Mkuu,
Economics key fundamental definition is how we managed our resources. This is why economics is called the father of all social science subjects. Sasa kwakuwa tunajiuliza vipi tunazitawala resources zetu basi ndio akina Karl Max, Smith, Ricardo and others wakaja na mifumo mbali mbali mikuu inayotambulika ni ubepari kwa maana ya kutoa fursa zaidi kwa sekta binafsi kusimamia utawala wa rasilimali zetu na ujamaa unaosema ni serikali na vyombo vinavyosimamiwa na serikali ndio vina mamlaka ya kusimamia rasilimali zetu.
Changamoto zilizojitokeza kwa muda wa karne mbili ni kwamba mifumo hii imeonekana inachangamoto zake. Ila kubwa ni kwamba mifumo yote inaendeshwa kwa misingi ya kutokuwa na utu na usawa pamoja na uwazi kwa maana ya Transparency. Na hapo ndio wasomi wengine akina Lloyd Metzer, Mohsin Khan walipendekeza kuwepo na economic model nyengine ambayo inao uwezo wa kuzuia mapungufu yanayotokana na mfumo wa ubepari na kijamaa.
Na hawa hawakupata msingi isipokuwa walifuata nyayo za akina Joseph Spengler, na Joseph Schumpeter. Nao hawa walitoa mawazo kutoka kwa akina Ibn Taymiyaah, Ibn Miskawayh, Imam Al-Ghazal, Imam Nawawi, na wengineo wengi. Na hawa walitoa kutoka kwa wanazuoni kama Imam Abu Hanifa, Imam Maliki na Imam Shafii (Mmungu awarehemu na awalipe kwa jitihada zao na sisi pia atupe).
Sasa kwanini nasema Islamic Economics na sio Modified Socialism or Capitalism. Hii ni kwasababu any model iliyopo inategemeana sana na utility ya model kufikia malengo husika. Changamoto iliyonayo mfano Capitalism ni kwamba msingi wake mkuu ni kuhamasisha sekta binafsi. Sasa kama unahamasisha sekta binafsi ni lazima uweke mazingira ya kuwawezesha sekta binafsi na hapo ndio unaanza kuingia katika matatizo. Mfano sekta binafsi watataka fursa za pesa za kibenki. Lakini, benki nazo zinatakiwa zipate faida na hivyo basi itabidi sekta za binafsi zipewe fursa kwa mujibu wa taratibu za kibenki. Ikiwa itakuwa ngumu inamaana serikali itabidi iwe inatoa msaada kidogo kuwasaidia sekta binafsi zikue na hivyo basi itabidi iwakamue wanyonge kuchangia katika fuko la nchi. Na kwa maana hivyo utakuwa unawanufaisha wachache kwa kuwakamua wengi wanyonge.
Tukija kwenye mfumo wa ujamaa nao pia una changamoto zake. Mojawapo ni mzigo mkubwa wa matumizi ya serikali. China wamejaribu kuweko mfumo wao wa kibepari na ujamaa. Imewasaidia kuweza kubalance baina ya sekta binafsi na jukumu la serikali kuhudumia jamii. Ila China changamoto waliyonayo ni kuwa ndani ya mfumo huo wa kijamaa umetengeneza tabaka la watawala ambao wamekuwa wakitumia sekta binafsi kutafuna hela za serikali na kuzitorosha nje ya nchi. Kama mtakumbuka kuna kesi mmoja inamhusisha jamaa mmoja mwingereza na mama wa kichina. Jamaa aliuwawa Beijing ikasemekana alijua kumbe walirushana hela kati ya mwanamke na yule bwana. Ilipokuja kuchunguzwa iligundulika yule dada alikuwa mke wa kigogo au waziri fulani kule china na matokeo yake akawa amesimamishwa na kufunguliwa kesi.
Sasa utakuta kuwa Islamic Economics imebakia katika mfumo wa kiuchumi ambayo ni ngumu kutekelezeka but ndio solution katika mfumo wa kiuchumi wa dunia hii. Islamic Economics inagusa kote katika ubepari na ujamaa ila kuna la ziada nalo uwazi, jukumu la pamoja na kufanya kazi kwa kufuata misingi fulani ya kiungu. Naomba ieleweke hapa simaanishi watu wakasali msikitini bali la hasha. Ninachomaanisha mfumo wa kiuchumi umeundwa na kitabu kitakatifu cha quran inamaana unachokifanya lazima kiendane na mifumo ya msingi iliyojengwa na Quran pamoja Sunna za bwana mtume SAW.
Jamani nimetumia muda wa kutosha kwa leo Nilikuwapo!
