Tuwapongeze Wabunge hawa wa CCM wampa makavu Waziri wa Fedha. Ndassa asema Waziri huwa ana kiburi na si msikivu


Hivi punde

Hivi punde

JF-Expert Member
Joined
Apr 1, 2017
Messages
1,763
Likes
4,226
Points
280
Hivi punde

Hivi punde

JF-Expert Member
Joined Apr 1, 2017
1,763 4,226 280
Spika wa Bunge, Job Ndugai amewapa rungu wabunge wa CCM akiwataka wafunguke wakati wa mijadala na si kusimama na kupongeza tu.

Spika alitoa kauli hiyo jana wakati wa kujadili mapendekezo ya mpango wa maendeleo wa Taifa kwa mwaka 2018/19 na mwongozo wa maandalizi ya mpango na bajeti kwa mwaka 2018/19.

Kauli ya Spika ilitokana na mchango wa Peter Serukamba (Kigoma Kaskazini –CCM) ambao kwa kiasi kikubwa ulionyesha namna hali ya uchumi si nzuri na kutoa takwimu zinazoonyesha kushuka kwa uchumi nchini.

“Katiba iliweka utaratibu kwamba mipango ya nchi itapita hapa kwanza ninyi muijadili. Halikuwekwa hivyo kwa bahati mbaya. Liliwekwa hivyo ili nyinyi mseme kwa niaba ya wananchi,” alisema Spika.

Alisema, “Katika mambo ya msingi kama haya fungukeni. Msijifunge funge hapo ooh mimi CCM. CCM haitaki mipango mibovu. Ni wakati wenu wa kusema tumsaidie waziri na tuisaidie Serikali ili tusonge mbele.”

Huku akipigiwa makofi na wabunge wa upinzani na wale wa CCM, Spika alisema “Na unapoomba nafasi ya kusema hapa uwe umejiandaa. Si ile tu naunga mkono nafanya hivi unakaa chini”.

Wabunge wawili wa CCM, Hussein Bashe wa Nzega na Serukamba jana walivaa ujasiri na kueleza waziwazi kuwa uchumi uko hatarini kuporomoka, huku Kiongozi wa Kambi Rasmi ya Upinzani Bungeni, Freeman Mbowe yeye alienda mbali na kudai Serikali inatoa taarifa za uongo, akisisitiza uchumi hautajengwa kwa mtutu wa bunduki, ubabe na vitisho.

Katika mchango wake, Serukamba ambaye alionekana kama kuwafungulia njia wabunge wa CCM, alisema mipango yote mitatu ni kama imeigizwa akitumia neno la ‘copy and Paste’.

“Ukipitia yote wamebadilisha lugha lakini kinachosemwa ni kilekile. Deni la Taifa linapanda kwa Sh4 trilioni kwa mwaka. Maana yake tumeamua kama Serikali kila kitu kinafanywa na Serikali,” alisema.

“Hatuwezi kuendelea. Halipo Taifa duniani ambalo kila kitu wanajenga kwa fedha za Serikali. Tumekwenda Moscow uwanja wa ndege wa kimataifa umejengwa na mtu binafsi.”

Serukamba alisema Serikali inasema inatekeleza miradi kwa ubia na sekta binafsi (PPP), lakini katika kitabu cha waziri wa Fedha na Mipango, Dk Philip Mpango hakuna mradi ulioonyeshwa.

“Serikali hii haiamini katika sekta binafsi. Nataka Bunge hili tukubaliane Waziri wa Fedha atuambie, Serikali hii haikubaliani na Sekta binafsi. Kama tumerudi kwenye ujamaa tuambiane,” alisema.

“Namuonea huruma sana Rais. Anahangaika lakini wenzake hawamwambii ukweli. Humu ndani waziri anaongelea kukusanya kodi peke yake. Tunakusanya kodi kwa nani?”

“Leo mabenki yanakufa. Mabenki yote yanaonyesha kushuka kwa faida. Hata mabenki makubwa. Hata uchumi unaofanya vizuri tunaangalia ufanisi wa sekta ya mabenki na ufanisi wa soko la mitaji”

“Nchi ni yetu sote. Haiwezekani viwanja vya ndege tujenge kwa pesa zetu, reli tujenge kwa pesa zetu, umeme pesa zetu, barabara kwa pesa zetu sisi ni nani. Dunia yote imeenda kwenye sekta binafsi”

“Leo ukienda kwenye mabeki kila kitu kimeshuka. Personal lending (mikopo kwa wafanyakazi) mwaka 2015 ilikuwa asilimia 25.5 leo ni asilimia 8. Mikopo ya biashara mwaka 2015 ilifika asilimia 24.6 leo ni asilimia tisa 9.”

“Hakuna anayesema na tukisema utaanza kupewa majina. Mambo hayako sahihi kwa sababu moja tu, mpango wetu wa mwaka huu ndiyo wa mwaka jana na ndio wa mwaka juzi,” alisisitiza Serukamba.

Akizungumzia hilo, Bashe alisema vigezo vya kupima uchumi wowote duniani una kioo na kioo cha uchumi wowote unaokua au kusinyaa au unaoshuka ni taasisi za fedha, biashara na soko la mitaji.

Alisema mikopo kwa watu binafsi imeshuka hadi asilimia 8.9 mwaka huu kutoka asilimia 25 za mwaka 2015 huku mikopo ya kibiashara nayo ikishuka hadi asilimia tisa kutoka 24 za mwaka 2015.

“Na maneno haya siyatoi pengine ni report za BoT (Benki Kuu ya Tanzania) inayoishia Juni mwaka huu. Kilimo leo ni negative 9 (hasi) kutoka asilimia sita. Manufacturing kutoka asilimia 30 hadi tatu,” alisema.

“Uchumi wetu unasemwa unakua kwa asilimia 6.8 lakini taarifa ya mwisho niliyonayo inasema asilimia 5.7,” alisema Bashe huku akisisitiza kuwa Serikali haijajipanga katika kutekeleza mpango huo.

“Waziri katika kitabu chake hiki anasema watafanya uhimilishaji wa mifugo 459,000 na tunapanga kuzalisha hay (majani ya ng’ombe) 445,000 kitakwimu hay moja ina uzito wa kilo 25”.
“Chakula hiki ukikigawa kwa siku 365 kinalisha ng’ombe 1,600 tu. Huku unapanga kuzalisha ng’ombe 400,000 lakini unaandaa chakula cha kulisha ng’ombe 1,600?”alihoji Bashe.

Alisema mapinduzi ya viwanda hayawezekani bila kuwekeza katika sekta ya kilimo na kwamba, Serikali inajaribu kudhibiti mfumuko wa bei kwa kuwatia umasikini wakulima.

“Yaani tunadhibiti mfumuko wa bei kwa kumtia umasikini mkulima. Aina gani za economy (uchumi) hizi? Waziri amejikita kwenye kodi tu badala ya kujikita kwenye uzalishaji,” alisema.

Bashe alisema katika kitabu chake, waziri Mpango ameeleza namna miradi itakavyofaliwa kuwa ni pamoja na kuboresha mashine za kielektroniki (EFD) na kuanzisha maabara ya TRA.

“Haumsikii akisema tutawekeza bilioni moja kwenye kilimo cha mahindi ili tuweze kupata. Huwezi kukamua maziwa ng’ombe usiyemlisha,” alisema Bashe.

Alisema, “VAT (Kodi ya Ongezeko la Thamani) na PAYE (lipa kadri unavyopata) zimeshuka yeye anasema ni kwa sababu kampuni zimepunguza wafanyakazi.”

Bashe alisema katika kamati ya bajeti walimshauri Waziri Mpango kutoongeza kodi katika viwanda vya bia na vinywaji baridi kwa vile ingepunguza uwezo wa uzalishaji lakini hakuwasikiliza.

Akichangia katika hilo, Mbowe aliwapongeza Serukamba na Bashe kwa kuwa wa kweli na kueleza kuwa wabunge hawataisaidia nchi kama watakuwa wanafiki na kusema wataisaidia kwa kuikosoa pale inapofaa kuikosoa.

“Tutaisaidia nchi hii kwa kuwa wa kweli na kukosoa katika mambo ambayo ni lazima. Tupongeze pale panapostahili. Tusipoikemea Serikali na kuiambia ukweli,” alisema.

Mbowe alisema, “Kwamba wale wanaosema ukweli wanastahili kufa, wale wanaoikosoa Serikali wanastahili kuumizwa hatutafika. Chama chochote cha siasa kikifikia mahali pa kutotaka ushauri lazima kife.”

“Maumivu yanapotokea kwa wananchi ninyi CCM ndio mnawajibika kuanzia Rais, mawaziri na wabunge wa CCM. Ninachoona kinafanyika kwa juhudi sana ni kuirudisha nchi kwenye Ujamaa,” alisema Mbowe.

Alisema, “Mahusiano kati ya Serikali na Sekta binafsi sio mazuri. Hatutajenga uchumi wa nchi hii kwa mtutu wa bunduki. Hatujengi uchumi wa nchi hii kwa ubabe na vitisho. Ni lazima Serikali itambue kuwa sekta binafsi ndio injini ya uchumi na serikali ni bodi. Hakuna taifa lolote limeendelea duniani kwa kuipuuza sekta binafsi.”

Alisema, “Hakuna Taifa lolote duniani liliendelea kwa kufikiria sekta binafsi ni wezi. Kufanya biashara nchini hii chini ya awamu ya tano ni kiama. Wafanyabiashara wote wa ndani na nje wanalia.”

“Leo Rais anahimiza viwanda ili mwaka 2025 iwe nchi yenye uchumi wa kati. Huwezi kujenga viwanda kwa kutegemea soko lako la ndani ni lazima utegemee masoko ya nchi jirani. Lazima tufungue mipaka Lakini ukitizama mahusiano yetu na nchi za Afrika Mashariki tunafunga mipaka. Tunachoma vifaranga, tunapiga mnada ng’ombe za watu,” alisema.

“Kuna suala la utawala bora. Ukizungumza na kuchambua uchumi leo unashitakiwa . Sisi wapinzani tufanye nini? Serikali inatoa takwimu za uongo. BoT inatoa takwimu zinazotofautiana na za wizara”

“Kama tusipojipa ujasiri wa kuikosoa Serikali pale inapobidi, msiba utatuumbua. Hali yetu ya uchumi ni ngumu. Uchumi si Fly Over au Bambadier sita. Uchumi ni kipato kwa wananchi wa kawaida,” alisema Mbowe.

“Watanzania wanazidi kuwa masikini na kundi dogo ndio linaona kukua kwa uchumi wa taifa. Kukua kwa uchumi tunakoambiwa hakuoani na maisha ya watanzania. Watanzania wanazidi kuwa masikini”

Hata hivyo, katika mchango wake, Mbunge wa Sumve (CCM), Richard Ndassa alimtaka waziri Mpango kuacha tabia yake ya kiburi (arrogance) kwa vile tabia hiyo haisaidii Serikali.

“Sina uhakika hata kama simu za wabunge unapokea. Jitahidi kusikiliza kamati za bajeti. Ukiendelea hivyo iko siku utakwama na utakaporudi kwetu na sisi hatutakusikiliza,” alisema.

“Wewe si msikivu kwa wabunge. Jaribu kubadilika sisi wote tuko kwenye boti moja na hakuna ambaye anataka kutoboa boti. Sisi ni wabunge wenzako. Sikiliza ushauri,”.

Mjadala huo utaendelea hadi Jumatatu ijayo na baadaye Bunge litaingia katika kupokea miswada mbalimbali ukiwamo muswada wa kuanzisha Wakala wa Meli Tanzania wa mwaka 2017.

Chanzo: Mwananchi
 
Bowie

Bowie

JF-Expert Member
Joined
Sep 17, 2016
Messages
3,463
Likes
4,623
Points
280
Bowie

Bowie

JF-Expert Member
Joined Sep 17, 2016
3,463 4,623 280
Hali ni mbaya kwa CCM 2020 kwasasa kila mbunge anabeba msalaba hakuna tena cha Ilani ya CCM katika masuala yanayohusu uchumi wa Tanzania
 
likandambwasada

likandambwasada

JF-Expert Member
Joined
May 27, 2015
Messages
5,463
Likes
5,833
Points
280
likandambwasada

likandambwasada

JF-Expert Member
Joined May 27, 2015
5,463 5,833 280
KWELI WAZIRI MPANGO NI KIBURI
 
uvugizi

uvugizi

JF-Expert Member
Joined
Oct 13, 2012
Messages
1,112
Likes
376
Points
180
uvugizi

uvugizi

JF-Expert Member
Joined Oct 13, 2012
1,112 376 180
kwa nini hatutoki, kwa sababu watu wengi hatujui kutoka , na kwa nini hatujui kutoka , kwa sababu tumemuacha Mungu . tukimrudia Mungu kwa maana ya speaker wa bunge Mlokole , raisi mlokole, jaji mlokole, waziri mkuu pia.

Leo hii tuna watu wanaomtii Mungu lakini sio wanaomuhofu Mungu , Ukimtii Mungu utatii alichoandika tu lakini ukimuhofu Mungu utasikiliza hadi sauti yake kama Musa
 
Bowie

Bowie

JF-Expert Member
Joined
Sep 17, 2016
Messages
3,463
Likes
4,623
Points
280
Bowie

Bowie

JF-Expert Member
Joined Sep 17, 2016
3,463 4,623 280
Wakulima wanashindwa kuuza mahindi Kenya na kwa shirika la WFP kwa amri za ajabu. Leo Zambia ndio wamekuwa wauza mahindi wakubwa badala ya Tanzania. Kwanini ghala ya serikali haikununua mahindi kutoka kwa badala ya kuacha mahindi yakioza kwenye maghala ya wakulima..
 
M

MENGELENI KWETU

JF-Expert Member
Joined
Oct 23, 2013
Messages
7,506
Likes
16,579
Points
280
M

MENGELENI KWETU

JF-Expert Member
Joined Oct 23, 2013
7,506 16,579 280
Rais amuondoe huyu Waziri wa Fedha..
Amefeli kabisa.
 
Mudawote

Mudawote

JF-Expert Member
Joined
Jul 10, 2013
Messages
5,814
Likes
4,344
Points
280
Mudawote

Mudawote

JF-Expert Member
Joined Jul 10, 2013
5,814 4,344 280
Ngoja nikuitie Mkuu...

Mudawote

Moshivijijini

tramadol

stroke

Graph

cocochanel
Hao wabunge wametumwa, hawana cha maana zaidi ya unafiki, eti wanajidai kusema eti rais kakosa wasaidizi, unajua huo unafiki wa hao wabunge serikali inaujua na ndiyo maana haiwezi kuteteleka, itatekeleza sera zenye tija kwa maendeleo ya watanzania na siyo kupenyeza ajenda za kufaidisha mafisadi na wezi.

Sekta binafisi kwa sehemu kubwa ilitawaliwa na uchumi hewa, kilikuwa kichaka cha kuibia serikali
 
P

Precise Pangolin

JF-Expert Member
Joined
Jan 4, 2012
Messages
12,397
Likes
2,348
Points
280
P

Precise Pangolin

JF-Expert Member
Joined Jan 4, 2012
12,397 2,348 280
Wewe utakuwa mlevi wa wanzuki au mbege au kangala. Hao wabunge wametumwa, hawana cha maana zaidi ya unafiki, eti wanajidai kusema eti rais kakosa wasaidizi, unajua huo unafiki wa hao wabunge serikali inaujua na ndiyo maana haiwezi kuteteleka, itatekeleza sera zenye tija kwa maendeleo ya watanzania na siyo kupenyeza ajenda za kufaidisha mafisadi na wezi. Sekta binafisi kwa sehemu kubwa ilitawaliwa na uchumi hewa, kilikuwa kichaka cha kuibia serikali
Wametumwa na mumeo wewe ngariba?
 
farusofia

farusofia

JF-Expert Member
Joined
Sep 18, 2017
Messages
544
Likes
494
Points
80
farusofia

farusofia

JF-Expert Member
Joined Sep 18, 2017
544 494 80
Leo wameamka, itabidi wamlipe fidia zito kwa kumfungulia kumsumbua wakati mazingira halisi hata asiyejua kusoma anayaona
 
Mgibeon

Mgibeon

JF-Expert Member
Joined
Aug 7, 2011
Messages
8,090
Likes
10,590
Points
280
Mgibeon

Mgibeon

JF-Expert Member
Joined Aug 7, 2011
8,090 10,590 280
Hao wabunge wametumwa, hawana cha maana zaidi ya unafiki, eti wanajidai kusema eti rais kakosa wasaidizi, unajua huo unafiki wa hao wabunge serikali inaujua na ndiyo maana haiwezi kuteteleka, itatekeleza sera zenye tija kwa maendeleo ya watanzania na siyo kupenyeza ajenda za kufaidisha mafisadi na wezi.

Sekta binafisi kwa sehemu kubwa ilitawaliwa na uchumi hewa, kilikuwa kichaka cha kuibia serikali
Deni la Taifa limefikia wapi?
DSE hali ikoje?
Kwenye mabenki hali ikoje?
Mmejenga viwanda vingapi? Nipe physical address ya vitano tu plz.
 

Forum statistics

Threads 1,212,860
Members 461,778
Posts 28,457,461