nngu007
JF-Expert Member
- Aug 2, 2010
- 15,862
- 5,797
[h=1][/h]UJUMBE wa hatari unaotumwa kupitia ujumbe mfupi wa simu ya mkononi (sms) umenaswa na Serikali.
Tayari baadhi ya Watanzania wametumiwa ujumbe huo ambao unaeleza namna ambayo umefika wakati wa mikoa ya Kusini kuwa Taifa huru ambalo linaweza kujitegemea na kuhimizwa kutumwa kwa watu wengi zaidi ili kufanikisha mkakati huo.
Akizungumza kuhusu ujumbe huo jana, mkoani hapa, Waziri wa Mambo ya Ndani ya Nchi, Dk. Emmanuel Nchimbi, alisema Serikali haitakubali kuona kuna watu ambao hawaitakii mema Tanzania wanaotaka kuigawa na kwamba tayari wanaendelea kufanya uchunguzi ili kuwadhibiti wanaotuma ujumbe huo wenye lengo baya kwa Taifa.
Kuna ujumbe mfupi unaotumwa katika simu za mkononi, ambapo unazungumzia kuigawa Tanzania. Naamini kuna baadhi ya wananchi watakuwa wameupata, lakini ni vema nikaurudia ili waufahamu unavyoeleza, alisema Dk. Nchimbi.
Alinukuu ujumbe huo ambao unasema hivi: Mtwara kuanzia jiwe la mzungu Kilwa hadi Msimbati unapoishia Mto Ruvuma na Bahari ya Hindi Nanyumbu, Liwale hadi Kinjumbi inatosha kuwa nchi kubwa kuliko Burundi, Rwanda, Malawi Cape Verde, Botswana na zingine. Taifa letu litaiwa Tanzania ya Kusini.
Tumepeleke maombi ya kujitenga Umoja wa Mataifa tuwe nchi huru Kusini kutoka zamani tuko nyuma ya pazia, kunja pazia liwalo na liwe. Wao wao sisi kwa sisi, mbona Sudan wameweza kugawana nchi, tuma ujumbe huu kwa watu wengi uwezavyo kwa watu wa Kusini, ilisema sehemu ya ujumbe ambao Dk. Nchimbi alikuwa akiinukuu.
Hata hivyo, aliwahakikishia Watanzania kuwa Serikali imejipanga kikamilifu kuhakikisha watu wenye nia ya kuigawa nchi hii hawafanikiwi na ipo tayari kutumia nguvu zake zote ili kukomesha watu wenye nia mbaya na taifa hili.
Aliongeza kuwa kwa wale ambao watatumiwa ujumbe huo wanatakiwa kujibu kwa kuandika wrong number na kuongeza kuwa iwapo itatumwa meseji inayozungumzia namna ya kuwagawa Watanzania kwa aina yoyote unatakiwa kujibu hapo si mahala pale.
Dk. Nchimbi alisema pia iwapo watatokea watu ambao watafanya mikutano ya hadhara, lakini inaonesha nia ya kuwagawa Watanzania, wasikubali kusikiliza na badala yake waondoke eneo hilo kwani hiyo itamfanya huyo anayehubiri kuigawa nchi kukosa watu wa kumsikiliza lakini kama haitoshi bado wananchi wanatakiwa kumwambia kuwa hapo si mahala pake atatufute mahali pa kusemea hayo mambo yake.
Kuhusu ujumbe ambao unaashiria kuigawa nchi, alisema Serikali imejipanga na kutoa onyo ole wao ambao wanatumia simu za mkononi kuhatarisha amani ya nchi kwani watasakwa kokote walipo kwa maslahi ya taifa na kusisitiza wasijidanganye kwani hawataachwa.
ChANZO:JAMBOLEO.
