Wapiga debe 30 wakamatwa stendi ya Magufuli

[Analogia Malenga]

Wapiga debe 30 wamekamatwa katika Kituo cha Mabasi cha Magufuli kilichozinduliwa siku mbili zilizopita na Rais John Magufuli.

Akizungumza na Mwananchi leo Ijumaa Februari 26,2021 Meneja wa kituo hicho, Maira Mkama amesema wapiga debe waliokuwa Ubungo, Riverside na Mbezi wamevamia na kusababisha usumbufu kwa abiria.

"Leo tumeanza operesheni ya kuwakamata, hadi kufikia saa nne tumewakamata wapiga debe zaidi ya 30 na hapa Mbezi palikuwa na wapiga debe zaidi ya 100 bado waliokuwa Ubungo na wengine Riveside wote waliposikia kinafunguliwa wamevamia huku ndani,"amesema

Mkama amesema wameliomba Jeshi la polisi Kanda Maalum kuongeza askari na gari kwaajili ya doria ili kuwakamata wapiga debe watakaoendelea na shughuli hiyo.

Amesema wapiga debe hao wanasababisha usumbufu kwa abiria pamoja na kuhatarisha usalama wao hivyo viongozi wa kituo hicho watashirikiana na wamiliki wa mabasi kuangalia hatua za kuzichukua ili kuwaondoa wapiga debe.

Mwenyekiti wa Chama cha Kutetea Abiria (Chakua) Maulid Masalu amesema wanaweza kutoa ushauri lakini Serikali ndiyo yenye mkakati wa kuwaondoa wapigadebe.

"Hawa wapigadebe hawapo ndani ya stendi hii tu, wapo kuanzia stendi ya daladala wakati abiria anaposhushwa wanamvamia na kusababaisha usalama wake kuwa ndogo,"amesema Masalu.

Chanzo: Mwananchi

 

[chizcom]

Warudi kijijini watapokelewa maana fursa za debe mikoani bado zipo.

 

[mnengene]

Hao so ndio wanyonge alioongea bwana mkubwa.

 

[Alvin Slain]

Kwani wapiga debe hawana kitambulisho cha machinga?

Sent using Jamii Forums mobile app

 

[EvilSpirit]

Wakatafute kazi nyingine za kufanya huduma yao haiitajiki pale.

 

[Mgagaa na Upwa]

Kiukweli jamaa wanakera, kuna hao wapiga debe na wazee wa winga wa soko la mchikichini.

 

[Mr bons]

Mitano tena mwaisa

 

[Bujibuji Simba Nyamaume]

Wakivaa manguo ya kijani na njano hamna polisi atakayewagusa

 

[feyzal]

Maisha yalivyo magumu huku mtaani sijui watafanya kazi gani hao mtaani.

 

[Torque vs HP]

Mtetezi wa wanyonge hajasikia?

 

[bato]

Wapelekwe mashambani kuzalisha hawahitajiki tena, tunanunua tiketi kwa simu.

 

[wax]

Huyo ndiyo tabia zake huyo

 

[mrangi]

Hiyo stendi wakishawaruhusu wauza pipi, biskuti, maji watembeze humo ndani stendi itaharibikaaa

Ova

 

[Simba zee 33]

Wapiga debe 30 wamekamatwa katika Kituo cha Mabasi cha Magufuli kilichozinduliwa siku mbili zilizopita na Rais John Magufuli...

Ukitaka kutawala milele jenga jamii ya watu wajinga na masikini.

Kupiga vita umasikini ni kuongeza Wigo wa ajira.

Kuongeza umasikini ni kubana mianya ya ajira.

Baada ya wauza change kwenye daladala na wapiga debe Kifuatacho ni nini?

Sisi tunasema sio Mitano tena ni milele kabisa tafadhali.

 

[bhachu]

Hao wapiga debe walishaonywa hiyo stendi waione ni kama kituo cha polisi, mbona hawasikiiiiii.

 

[MtuloBM]

Maisha yalivyo magumu huku mtaani sijui watafanya kazi gani hao mtaani.

Ngoja wezi waongezeke tu

 

[Frank Wanjiru]

Hiyo ni nguvu ya soda tuu, baada ya Mwezi mambo yatakuwa vile vile kama Ubungo

 

[MtuloBM]

Waende

Hao wapiga debe walishaonywa hiyo stendi waione ni kama kituo cha polisi, mbona hawasikiiiiii.

wap

 

[Mohamedy cadinaly]

Kiukweli jamaa wanakera,kuna hao wapiga debe na wazee wa winga wa soko la mchikichini

Dawa yao wakikufuata unawaongelesha english wote wanakimbia

 

[Faana]

Amesema wapiga debe hao wanasababisha usumbufu kwa abiria pamoja na kuhatarisha usalama wao hivyo viongozi wa kituo hicho watashirikiana na wamiliki wa mabasi kuangalia hatua za kuzichukua ili kuwaondoa wapiga debe.

Ni upumbavu wa hali ya juu, mtu ametoka Mbagala, Kivule, Bunju, Kigamboni anajua anakokwenda na usafiri atakaotumia halafu wao wanamdaka ati kumwelekeza lilipo gari la kusafiri nalo, kama ni kupotea kwanini hakupotea huko alikotoka aje apotee stand wakati tiketi anayo?