Washington yaomba kuachiliwa huru mara moja raia wawili wa Canada nchini China

[Analogia Malenga]

Marekani imetoa wito wa kuachiliwa 'huru mara moja' raia wawili wa Canada wanaozuiliwa nchini China baada ya kushutumiwa kufanya kazi za kijasusi nchini humo.

Marekani inasema shutma za China dhidi ya raia hao wa Canada ni za "kisiasa na hazina msingi wowote".

"Marekani ina wasiwasi mkubwa juu ya uamuzi wa Jamhuri ya Watu wa China wa kuwafungulia rasmi mashitaka raia wa Canada, Michael Kovrig na Michael Spavor," Waziri wa Mambo ya Nje wa Marekani Mike Pompeo amesema katika taarifa

China iliwafungulia mashtaka raia hao wa Canada kwa madai ya kufanya kazi za kijasusi nchini humo, miezi 18 baada ya kukamatwa na kuzua mvutano wa kidiplomasia kati ya Beijing na Ottawa

Mwanadiplomasia wa zamani Michael Kovrig na mfanyibiashara Michael Spavor, walikamatwa muda mfupi baada ya Mkurugenzi wa Kampuni ya Huawei Meng Wanzhou kutiwa mbaroni na kuonekana kama hatua ya China kulipiza kisasi.

Mahakama ya Juu nchini China imethibitisha kuanza kusikiliza kesi dhidi ya wawili hao kwa madai ya kufanya kazi za kijasusi na kuiba siri za serikali.

Hatua hii pia imekuja baada ya Mahakama nchini Canada kuamua kuwa Mkurugenzi huyo wa kampuni ya Huawei atasafirishwa nchini Marekani kufunguliwa mashataka kwa madai kuwa kampuni hiyo ilikiuka masharti ya vikwawo dhidi ya Iran.

Kesi hizi mbili zimeendelea kuhatarisha uhusiano wa kidiplomasia kati ya mataifa hayo mawili na hata kuyumbisha shughuli za kibiashara kati ya mataifa hayo mawili.

 

[Bujibuji Simba Nyamaume]

Wapigwe tu shaba hadharani. Natamani sana kuona Washington DC na Beijing wakisuguana

 

[Sela Son]

Marekani anatapatapa.

 

[S V Surovikin]

Ukinipiga kofi nakupiga ngumi! Ukirusha mshale narusha fumu

Nipapase mgongoni nikupapase makalioni

 

[Bwana Utam]

Naon kapigwa mtoto analia Mama

 

[nyakubonga]

Naon kapigwa mtoto analia Mama

Hao ni wamarekani mkuu, China analijua hilo ndio maana anawabana sawasawa

 

[Bwana Utam]

Hao ni wamarekani mkuu, China analijua hilo ndio maana anawabana sawasawa

Kabsa nawatatia adabu.....

 

[denicee]

Acha wamenyane

 

[Bukyanagandi]

Binafsi siwasikitihi chochote Wacanada,walilikoroga wenyewe kwa kukubali kutumiwa na Merikani kisiasa, mtu unaweza kufikiri Canada si Taifa huru, bali ni jimbo la hamsini na moja la USA.

 

[Frank Wanjiru]

Safari ya Meng kwenda kufungwa Marekani imeiva.

 

[Bwana Utam]

Safari ya Meng kwenda kufungwa Marekani imeiva.

Nangojea nione hili ila najua haliwezi tokea kukamatwa hao MAJASUSI tutafanya exchange yawafungwa maisha yataendelea.....

 

[SPYMATE]

Binafsi siwasikitii chochote Wacanada,walikikoroga wenyewe kwa kukubali kutumiwa na Merikani kisisa, mtu unaweza kufikiri Canada si Taifa huru bali ni jimbo la hamsini na moja la USA.

=Siwasikitikii

 

[Flano]

Ukinipiga kofi nakupiga ngumi! Ukirusha mshale narusha fumu

Nipapase mgongoni nikupapase makalioni

Usa na Canada wanatakiwa wajue kua huu mchezo hauhitaji hasira.
Walipo lalia wao Mchina ndipo alipoamkia hapohapo.