Uonevu dhidi ya Waislam UDOM: Msikiti wavunjwa, wafanyakazi wanataaluma 11 wahamishwa


E

Emanuelkonki

New Member
Joined
Jan 14, 2019
Messages
4
Likes
65
Points
15
E

Emanuelkonki

New Member
Joined Jan 14, 2019
4 65 15
MSIKITI WAVUNJWA CHUO KIKUU CHA DODOMA (UDOM), WAISLAM KUMI NA MOJA (11) WANATAALUMA NA WAENDESHAJI CHUO KIKUU CHA DODOMA WAHAMISHWA (Prof. Petter Msoffe) asimamia kikamilifu zoezi hilo

Tumepokea kwa Masikitiko makubwa sana uhamisho wa watumishi waislamu Chuo Kikuu cha Dodoma uliofanyika ijumaa tarehe 11 January, 2019. Uhamisho huo umefuatia baada ya Amri ya Prof. Msofe DVC ARC (Makamu Mkuu wa Chuo Taaluma) na Acting VC kuvunja Msikiti uliokuwa unajengwa Chuoni hapo.

Viongozi wote waliokuwa waislam Udom wakiwemo ma Lecturers, Administrative Staffs, Lawyers na Directors wamehamishiwa taasisi zingine za umma.

Harakati hizi za kuondoa waislamu hawa zilishika hatamu mara baada ya kifo cha Prof. Edig Beautus Mobofu aliyekuwa Makamu Mkuu wa Chuo kufariki dunia mnamo tarehe 18 Desemba, 2018. Huku jamii ya UDOM ikishutumu kuwa waislamu wamemloga Prof. Mobofu kwasababu ya kusimamisha ujenzi wa MSIKITI hali ya kuwa vipimo vya hospitali vilionyesha kaagua ugonjwa wa kiharusi.

Kufuatia sintofaham hizo mnamo tarehe 9 Januari , 2019 Siku ya. Jumatano, Kaimu Makamu Mkuu wa Chuo aliyeshika nafasi ya Prof. Mobofu naye ni Prof. Peter Msoffe (DVC - ARC) na Acting VC alitoa amri ya kuvunja Msikiti huo kwa madai kuwa kapokea amri hiyo kutoka juu na kisha watumishi hao waislamu kumi na moja kuhamishwa (11). Tunajiuliza amri hiyo iliyotoka juu imetoka juu kwa nani?

Hatuna shaka na kazi nzuri inayofanywa na Rais wetu mpendwa John Joseph Pombe Magufuli na hatujui kama Mh. Rais anajua hili linaloendelea katika taasis mbalimbali za umma hususani UDOM. Tunamuomba Mh. Rais alitazame hili ktk sura ya kipekee kwani kuachia haya yaliyofanyika yaendelee ni kuleta uhasama na chuki ktk jamii ya wasomi waliobakia Chuo Kikuu cha Dodoma jambo ambalo linaweza kupelekea migogoro ya kidini mpaka kwa wanafunzi. Hivyo ni vyema na busara uhamisho ukatazamwa kwa jicho la kipekee na kuwarejesha watu hawa kuepuka kupandikiza chuki zisizonatija katika jamii ya wasomi..!!!

--------
Uhamisho UDOM
1. Dr. Mariam Khamisi - UDSM
2. Dr. Yusuph Kambuga - ADEM Bagamoyo
3. Dr. Masoud - DIT
4. Dr. Ibuni Kombo -
5. Khamisi Mkanachi - UDSM
6. Mohammed Mwandege - Arusha Atomic Energy
7. Omar Simba - Wizara ya Ardhi
8. Subira Issa Sawasawa - Wizara mambo ya ndani
9. Wema Mbegu - Wizara ya Ardhi
10. Aziz Gendo - Arusha Technical
11. Dr. Mwinyikondo Ameir - UDSM mbeya branch

Pia soma > Gaudensia Kabaka aeleza sababu za kuzuia Ujenzi wa Msikiti UDOM na kuhamisha wafanyakazi wa hapo
 
E

Emanuelkonki

New Member
Joined
Jan 14, 2019
Messages
4
Likes
65
Points
15
E

Emanuelkonki

New Member
Joined Jan 14, 2019
4 65 15
*KADHIA NZIMA YA UDOM NA HAMISHA HAMISHA YA WAISLAMU KUMI NA MOJA (11)*

Hivi karibuni ujenzi wa Msikiti Chuo Kikuu cha Dodoma (UDOM) ulisitishwa na kisha kuvunjwa ukuta eneo la Msikiti.

Ubomoaji huo ulifanyika Januari 09, 2019, kisha ukafuatiwa na uhamisho wa watumishi 11, Januari 11, 2019, kwa mpigo wote wakiwa ni Waislamu wakiwemo Wahadhiri, Viongozi waandamizi pamoja na Wanasheria.

Chanzo chetu kutoka UDOM kilieleza kuwa amri ya kuvunjwa kwa ukuta huo uliokuwa umezungushwa katika uwanja wa Msikiti ilitolewa na Kaimu Makamu Mkuu wa Chuo Profesa Peter Msoffe, kwa maelezo kuwa ni Amri kutoka ngazi za juu.

" Tumepokea kwa masikitiko uhamisho wa watumishi wenzetu 11 kwa mpigo wote wakiwa ni wa imani moja (Waislamu), uliofanyika Januari 11, 2019, uhamisho huo umekuja siku chache tukiwa bado katika sintofahamu na taharuki, kufuatia Makamu Mkuu wa Chuo Taaluma, kuamuru kuvunjwa Msikiti Januari 9, 2019, uliokuwa unajengwa Chuoni, akidai ni maagizo kutoka juu" Kilisema chanzo hicho.

Watumishi waliokumbwa na kadhia hiyo na kuhamishwa katika Taasisi zingine za Serikali wametajwa kuwa ni Dr. Mariam Khamis, Dr. Yusuph Kambuga, Dr. Masoud , Dr. Ibun Kombo, Khamisi Mkanachi, Mohammed Mwandege, Omari Simba, Subira Issa Sawasawa, Wema Mbegu, Aziz Gendo pamoja na Mwinyikondo Ameir.

Hata hivyo, haikufahamika mara moja kama watumishi hao kwa namna moja ama nyingine wameondolewa kwa sababu ya kadhia hiyo ya kusitishwa ujenzi wa Msikiti uliokuwa unaendelea kujengwa katika eneo hilo la Chuo.

An nuur ilipotaka kujua kama ujenzi huo wa Msikiti ulikuwepo kihalali katika eneo hilo la Chuo Kikuu hicho cha Serikali ama ulikiuka taratibu za Chuo na Serikali na kupelekea kubomolewa, Chanzo chetu cha habari kilisema hakuna taratibu zozote za Chuo wala Serikali zilizokiukwa. Kwa ujumla ni kwamba vielelezo vyote vya kisheria vilifuatwa na vilikamilika kwaajili ya ujenzi wa Msikiti wa Chuo na hata michoro inayohusu ujenzi huo wa Msikiti Chuoni hapo ilipitishwa na Uongozi wa Chuo. Kimesema chanzo cha habari.

Awali chanzo hicho kilieleza kuwa Januari 27, 2018, uongozi wa Chuo ulikaa na kujadili suala hilo na kuja na maamuzi kuwa Msikiti usijengwe na inaundwa Tume ya kuchunguza namna ya uwezekano wa uwepo wa Msikiti na Kanisa katika eneo la Chuo. Hata hivyo haikutolewa barua rasmi ya kueleza makubaliano hayo. Timu hiyo iliyoundwa iliyowahusisha Profesa Mwakalobo, Profesa Makangara, Profesa Saidi Vywai pamoja na Bw. Mbegu Wema, ambae ni Mwanasheria wa Chuo, kazi kubwa ya tume hiyo ilikuwa ni kupitia Vyuo Vikuu mbalimbali nchini na kuona uwepo na uendeshaji wa Kanisa na Msikiti ndani ya Vyuo unakwendaje.

"Tume hiyo ilipita sehemu mbalimbali ikiwemo BAKWATA, Chuo Kikuu cha Dar es Salaam, Muhimbili, SUA na vyuo vingine nchini ikagundua kuwa kuna Msikiti na Kanisa ndani ya Vyuo." Kisha walirudi n majibu ya kwamba hata UDOM pia kuna haja na ulazim wa kuwepo kwa Msikiti na Kanisa pia. Kimesema chanzo hicho.

Chanzo hichi kilisema, majibu ya utafiti huo yalikuja wakati wa uongozi aa Makamu Mkuu wa Chuo, Profesa Kikula na hapakuwa na tabu yeyote na kisha taarifa hiyo aliikuta Marehemu Profesa Mobofu na kwa kuwa ni suala la utafiti na kiofisi bado ripoti hiyo ipo ofisini chini ya Kaimu Makamu Mkuu wa Chuo wa sasa Profesa Peter Msoffe. Chanzo hicho kiliongeza kuwa, kwa hili lililojiri la kusambaratisha na kusitisha ujenzi wa msikiti, haifahamiki tatizo lipo wapi au kama kuna utafiti mwingine umefanywa ukaonyesha haifai kuwepo kwa Msikiti au Kanisa katika Chuo hicho cha Dodoma.

Kabla ya kubomoa Januari 09, 2019, Kilitangulia Kikao baina ya Kaimu Makamu Mkuu wa Chuo, Mwakilishi wa Sheikh wa Mkoa BAKWATA Dodoma, Mwenyekiti wa Dodoma Muslim Association, pamoja na Viongozi wa Jumuiya ya Wafanyakazi Waislamu Chuoni hapo. Ni katika kikao hicho ndipo Kaimu Mkuu wa Chuo alipoeleza azma yake hiyo n kuwaeleza wajumbe hao kuwa kapewa maagizo toka juu ya kubomoa ukuta huo na kusitisha ujenzi unaoendelea. Aliombwa awe na subira kwani suala hilo limefuata taratibu zote kisheria na kuruhusiwa kuendelea na ujenzi kwa taratibu zote kimaandishi na tayari Waislamu wameshaanza juhudi za kuliendeleza eneo hilo, hata hivyo hakubadili msimamo na kuamua kuondoka bila kifikia muafaka.

Imeelezwa kuwa siku hiyo hiyo asubuhi ya Januari 9, 2019 alipeleka askari na vijana wengine ba kuanza zoezi la kubomoa. Imefahamika kuwa, uongozi wa Waislamu chuoni hapo ulitoa tahadhari kuwa wasikubali kuchokozeka na kuingia katika mtego wa kujaribu kuzuia azma ya Makamu Mkuu huyo wa Chuo. Baada ya kubomoa Januari 10, 2019 walipokea barua, lakini barua hiyo inaonyesha imeandikwa Januari 09, 2019 ikieleza kisitishwa kwa ujenzi wa nyumba za ibada Chuoni hapo.

Hii barua imeandikwa baada ya uongozi wa Chuo kuvunja na kuharibu vitu vingine vya ujenzi vilivyo kuwemo eneo la ujenzi, sasa utaona ni namna gani zoezi hili lilivyoendeshwa kihuni. Kimesema chanzo hicho. Katika barua hiyo ya Januari 09, 2019 yenye Kumbukumbu namba UDOM/REF/272/49, Kaimu Makamu Mkuu wa Chuo, Profesa Peter Msoffe, amekiri kuwa UDOM ilitenga maeneo ya ibada kama ilivyo kwa vyuo vingine ndani na nje ya nchi kwaajili ya kuwajenga wanajumuiya kiroho. Hata hivyo Profesa Msoffe katika barua yake hiyo aliainisha kuwa katika kikao cha Januari 26, 2018, Baraza la Chuo lilisimamisha ugawaji na ujenzi wa nyumba za ibada chuoni hapo hadi litakapojiridhisha na kuwa kanuni na sheria zimefuatwa. Ni kwa muktadha huo na maelekezo mahususi ya Baraza la Chuo, tumeagizwa tusitishe shughuli za harakati za ujenzi wa maeneo ya kuabudia ndani ya eneo la Chuo, mpaka pale utaratibu mahususi utakapopangwa kihusiana na uendeshaji wa nyumba za ibada ndani ya eneo la Chuo, mpaka pale utaratibu mahususi utakapopangwa kuhusiana na uendeshaji wa nyumba za ibada ndani ya eneo la Chuo. Amesema Profesa Msoffe kupitia barua yake hiyo. Kupitia barua hiyo ya Profesa Msoffe ambayo nakala yake ilikwenda kwa jumuiya ya waislamu Chuo Kikuu cha Dodoma na CCT - UDOM imesema kwa sasa waumini wa dini zote wataendelea kuendesha ibada zao katika majengo ya Chuo yaliyopo kwenye mabweni na kumbi za mihadhara.

Akizungumzia barua hiyo, mmoja wa viongozi wa jumuiya ya Waislamu, Chuo Kikuu cha Dodoma, alisema Barua hiyo imejaa upotoshaji na suala zima jinsi lilivyo.

Vipi unatoa barua ya kusitisha ujenzi baada ya kubomoa na kufanya uharibifu eneo husika. Hiyo ni katika kujaribu kujiwekea kinga fulani, kisheria kama kuna tatizo angepeleka zuio la kisheria (Stop Order) au hata kuwafuata wasimamizi wa ujenzi na kuwaeleza kwamba wasimamishe ujenzi kutoa sababu anazozojua yeye. Amesema kiongozi huyo.

Kiongozi huyo ambaye hakutaka jina lake litajwe gazetini alisema,haelewi ni kanuni na sheria zipi ambazo zinatakiwa kufuatwa nje ya zile ambazo zimefuatwa na Waislamu katika kuliendeleza eneo hilo la heka 10, Chuoni hapo.

Katika barua ya Chuo hicho ya Juni 6, 2016 imesema Idara Miliki ya Uongozi wa Chuo (UDOM) imepitia maombi ya ramani, michoro inayohusiana na ujenzi wa Msikiti na kwamba Kamati ya Mipango na Fedha katika kikao chake cha Juni 7, 2016 imeridhia ujenzi uendelee. Imeelezwa kuwa kibali cha ujenzi kilitolewa na kuainisha kuwa kitakuwa katika eneo la nyumba za ibada ambalo waislamu wamepatiwa hekari kumi na kuwataka wahusika wa kiwanja kufuata taratibu walizoainishiwa.

Baadhi ya taratibu hizo ni kufuata hatua zote za ujenzi ikiwa ni pamoja na kueleza hadhi ya Kampuni itakayojenga na mshauri wa ujenzi.

Pia Chuo kilitaka kuelezwa kwa kina mpangilio wa ukamilishaji ujenzi ambao unatakiwa uanze mara moja na kila jengo liwe katika hadhi na kiwango cha kimataifa kimatumizi na kimuonekano. Taratibu zote hizo tumezitekeleza kikamilifu na ndio maana eneo tajwa tukapatiwa na Chuo baada ya kupewa maelekezo hayo, tuliendelea na harakati zaidi za ujenzi kwa kuzingatia maelekezo ya Chuo ikiwemo kumpata Mkandarasi. Amesema kiongozi huyo.

An nuur, ilishuhudia barua ya Mkandarasi wa ujenzi wa Msikiti huo kwenda wa Mkurugenzi Mkuu wa Manispaa ya Dodoma, ikiomba kibali kwa mujibu wa Sheria za ujenzi.

"Chuo Kikuu cha Dodom kina mpango wa haraka wa kujenga Msikiti katika kiwanja chake kilichopo ndani y eneo la Chuo, tunaambatanisha nakala tatu za michoro ya usanifu na nakala tatu za michoro ya uhandisi, ni matumaini yetu kwamba maombi haya yatafanyiwa kazi kwa haraka. Imesema sehemu ya barua hiyo. Aidha katika barua ya Februari 3, 2017 inaonyesha malipo ya kibali cha ujenzi wa Msikiti huo (Biulding Permit) ambayo imelipiwa katika Manispaa ya Dodoma, kiasi cha Shillingi Milioni Nne Laki Moja na Elfu Kumi na Nne. Awali Chuo Kikuu cha Dodoma (UDOM) kolitoa maeneo ya ibada kupitia vikao maalumu na kupitisha kwamba wanachuo wapewe maeneo ya ibada kwa maana, Waislamu wapewe heka kumi na Wakristo wapewe heka kumi. Tangu kipindi hicho, Waislamu waislamu wamekuwa katika harakati na kufuata hatua mabalimbali zinazotakiwa katika kuliendeleza eneo hilo na kufanikiwa kuanza kwa ujenzi huo huku wakiwa wamelizungushia ukuta eneo lao. Kwa upande wa wakristo eneo hilo la heka kumi limeendelea kubaki kama lilivyokuwa huku ikidaiwa kushindwa kuliendelezwa kutokana na kugawanyika kwa kila dhehebu na kuhitaji kimiliki eneo hilo.

Akizungumzia kadhia hiyo Mwenyekiti wa Baraza la Chuo Kikuu cha Dodoma, Mama Gaudensia Kabaka alisema hakuna Msikiti uliovunjwa kama inavyoelezwa. Mama Kabaka alisema kilichopo ni kwamba wamesitisha ujenzi wa Msikiti uliokuwa unaanza kujengwa ndani ya eneo la Chuo bila kibali, huku Kaimu Makamu Mkuu wa Chuo, pia hakuwa na taarifa. Alidai kuwa yeye kama mwenyekiti wa Baraza la Chuo, alipata taarifa kutoka kwa raia wema akiwa Jijini Dar es Salaam wakimueleza kwamba kuna ujenzi unaendelea katika eneo la Chuo unaosemekana kuwa ni Msikiti. Baada ya kupata taarifa hizo nikachanganyikiwa kwasababu kikao chetu cha mwisho hukuhusiana na suala hilo tulisema tusitishe suala hilo ili tusubiri muongozo, sikuamini kwa hiyo ilimbidi nimpigie simu Kaimu Makamu Mkuu wa Chuo kumuuliza taarifa hizo.
Naye alikiri kuwa ni kweli ikabidi niagize ule ukuta uvunjwe na nikasema hiki kitu ni batili na ni ukiukwaji wa maelekezo ya Baraza la Chuo, Kwa hiyo ukuta huo ambao ni wabati ubomolewe na hilo lilifanyika Januari 9, 2019. Amesema Mama Kabaka. Akieleza historia ya mvutano huo, Mama Kabaka alisema awali Chuo kiliweka utaratibu wa kugawa maeneo ya nyumba za ibada katika eneo hilo la Chuo na taratibu zilikuwa zimekamilika baada ya kujiridhisha. Lakini Mama Kabaka alisema baadae uongozi (Management) wa Chuo ulipata taarifa za ziada na kualazimika kusitisha mpango uliokuwepo ili kuboresha taratibu za awali na kisha zijadiliwe kwa pamoja katika vikao. Alisema katika sakata hilo hakuna kikao kilichokaliwa na kukubaliana kwamba ujenzi huo uendelee kwani wakati wakisubiri taratibu za kikao, kama walivyokubalina, Makamu Mkuu wa Chuo Profesa Mobofu alipata maradhi na hatimae kufariki. Mama Kabaka alizikana barua za Chuo ba ile ya Mkataba zinazoeleza utaratibu na kukabidhiana kwa ardhi na kuanza kwa ujenzi wa Msikiti huo katika eneo la Chuo, akisema kuwa ni feki kwani hakuna vikao maalum vya Baraza la Chuo vilivyokaa na kuidhinisha ardhi hiyo itumike kwa ajili ya ujenzi wa Msikiti huo.

Kwanza tukumbuke Chuo hiki hakijawahi kutoa ardhi pamoja na kutenga maeneo kwa Taasisi za kidini kama wakitaka kujenga watapewa, lakini hakuna kikao cha Baraza kolichowahi kukaa kabla yangu na wakati wangu kikagawa ardhi kwa Taasisi za Dini, iwe ya Kikristo au ya Kiislamu. Anasema Mama Kabaka. Aidha, Mama Kabaka alikiri uwepo wa barua ya Juni 6, 2016 inayoungumzia maombi ya kiwanja kwa ajili ya ujenzi wa Msikiti, hata hivyo alisema baada ya kuinagalia na kuisoma imebainika kuwa barua hiyo ni feki ingawa inaonyesha kusainiwa na uongozi uliopita. Sisi bado tunamashaka kama kweli ilipitishwa na Makamu Mkuu wa Chuo wa wakati huo, lakini pi wale wajenzi (Dodoma Muslim) wanadai kuwa wanamkataba ba Chuo, ambao nimeshindwa kuupata na aliyesaini alipoulizwa alidai hakusaini Mkataba. Sasa baada ya kukaa kikao kutokana na hali halisi iliyopo hivi sasa. Baraza la Chuo limeamua hakuna haja tena ya kugawa eneo la Chuo kwa ajili ya ujenzi wa nyumba za madhehebu ya Dini yoyote mpango huo umefutwa hayo yote yaliyotufikisha hapa ni mambo ambayo yalikuwa yanajiendesha yenyewe Amesema Mama Kabaka. Akizungumzia Uhamisho wa watumishi 11 ambao wote ni Waislamu, Mama Kabaka ametetea hilo akisema hatua hiyo imekuja kutokana na uwepo wa malalamiko ( Bila kufafanua Malalamiko kutok wap) kwamba baadhi ya maeneo nyeti ambayo yalikuwa na utata baadhi ya hayo ni katika ajira (Human Resource Management) Maeneo ya Fedha ba Mengineyo, Amesema Mama Kabaka. Alisem uhamisho huo umekuja pasi ya kutarajia kuwa maeneo hayo yalikuwa yakiongozwa na watu wa dini moja ,japo ni kweli inastua pamoja na hivyo watumishi hao wamehamishwa ili wakatumike sehemu nyingine...!!!!!
 
E

Emanuelkonki

New Member
Joined
Jan 14, 2019
Messages
4
Likes
65
Points
15
E

Emanuelkonki

New Member
Joined Jan 14, 2019
4 65 15
*KADHIA MSIKITI UDOM YATUA IKULU*

Mheshimiwa Raisi John Magufuli amesema anatambua katika maeneo ya Vyuo Vikuu panastahili kujengwa Msikiti na Kanisa ili kusaidia kuwajenga kiimani wanafunzi wanaosoma katika vyuo hivyo.

Kauli hiyo imekata mzizi wa fitna ulioibua sintofahamu hivi karibuni Chuo Kikuu cha Dodoma (UDOM), kufuatia uongozi wa Chuo hicho kusambaratisha harakati za ujenzi wa Msikiti uliokuwa unaendelea kujengwa chuoni hapo. Raisi Magufuli ametoa kauli hiyo katika Mkutano wake na Viongozi wa dini uliofanyika Jumatano wiki hii Ikulu Jijini Dar es Salaam.

Awali katika Mkutano huo, Amir wa Baraza Kuu la Jumuiya na Taasisi za Kiislamu Sheikh Mussa Kundecha na Kaimu Katibu Mkuu wa Bakwata, Ustadhi Nuhu Mruma, kwa nyakati tofauti walimuomba Mheshimiwa Rais Magufuli kulitupia macho suala la Msikiti wa UDOM na kulipatia ufumbuzi.

"Naomba niliseme hili mbele yako Mhe.Rais. ambalo unaweza kulifanyia kazi. Wiki moja iliyopita tumejiwa na ndugu zetu waislamu kutoka Chuo Kikuu cha Dodoma, wakilalamika kubomolewa uzio uliozungushiwa kwaajili ya ujenzi wa Msikiti." Alisema Sheikh Kundecha.

Sheikh Kundecha aliishukuru Serikali kwa kuona umuhimu wa kutenga maeneo kwa ajili ya nyumba za ibada katika Chuo hicho kwa Waislamu na Wakristo, kwani ni jambo muhimu katika kuwajenga wananchi wake. Alisema katika hatua hiyo wapo walioanza kutekeleza jambo hilo kwa kuendeleza eneo la ibada, hata hivyo akasema inawezekana utendaji haukuwa mzuri kiasi kwamba Uongozi wa Chuo umesitisha uendelezaji wa maeneo hayo ya ibada. "Mimi niliamini kusitisha huko ujenzi huo kungekuwa katika muelekeo wa kutafuta namna nzuri ya kuliweka suala hilo katika utaratibu mzuri na si kufuta au kusitisha uwepo wa nyumba za ibada chuoni hapo"

Lakini usitishaji huo umekwenda mbali zaidi kwa uongozi kuingiza tingatinga kwenda kuvunja Msikiti na sisi pesa zetu ni za sadaka kwa kuchangishana, Waislamu wamejitolea wakiamini wanampa Mungu, kisha wanaona 'greda' linaingia na kubomoa. Alifafanua zaidi Sheikh Kundecha.

Ustadh Mruma yeye alitanabahisha kuwa migogoro kama hiyo inapotokea ni bora ikatafutiwa ufumbuzi unaokubalika kwa pande zote na kwamba viongozi wa kiimani hutiiwa zaidi na waumini wao na kupokea maagizo kwa jambo ambalo linagusa imani zao.

Alisema mwaka 2016 Mufti Abubakari Zubeir alitembelea Chuoni hapo na kuonyeshwa eneo hilo ambalo lilitengwa kwaajili ya kujengwa Msikiti na akatoa baraka zake na utaratibu ulikuwa ukiendelea.

"Lakini Mh. Rais (Magufuli) kwa bahati mbaya sasa ilitokea sintofahamu ambayo hadi sasa hatujapata maelezo ya kina yaliyopelekea kusambaratisha harakati za ujenzi huo, sasa hali hiyo imeleta tafrani kubwa." Alisema Ustadh Mruma. Alisema, suala hilo pia limefikishwa BAKWATA, lakini wao kama walinda amani wasio kuwa na silaha, wamelituliza ili wapite katika njia sahihi na kulitatua katika njia ambayo inafaa kwa amani ya nchi. Mara baada ya viongozi wa dini kumaliza kutoa maoni yao, Mheshimiwa Rais Magufuli alianza kujibu baadhi ya hoja za viongozi wa dini na nyingine kuahidi kuzichukua na kwenda kuzishughulikia.

Akijibu kadhia ya Msikiti UDOM, Rais Dkt. Magufuli, alisema kwa utaratibu na mwendo unaotumika katika Vyuo vingine kuhusu nyumba za kuabudia (Msikiti na Kanisa) utakuwa kama ule wa Chuo Kikuu cha Dar es Salaam (UDSM). Raisi Magufuli alitoa mfano wa Chuo Kikuu cha Dar es Salaam (UDSM), kwamba ndio huo huo utatumika katika Chuo Kikuu cha Dodoma.

"Lakini natambua pia kwamba katika maeneo ya vyuo vikuu panahitaji kujengwa mahali pakuabudia, panastahili kujengwa kanisa ambapo watu wote wenye imani zao watakuwa wanaingia humo kwa utaratibu maalum na pajengwe Msikiti pia ambao nao utatumika kwa utaratibu maalum."

"Kwa hiyo hata Dodoma (UDOM) mwendo ule ule wa Chuo Kikuu cha Dar es Salaam, ndio utaendelea kuwa pale Chuo Kikuu cha Dodoma na haswa kwasababu wanafunzi wanasoma pale lazima tuwajenge kiimani" Alisema Rais Dkt. Magufuli.

Akifafanua zaidi, Rais Dkt. Magufuli, alisema katika vyuo vikuu, kuna Msikiti na Kanisa.

Alisema, hata alipokuwa anasoma Chuo Kikuu cha Dar es Salaam, kuna Msikiti ambao unatumiwa na madhehebu yote ya Kiislamu, wanaswalia kwa pamoja katika Msikiti huo.

Kwa upande wa Kanisa, Rais Dkt. Magufuli alisema madhehebu yote ya Kikristo, pia kuna Chapel (Kanisa) pamoja na tofauti ya madhehebu laikini wanawekeana utaratibu wa zamu za ibada, kwa maana wanaingia Wakatoliki (RC) wakimaliza wanatoka na kuingia dhehebu jingine mpaka madhehebu yote yanamalizika.

"Dodoma tunalishughulikia. 'Spirit (nia na dhamira) ile ile ya Chuo Kikuu (UDSM) ndio itaendelea UDOM". Alimaliza Rais Magufuli.
 
blogspot

blogspot

JF-Expert Member
Joined
Jan 7, 2017
Messages
959
Likes
630
Points
180
blogspot

blogspot

JF-Expert Member
Joined Jan 7, 2017
959 630 180
SUA Niliwaona ealifikia Department of Engineering Nadhani mwenyeji wa wageni alikua Dr Banda Salum
 
Khalidoun

Khalidoun

JF-Expert Member
Joined
Feb 12, 2013
Messages
2,529
Likes
3,697
Points
280
Khalidoun

Khalidoun

JF-Expert Member
Joined Feb 12, 2013
2,529 3,697 280
Ukimsikiliza kaka Evarist Chahali katika analysis yake baada ya matokeo ya Form four (tembelea instagram page yake ktk bio kuna link) utaelewa kilichopo nchini Tanzania ni kile kile waislamu wamekuwa wakikieleza miaka dahr.

Sent using Jamii Forums mobile app
 
darcity

darcity

JF-Expert Member
Joined
Jul 20, 2009
Messages
4,191
Likes
6,014
Points
280
darcity

darcity

JF-Expert Member
Joined Jul 20, 2009
4,191 6,014 280
Huu udini unaoonyeshwa na serikali ya awamu ya tano huenda ukaigharimu taifa. Eti wamehamishwa kwa sababu idara ina watu wa dini moja! Mbona Magufuli anateua watu wa kanda moja, dini moja na kabila moja?
 
twatwatwa

twatwatwa

JF-Expert Member
Joined
Sep 19, 2011
Messages
2,075
Likes
97
Points
145
twatwatwa

twatwatwa

JF-Expert Member
Joined Sep 19, 2011
2,075 97 145
*KADHIA MSIKITI UDOM YATUA IKULU*

Mheshimiwa Raisi John Magufuli amesema anatambua katika maeneo ya Vyuo Vikuu panastahili kujengwa Msikiti na Kanisa ili kusaidia kuwajenga kiimani wanafunzi wanaosoma katika vyuo hivyo.

Kauli hiyo imekata mzizi wa fitna ulioibua sintofahamu hivi karibuni Chuo Kikuu cha Dodoma (UDOM), kufuatia uongozi wa Chuo hicho kusambaratisha harakati za ujenzi wa Msikiti uliokuwa unaendelea kujengwa chuoni hapo. Raisi Magufuli ametoa kauli hiyo katika Mkutano wake na Viongozi wa dini uliofanyika Jumatano wiki hii Ikulu Jijini Dar es Salaam.

Awali katika Mkutano huo, Amir wa Baraza Kuu la Jumuiya na Taasisi za Kiislamu Sheikh Mussa Kundecha na Kaimu Katibu Mkuu wa Bakwata, Ustadhi Nuhu Mruma, kwa nyakati tofauti walimuomba Mheshimiwa Rais Magufuli kulitupia macho suala la Msikiti wa UDOM na kulipatia ufumbuzi.

"Naomba niliseme hili mbele yako Mhe.Rais. ambalo unaweza kulifanyia kazi. Wiki moja iliyopita tumejiwa na ndugu zetu waislamu kutoka Chuo Kikuu cha Dodoma, wakilalamika kubomolewa uzio uliozungushiwa kwaajili ya ujenzi wa Msikiti." Alisema Sheikh Kundecha.

Sheikh Kundecha aliishukuru Serikali kwa kuona umuhimu wa kutenga maeneo kwa ajili ya nyumba za ibada katika Chuo hicho kwa Waislamu na Wakristo, kwani ni jambo muhimu katika kuwajenga wananchi wake. Alisema katika hatua hiyo wapo walioanza kutekeleza jambo hilo kwa kuendeleza eneo la ibada, hata hivyo akasema inawezekana utendaji haukuwa mzuri kiasi kwamba Uongozi wa Chuo umesitisha uendelezaji wa maeneo hayo ya ibada. "Mimi niliamini kusitisha huko ujenzi huo kungekuwa katika muelekeo wa kutafuta namna nzuri ya kuliweka suala hilo katika utaratibu mzuri na si kufuta au kusitisha uwepo wa nyumba za ibada chuoni hapo"

Lakini usitishaji huo umekwenda mbali zaidi kwa uongozi kuingiza tingatinga kwenda kuvunja Msikiti na sisi pesa zetu ni za sadaka kwa kuchangishana, Waislamu wamejitolea wakiamini wanampa Mungu, kisha wanaona 'greda' linaingia na kubomoa. Alifafanua zaidi Sheikh Kundecha.

Ustadh Mruma yeye alitanabahisha kuwa migogoro kama hiyo inapotokea ni bora ikatafutiwa ufumbuzi unaokubalika kwa pande zote na kwamba viongozi wa kiimani hutiiwa zaidi na waumini wao na kupokea maagizo kwa jambo ambalo linagusa imani zao.

Alisema mwaka 2016 Mufti Abubakari Zubeir alitembelea Chuoni hapo na kuonyeshwa eneo hilo ambalo lilitengwa kwaajili ya kujengwa Msikiti na akatoa baraka zake na utaratibu ulikuwa ukiendelea.

"Lakini Mh. Rais (Magufuli) kwa bahati mbaya sasa ilitokea sintofahamu ambayo hadi sasa hatujapata maelezo ya kina yaliyopelekea kusambaratisha harakati za ujenzi huo, sasa hali hiyo imeleta tafrani kubwa." Alisema Ustadh Mruma. Alisema, suala hilo pia limefikishwa BAKWATA, lakini wao kama walinda amani wasio kuwa na silaha, wamelituliza ili wapite katika njia sahihi na kulitatua katika njia ambayo inafaa kwa amani ya nchi. Mara baada ya viongozi wa dini kumaliza kutoa maoni yao, Mheshimiwa Rais Magufuli alianza kujibu baadhi ya hoja za viongozi wa dini na nyingine kuahidi kuzichukua na kwenda kuzishughulikia.

Akijibu kadhia ya Msikiti UDOM, Rais Dkt. Magufuli, alisema kwa utaratibu na mwendo unaotumika katika Vyuo vingine kuhusu nyumba za kuabudia (Msikiti na Kanisa) utakuwa kama ule wa Chuo Kikuu cha Dar es Salaam (UDSM). Raisi Magufuli alitoa mfano wa Chuo Kikuu cha Dar es Salaam (UDSM), kwamba ndio huo huo utatumika katika Chuo Kikuu cha Dodoma.

"Lakini natambua pia kwamba katika maeneo ya vyuo vikuu panahitaji kujengwa mahali pakuabudia, panastahili kujengwa kanisa ambapo watu wote wenye imani zao watakuwa wanaingia humo kwa utaratibu maalum na pajengwe Msikiti pia ambao nao utatumika kwa utaratibu maalum."

"Kwa hiyo hata Dodoma (UDOM) mwendo ule ule wa Chuo Kikuu cha Dar es Salaam, ndio utaendelea kuwa pale Chuo Kikuu cha Dodoma na haswa kwasababu wanafunzi wanasoma pale lazima tuwajenge kiimani" Alisema Rais Dkt. Magufuli.

Akifafanua zaidi, Rais Dkt. Magufuli, alisema katika vyuo vikuu, kuna Msikiti na Kanisa.

Alisema, hata alipokuwa anasoma Chuo Kikuu cha Dar es Salaam, kuna Msikiti ambao unatumiwa na madhehebu yote ya Kiislamu, wanaswalia kwa pamoja katika Msikiti huo.

Kwa upande wa Kanisa, Rais Dkt. Magufuli alisema madhehebu yote ya Kikristo, pia kuna Chapel (Kanisa) pamoja na tofauti ya madhehebu laikini wanawekeana utaratibu wa zamu za ibada, kwa maana wanaingia Wakatoliki (RC) wakimaliza wanatoka na kuingia dhehebu jingine mpaka madhehebu yote yanamalizika.

"Dodoma tunalishughulikia. 'Spirit (nia na dhamira) ile ile ya Chuo Kikuu (UDSM) ndio itaendelea UDOM". Alimaliza Rais Magufuli.
safi kabisa

Sent using Jamii Forums mobile app
 
Mpembakizinga

Mpembakizinga

Member
Joined
Sep 23, 2018
Messages
61
Likes
75
Points
25
Mpembakizinga

Mpembakizinga

Member
Joined Sep 23, 2018
61 75 25
Utawala huu sio rafiki kwa waislamu ingawa tunajiaminisha ni rafiki ili swala msikiti dodoma kuvunjwa liliwekwa wazi na mashehe wa bakwata walienda mbali mpaka jiwe la uzinduzi liliwekwa na mufti na wale mashehe ya bakwata wawili na wakataka Rais achukue hatua lakini mpaka Leo kimya
 
M

Mnyaluhala.

JF-Expert Member
Joined
Jul 28, 2012
Messages
421
Likes
395
Points
80
M

Mnyaluhala.

JF-Expert Member
Joined Jul 28, 2012
421 395 80
Hapa ndio mnadhirisha kuwa mlikuwa na nia ovu, mbona mnakomalia sana huo uhamisho utadhani hicho chuo ni madrasa na nyie ndio mliowaajiri hao walimu? Si waliapa kufanya kazi sehemu yeyote? Huko walikopelekwa sio vyuo vya serikali? Kama hawajaridhika waache kazi waajiliwe msikitini ieleweke moja. Kila sehemu na taratibu zake heshimuni mamlaka.
 
E

Eudorite

JF-Expert Member
Joined
Dec 28, 2014
Messages
1,096
Likes
659
Points
280
E

Eudorite

JF-Expert Member
Joined Dec 28, 2014
1,096 659 280
Mimi ninakaa Dodoma na Udom kila mara nipo kule kwa kiasi tunajua kitu gani kilikuwa kiktendeka wakati wa prof Kikula na prof Mlacha hakuna asiyejua hata Mkuu mwenyewe anajua kwamba kulikuwa na Udini ulio vuka mipaka.

Kama Waislamu wakitaka kujenga msikiti chuoni tena chuo cha Umma na Dini singine zikidai kujenga makanisa na mahekalu kuktakuwa kuna kusoma au kutangaza dini na madua.

Mbona chuo Kikuu cha st john hakuna msikiti na waislamu wamepewa sehemu nzuri tu ya kufanyia dua.

Mbona CBE hakuna msikiti wala makanisa na kila kitu kinakwenda vizuri bila shida.

Vyuo vyote dodoma havina misikiti wala makanisa isipokuwa chuo kikuu cha st johns na wao hilo kanisa lilikuwepo toka enzi za mkoloni kwa maana chuo hiko ilikuwa shule ya kanisa la Anglikani miaka za 1940 na baadaye kutaifishwa na kuwa shule ya sekondari mazengo na baadaye tena kurudishwa kanisa la Anglikani kwa St John university.

Haya yanayotokea UDOM ni dhambi ya prof Kikula na Prof Mlacha kuendeleza Uislamu katika Chuo hicho kikubwa Afrika mashariki na kati.

Narudia kusema Wailamu wengi walioajiriwa Udom waliajiliwa kimkakati wa kuwainua na kuwaendeleza Waislamu.

Sina uhakika lakini yalisemwa hapo Udom kwamba kuna fist lady mmoja naye anahusika sana na kupandikiza kwa makusudi/kimkakati Uislamu hapo Udom.

Ombi kwa serikali ni kuchuja na kufuatilia kikamilifu mienendo ya chuo kikuu cha Dodoma wakati wa prof kikula na Prof Mlacha (walikuwa ni zaidi ya Miungu watu Hapo chuoni kwa maana prof Mlacha alikuwa Mkuu wa Administration na Fedha na Kikula alikuwa ni Mkuu msaidizi wa chuo juu yake akiwepo Mh Mkapa).

Prof Mlacha ni Mpare. Wapare ni kabila dogo hapa nchini lipo kwenye wilaya moja tu. Lakini chunguza waajiriwa wapare hapo UDOM ndio utashangaa.

Sina chuki na mtu Ila ninachukia sana Ukabila na Udini unawafanya makabila na dini zingine kuwa wanyonge sana katika nchi yao.
Umesema yote nilotaka kusema.

Magufuli atakuwa analifahamu hili.

Siku ingine funguja zaidi. Hasa tuhuma za kurogana hukugusia ingawa mleta mada amejieleza jinsi walivyomshughulikia jamaa baada ya kuzuia ujenzi.

Sent using Jamii Forums mobile app
 
Mtu nisiyejulikana

Mtu nisiyejulikana

JF-Expert Member
Joined
Oct 11, 2017
Messages
932
Likes
434
Points
80
Mtu nisiyejulikana

Mtu nisiyejulikana

JF-Expert Member
Joined Oct 11, 2017
932 434 80
Hatushangai. Tunajua, baada ya dunia kuondoa ukomunist, kinachofuata kuondolewa na uislamu. Sishangai.

Nenda maofisi mengi ya umma, mikristo imejimilikisha. Nenda kwenye ufisadi, wakiristo mnangoza.

Watoto wetu shule za msingi na secondary, hawapewi haki zao za kujistiri na kufanya ibada. Wanaovaa mihijabu, huvuliwa. Wakienda kusali ijumaa, wenzao husomeswa. Hii ni kinyume na maagizo na miongozo ya serikali

Mnapoteza muda mwingi kupambana na mlichokaririshwa.

Hakuna muislamu anayeogopa, mitihani na chuki za kidunia.

Pambaneni ila hamtoshinda

Sent using Jamii Forums mobile app
Watu wanasali mara tano zote na zote wenzao wasisomeshwe wawasubiri

Duh
 
Chiwaso

Chiwaso

JF-Expert Member
Joined
Oct 21, 2009
Messages
5,126
Likes
2,800
Points
280
Chiwaso

Chiwaso

JF-Expert Member
Joined Oct 21, 2009
5,126 2,800 280
Watu wanasali mara tano zote na zote wenzao wasisomeshwe wawasubiri

Duh
Haizidi dk tano kila sala, ni sawa na wewe kwenda the next room kupiga soga.
Yeye anatumia muda wake kuchuma thawabu, wewe unatumia muda huu kujitayrishia mwisho wako mbaya haha kwa dunia.
 
ummtotomlito

ummtotomlito

JF-Expert Member
Joined
Aug 30, 2014
Messages
409
Likes
391
Points
80
ummtotomlito

ummtotomlito

JF-Expert Member
Joined Aug 30, 2014
409 391 80
Udom enzi zile kulikuwa na Utawala wa Kiislam mpaka kero. Namkumbuka yule mama Deputy Dean alikuwa mlemavu wa ngozi alikuwa mnoko kishenzi sijui bado yupo. Ujumlishe Prof Mlacha anakuambia Umenizid urefu na ujinga nakuzidi kila kitu mpaka mademu zako naku***a.

Sent using Jamii Forums mobile app
 
Meshe

Meshe

Senior Member
Joined
Nov 14, 2011
Messages
144
Likes
73
Points
45
Meshe

Meshe

Senior Member
Joined Nov 14, 2011
144 73 45
Mabadiliko ya uongozi wa chou tayari yameshafanyika. Kwa sasa hakuna uongozi wa juu!!
 
Josman willy

Josman willy

Member
Joined
Jul 22, 2013
Messages
70
Likes
27
Points
25
Age
30
Josman willy

Josman willy

Member
Joined Jul 22, 2013
70 27 25
Udom enzi zile kulikuwa na Utawala wa Kiislam mpaka kero. Namkumbuka yule mama Deputy Dean alikuwa mlemavu wa ngozi alikuwa mnoko kishenzi sijui bado yupo. Ujumlishe Prof Mlacha anakuambia Umenizid urefu na ujinga nakuzidi kila kitu mpaka mademu zako naku***a.

Sent using Jamii Forums mobile app
Mpaka madam mmoja alianzisha ... Kwa wadada
Hakuna kuvaa nguo fupi wala suruali sas
Suma wakawa wanawarukisha kwata na kuwarudisha wakabairishe hahahhah
Social and humanities hahahhahha

Sent using Jamii Forums mobile app
 

Forum statistics

Threads 1,262,329
Members 485,560
Posts 30,120,686