Umoja wa vyama 10 vya upinzani nchini Tanzania vimefungua kesi Mahakamani Kuu kupinga muswada wa sheria ya vyama vya siasa

Quinine

JF-Expert Member
Jul 26, 2010
19,782
2,000
Viongozi waandamizi wa vyama mbalimbali vya upinzani leo watazungumza na waandishi wa habari. Watazungumzia maazimio ya #Azimio la Zanzibar.

Muda: Saa tano kamili asubuhi

Eneo: Makao Makuu ya CHAUMMA, Makumbusho, Dar es salaam.

======

UPDATES;

Viongozi Waandamizi wa Vyama mbalimbali vya Upinzani ACT, CUF na CHAUMMA wamefungua kesi Mahakama Kuu ya TZ Kanda ya DSM kupinga muswada wa sheria ya vyama vya siasa kujadiliwa na Bunge kwa minajili ya kupitishwa kuwa sheria, kesi hiyo itatajwa kesho kwa mara ya kwanza.

Wanataka muswada wa vyama vya siasa ujadiliwe kabla ya kupitishwa kuwa sheria itakayozuia vyama hivyo visifanye mikutano ya hadhara.

Vyama mbadala tumefanya juhudi kupinga mswada huu, tumetoka matamko, tumeshirikisha nchi wahisahi, mashirika ya kimataifa, AZAKI hapa nchini na viongozi wa dini, hizi ndizo hatua tumechukua kupinga.

Serikali imepeleka bungeni muswada wa sheria ya vyama vya siasa unaohalalisha agizo la Rais Magufuli mkoani Singinga mwaka 2016 kuzuia mikutano ya vyama vya siasa na kufanya shughuli za kisiasa kuwa suala la jinai. - Zitto Kabwe.

Ni mswada unao kwenda kufifisha nguvu ya vyama vya siasa baada ya vyama vya siasa kuimalika na kuwa na uwezo wa kushindana kwa hoja.

Muswada huo unalenga kumfanya Msajili wa Vyama vya Siasa kuwa na Mamlaka ya Usimamizi (Regulatory Authority), na kuwa na mamlaka ya kuingilia shughuli za kiutawala na maamuzi ya ndani ya vyama vya siasa ikiwemo kusimamisha / kumfukuza mtu uanachama.


"Hatujajadili suala hili bungeni kama mnavyofahamu bunge limejaa wabunge wa CCM, na wabunge wa CCM wengi ni makasuku"- Kiongozi wa Chama ACT Wazalendo na Mbunge wa Kigoma Mjini, Zitto Kabwe.

"Walalamikaji (Applicants) kwa niaba ya vyama ni Waheshimiwa Joran Lwehabura Bashange, Salim Abdalla Rashid Bimani na Zitto Zuberi Kabwe. Mlalamikiwa (Respondent) ni Mwanasheria Mkuu wa Serikali."

Umoja wa vyama 10 vya upinzani nchini Tanzania vimefungua kesi Mahakamani Kuu ya Tanzania kupinga muswada wa sheria ya vyama vya siasa kujadiliwa na Bunge kwa ajili ya kuupitishwa kuwa sheria.

Kesi hiyo imefunguliwa Desemba 20,2018 ikitarajiwa kuanza kusikilizwa kesho Ijumaa Januari 4,2019 huku mlalamikiwa akiwa ni Mwanasheria Mkuu wa Serikali.

Akisoma tamko la umoja huo leo Alhamisi Januari 03, 2019, Kiongozi wa ACT- Wazalendo, Zitto Kabwe amesema muswada huo unakinzana na Katiba ya Tanzania ya mwaka 1977 hivyo ni muhimu kwao kuupinga.

Amesema muswada huo unalenga kuvikandamiza vyama vya siasa na kufanya shughuli zote za kisiasa kuwa jinai.

“Tunawaomba wanachama wetu wote kesho tufike kwa wingi mahakamani kusikiliza kesi hii, wanademokrasia waone kwamba hatujakaa tunachukua hatua,” amesema Zitto.
=========​
Imefunguliwa Mahakama Kuu ya Tanzania, case no. 31/2018 ipo mbele ya jopo la majaji 3, Sehel, J., Maghimbi, J., na Masoud, J.
 
For the English Audience
Senior leaders of various Opposition Parties ACT, CUF and CHAUMMA have filed a lawsuit at the Dar es Salaam branch of the High Court of Tanzania to oppose the Political Parties Bill which is to be debated by Parliament. The case was opened on December 20, 2018, and is expected to be heard tomorrow on Friday, January 4, 2019.

Applicants on behalf of the parties are the Honorable Joran Lwehabura Bashange, Salim Abdalla Rashid Bimani, and Zitto Zuberi Kabwe. The Respondent is the Attorney General and it will be heard in front of a panel of 3 judges, Sehel, J., Maghimbi, J., and Masoud, J.

They want the bill for political parties to be debated before being enacted into law that would prevent such parties from holding public meetings.

The bill aims to give the Registrar of Political Parties the authority to interfere with the administrative and internal decisions of political parties including suspending/expelling a member.

"We have not discussed this issue in parliament as you know the parliament is full of CCM MPs, and many CCM MPs are immature" - Leader of the ACT-Wazalendo Party and Kigoma Urban MP, Zitto Kabwe.

Reacting to the unanimous declaration today on Thursday, January 03, 2019, ACT-Azerbaijani leader Zitto Kabwe said the bill contradicts to the 1977 Constitution of Tanzania so it is important for them to oppose it.

He said the bill aims to repress political parties and criminalize all political activities.

Opened High Court of Tanzania, case no. 31/2018 is

Barieda

JF-Expert Member
Aug 13, 2018
1,440
2,000
Nafikir sasa ni muda kwa vyama vya upinzani kuwa na makao makuu ya pamoja ili kuimarisha umoja huo, kuliko kukaa ofisi za uchochoroni mnatia aibu, mkiwa katika ofsi halali inayojulikana Tanzania nzima hata vikao vyenu vitakuwa na uhalali wa kiwango kisicho cha kubughudhiwa, sababu kitaaminiwa.
 

Toa taarifa ya maudhui yasiyofaa!

Kuna taarifa umeiona humu JamiiForums na haifai kubaki mtandaoni?
Fanya hivi...

Umesahau Password au akaunti yako?

Unapata ugumu kuikumbuka akaunti yako? Unakwama kuanzisha akaunti?
Contact us

Top Bottom