
    Messages: 862
    Likes Received: 195
    Trophy Points: 60
    Wanyarwanda walishapita siku nyingi mkuu. Sasa hivi tunakula tu waliyotuachai wakoloni. Hakuna tunalofanya zaidi ya kupiga tu madomo. "NADHANI HATA MUNGU HATUELEWI WATZ"
     
Loading...