sijasema naamini refer to pirates of caribean, ila nitoa pirates km mfano
Habari ya siku ya leo wadau, ni kwa mara nyingine tena naileta kwenu mada nyingine inayomuhusu Kiumbe wa ajabu ambae inasemekana anaishi majini/baharini, kiumbe huyu habari zake huwa zinazungumzwa maeneo yote ya dunia yetu hii na asilimia kubwa ya watu wana amini kuwa kiumbe huyu ni kweli yupo, kiumbe huyu inavyosemwa ni kwamba ana umbo la samaki nusu yaan kuanzia mkiani mpaka kiunoni ni samaki, wakati kuanzia kiunoni mpaka kichwani ni umbo la bibadamu. Kiumbe huyu anafahamika kama SAMAKI MTU wazungu wanamwita MERMAID. Na maeneo mengi ya dunia wanasimulia hadithi mbalimbali kumuhusu samaki mtu, na inavyosemekana samaki mtu wapo wa kike peke yake.
Lengo kuu la kuileta mada hii, kwanza ni kutaka kuonyesha imani yangu juu ya uwepo wa kiumbe huyu, binafsi mimi siamini hata kidogo, samaki mtu ni kiumbe wa kufikirika kama vile hadithi za mazimwi. pili naomba nielezee kifupi uwongo ulioenea ambao sayansi haijathibitisha mpaka leo kuhusu yoote yanayosemwa kumuhusu kiumbe huyu
1. Hii ni maalumu kwa watanzania na wote wanaoiongea lugha ya kiswahili, kumekuwepo na upotoshaji mkubwa katika hili, wengi wanamwita samaki mtu kuwa eti ndiyo NGUVA, huu ni uwongo mkubwa, samaki mtu sio nguva, nguva anatambulika kibaiologia na ushahidi wa uwepo wake upo, ni mnyama anayeishi baharini na hafanani na binadamu, ushahidi wa nguva upo jumba la makumbusho Dar es saalam, samaki mtu hakuna ushahidi wa mwili wake uliotunzwa sehemu yoyote ile duniani. Hivyo tujirekebishe wale wote tunao litumia jina Nguva tukimaanisha samaki mtu.
2. Si afrika tu tulio na imani ya uwepo wa samaki mtu, hata kwa wenzetu wazungu uvumi wa kuonekana kiumbe huyo ulijitokeza zamani sana miaka ya nyuma, na mtu alieneza habari hizo ni mtu mashuhuri sana katika historia ya dunia, mtu huyo ni Christopher Columbas kwa wasiomfaham Bwana Columbas alikua ni muhispania baharia na Mtu alievumbua bara la america, yeye alisema katika safari zake za baharini alikutana na samaki mtu watatu ila si wazuri wa sura kama watu wengi walivyowasimulia kwenye hadithi na kuwachora, na pia alisema hawaongei kama binadamu.
3. Ukiacha mbali hadithi na maelezo ya bwana columbas, vile vile habarivza kuonekana kwa kiumbe huyo zimesikika sehemu nyingine nyingi kama vile Canada, Israel na Zimbabwe, mfano baada ya kuzuka kwa minong'ono mingi ya kuonekana kwa samaki mtu maeneo ya fukwe za jiji la Kiryat Yam, nchini israel, jiji lilitoa ofa ya kiasi cha pesa cha dola millioni moja kwa yeyote atakae leta ushahidi wa habari hizo, lakini mpaka leo hakuna lolote.
4. Nchini Zimbabwe, mwaka wa2012 wafanyakazi waliokuwa wanafanya kazi kwenye reserve moja ya maji waligoma kuendelea kufanya kazi kwa madai kuwa wamefukuzwa na samaki mtu, na tukio hilo lili reportiwa na waziri wa maji wa Zimbabwe
5. Kipindi cha gharika la Tsunami, ili lipotiwa kuwa yameonekana mafuvu ya samaki mtu ambayo yalitupwa nje na maji, lakini wanasayansi walipoyachunguza hawakutoa tamko kuwa ni kweli mabaki hayo ni ya samaki mtu.
6. Taasisi inayohusika na utunzaji wa bahari na viumbe wa baharini ya marekani (The US National Ocean Service) mwaka 2012 ilitoa tamko kuwa hakuna ushahidi wowote ule mahali popote uliowahi kuonekana unaothibitisha kuwa kuimbe huyo yupo.
Je? wewe unaamini uwepo wa kiumbe huyu?
Tamaduni nyingi kutoka jamii mbalimbali duniani zimeonyesha imani kubwa sana ya uwepo wa kiumbe huyu, ukiangalia baadhi ya kazi za sanaa hasa filamu na sanaa ya uchoraji kiumbe huyu ameonyeshwa kwa namna mbalimbali. Mfano filamu inayojulikana kama Splash(1984), nyingine ni Pirates of Carribean: On stranger Tides (2011).
Wewe umesikia au unasikia nini kuhusu uwepo wa kiumbe huyu, nakaribisha michango ya wavuvi na wale wakazi waliokulia muda mrefu maeneo ya pwani.
Asanteni
Wewe ulikuwa unazinguka na demu wako ndipo ukapata hayo maruweruwe!hakuna samaki mtu kama ilivyokuwa hakuna dragons,hecules,medusa,pandora box,andromeda,goblins,ni utunzi mahiri wa hadith tu ndugu yangu!
