BAK
JF-Expert Member
- Feb 11, 2007
- 124,790
- 288,115
Tumekusikia Steve Mkapa!
Mpayukaji wa Msemahovyo
Tanzania Daima~Sauti ya Watu
KATIKA jitihada zake mfu za kuwasafisha na kuwatetea wazazi wake, kijana Steven Merinyo Mkapa alijikuta akiuwasha moto asioweza kuuzima.
Wapo wanaoshangaa busara ya Benjamin Mkapa na mkewe Anna, kushindwa kujitetea hadi wakamruhusu mtoto wao awajibie kihuni na kwa lugha za mitaani! Hebu soma nukuu ya kijana huyu tuliyetegemea awe msomi na mwelewa wa mambo. "Najua na wewe ni miongoni mwao kati ya wale wanaotumiwa kumchafua baba, lakini hamtaweza kitu, hizi ni namba zingine," alisema Steve .
Kuchora na hizi ni namba zingine, maana yake nini zaidi ya kuwa lugha ya mitaani? Au ni yale yale ya mtoto wa nyoka ni nyoka? Maana baba yake alisifika kwa kutumia salamu ya kihuni ya ‘Mambo'? .
Maskini kama ni kuchorwa, basi Steve ndiye alimchora baba yake huku naye akijichoresha. Unafikiri unafanya kazi Kiwira si kujichoresha kweli?
Mkapa mdogo alikuja na hadithi za jogoo na dume asijue watu wanajua kuliko anavyodhani. Angekuwa amewahi kuonja adha za Watanzania wanayoipata kutokana na madudu yaliyofanywa na baba na mama yake, hakika asingeropoka na kutisha kama alivyofanya
Kwanza inapaswa bwana mdogo huyu aambiwe kuwa wakati wa watoto wa wakubwa nao kuwa watawala wadogo kiasi cha kutisha umekwisha. Aigize watoto wa marehemu Mwalimu Julius Nyerere, ambao walijitenga na jina la baba yao na kujitafutia maisha.
Kinachozidi kumuonyesha mtoto huyu kama mwenye ufisadi wa kimawazo kutokana na kulelewa na fedha za ufisadi, kwanza ni kudhani kila mtu anahongwa na pia kudandia jina la baba yake. Yeye kama Mtanzania, tena aliyelelewa kwa pesa ya bure ameishaifanyia nini Tanzania? Hana anachojua wala alichofanya zaidi ya kuendelea kufugwa na wazazi wake.
Hata alipoulizwa wapi anapata riziki yake ya kila siku, bila aibu alijibu Kiwira, asijue Kiwira ni chumo la wizi wa baba yake! Hebu soma nukuu hii. "Najua unataka niseme nini…nenda kaseme, nafanya kazi Kiwira…kwa sababu nadhani nyie bila Kiwira na Mkapa hamna cha kuandika," alisema Merinyo huku akinyanyua glasi yake tayari kwa kunywa.
Haya si majibu ya msomi na mtoto wa aliyekuwa kiongozi wa nchi. Maneno ya kijana huyu anayeonyesha kutokuwa na nidhamu yanamuonyesha kama mbumbumbu asiyeandaliwa kitaaluma.
Juzi tulisikia utetezi wa mtoto wa Rais Jakaya Kikwete. Alijibu maswali kiutu uzima na kisomi. Alijitetea kuwa analima kijishamba chake licha ya kufanya kazi za kisheria. Lakini angalia huyu wa Mkapa. Yeye anaonea fahari kufanya kazi kwenye mgodi wa baba yake unaosemekana umepatikana kwa wizi na ufisadi.
Watu walitegemea Steve aongelee anachojua kuhusiana na baba yake na mama yake hata kaka yake, kujineemesha kwa mgogoro wa ikulu. Walitarajia angekanusha kuwapo kwa ANBEN, Fosnik, Tanpower na madudu mengine.
Mkapa mdogo alilenga kuwaonyesha waandishi wa habari kama wenye unywanywa na ngoa. Lakini hata hivyo alishindwa.
Anaona wanaoandika mabaya ya wazazi wake wametumwa na wanahongwa. Hivi nani alimhonga Mbunge Aloyce Kimaro? Wanaosema wazazi wake waliibia taifa ni Watanzania, si waandishi wa habari, na isitoshe kwa umri wake hajui kuwa waandishi wa habari ni sauti ya umma! Kama kuna kitu alichothibitisha Steve, si kingine bali kuwa na malezi mabaya. Tunaojua maisha ya familia yake walipokuwa Sea View kabla ya baba yake kuwa rais, hatuyashangai maneno ya Steve. Watoto wa kina Nyang'anyi, marehemu Chiduo na wengine waliokuwa wakiishi karibu na kwa Mkapa miaka ya 80 hadi 90 wanajua tatizo la Steve ni nini .
Inatisha kama hawa ndio watoto wa watawala wetu. Yaani Steve hajui ni kwa nini Watanzania wanamtaka baba na mama yake wajieleze! Anakimbilia vitisho asijue watu hawamuogopi mtu. Hajui kuwa Watanzania wamebadilika na kuanza kuchukua hatua za kujikomboa kifikra! Huyu ni wa kuhurumiwa sana.
Maskini Steve angekuwa anajihangaisha kusoma alama za nyakati na historia ya matukio na tawala za dunia asingesema aliyosema. Asingepayuka wala kuropoka. Angeogopa kile kilichowapata watoto wa majambazi kama Causescu, Surhato, Augusto Pinochet, Sani Abacha na wengine wengi ambao baba zao walikuwa vibaka walioko madarakani.
Wataalamu wa tabia husema kuwa tabia ya mtoto mara nyingine huonyesha aina ya wazazi alio nao. Na hii kwa Steve siyo chuku. Mkapa alisifika kwa ubabe na urushi. Sasa tazama anawarithisha wanawe udhaifu huu. Hivi Steve hajui kuwa watanzania wakiamua wazazi wake wanaweza kusema hata kama hawataki? Asiwachokoze watu waliokwishapigika kutokana na siasa na sera mbovu za baba yake. Hajui Watanzania wanajua kuwa baba yake alipata mali nyingi alipokuwa madarakani. Hata hiyo Kiwira inayompa riziki Steve kuna siku itarejea mikononi mwa umma. Asijidanganye kuwa kinga ya baba yake ni kinga yake, hata kaka yake na mama yake .
Atake asitake kuna siku haki itatendeka na wahusika watalipia. Hili ni suala la wakati. Laiti angesoma ufunuo wangu juu ya maiti inayolindwa huku ikinuka pamoja na ukoo wake! Hakuna kitu kinaweza kuisaidia familia ya Mkapa kama kukubali ukweli kuwa walitenda ndivyo sivyo. Hili halina ubishi. Laiti Mkapa angeeleza alivyopata mali anazomilki kama mgodi wa Kiwira, ANBEN, Tanpower, mahekalu ya Mkuzi Lushoto na lile la Sea View bila kusahau M Bank .
Juzi juzi Mkapa alikaririwa akisema wanaosema aliiba ni waongo. Bahati nzuri Watanzania walishtukia uongo wake wakaja juu na hajajibu zaidi ya kujibaraguza.
Na hii si mara ya kwanza kwa Mkapa kutumia njia mbovu na watu wabovu kujitetea. Walianza wachumia tumbo kina Tambwe Hiza. Tulipowaandama wakaachia ngazi na kujifungia kwenye chama wanakoganga njaa zao.
Sasa anamtuma mwanawe asiye na adabu wala ujuzi. Bado mambo mazito. Mkapa ajitokeze ajibu maswali ya umma juu ya jinsi alivyoongoza nchi na alivyopata ukwasi. Tunamtaka atueleze mafanikio ya uwekezaji aliyotuahidi.
Maskini Steve haoni hatari inayowakabili wazazi wake. Amekuwa kama mke wa mfalme wakati umma ulipokuwa ukiandamana kwa kukosa mkate, akasema kama hawana mikate si wale keki. Maneno haya yalijirudia nchini Romania ambapo imla wa nchi ile Nicolae Causescue alipinduliwa na kuuawa yeye na mkewe.
Maskini Steve angejua Watanzania wanavyohangaishwa na ufisadi uliosimikwa na baba yake asingefunua kinywa chake na kukufuru. Angekuwa amesoma shule za mwembeni akitembea kwa miguu au kuumizwa na wahuni wa daladala, hakika asingetapika aliyotapika.
Maneno ya Steve hata hivyo yana faida moja kwa Watanzania. Nayo ni kuwaonyesha shibe ilivyowalevya watawala wao na watoto wao kiasi cha kukufuru na kuwatishia Watanzania hao hao.
Mbona Mwalimu Nyerere alivyoshutumiwa kuwa alikuwa kajiwekea pesa nyingi nje alijibu tena kwa unyenyekevu. Hatukumsikia Makongoro wala Emily wakimtetea baba yao. Wala hatujawahi kusikia watoto hawa wa Mwalimu wakidaiwa kujihusisha na aina yoyote ya ufisadi. Hata mkewe Mama Maria hajawahi kushutumiwa na kiumbe yeyote kuyatumia madaraka ya mumewe kujitajirisha yeye na ndugu zake.
Kinachokera sana ni ile hali ya kuwa ni mwalimu huyu huyu aliyemlea Mkapa na kumbeba hadi akawa rais aliyeweka historia ya kuporomosha misingi na mema yake.
Hii inanikumbusha kisa cha fisi mmoja aitwaye Blaise Compaore kule Burkina Faso aliyelelewa nyumbani kwa shujaa Thomas Isdore Sankara, akaishia kumpindua na kumuua! Huku ni kukosa utu na shukrani. Ni aina fulani ya uhayawani unaotendwa na binadamu wenye silka za kihayawani.
Mkapa mdogo asitake kututia madole machoni. Tutajitetea. Na aambiwe na aelewe, ikiwezekana akome kudhani tunaoandika tunalipwa. Mbona hawataji wanaotuhonga kumchafulia baba yake jina, utadhani analo jina safi! Hakuna aliyechafua jina la Mkapa kama Mkapa, mkewe, marafiki na washirika wake.
Nyamaza au tafuta chuo ukaondoe huo ujinga. Busara ya leo ni maneno ya Kiingereza yasemayo: ‘Pride goes before fall and fools rush where angels fear to tread'.
nkwazigatsha@yahoo.com
Mpayukaji wa Msemahovyo
Tanzania Daima~Sauti ya Watu
KATIKA jitihada zake mfu za kuwasafisha na kuwatetea wazazi wake, kijana Steven Merinyo Mkapa alijikuta akiuwasha moto asioweza kuuzima.
Wapo wanaoshangaa busara ya Benjamin Mkapa na mkewe Anna, kushindwa kujitetea hadi wakamruhusu mtoto wao awajibie kihuni na kwa lugha za mitaani! Hebu soma nukuu ya kijana huyu tuliyetegemea awe msomi na mwelewa wa mambo. "Najua na wewe ni miongoni mwao kati ya wale wanaotumiwa kumchafua baba, lakini hamtaweza kitu, hizi ni namba zingine," alisema Steve .
Kuchora na hizi ni namba zingine, maana yake nini zaidi ya kuwa lugha ya mitaani? Au ni yale yale ya mtoto wa nyoka ni nyoka? Maana baba yake alisifika kwa kutumia salamu ya kihuni ya ‘Mambo'? .
Maskini kama ni kuchorwa, basi Steve ndiye alimchora baba yake huku naye akijichoresha. Unafikiri unafanya kazi Kiwira si kujichoresha kweli?
Mkapa mdogo alikuja na hadithi za jogoo na dume asijue watu wanajua kuliko anavyodhani. Angekuwa amewahi kuonja adha za Watanzania wanayoipata kutokana na madudu yaliyofanywa na baba na mama yake, hakika asingeropoka na kutisha kama alivyofanya
Kwanza inapaswa bwana mdogo huyu aambiwe kuwa wakati wa watoto wa wakubwa nao kuwa watawala wadogo kiasi cha kutisha umekwisha. Aigize watoto wa marehemu Mwalimu Julius Nyerere, ambao walijitenga na jina la baba yao na kujitafutia maisha.
Kinachozidi kumuonyesha mtoto huyu kama mwenye ufisadi wa kimawazo kutokana na kulelewa na fedha za ufisadi, kwanza ni kudhani kila mtu anahongwa na pia kudandia jina la baba yake. Yeye kama Mtanzania, tena aliyelelewa kwa pesa ya bure ameishaifanyia nini Tanzania? Hana anachojua wala alichofanya zaidi ya kuendelea kufugwa na wazazi wake.
Hata alipoulizwa wapi anapata riziki yake ya kila siku, bila aibu alijibu Kiwira, asijue Kiwira ni chumo la wizi wa baba yake! Hebu soma nukuu hii. "Najua unataka niseme nini…nenda kaseme, nafanya kazi Kiwira…kwa sababu nadhani nyie bila Kiwira na Mkapa hamna cha kuandika," alisema Merinyo huku akinyanyua glasi yake tayari kwa kunywa.
Haya si majibu ya msomi na mtoto wa aliyekuwa kiongozi wa nchi. Maneno ya kijana huyu anayeonyesha kutokuwa na nidhamu yanamuonyesha kama mbumbumbu asiyeandaliwa kitaaluma.
Juzi tulisikia utetezi wa mtoto wa Rais Jakaya Kikwete. Alijibu maswali kiutu uzima na kisomi. Alijitetea kuwa analima kijishamba chake licha ya kufanya kazi za kisheria. Lakini angalia huyu wa Mkapa. Yeye anaonea fahari kufanya kazi kwenye mgodi wa baba yake unaosemekana umepatikana kwa wizi na ufisadi.
Watu walitegemea Steve aongelee anachojua kuhusiana na baba yake na mama yake hata kaka yake, kujineemesha kwa mgogoro wa ikulu. Walitarajia angekanusha kuwapo kwa ANBEN, Fosnik, Tanpower na madudu mengine.
Mkapa mdogo alilenga kuwaonyesha waandishi wa habari kama wenye unywanywa na ngoa. Lakini hata hivyo alishindwa.
Anaona wanaoandika mabaya ya wazazi wake wametumwa na wanahongwa. Hivi nani alimhonga Mbunge Aloyce Kimaro? Wanaosema wazazi wake waliibia taifa ni Watanzania, si waandishi wa habari, na isitoshe kwa umri wake hajui kuwa waandishi wa habari ni sauti ya umma! Kama kuna kitu alichothibitisha Steve, si kingine bali kuwa na malezi mabaya. Tunaojua maisha ya familia yake walipokuwa Sea View kabla ya baba yake kuwa rais, hatuyashangai maneno ya Steve. Watoto wa kina Nyang'anyi, marehemu Chiduo na wengine waliokuwa wakiishi karibu na kwa Mkapa miaka ya 80 hadi 90 wanajua tatizo la Steve ni nini .
Inatisha kama hawa ndio watoto wa watawala wetu. Yaani Steve hajui ni kwa nini Watanzania wanamtaka baba na mama yake wajieleze! Anakimbilia vitisho asijue watu hawamuogopi mtu. Hajui kuwa Watanzania wamebadilika na kuanza kuchukua hatua za kujikomboa kifikra! Huyu ni wa kuhurumiwa sana.
Maskini Steve angekuwa anajihangaisha kusoma alama za nyakati na historia ya matukio na tawala za dunia asingesema aliyosema. Asingepayuka wala kuropoka. Angeogopa kile kilichowapata watoto wa majambazi kama Causescu, Surhato, Augusto Pinochet, Sani Abacha na wengine wengi ambao baba zao walikuwa vibaka walioko madarakani.
Wataalamu wa tabia husema kuwa tabia ya mtoto mara nyingine huonyesha aina ya wazazi alio nao. Na hii kwa Steve siyo chuku. Mkapa alisifika kwa ubabe na urushi. Sasa tazama anawarithisha wanawe udhaifu huu. Hivi Steve hajui kuwa watanzania wakiamua wazazi wake wanaweza kusema hata kama hawataki? Asiwachokoze watu waliokwishapigika kutokana na siasa na sera mbovu za baba yake. Hajui Watanzania wanajua kuwa baba yake alipata mali nyingi alipokuwa madarakani. Hata hiyo Kiwira inayompa riziki Steve kuna siku itarejea mikononi mwa umma. Asijidanganye kuwa kinga ya baba yake ni kinga yake, hata kaka yake na mama yake .
Atake asitake kuna siku haki itatendeka na wahusika watalipia. Hili ni suala la wakati. Laiti angesoma ufunuo wangu juu ya maiti inayolindwa huku ikinuka pamoja na ukoo wake! Hakuna kitu kinaweza kuisaidia familia ya Mkapa kama kukubali ukweli kuwa walitenda ndivyo sivyo. Hili halina ubishi. Laiti Mkapa angeeleza alivyopata mali anazomilki kama mgodi wa Kiwira, ANBEN, Tanpower, mahekalu ya Mkuzi Lushoto na lile la Sea View bila kusahau M Bank .
Juzi juzi Mkapa alikaririwa akisema wanaosema aliiba ni waongo. Bahati nzuri Watanzania walishtukia uongo wake wakaja juu na hajajibu zaidi ya kujibaraguza.
Na hii si mara ya kwanza kwa Mkapa kutumia njia mbovu na watu wabovu kujitetea. Walianza wachumia tumbo kina Tambwe Hiza. Tulipowaandama wakaachia ngazi na kujifungia kwenye chama wanakoganga njaa zao.
Sasa anamtuma mwanawe asiye na adabu wala ujuzi. Bado mambo mazito. Mkapa ajitokeze ajibu maswali ya umma juu ya jinsi alivyoongoza nchi na alivyopata ukwasi. Tunamtaka atueleze mafanikio ya uwekezaji aliyotuahidi.
Maskini Steve haoni hatari inayowakabili wazazi wake. Amekuwa kama mke wa mfalme wakati umma ulipokuwa ukiandamana kwa kukosa mkate, akasema kama hawana mikate si wale keki. Maneno haya yalijirudia nchini Romania ambapo imla wa nchi ile Nicolae Causescue alipinduliwa na kuuawa yeye na mkewe.
Maskini Steve angejua Watanzania wanavyohangaishwa na ufisadi uliosimikwa na baba yake asingefunua kinywa chake na kukufuru. Angekuwa amesoma shule za mwembeni akitembea kwa miguu au kuumizwa na wahuni wa daladala, hakika asingetapika aliyotapika.
Maneno ya Steve hata hivyo yana faida moja kwa Watanzania. Nayo ni kuwaonyesha shibe ilivyowalevya watawala wao na watoto wao kiasi cha kukufuru na kuwatishia Watanzania hao hao.
Mbona Mwalimu Nyerere alivyoshutumiwa kuwa alikuwa kajiwekea pesa nyingi nje alijibu tena kwa unyenyekevu. Hatukumsikia Makongoro wala Emily wakimtetea baba yao. Wala hatujawahi kusikia watoto hawa wa Mwalimu wakidaiwa kujihusisha na aina yoyote ya ufisadi. Hata mkewe Mama Maria hajawahi kushutumiwa na kiumbe yeyote kuyatumia madaraka ya mumewe kujitajirisha yeye na ndugu zake.
Kinachokera sana ni ile hali ya kuwa ni mwalimu huyu huyu aliyemlea Mkapa na kumbeba hadi akawa rais aliyeweka historia ya kuporomosha misingi na mema yake.
Hii inanikumbusha kisa cha fisi mmoja aitwaye Blaise Compaore kule Burkina Faso aliyelelewa nyumbani kwa shujaa Thomas Isdore Sankara, akaishia kumpindua na kumuua! Huku ni kukosa utu na shukrani. Ni aina fulani ya uhayawani unaotendwa na binadamu wenye silka za kihayawani.
Mkapa mdogo asitake kututia madole machoni. Tutajitetea. Na aambiwe na aelewe, ikiwezekana akome kudhani tunaoandika tunalipwa. Mbona hawataji wanaotuhonga kumchafulia baba yake jina, utadhani analo jina safi! Hakuna aliyechafua jina la Mkapa kama Mkapa, mkewe, marafiki na washirika wake.
Nyamaza au tafuta chuo ukaondoe huo ujinga. Busara ya leo ni maneno ya Kiingereza yasemayo: ‘Pride goes before fall and fools rush where angels fear to tread'.
nkwazigatsha@yahoo.com
