Uchambuzi Kitabu cha Mwinyi: Sitawasahau Maalim Seif, Mrema na Mtikila katika utawala wangu

[Tumbiliwaulaya]

Dar es Salaam. Rais mstaafu wa awamu ya pili, Ali Hassan Mwinyi ametaja baadhi ya viongozi wa vyama vya upinzani waliompa shida katika utawala wake akiwamo Katibu mkuu wa zamani wa CUF na baadaye mwenyekiti wa ACT Wazalendo, Maalim Seif Sharif Hamad.

Wengine ni Mwenyekiti wa TLP, Augustine Mrema na aliyekuwa Mwenyekiti wa DP, Mchungaji Christopher Mtikila. Mwinyi amebainisha hayo katika kitabu chake cha Mzee Rukhsa; Safari ya Maisha yangu kilichozinduliwa mwishoni mwa wiki na Rais Samia Suluhu Hassan.

Maalim Seif
Kupitia kitabu chake, Mwinyi amesema alianza kumfahamu Maalim Seif tangu wakati wa utawala wa aliyekuwa Rais wa Zanzibar, Alhaj Aboud Jumbe, kiongozi aliyeingia baada ya kifo cha Rais Abeid Karume mwaka 1972 na kumwibua Maalim Seif.

Mwinyi ameandika kuwa, Maalim Seif pamoja na vijana wengine walioibuliwa na Rais Jumbe, walikuwa wakijiita ‘Frontliners.’ Vijana hao walimgeuka baadaye, hivyo kumsababishia Jumbe kujiuzulu urais mwaka 1984.

Mbali na vijana, kundi la wazee wakati huo liliitwa ‘Liberators.’ Ametaja kikao cha Halmashauri Kuu ya CCM (NEC) kilichofanyika Januari 24-30, 1984 Dodoma kuwa kilihitimisha safari ya urais wa Jumbe baada ya kushtakiwa kuwa alitaka kubadili Katiba ya Zanzibar na kutaka Muungano wa Serikali tatu.

Mbali na kikao hicho, Mwinyi pia amezungumzia kikao kingine cha NEC cha mwaka 1982 alichosema kilikuwa kigumu sana, kwa kuwa licha ya kupangwakufanyika kwa siku mbili kilikaa kwa siku tano, huku wajumbe wengi kutoka Zanzibar wakidai kuwepo kwa uhaini unaofanywa kwa siri.

“Pamoja na kina Khatibu Hassan, kiongozi hasa wa mashambulizi dhidi ya Jumbe alikuwa Seif Sharif Hamad wakati huo akiwa mjumbe wa Kamati Kuu ya CCM na mkuu wa idara ya Uchumi na Mipango. Upande mwingine walijaribu kutetea lakini utetezi ulionekana hafifu.

“Cha kushangaza ni kuwa, leo hii Maalim Seif huyu huyu ndiye amegeuka kuwa kinara wa kudai Muungano wenye mfumo wa Serikali tatu zilezile alizomshambulia nazo Alhaj Abdoud Jumbe Mwinyi,” anasema Mwinyi.

Hatimaye, Alhaji Jumbe alijiuzulu nafasi yake kwenye chama na Serikali Januari 29, 1984, kisha Mwinyi akateuliwa kushika nafasi yake kama Rais wa Zanzibar kabla ya kufanyika uchaguzi baadaye alipochaguliwa rasmi na Maalim Seif akateuliwa kuwa Waziri Kiongozi wa Zanzibar.

Chokochoko za Maalim Seif
Akiendelea kumwelezea Maalim Seif katika kitabu hicho, Mzee Mwinyi ameandika kuwa mwaka 1985 wakati wa Uchaguzi Mkuu, Maalim Seif aliyekuwa Waziri Kiongozi alijitokeza kugombea urais wa Zanzibar sambamba na aliyekuwa Spika wa Baraza la Wawakilishi, Idrissa Abdulwakil.

Rais mstaafu wa awamu ya pili, Ali Hassan Mwinyi
Hata hivyo, ilitarajiwa Maalim Seif ambaye wakati huo alikuwa na miaka 42 amwachie Abdul wakil aliyekuwa na miaka 60, lakini haikuwa hivyo.

“Maalim Seif akakataa kujitoa, ikabidi wapigiwe kura za uteuzi wa ndani ya chama, alipata asilimia 80 ya kura kutoka kwa wajumbe wa Pemba na Sheikh Idriss Abdulwakil akapata kiasi hicho cha kura upande wa Unguja ila akamzidi idadi ya kura, hivyo ndiyo akawa mgombea urais wa Zanzibar,” anasema Mwinyi.

Hata hivyo, baada ya uchaguzi kufanyika, anasema matokeo yalionyesha kuwa wajumbe wa Pemba hawakufurahishwa na ushindi wa Abdulwakil.

Hivyo ili kuwaunganisha Wazanzibari iliamuliwa kuwa Maalim Seif aendelee kuwa Waziri Kiongozi.

Katika hali hiyo, Maalim Seif aliendeleza chokochoko kwa Rais Abdulwakil.

“Chokochoko zilianza kusikika tangu Julai 1987. Kilele cha kutoelewana baina yao kikafikiwa Januari 1988 na ikabainika kulikuwa na mpango wa Maalim Seif na Wizara ya Mambo ya Ndani nikampeleka Wizara ya Kazi, Maendeleo ya Vijana na Michezo, pamoja na kuondosha hicho cheo cha Naibu Waziri Mkuu.

“Jambo hilo lilimkera sana na akazua visa kimoja baada ya kingine. Ilipofika mwaka 1995 aliona wazi kuwa hakuna uwezekano wa kugombea urais kupitia CCM.

Akaamua kujiuzulu uwaziri na kisha baada ya mwezi mmoja akahamia mojawapo ya vyama vya upinzani, NCCR Mageuzi kilichokuwa kinaongozwa na Mabere Marando,” anaeleza Mwinyi.

Akikichambua chama hicho, Mwinyi anasema kilijaa wasomi hasa wa sheria, lakini hawakuwa na uzoefu wa siasa, hivyo walimwona Mrema ni kivutio cha siasa zao.

Amewataja baadhi ya waliokuwa makada wa chama hicho mbali na Marando kuwa ni pamoja na Makongoro Nyerere (sasa amehamia CCM), James Mbatia, Masumbuko Lamwai na Prince Bagenda.

“Kuhama kwa Mrema na kusimama akiwa mgombea urais kupitia chama cha upinzani kulitusumbua sana kwenye CCM,” anaeleza Mwinyi.

Anakumbusha mkutano wa kumtambulisha Mrema uliofanyika Machi 25, 1995 Uwanja wa Mnazi Mmoja jijini Dar es Salaam.

“Uwanja ulijaa watu wakiwamo baadhi ya wana CCM waliorudisha kadi zao za chama na kumjaza Mrema matumaini ya kushinda na kufikia ndoto yake ya kuwa Rais wa Tanzania,” ameandika.

Mchungaji Mtikila Miongoni mwa wanasiasa wanaotajwa kuwa mwiba kwa Mwinyi ni Mchungaji Christopher Mtikila aliyekuwa mwenyekiti wa Chama cha DP.

Mwinyi amemtaja Mtikila kuwa alimkera zaidi katika eneo la chuki za kidini. “Mmojawapo wa watu waliokuwa mwiba kwangu alikuwa Mchungaji Christopher Mtikila. Kati ya watu waliokuwa na chuki dhidi ya Waislamu alikuwa huyu bwana,” ameandika Mwinyi.

Ameeleza jinsi alipomteua aliyekuwa Waziri wa Elimu, Profesa Kigoma Malima, Mtikila alimshambulia. “Mchungaji Christopher Mtikila alinishambulia sana kwa lugha isiyostahili kabisa, mtu anayesema ni kiongozi wa dini.

Ni kweli walikuwepo pia baadhi ya maaskofu waliopata wasiwasi kuona nimemteua Muislamu kuwa Waziri wa Elimu, lakini Mtikila alikuwa katika ligi ya peke yake,” ameandika Mwinyi.

Pia, ameeleza kuwa Mtikila alimwandikia barua Mwalimu Nyerere (Julius) katika mkutano mkuu wa Taifa wa CCM wa mwaka 1987 akidai kuwa Serikali inanyanyasa Wakristo, jambo alilosema lilikuwa la uongo na uzandiki.

UCHAMBUZI WA KITABU: Mwinyi hatawasahau Maalim Seif, Mrema na Mtikila katika utawala wake

 

[technically]

Maalim Seif atabaki kama jabari la siasa za Zanzibar milele na milele.

 

[Hechinodemata]

Du Maalim seif ndoto yake kubwa ilikua ni kua rais wa zanzibar, Mumemzulumu mzee wa watu mpaka kafa bila kutikiza ndoto yake ya kuingia ikulu.

 

[mtu kitu]

Kayatoa keshafariki, hamna jinsi ya kujitetea, tutatoa hukumu ya upande mmoja tu! 🤔

 

[mrangi]

Mrema ilikuwaje tena

Ova

 

[dos.2020]

Hayajaeleza jinsi ya ndoto yake ya muda mrefu ya kumuandaa mpaka kumfanikishia mwanawe kuwa raisi wa Zanzibar?

Na je vipi kuhusu ushiriki wake wa kupindua matokea ya uchaguzi kwenye kila chaguzi kule Zanzibar?

 

[St Lunatics]

Naona kitabu kinamsema Maalim Seif kinafiki wakati mwenyewe hayupo duniani tena ili ajitetee. Hivi Mwinyi hakupata shida kutoka kwa Nyerere?

 

[St Lunatics]

Hayajaeleza jinsi ya ndoto yake ya muda mrefu ya kumuandaa mpaka kumfanikishia mwanawe kuwa raisi wa Zanzibar?

Na je vipi kuhusu ushiriki wake wa kupindua matokea ya uchaguzi kwenye kila chaguzi kule Zanzibar?

Watu wafupi wakorofi na wana roho mbaya sana

 

[mwita ke mwita]

tutakitafuta tusome, by the way Mengi alizindua Kitabu, Mkapa alizindua kitabu, Profesa Kanywayi alizindua kitabu, mtu akizindua kitabu cha maisha yake mwaka hauishi

 

[denooJ]

Hili wazo la serikali tatu kumbe lilikuwepo siku nyingi, inakuwaje mpaka leo bado halijatekelezwa, huu ukweli iko siku wataukubali tu, kitendo cha Seif kuzikataa serikali tatu halafu baadae akaja kuzikubali tuzeme ndio hadaa ya wapinzani au ni kweli alikuja kujua umuhimu wake baadae!.

Kuhusu hilo la Seif kutaka kugombea Urais akishindana na Idrisa Abdulwakil, naona huo ndio ulikuwa mwanzo wa Seif kuanza kuibiwa kura Zanzibar, Mwinyi anasema Seif alipata kura 80% toka kwa wajumbe wa Pemba na Abdulwakil akapata 80% kwa wajumbe wa Unguja, ila Abdulwakil akamzidi Seif idadi ya kura.

Kwanini hawakuweka mpangilio mzuri wa kuhesabu hizo kura, kama wakiona kuweka percentage ingeleta matatizo basi wangetangaza mshindi kwa idadi ya kura alizopata, kama ni 77/78 ijulikane, kuliko kuweka mpangilio wa asilimia ambao mwishowe ukazua mgogoro, naona wajumbe wa Pemba walikuwa na haki ya kulalamila.

Mwishowe kabisa Mtikila na udini, hapa ningependa Mwinyi aende deep zaidi, kutumia kigezo cha kumteua Profesa Kighoma Malima Waziri wa Elimu pekee sitaki kuamini moja kwa moja kama ndio ilikuwa sababu ya Mtikila kupiga kelele, naamini kuna mengine Mwinyi kayaficha hapa, angekuwepo Mtikila leo angetuelezea upande wake.

 

[dos.2020]

Naona kitabu kinamsema Maalim Seif kinafiki wakati mwenyewe hayupo duniani tena ili ajitetee. Hivi Mwinyi hakupata shida kutoka kwa Nyerere?

Hataki kuharibu Legacy yake kwa wana CCM wenziwe

 

[Benjamini Netanyahu]

Maalim Seif atabaki kama jabari la siasa za Zanzibar milele na milele.

Sure

 

[Benjamini Netanyahu]

Kitabu cha hovyo kimejaa mipasho ya taarabu hata bure sitaki tena

 

[mulwanaka]

Tatizo kubwa la uandishi wa vitabu vya wana siasa ni ku edit sana content ili ipendeze kwa Serikali iliopo madarakani, uongo ni mwingi......na ukweli una achwa makusudi, sidhani kama Mwinyi kagusia lile jamba la kushauliwa kumfunga Nyerere, baada ya Nyerere kujutia kumpa madaraka ya uraisi.

 

[Benjamini Netanyahu]

Tatizo kubwa la uandishi wa vitabu vya wana siasa ni ku edit sana content ili ipendeze kwa Serikali iliopo madarakani, uongo ni mwingi......na ukweli unaacha makusudi, sidhani kama Mwinyi kagusia lile jamba la kushauliwa kumfunga Nyerere, baada ya Nyerere kujutia kumpa madaraka ya uraisi.

Hawezi kusema hayo maana atanyima pension

 

[denooJ]

Tatizo kubwa la uandishi wa vitabu vya wana siasa ni ku edit sana content ili ipendeze kwa Serikali iliopo madarakani, uongo ni mwingi......na ukweli una achwa makusudi, sidhani kama Mwinyi kagusia lile jamba la kushauliwa kumfunga Nyerere, baada ya Nyerere kujutia kumpa madaraka ya uraisi.

Kama wewe unalijua hebu tuwekee kwa ufupi tulijue na sie, huo mchezo ulikuwaje?

 

[Fundi Mchundo]

Kighoma Malima alikuwa mdini sana. Alipokuwa Waziri wa Elimu alifanya purge ya mabosi wa misheni. Na wakati huo huo zikaenea rumours kuwa maksi za waislamu wanapewa wamisheni ili kuwanyima nafasi waislamu! Cha ajabu ni kuwa wakati huo zilikuwa zinatumika namba ambazo zilifanya utambuzi wa dini ya mwenye maksi kuwa mgumu. Hata chama cha NRA alichojiunga baada ya kutoka CCM kilikuwa kina harufu kali ya udini.

Mtikila nae kweli alikuwa mdini. Yeye alijiona kama yuko katika mapambano kutetea ukristu na wakristu. Kwa mfano alipigia sana kelele zuio la matumizi ya shule za serikali kwa mambo ya ibada. Alikuwa pia mbaguzi wa rangi.

Amandla....

 

[Elvis Legacy]

Tatizo kubwa la uandishi wa vitabu vya wana siasa ni ku edit sana content ili ipendeze kwa Serikali iliopo madarakani, uongo ni mwingi......na ukweli una achwa makusudi, sidhani kama Mwinyi kagusia lile jamba la kushauliwa kumfunga Nyerere, baada ya Nyerere kujutia kumpa madaraka ya uraisi.

Tueleze namna ilivyokuwa mkuu.

 

[libeva]

Kighoma Malima alikuwa mdini sana. Alipokuwa Waziri wa Elimu alifanya purge ya mabosi wa misheni. Na wakati huo huo zikaenea rumours kuwa maksi za waislamu wanapewa wamisheni ili kuwanyima nafasi waislamu! Cha ajabu ni kuwa wakati huo zilikuwa zinatumika namba ambazo zilifanya utambuzi wa dini ya mwenye maksi kuwa mgumu. Hata chama cha NRA alichojiunga baada ya kutoka CCM kilikuwa kina harufu kali ya udini.

Mtikila nae kweli alikuwa mdini. Yeye alijiona kama yuko katika mapambano kutetea ukristu na wakristu. Kwa mfano alipigia sana kelele zuio la matumizi ya shule za serikali kwa mambo ya ibada. Alikuwa pia mbaguzi wa rangi.

Amandla....

Magabachori walipata shida kipindi cha Mchungaji Mtikila.

 

[denooJ]

Kighoma Malima alikuwa mdini sana. Alipokuwa Waziri wa Elimu alifanya purge ya mabosi wa misheni. Na wakati huo huo zikaenea rumours kuwa maksi za waislamu wanapewa wamisheni ili kuwanyima nafasi waislamu! Cha ajabu ni kuwa wakati huo zilikuwa zinatumika namba ambazo zilifanya utambuzi wa dini ya mwenye maksi kuwa mgumu. Hata chama cha NRA alichojiunga baada ya kutoka CCM kilikuwa kina harufu kali ya udini.

Mtikila nae kweli alikuwa mdini. Yeye alijiona kama yuko katika mapambano kutetea ukristu na wakristu. Kwa mfano alipigia sana kelele zuio la matumizi ya shule za serikali kwa mambo ya ibada. Alikuwa pia mbaguzi wa rangi.

Amandla....

Kwahiyo hapa tuseme ni Mwinyi ndio alikuwa mdini au Kigoma Malima? naona hapa unamaanisha Mwinyi alilaumiwa na Mtikila kwa udini kwasababu ya matendo ya Kigoma Malima akiwa waziri wa elimu.

Kuhusu tuhuma za Mtikila kuwa mbaguzi wa rangi nakubaliana nawe, kipindi fulani alifanya neno "gabachori" ukawa msemo maarufu sana.